मुख्य घटनाहरु

करणीको आरोपमा बृद्ध पक्राउ
उदयपुर, पौष ०४ गते ।

जबरजस्ती करणीको आरोपमा प्रहरीले मंगलवार उदयपुरबाट १ बृद्धलाई पक्राउ गरेको छ । २० बर्षीय युवतीलाई करणी गरेको आरोपमा त्रियुगा नगरपालिका-७ गुण्टे बस्ने बर्ष ७० को भतुरमान भन्ने भट्टु दनुवारलाई पक्राउ गरिएको हो । दनुवारले शारीरिक रुपमा असक्त रहेकी युवतीलाई घर नजिकै रहेको खोल्सामा लगेर करणी गरेको भनि पिडितको आमाले दिएको जाहेरीको आधारमा पक्राउ गरेको हो । पक्राउ परेका दनुवारलाई प्रहरीको नियन्त्रणमा राखि थप अनुसन्धान भइरहेको जिल्ला प्रहरी कार्यालय उदयपुरले जनाएको छ ।
पुल खेल्ने क्रममा विवाद हुँदा चक्कु प्रहार
मोरङ, पौष ०४ गते ।

मोरङको बेलवारी नगगरपालिका-१० मा चक्कु प्रहारबाट १ जना घाइते भएका छन् । छुरा प्रहारबाट सोही स्थान बस्ने बर्ष २४ को सुदिप तामाङ घाइते भएका छन् । तामाङलाई पुल खेल्ने क्रममा सामान्य विवाद हुँदा सोही स्थान बस्ने बर्ष ६० की मनमाया भण्डारी र निजकै छोरा बर्ष २१ को रोहित भण्डारीले चक्कु प्रहार गरेका थिए । चक्कु प्रहारबाट तामाङको अनुहार तथा टाउकोमा चोट लागेर उपचारको लागि सुबिधा अस्पताल बेलबारी पठाईएको छ भने चक्कु प्रहार गर्ने दुवै जनालाई इलाका प्रहरी कार्यालय बेलवारीमा राखि थप अनुसन्धान भईरहेको उक्त कार्यालयले  जनाएको छ ।
२ नाल भरुवा बन्दुक बरामद
मोरङ, पौष ०४ गते ।

मोरङको केरावारीबाट प्रहरीले मंगलवार २ नाल भरुवा बन्दुक बरामद गरेको छ । इलाका प्रहरी कार्यालय केरावारीबाट खटिएको प्रहरी टोलीले  केरावारी गाउँपालिका-८ आमजुगी जंगलमा भरुवा बन्दुक बोकेर हिडिरहेका २ जना अपरिचित व्यक्तिहरु प्रहरीलाई देखी भरुवा बन्दुक छाडेर भागेका थिए । बरामद गरिएको २ नाल बन्दुक इलाका प्रहरी कार्यालय केरावारीमा राखिएको छ भने फरार ब्यक्तिहरुको खोजी भईरहेको उक्त कार्यायलयले जनाएको छ ।
सर्पले डसेर १ घाइते
तेह्रथुम, पौष ०४ गते ।

तेह्रथुमको मयाङलुङ नगरपालिका-५ अम्फुवामा सर्पले डसेर १ किशोर घाइते भएका छन् । साँझ ६ बजेको समयमा  सोही स्थान बस्ने बर्ष १६ को युबराज थेगुवालाई घरबाट बाहिर निस्कने क्रममा खुट्टामा सर्पले डसेको थियो । सर्षले डसेर घाइते भएका उनलाई उपचारको लागि ईटहरी पठाईएको जिल्ला प्रहरी कार्यालय तेह्रथुमले जनाएको छ ।
बृहत स्वास्थ्य शिविर संचालन
मोरङ, पौष ०३ गते ।

समुदाय-प्रहरी साझेदारी कार्यक्रम अन्तरगत आज जिल्ला प्रहरी कार्यालय मोरङले बृहत नि:शुल्क स्वास्थ्य शिविर संचालन गरेको छ । नोवेल मेडिकल कलेज बिराटनगरमा कार्यरत स्त्री रोग बिशेषज्ञ डाक्टर प्रज्मी श्रेष्ठले जिल्ला प्रहरी कार्यालय मोरङमा कार्यरत प्रहरी कार्यालय सहयोगी मनिता पौडेलको स्वास्थ्य परीक्षण गरी उद्घाटन भएको उक्त “बृहत स्वास्थ्य शिविर” जिल्ला प्रहरी कार्यालय मोरङ, रामलालजी गोल्छा धापीदेवी च्यारिटी ट्रष्ट तथा नोवेल मेडिलक कलेज शिक्षण अस्पताल विराटनगरको संयुक्त आयोजनामा संचालन गरिएको हो ।
शिविरमा स्त्री रोग, जेनरल मेडिसिन, हाडजोर्नी तथा नशा, बालरोग, आँखा, नाक, कान, घाँटी, दन्त रोग, मानसिक रोग लगायतका रोगहरूको चेकजाँचको लागि बिशेषज्ञ चिकित्सकहरूको उपस्थिति रहेको थियो । उक्त शिविरमा भिडियो एक्स रे, ल्याव टेष्टहरूको समेत प्रबन्ध मिलाईएको थियो भने स्वास्थ्य परीक्षण पश्चात आवश्यक औषधीहरू समेत नि:शुल्क रूपमा बितरण गरिएको थियो ।
शिविर संचालनमा नोवेल मेडिलक कलेज बिराटनगरले २६ जना दक्ष डाक्टरहरु उपलब्ध गराएको थियो । आज मंगलवार बिहान १० बजे देखी बेलुका ५ बजे सम्म जिल्ला प्रहरी कार्यालय मोरङको हाता भित्र संचालन भएको उक्त नि:शुल्क स्वास्थ्य शिविरबाट मोरङ जिल्लामा कार्यरत प्रहरी कर्मचारी तथा प्रहरीका आश्रित परिवारहरु गरी ४१७ जना लाभान्वित भएका छन् ।
ठगी  मुद्धाका फरार प्रतिवादी पक्राउ
मोरङ, पौष ०३ गते ।

सम्मानित जिल्ला अदालत मोरङबाट कैद तथा जरिवाना सजाय फैसला भई हाल सम्म फरार भएका १ जना फरार प्रतिवादीलाई मंगलवार पक्राउ गरिएको छ । १ नम्बर प्रदेश प्रहरी कार्यालय विराटनगरको क्षेत्रीय अनुसन्धान समूह (RIT) बाट खटिएको प्रहरी टोलीले ठगी मुद्धामा फरार रहेका जहदा गाउँपालिका-३  बस्ने बर्ष ३६ को राम टहल राजवंशीलाई खोजतलासको क्रममा आँफ्नै घरमा लुकीछिपी बसहिरहेको अवस्थामा पक्राउ गरेको हो । राजवंशीलाई सम्मानित जिल्ला अदालत मोरङबाट २०७३ साल असार १२ गतेको फैसलाले ठगी मुद्धामा २ महिना कैद र ४ लाख ५ हजार रुपैयाँ जरिवाना सजाय तोकेको थियो । पक्राउ परेका राजवंशीलाई आजै सम्मानित जिल्ला अदालत मोरङमा पेश गरिएकोमा तोकिएको कैद सजाय भुक्तानको लागि जिल्ला कारागार कार्यालय मोरङमा पठाएको छ ।
२ लाख मूल्य बराबरको अवैध सामान बरामद
मोरङ, पौष ०३ गते ।

मोरङको विराटनगर महानगरपालिका-१५ बाट प्रहरीले मंगलवार अन्दाजी २ लाख २४ हजार १ सय ४६ रुपैयाँ बराबरको अवैध सामान बरामद गरेको छ ।  इलाका प्रहरी कार्यालय रानीबाट खटिएको प्रहरी टोलीले भारतबाट अवैध रुपमा भन्सार छली गरी नेपालतर्फ ल्याउँदै गरेको किराना सामान, १५ थान कोट, १० थान कुर्था सुरुवाल लगायत खाद्यान्न सामान बरामद गरेको थियो । बरामद सामान आवश्यक कारवाहीको आजै बिराटनगर भन्सार कार्यालय रानीमा बुझाएको इलाका प्रहरी कार्यालय रानीले जनाएको छ ।
पिकअप दुर्घटनामा चालक घाइते
मोरङ, पौष ०३ गते ।

मोरङको सुन्दर-हरैँचा नगरपालिका-७ ठडिया चोकमा मंगलवार दिउँसो पिकअप दुर्घटनामा चालक घाइते भएका छन् । दिउँसो करिब पौने १ बजेको समयमा पूर्वबाट पश्चिम तर्फ जाँदै गरेको को २ च ९२० नम्बरको पिकअप भेन आँफै अनियन्त्रितभई सडकमा पल्टिएको थियो । दुर्घटनामा सोही पिकअपका चालक सोही नगरपालिका-१० बस्ने बर्ष २६ को रविन कार्की घाईते भई  उपचारको लागि ईटहरी स्थित एपेक्स अस्पताल पठाईएको इलाका प्रहरी कार्यालय ईटहरीले जनाएको छ भने पिकअपलाई प्रहरीको नियन्त्रणमा राखिएको छ ।
करणी गरेको आरोपमा युवक पक्राउ
तेह्रथुम, पौष ०३ गते ।

तेह्रथुमको आठराई गाउँपालिका-४ बाट प्रहरीले जवरजस्ती करणी गरेको आरोपमा १ युवकलाई पक्राउ गरेको छ । करणीको आरोपमा सोही स्थान बस्ने बर्ष २६ को डोलेश्वर लिम्बु पक्राउ परेका हुन् । लिम्बुले बालिकालाई ललाई फकाई गत मंसिर २६ गते जवरजस्ती करणी गरेको भनि पिडीत बालिकाको आमाले दिएको उजुरी आधारमा पक्राउ गरिएको इलाका प्रहरी कार्यालय आठराईले जनाएको छ । पक्राउ परेका लिम्बुलाई जिल्ला प्रहरी कार्यालय तेह्रथुममा राखि थप अनुसन्धान भईरहेको उक्त कार्यालयले जनाएको छ ।
लागूऔषध र मोटरसाईकल बरामद
उदयपुर, पौष ०३ गते ।

उदयपुरको कटारी नगरपालिका-१ बाट प्रहरीले सोमवार लागूऔषध र मोटरसाईकल बरामद गरेको छ । प्रहरी चौकी बेलसोत र ट्राफिक प्रहरी सहितको सवारी चेकजाँचको क्रममा मिर्चैयाबाट कटारी आउँदै गरेको  को ३४ प ६८४५ नम्बरको मोटरसाईकलमा सवार रहेका १ व्यक्ति प्रहरीलाई देख्नासाथ मोटरसाईकल र झोला छाडेर भागेका थिए । उक्त झोला चेकजाँच गर्ने क्रममा लागूऔषध नाईट्राभेट-१९५ पिस, डाईलेक्स डि.सी. -३९ बोतल, Cetigizine-२० पिस र Zefcort-१२ पिस बरामद गरेको हो । त्यसैगरी धनुषा नगराईन-१ बस्ने बर्ष ४० को निलेन्द्र कुमार कर्ण नाम गरेको नागरिकता समेत फेला परेको छ । बरामद मोटरसाईकल र लागूऔषध इलाका प्रहरी कार्यालय कटारीमा राखि थप अनुसन्धान तथा फरार व्यक्तिको खोजतलास भईरहेको उक्त कार्यालयले जनाएको छ ।
अर्नाको आक्रमणबाट १ घाइते
सुनसरी, पौष ०३ गते ।

सुनसरीको कोशी गाउँपालिका-२ मा अर्नाको आक्रमणबाट  सोमवार १ जना घाइते भएका छन् । राती १० बजेको समयमा सोही स्थान बस्ने वर्ष २३ को धर्मेन्द्र उराव लाई आफ्नै घर बाहिर बसी रहेको अवस्थामा जंगलबाट निस्किएको अर्नाले आक्रमण गरेको थियो । अर्नाको आक्रमणबाट घाइते उरावलाई उपचारको लागि जिल्ला अस्पताल ईनरुवा हुँदै थप उपचारको लागि विराटनगर स्थित गोल्डेन अस्पताल पठाईएको जिल्ला प्रहरी कार्यालय सुनसरीले जनाएको छ ।
दुर्घटनामा स्कुटर चालकको मृत्यु
झापा, पौष ०३ गते ।

झापाको बिर्तामोड नगरपालिका-६ बुट्टाबारीमा सोमवार स्कुटर दुर्घटना हुँदा चालकको मृत्यु भएको छ । राती साढे ११ बजे पूर्व-पश्चिम राजमार्गमा पश्चिम तर्फ आउँदै गरेको मे ९ प २५८१ नम्बरको स्कुटर आँफै अनियन्त्रित भई बिजुलीको पोलमा ठोक्किएको थियो । दुर्घटनामा गम्भीर घाइते झापा अर्जुनधारा नगरपालिका-११ बस्ने वर्ष २५ को रुपेश लिम्बुलाई उपचारको लागि वि.एण्ड.सी. अस्पताल बिर्तामोड पठाईएकोमा उपचारको क्रममा गए राती १२:५० बजे मृत्यु भएको इलाका प्रहरी कार्यालय अनारमनीले जनाएको छ ।
लागूऔषध सहित १ युवक पक्राउ
मोरङ, मंसिर ०२ गते ।

लागूऔषध सहित प्रहरीले सोमवार १ युवकलाई पक्राउ गरेको छ । मोरङको विराटनगर महानगरपालिका-१६ हुलास मेटल चोकबाट प्रहरीले लागूऔषध सहित भक्तपुर अनन्त-लिंगेश्वर नगरपालिका-४ बस्ने बर्ष २४ को राजेश न्यौपानेलाई पक्राउ गरेको हो । इलाका प्रहरी कार्यालय रानीबाट खटिएको प्रहरी टोलीले पैदल हिडिरहेका न्यौपानेलाई शंका लागि चेकजाँच गर्ने क्रममा शरिरको बिभिन्न भागमा लुकाई राखेको अवस्थामा लागूऔषध नाईट्रोसन ट्याब्लेट-१०० चक्की र  नाईट्राभेट-६०० चक्की फेला पारी बरामद गरेको र इलाका प्रहरी कार्यालय रानीमा राखि थप अनुसन्धान भईरहेको उक्त कार्यालयले जनाएको छ ।
अवैध सामान सहित २ भारतीय पक्राउ
मोरङ, पौष ०२ गते ।

"सिमावर्ती क्षेत्रमा तस्करी नियन्त्रण” अभियान अन्तर्गत प्रहरीले सोमवार अन्दाजी १ लाख ३८ हजार मूल्य बराबरको अवैध लत्ताकपडा र फर्निचरको सामान बरामद गरेको छ । इलाका प्रहरी कार्यालय रानीबाट खटिएको प्रहरी टोलीले विराटनगर महानगरपालिका-१५ र १६ बाट दिउँसो १ बजे २ थान टेवल, ४ थान कुर्सी र २ थान आल्ना बरामद गरेको छ । त्यसैगरी वेवारिशे अवस्थामा राखिएको को १६ प ४०३ नम्बरको मोटरसाईकल र अवैध लत्ताकपडा सहित भारत नदिया धानतला-२ बस्ने जिवन बिश्वास र अमर बिश्वाशलाई पक्राउ गरेको छ । बरामद सामान सामान सहित पक्राउ परेका दुवै जनालाई आवश्यक कारवाहीको लागि आजै बिराटनगर भन्सार कार्यालय रानीमा बुझाईएको इलाका प्रहरी कार्यालय रानीले जनाएको छ ।
लागूऔषध सहित युवक पक्राउ
झापा, पौष ०२ गते ।

झापाको दमक नगरपालिका-७ बसपार्कबाट प्रहरीले लागैषध सहित आइतवार १ युवकलाई पक्राउ गरेको छ । अपरान्ह साढे ४ बजेको समयमा लागूऔषध लुपिजेसिक, फेनरागन, डाईजेपाम- १०/१० एम्पुल  सहित गौरादह नगरपालिका-१ डिपु चौक बस्ने बर्ष २१ को प्रशान्त श्रेष्ठलाई पक्राउ गरेको हो । श्रेष्ठलाई इलाका प्रहरी कार्यालय दमकबाट खटिएको प्रहरी टोलीले शंका लागि चेकजाँच गर्ने क्रममा लागूऔषध फेला पारि बरामद गरेको हो । बरामद लागूऔषध सहित श्रेष्ठलाई दमकमा  राखि थप अनुसन्धान भईरहेको उक्त कार्यालयले जनाएको छ ।
भारत तर्फ निर्यात गर्दै गरेको डिजल सहित १ पक्राउ
मोरङ, पौष ०२ गते ।

“सिमावर्ती क्षेत्रमा तस्करी नियन्त्रण” गर्ने अभियान अन्तर्गत प्रहरीले आइतवार अन्दाजी १ लाख ३ हजार मूल्य बराबरको डिजल सहित १ युवकलाई पक्राउ गेको छ । इलाका प्रहरी कार्यालय रानीबाट खटिएको प्रहरी टोलीले को ३० प ७३८५ नम्बरको मोटरसाईकमा राखेर नेपालबाट भारत तर्फ निर्यात गर्दै गरेको अवस्थामा मोरङ जहदा गाउँपालिका-३ बस्ने बर्ष २० को संजय टुडुलाई पक्राउ गरेको हो  । बिहान साढे ९ बजे विराटनगर महानगरपालिका- १५ बाट पक्राउ परेका टुडुलाई बरामद डिजल सहित आइतवार बिराटनगर भन्सार कार्यालय रानीमा बुझाईएको इलाका प्रहरी कार्यालय रानीले जनाएको छ ।
बेग्ला-बेग्लै स्थानमा आगलागी, १६ लाख बराबरको क्षति
सुनसरी, मोरङ, पौष ०१ गते ।

सुनसरी र मोरङ जिल्लामा भएको बेग्ला-बेग्लै आगलागीबाट अन्दाजी १६ लाख मूल्य बराबरको क्षति भएको छ । सुनसरीः-सुनसरीको धरान उप-महानगरपालिका-१२ सब्जीमण्डी बस्ने अमन श्रेष्ठको घरमा आगलागी हुँदा अन्दाजी ११ लाख मूल्य बराबरको क्षति भएको छ । गए राति साढे १२ बजेको समयमा श्रेष्ठको घरमा कोठा भाडा लिएर धरान-१६ बस्ने दिलिप नेपालीले संचालन गरेको टेलर्स र धरान २ बस्ने सन्ध्या श्रेष्ठले संचालन गरेको ब्युटी पार्लरमा बिद्युत सर्ट भई आगलागी भएको थियो । आगलागीबाट टेलर्समा भएको लुगा सिलाउने मेशिन-४ थान, इन्भटर-१ थान, फर्निचरको सामान, सिलाउन राखेको कपडा त्यसैगरी ब्युटी पार्लरमा भएको सामान र नगद ११ हजार जलेर नष्ट भएको छ । उक्त आगलागी दमकल, प्रहरी र स्थानीयको सहयोगमा पूर्ण रुपमा नियन्त्रणमा लिईएको इलाका प्रहरी कार्यालय धरानले जनाएको छ ।

मोरङः-मोरङको लेटाङ नगरपालिका-३ कमलपुरमा शनिवार बिहान आगलागी हुँदा अन्दाजी ५ लाख मूल्य बराबरको क्षति भएको छ । बिहान साढे १० बजे खाना पकाउने क्रममा आगलागी हुँदा सोही स्थान बस्ने कर्ण बहादुर राईको बाँसको बेरा, टिनको छाना भएको १ तले घरमा आगलागी भएको थियो । आगलागीबाट घरभित्र रहेको लत्ता कपडा,भाडा वर्तन, सुन २ तोला, चादी ५ तोला, धान ५० मुरी, नगद ५० हजार र २ वटा चौपाया जलेर नष्ट भएको हो । उक्त आगलागी इलाका प्रहरी कार्यालय लेटाङबाट प्रहरीको टोली खटि गई स्थानीयवासीको सहयोगमा पूर्ण रुपमा नियन्रणमा लिईएको उक्त कार्यालयले जनाएको छ ।
अवैध सामान बरामद
झापा, पौष ०१ गते ।

झापाको मेचीनगर नगरपालिका-६ बाट प्रहरीले शनिवार अन्दाजी १ लाख ९७ हजार मूल्य बराबरको अवैध सामान बरामद गरेको छ । ईलाका प्रहरी काँकडभिट्टाबाट खटिएको प्रहरी टोलीले अवैध रुपना भन्सार छली नेपालबाट भारत तर्फ लैजाँदै गरेको ५० किलो हरियो मटर त्यसैगरी भारतबाट नेपालतर्फ ल्याउँदै गरेको हार्डवेयरका सामान लेडिज कपडा र सुईटर बरामद गरेको थियो । बरामद सामानहरु आवश्यक कानूनी प्रकृया पश्चात आजै मेची भन्सार कार्यालय काँकडभिट्टामा बुझाइने इलाका प्रहरी कार्यालय काँकडभिट्टाले जनाएको छ ।
मोटरसाईकल दुर्घटनामा चालक गम्भीर
मोरङ, पौष ०१ गते ।

मोरङको वुढीगंगा गाउँपालिका-२ तेतरिया तिताडी भन्ने स्थानमा मोटरसाईकल दुर्घटनामा परि १ जना घाइते भएका छन् । अपरान्ह साढे ४ बजे उत्तरबाट दक्षिण तर्फ जादै गरेको को १ ख  ५९३६ नम्बरको को ट्रिपरलाई सोही दिशा तर्फ जाँदै गरेको को २५ प २५९४ नम्बरको मोटरसाईकले ओभरटेक गर्ने क्रममा मोटरसाईकल अनियन्त्रित भई दुर्घटना भएको थियो । दुर्घटनामा परि मोटरसाईकल चालक सुन्दर-हरैचा नगरपालिका-२ बस्ने बर्ष-१८ को शिव कुमार चौधरी गम्भीर घाइते भएका छन् । दुर्घटनामा घाइते चौधरीलाई उपचारको लागि बिराट टिचिङ अस्पताल बिराटनगर पठाईएको इलाका प्रहरी कार्यालय निमुवाले जनाएको छ ।  दुबै सवारी साधनलाई प्रहरीको नियन्त्रणमा राखिएको छ ।
छुट्टाछुट्टै स्थानमा सवारी दुर्घटना, ३ जनाको मृत्यु
विराटनगर, मंसिर २९ गते ।

१ नम्बर प्रदेश अन्तर्गत संखुवासभा, झापा र खोटाङ जिल्लामा शुक्रवार भएको बेग्ला-बेग्लै दुर्घटनामा ३ जनाको मृत्यु भएको छ छ भने १ जना घाइते भएका छन् ।
संखुवासभाः-संखुवासभाको खाँदवारी नगरपालिका नगरपालिका-११ सभाखोलामा रोकी राखेको ट्याक्टरमा मोटरसाईकल ठोक्किँदा १ जनाको मृत्यु भएको छ । साँझ सवा ७ बजे चैनपुर-खाँदवारी सडक खण्डमा रोकेर राखेको को १ त ६५९९ नम्बरको ट्याक्टरमा चैनपुरबाट खाँदबारी तर्फ आउँदै गरेको को २८ प २५३  नम्बरको मोटरसाईकल ठक्कर खाई दुर्घटना भएको थियो । दुर्घटनामा परि मोटरसाईकलको पछाडी खाँदबारी नगरपालिका-८ बस्ने बर्ष २८ को लहरी श्रेष्ठको घटस्थलमा नै मृत्यु भएको जिल्ला प्रहरी कार्यालय संखुवासभाले जनाएको छ । मोटरसाईकल, ट्याक्टर र चालकलाई प्रहरीको नियन्त्रणमा राखिएको छ, मृतकको शव परिक्षणको लागि जिल्ला अस्पताल खाँदवारीमा राखिएको उक्त कार्यालयले जनाएको छ ।
 
झापाः- झापाको कमल गाउँपालिका-५ लभडाँडा भन्ने स्थानमा मोटरसाईकलको ठक्करबाट १ जना साईकलयात्रीको मृत्यु भएको छ भने मोटरसाईकल चालक घाइते भएका छन् । दिउँसो पौने २ बजेको समयमा पूर्वबाट पश्चिम तर्फ आउँदै गरेको मे १० प ७६२७ नम्बरको मोटरसाइकलको ठक्करबाट साईकलमा सवार झापा कमल गाउँपालिका-१ बस्ने बर्ष ५० को ईन्द्र बहादुर बुढाथोकीलाई ठक्कर दिएको थियो । ठक्करबाट गम्भीर घाइते दुवै जनालाई उपचारको लागि लाईफ लाईन अस्पताल दमक हुँदै थप उपचारको लागि न्यूरो अस्पताल विराटनगर पठाईएकोमा उपचारको क्रममा दिउँसो सवा ३ बजे बुढाथोकीको मृत्यु भएको इलाका प्रहरी कार्यालय दमकले जनाएको छ । तत्काल पहिचान नखुलेका अन्दाजी बर्ष ३० को मोटरसाईकलको सोही अस्पतालमा उपचार भईहेको छ ।
 
खोटाङः- खोटाङको हलरसी तुवाचुङ नगरपालिका-३ चास्मिटारमा ट्याक्टर दुर्घटना हुँदा १ जनाको मृत्यु भएको छ । दिउँसो साढे १ बजे भित्री सडक खण्डमा लामा कन्ट्रसन प्रा.ली.को ठेक्कामा सुख्खा ग्रहस्त क्षेत्र खानेपानी योजना च्यासमिटारको पानीको ट्याङकी निर्माणको लागी मे १ त ६९३१ नम्बरको ट्याक्टर ढुङ्गा अनलोड गरेर फर्कदै गरेको अवस्थामा बडहरे भन्ने स्थानमा दुर्घटना भएको थियो । सडकबाट अन्दाजी २० मिटर तल खसेर दुर्घटना हुँदा लामा कन्ट्रसन प्रा.ली. का स्टोरकिपर चितवन घर भएका बर्ष १७ को सुमन वाग्लेको घटनास्थलमा नै मृत्यु भएको इलाका प्रहरी कार्यालय हलेसीले जनाएको छ । ट्याक्टर चालक सुनसरी रामधुनी-७ बस्ने बर्ष २७ को राजेश लिम्बुलाई प्रहरीको नियन्त्रणमा राखिएको छ ।
लागूऔषध सहित २ पक्राउ
संखुवासभा, मंसिर २९ गते ।

संखुवासभाको धर्मदेवी नगरपालिका-४ बाट प्रहरीले लागूऔषध गाँजा सहित २ युवकलाई पक्राउ गरेको छ । दिउँसो पौने १ बजेको समयमा को १ ख २१७७ नम्बरको बसमा चेकजाँच  गर्ने क्रममा बसमा सवार चैनपुर नगररपालिका-१० बस्ने बर्ष २० को दिपक तामाङलाई ३०० ग्राम लागूऔषध गाँजा र लोराजेपाम नामक ५ वटा ट्याब्लेट फेला पारी बरामद गरेको हो । पक्राउ परेका तामाङलाई सोधपुछ गर्ने क्रममा सोही स्थान बस्ने रविन तामाङ समेत संलग्न रहेको बताए पछी निजलाई समरत पक्राउ गरी थप अनुसन्धान भईरहेको जिल्ला प्रहरी कार्यालय संखुवासभाले जनाएको छ ।
गोरु काटेको आरोपमा धरानबाट १० जना पक्राउ
सुनसरी, मंसिर २८ गते ।

सुनसरीको धरानबाट प्रहरीले गोरु काटेको आरोपमा आज १० जनालाई पक्राउ गरेको छ । बिहान ६ बजेको समयमा धरान उप-महानगरपालिका-१७ लोसे भन्ने ठाउँमा गोरु काटिरहेको अवस्थामा धरान-३ बस्ने बर्ष २८ को राजेश खड्गी,  राजेन्द्र खड्गी, आशिष खड्गी,  धरान-११ बस्ने अनिल शाही, अनिष शाही, सुनसरी भोक्राह नर्सिङ-३ बस्ने बहिस मियाँ, रिजमान मियाँ, शाहदत्र मनसुरी, आशिक मनसुरी र महमुदी मनसुरीलाई पक्राउ गरेको हो । बिशेष सुराकीको आधारमा इलाका प्रहरी कार्यालय धरानबाट खटिएको प्रहरी टोलीले ४ वटा  गोरु काट्दै गरेको अवस्थामा फेला पारी बरामद गरेको हो । उक्त स्थानबाट प्रहरीले गोरुको २ वटा टाउको बरामद गरेको छ भने पक्राउ परेका १० जनालाई नै इलाका प्रहरी कार्यालय धरानमा राखि थप अनुसन्धान भईरहेको उक्त कार्यालयले जनाएको छ ।
उपचारको क्रममा साईकलयात्रीको मृत्यु
सुनसरी, मंसिर २८ गते ।

सुनसरीको ईटहरी उप-महानगरपालिका-१७ लवीपुरमा मोटरसाईकलको ठक्करबाट गम्भीर घाइते भएका सुनसरी रामधुनी नगरपालिका-१ झुम्का बस्ने बर्ष ५० को अनुपलाल चौधरीको उपचारको क्रममा मृत्यु भएको छ । चौधरीलाई गत मंसिर २० गते पश्चिमबाट पूर्व तर्फ जाँदै गरेको को २७ प २०३० नम्बरको मोटरसाईकलले ठक्कर दिएको थियो । ठक्करबाट गम्भीर घाइते चौधरीको एपेक्स अस्पताल ईटहरीमा उपचार पश्चात घर लगिएकोमा आज बिहान साढे १० बजे मृत्यु भएको हो । मृतकको कानूनी प्रकृया पश्चात शव परिक्षणको लागि जिल्ला अस्पताल ईनरुवा पठाईएको छ भने मोटरसाईकल र चालकलाई प्रहरीको नियन्त्रणमा राखिएको इलाका प्रहरी कार्यालय ईटहरीले जनाएको छ ।
किशोरीलाई भारत लैजाने १ पक्राउ
मोरङ, मंसिर २८ गते ।

मोरङको विराटनगर महानगरपालिका-१५ जोगवनीढाटबाट बिहीवार १ जनालाई पक्राउ गरिएको छ । साँझ सवा ७ बजेको समयमा सिमा प्रहरी चौकी रानी र सानो हात नेपाल नामक सँस्थाले बर्दिवास नगरपालिका-६ महोत्तरी बस्ने ऋषीराज सुवेदीको छोरा बर्ष १९ को ओम प्रसाद सुबेदीले ताप्लेजुङको तेल्लोक घर भएकी १९ बर्षीय किशोरीलाई ललाई-फकाई भारतको जोगवनी तर्फ लैजाँदै गरेको अवस्थामा उद्धार गरी निजलाई पक्राउ गरिएको हो । पक्राउ परेका सुवेदीलाई इलाका प्रहरी कार्यालय रानीमा राखि थप अनुसन्धान भईरहेको छ भने किशोरीलाई सानो हात नेपाल नामक सँस्थाको संरक्षणमा राखिएको उक्त कार्यालयले जनाएको छ ।
छुरा प्रहारबाट आफ्नै बावुको हत्या
मोरङ, मंसिर २८ गते ।

मोरङको विराटनगर महानगरपालिका-१७ धुनिया बस्तिमा बिहीवार १ व्यक्तिले छुरा प्रहार गरी आफ्नै बावुको हत्या गरेका छन् । छुरा प्रहारबाट सोही स्थान बस्ने बर्ष ५० को शसि मण्डलको मृत्यु भएको जिल्ला प्रहरी कार्यालय मोरङले जनाएको छ । राती साढे ९ बजेको समयमा शसि मण्डल, निजको जेठी श्रीमतीको छोरा बर्ष २५ को आकाश मिया मण्डल र  शसि मण्डलको कान्छी श्रीमतीको छोरा बर्ष २२ को चुनु मण्डल बिच घरायसी बिवाद हुँदा चुनु मण्डलले धारिलो हतियार छुरा प्रहार गरेका थिए ।  छुरा प्रहारबाट गम्भीर घाइते मण्डललाई उपचारको लागि नोवेल अस्पताल विराटनगर पठाईएकोमा उपचारको क्रममा राती साढे १० बजे मृत्यु भएको थियो । छुरा प्रहारबाट सौतेनी दाजु आकाश मण्डल समेत घाइते भई सोही अस्पतालमा उपचार भईरहेको छ । छुरा प्रहार गर्ने मण्डललाई पक्राउ गरी थप अनुसन्धान भईहेको जिल्ला प्रहरी कार्यालय मोरङले जनाएको छ ।
बनभोजबाट फर्किएको ट्याक्टर दुर्घटना, २ जनाको मृत्यु, ८ घाइते
उदयपुर, मंसिर २८ गते ।

उदयपुरको लिम्चुङबुङ गाउँपालिका-४ बलम्तामा बिहीवार बनभोज खाएर फर्कदै गरेको ट्याक्टर दुर्घटना हुँदा २ जनाको मृत्यु भएको छ भने ८ जना घाइते भएका छन् । राती साढे १० बजे बनभोज खाएर सिरवानीबाट बलम्ता तर्फ आउँदै गरेको स १ त ७३२३ नम्बरको ट्याक्टर आँफै अनियन्त्रित भई सडकबाट अन्दाजी २०० मिटर तल खसेर दुर्घटना भएको थियो । दुर्घटनामा परि ट्याक्टरका चालक उदयपुर लिम्चुङबुङ गाउँपालिका-४ बस्ने वर्ष २२ को सुबिन राई र सोही ट्याक्टरमा सवार वर्ष २४ को पबन राईको मृत्यु भएको जिल्ला प्रहरी कार्यालय उदयपुरले जनाएको छ । साथै सोही ट्याक्टरमा सवार सोही स्थान बस्ने बर्ष ३१ को बिषु राई लगायत ८ जना घाइते भएका छन् । दुर्घटनामा घाइते सबैलाई उपचारको लागि जिल्ला अस्पताल उदयपुर पठाईएको जिल्ला प्रहरी कार्यालय उदयपुरले जनाएको छ ।
भरुवा बन्दुक सहित १ पक्राउ
धनकुटा, मंसिर २७ गते ।

धनकुटाको चौविसे गाउँपालिका-३ बन्दुके डाँडाबाट प्रहरीले भरुवा बन्दुक सहित १ जनलाई पक्राउ गरेको छ । भरुवा बन्दुक सहित सोही स्थान बस्ने बर्ष १७ को जिवन याख्खालाई पक्राउ गरिएको जिल्ला प्रहरी कार्यालय धनकुटाले जनाएको छ ।  याख्खाले साँझ साढे ७ बजेको समयमा सोही स्थान बस्ने बर्ष १६ को मनोज तामाङसँग सामन्य बिवाद हुँदा भरुवा बन्दुक देखाएर पड्काएका थिए । बन्दुकको छर्राले लागेर याख्खाको ओठमा सामान्य चोट लागेको छ १ नाल भरुवा बन्दुक सहित पक्राउ परेका याख्खालाई जिल्ला प्रहरी कार्यालय धनकुटामा राखि थप अनुसन्धान भईरहेको उक्त कार्यालयले जनाएको छ ।
खरबारीबाट लडेर १ को मृत्यु
ताप्लेजुङ, मंसिर २७ गते ।

ताप्लेजुङको सिदिङवा गाउँपालिका-२ सादेवामा खरबारीबाट लडेर १ जनाको मृत्यु भएको छ । गत मंसिर २२ गते शनिवार दिउँसो पौने १ बजेको समयमा खरबारीमा खर काट्ने भिरबाट लडेर सोही स्थान बस्ने बर्ष ३८ को बिजय कार्की अचानक लडेर घाइते भएका थिए । भीरबाट लडेर गम्भीर घाइते कार्कीलाई उपचारको लागि झापा स्थित बि.एण्ड.सी. अस्पताल पठाईएकोमा उपचारको क्रममा गए राती २ बजे मृत्यु भएको जिल्ला प्रहरी कार्यालय ताप्लेजुङले जनाएको छ ।
मोटरसाईकल दुर्घटनामा चालकको मृत्यु १ घाइते
मोरङ, मंसिर २७ गते ।

मोरङको ग्रामथान गाउँपालिका-६ ज्ञानी चौकमा बुधवार राती भएको मोटरसाईकल दुर्घटनामा परि चालकको मृत्यु भएको छ भने १ जना घाइते भएका छन् । राती ११ बजेको समयमा मोरङ्ग सुनसरी सिँचाई आयोजनाको नहरको बाटोमा पूर्वबाट-पश्चिम तर्फ आउँदै गरेको को ३३ प ५६४० नम्बरको मोटरसाईकल आँफै अनियन्त्रित भई पुलबाट नहरमा खसि घाइते भएका चालक तत्काल पहिचान नखुलेका अन्दाजी २६ वर्षको पुरुष र सोही मोटरसाइकलमा पछाडी सवार इटहरी उप-महानगरपालिका-११ बस्ने वर्ष २५ को नरेश चौधरी घाइते भएका थिए । दुर्घटनामा गम्भीर घाइते दुबैलाई उपचारको लागि न्यूरो अस्पताल बिराटनगर पठाइएकोमा उपचारको क्रममा मोटरसाईकल चालकको सोही अस्पतालमा मृत्यु भएको हो भने चौधरीको सोही अस्पतालमा उपचार भईरहेको जिल्ला प्रहरी कार्यालय मोरङले जनाएको छ ।
भरुवा बन्दुक बनाउने सामान सहित १ पक्राउ
पाँचथर, मंसिर २६ गते ।

पाँचथरको याङवरक गाउँपालिका-३ ओयामबाट प्रहरीले बुधवार भरुवा बन्दुक बनाउने सामान सहित १ जनालाई पक्राउ गरेको छ । बिशेष सुराकीको आधारमा प्रहरी चौकी फलैचाबाट खटिएको प्रहरी टोलीले ५ नाल भरुवा बन्दुकको पाटपुर्जा सहित पाँचथर हिलिहाङ गाउँपालिका-५ सुभाङ बस्ने वर्ष ४८ को बुद्धिमान बि.क. लाई पक्राउ गरेको हो । दिउँसो १२ बजे बि.क. ले याङवरक-३ बस्ने वर्ष ६० को शान्ता बहादुर बि.क. को घरमा फलाम पिट्ने आरनमा बन्दुक बनाउँदै गरेको अवस्थामा पक्राउ गरिएको हो । पक्राउ परेका बि.क. लाई जिल्ला प्रहरी कार्यालय पाँचथरमा राखि थप अनुसन्धान भईरहेको उक्त कार्यालयले जनाएको छ ।
जंगली हात्ती गाउँ पस्दा १ लाखको क्षति
झापा, मंसिर २६ गते ।

 झापाको मेचीनगर नगरपालिका-४ बाहुनडाँगीमा मंगलवार जंगली हात्ती गाउँमा पस्दा अन्दाजी १ लाख मूल्य बराबरको क्षति भएको छ । राती १२ बजे जंगलबाट निस्किएको हात्तीले सोही स्थान बस्ने पबित्रा प्रधानको टिनले छाएको १ तले  घरको कोठा भत्काएर २ मन धान र १ बोरा  चामल खाएर नष्ट गरेको छ । उक्त हात्तीलाई प्रहरी र स्थानीयवासीले राती नै जंगल तिर लखेटेको प्रहरी चौकी बाहुनडाँगीले जनाएको छ ।
उदयपुरमा आगलागी ३ घर जलेर नष्ट
बिराटनगर, मंसिर १६ गते ।

उदयपुरको कटारी नगरपालिका-८ घुम्ती शिरिसेमा बुधबार बिहान ३ वटा घरमा आगलागी हुँदा अन्दाजी ८ लाख मूल्य बराबरको क्षति भएको छ । बिहान करिब साढे ३ बजेको समयमा सोही स्थान बस्ने कृष्णलाल श्रेष्ठको फूसको छाना भएको १ तले घर, नगद १५ हजार, किराना सामान, अन्नपात, लत्ताकपडा, भाँडावर्तन सहित अन्दाजी ४ लाख मूल्य बराबरको क्षति भएको छ । त्यसैगरी दिल बहादुर श्रेष्ठको फूसको छाना भएको १ तले घर र काठपात सहित अन्दाजी १ लाख मूल्य बराबरको क्षति भएको छ । साथै मकर बहादुर श्रेष्ठको फूसको छाना भएको १ तले घर, नगद ३ हजार, लत्ताकपडा, भाँडावर्तन र अन्नपात सहित अन्दाजी ३ लाख मूल्य बराबरको क्षति भएको छ । आगलागी भएको जानकारी पाउनासाथ तत्काल इलाका प्रहरी कार्यालय कटारीबाट प्रहरी टोली खटि गई दमकल र स्थानीयवासीको सहयोगमा पूर्ण रुपमा नियन्त्रणमा लिईएको उक्त कार्यालयले जनाएको छ । आगलागीको कारण खुल्न सकेको छैन ।
झापामा १५ लाख बराबरको क्षति
झापाको कमल गाउँपालिका-७ बस्ने मान बहादुर खड्काको टिनको छानो भएको काठको बेरा लगाएको २ तले घरमा आगलागी हुँदा अन्दाजी १५ लाख मूल्य बराबरको क्षति भएको छ । बिहान करिब सवा ७ बजे खोले पकाउने क्रममा अचानक आगलागी हुँदा खड्काको २ वटा घर, १ तले गोठ, काठपात, पराल, धान र लत्ताकपडा जलेर नष्ट भएको छ । उक्त आगो दमकल, नेपाल प्रहरी, शसस्त्र प्रहरी र  स्थानीयवासीको सहयोगमा बिहान साढे ९ बजे पूर्ण रुपमा नियन्त्रणमा लिईएको इलाका प्रहरी कार्यालय दमकले जनाएको छ ।
जबरजस्ती करणीको आरोपमा १ पक्राउ
धनकुटा, मंसिर २६ गते ।

जिल्ला प्रहरी कार्यालय धनकुटाले धनकुटाको चौबिसे गाउँपालिका-५ बस्ने बर्ष ४१ को धन बहादुर तामाङलाई ४ बर्षीया बालिकालाई जबरजस्ती करणी गरेको आरोपमा पक्राउ गरेको छ । बालिकालई तामाङले मंसिर २४ गते दिउँसो जबजस्ती करणी गरेको भन्ने बालिकाको आमाले टेलिफोन मार्फत अस्थायी प्रहरी पोष्ट मौनाबुधुकमा जानकारी गराउना साथ अस्थायी प्रहरी पोष्ट मौनाबुधुक र ईलाका प्रहरी कार्यालय राजारानीबाट खटिएको प्रहरी टोलीले तामाङलाई पक्राउ गरेको हो । पक्राउ परेका तामाङको सम्बन्धमा थप अनुसन्धान कार्य भईरहेको जिल्ला प्रहरी कार्यालय धनकुटाले जनाएको छ ।
ईटहरीमा भएको भीषण आगलागीबाट करोडौको क्षति
सुनसरी, मंसिर २६ गते ।

सुनसरीको ईटहरी उप-महानगरपालिका-१० मा रहेको भानु अग्रवालले संचालन गरेको लक्ष्मी फर्म एण्ड लुप म्याट ईन्डस्ट्रिज प्रा.लि. मा मंगलवार भएको आगलागीबाट अन्दाजी ४ करोड ८७ लाख ८१ हजार मूल्य बराबरको क्षति भएको छ । बिहान करिब ७:२५ बजेको समयमा भएको उक्त आगलागीबाट फ्याक्ट्री भएको फिनिसिङ माल-५०० रोल, कपडा प्लेन-५ टन, कपडा डोटेर डसटन, र-मटेरियल्स-१००, मेशिन स्कुडर, ग्लान्डर, चिलर, आएर कम्पोजर र पक्कि घर, टिनको छाना समेत जलेर नष्ट भएको छ । उक्त आगलागी ईटहरी, धरान, ईनरुवा, दुहबी, बिराटनगर, सुन्दर-हरैचा, हनुमाननगर सप्तरी र रंगेलीबाट आएको दमकल, नेपाल प्रहरी, नेपाली सेना र स्थानीयवासीको सहयोगमा बिहान पौने ११ बजे पूर्ण रुपमा नियन्त्रणमा लिईएको इलाका प्रहरी कार्यालय ईटहरीले जनाएको छ । आगलागीको कारण भने खुल्न नसकेको उक्त कार्यालयले जनाएको छ ।
बसको ठक्करबाट मोटरसाईकल यात्रीको मृत्यु
झापा, मंसिर २६ गते ।

झापाको दमक नगरपालिका-४ ताराबारीमा मंगलबार बसको ठक्करबाट मोटरसाईकलमा सवार १ जनाको मृत्यु भएको छ । पूर्व-पश्चिम राजमार्गमा साँझ पौने ६ बजे भएको दुर्घटनामा पूर्वबाट पश्चिम तर्फ जाँदै गरेको ना ४ ख ६७८२ नम्बरको बसले बिपरित दिशाबाट आउँदै गरेको मे २ प ३३०१ नम्बरको मोटरसाईकललाई ठक्कर दिएको थियो । ठक्करबाट मोटरसाईकल चालक मोरङ केरावारी गाउँपालिका-२ बस्ने बर्ष ४८ को देबीप्रसाद राई गम्भीर घाइते भई उपचारको लागि लाईफ-लाईन अस्पताल दमक पठाईएकोमा उपचारको क्रममा सोही अस्पतालमा मृत्यु भएको इलाका प्रहरी कार्यालय दमकले जनाएको छ । ठक्कर दिने बसलाई प्रहरीको नियन्त्रणमा राखिएको छ भने चालक फरार रहेकोले खोजीकार्य भईरहेको उक्त कार्यालयले जनाएको छ ।
सवारी दुर्घटनामा बाबु छोराको मृत्यु
झापा, मंसिर २५ गते ।

झापाको दमक नगरपालिका-५ पुर्व पश्चिम राजमार्गमा भएको सवारी दुर्घटनामा बाबु छोराको मृत्यु भएको छ । आज दिउसो १३:५० बजेको समयमा पुर्वबाट पश्चिम तर्फ जादै गरेको HR-27J-0625 नम्बरको भारतिय ट्रकले सोही दिशा तर्फ जाँदै गरेको को ३३ प ७९४५ नम्बरको मोटरसाईकललाई पछाडीबाट ठक्कर दिंदा मोटरसाईकल चालक मोरङ पथरी शनिश्चरे नगरपालिका-९ बस्ने वर्ष २९ को हेम चन्द्र गिरी र सोही मोटरसाईकलमा पछाडी सवार चालककै बाबु वर्ष ६५ को धन प्रसाद गिरी गम्भीर घाइते भएका थिए । घाईतेलाई ईलाका प्रहरी कार्यालय दमकबाट खटिएको प्रहरी टोलीले तत्काल उपचारको लागि लाईफ लाईन अस्पताल दमक पुर्‍याएकोमा दुबै जनाको उपचारकै क्रममा १४:२० बजे मृत्यु भएको ईलाका प्रहरी कार्यालय दमकले जनाएको छ । ट्रक र ट्रक चालक भारत राजस्थान अल्भोर बस्ने वर्ष ६५ को सरीफ खान तथा मोटरसाईकल ईलाका प्रहरी कार्यालय दमकको नियन्त्रणमा रहेका छन् ।
अबैध समान बरामद
मोरङ, मंसिर २५ गते ।

मोरङको बिराटनगर महानगरपालिका-१५ का बिभिन्न स्थानहरुबाट १ लाख १० हजार भन्दा बढीको अबैध समान बरामद भएको छ । ईलाका प्रहरी कार्यालय रानीबाट खटिएको प्रहरी टोलीले भारतको जोगवनिबाट अबैध रुपमा भन्सार छलि ल्याएको खाद्यान्न, लत्ताकपडा तथा किराना सामान बरामद गरेको हो । बरामद गरिएको समान आवश्यक कारवाहीको लागि आजै बिराटनगर भन्सार कार्यालय बुझाइएको उक्त कार्यालयले जनाएको छ ।
ट्रकको ठक्करबाट १ को मृत्यु
उदयपुर, मंसिर २५ गते ।

उदयपुरको कटारी नगरपालिका-१४ घुर्मी पेट्रोल पम्प अगाडी सोमवार ट्रकको ठक्करबाट १ जनाको मृत्यु भएको छ । ओखलढुंगाबाट काठमाण्डौ तर्फ जाँदै गरेको बा ३ ख ५६१५ नम्बरको ट्रकको ठक्करबाट तत्काल पहिचान नखुलेका मागी खाई हिड्ने अन्दाजी ४५ बर्षका पुरुष व्यक्तिलाई ठक्कर दिएको थियो । दिउँसो सवा २ बजेको समयमा भएको दुर्घटनामा गम्भिर घाइते उनलाई उपचारको लागि स्थानीय अस्पताल हुँदै थप उपचारको लागि काठमाण्डौ लैजाने क्रममा साँझ ६ बजे बाटोमा नै मृत्यु भएको इलाका प्रहरी कार्यालय कटारीले जनाएको छ । ठक्कर दिने ट्रकलाई प्रहरीको नियन्त्रणमा राखिएको छ भने चालक फरार रहेकोले खोजीकार्य भई रहेको उक्त कार्यालयले जनाएको छ । मृतकको शव परिक्षणको लागि कटारी अस्पतालमा राखिएको छ ।
आँफैले बोकेको भरुवा बन्दुक पड्किएर १ जनाको मृत्यु
धनकुटा, मंसिर २५ गते ।

धनकुटाको पाख्रिवास नगरपालिका-८ चुहाडे खोलामा सोमवार साँझ भरुवा बन्दुक पड्किएर १ जनाको मृत्यु भएको छ । साँझ ५ बजेको समयमा आँफैले बोकेको भरुवा बन्दुक पड्किएर सोही स्थान बस्ने जित बहादुर राईको छोरा बर्ष ३५ को भीम कुमार राईको मृत्यु भएको इलाका प्रहरी कार्यालय पाख्रिवासले जनाएको छ । बन्दुक पड्किएर मृत अवस्थामा फेला परेको भन्ने जनाकारी पाउनासाथ तत्काल जिल्ला प्रहरी कार्यालय धनकुटा र इलाका प्रहरी कार्यालय पाख्रिवासबाट प्रहरी टोली खटि गई कानूनी प्रकृया पूरा गरी शव परिक्षणको लागि जिल्ला अस्पताल धनकुटा पठाईएको र घटना सम्बन्धमा  थप अनुसन्धान कार्य जारी रहेको उक्त कार्यालयले जनाएको छ ।
ईलाममा आगलागी, १८ लाखको क्षति
ईलाम, मंसिर २५ गते ।

ईलामको माई नगरपालिका-३ कमलटारमा आइतवार आगलागी हुँदा अन्दाजी १८ लाख मूल्य बराबरको क्षति भएको छ । सोमवार राती १० बजे  माई नगरपालिका-३ कमलटारका ७० बर्षीय  दिलबहादुर लावतीको काठ र टिनको छानो भएको ३ तले घरमा बिद्युत सर्ट भई अचानक आगलागी भएको थियो । आगलागीबाट घर, घर भित्र रहेको खाद्यान्न, लत्ताकपडा लगायत सम्पूर्ण सामान जलेर नष्ट भएको छ । आगलागी भएको भन्ने खबर प्राप्त भएसँगै तत्काल प्रहरी चौकी दानाबारीबाट प्रहरी टोली खटि गई स्थानीयवासीको सहयोगमा राती आगालगी पूर्ण रुपमा नियन्त्रणमा लिएको जिल्ला प्रहरी कार्यालय ईलामले जनाएको छ ।
छुट्टाछुट्टै दुर्घटनामा २ को मृत्यु
मोरङ, झापा, मंसिर २४ गते ।

१ नम्बर प्रदेश अन्तर्गत सोमबार मोरङ र झापा जिल्लामा भएको सवारी दुर्घटनामा २ जनाको मृत्यु भएको छ । मोरङको कटहरी गाउँपालिका-४ नयाँ बजारमा सोमवार दिउँसो ट्याक्टर ट्रली र ईन्जीन जोड्ने हिच भाँचिदा उक्त ट्याक्टरका सह-चालकको मृत्यु भएको छ । भित्री सडक खण्ड अन्तर्गत दिउँसो साढे १२ बजेको समयमा पूर्वबाट पश्चिम तर्फ आउँदै गरेको  को १ त ३७६८ नम्बरको ट्रयाक्टरको ट्रली र ईन्जीन जोड्ने हिच भाँचिएको थियो । दुर्घटनामा परि ट्याक्टरको ट्रलीमा सवार रहेका ट्याक्टरका सह-चालक सोही गाउँपालिका बस्ने बर्ष २२ को महमद साकुला लडेर पछाडिको चक्काले किचेर घाइते भएका थिए । दुर्घटनामा गम्भीर घाइते साकुलालाई उपचारको लागि गोल्डेन अस्पताल बिराटनगर पठाएकोमा उपचारको क्रममा सोही अस्पतालमा दिउँसो सवा १ बजे मृत्यु भएको जिल्ला प्रहरी कार्यालय मोरङले जनाएको छ । ट्याक्टरलाई प्रहरीको नियन्त्रणमा राखिएको छ भने चालक फरार रहेकोले खोजीकार्य भईरहेको छ । मृतकको शव कानूनी प्रकृया पश्चात परिक्षणको लागि कोशी अंचल अस्पतालको शवगृहमा राखिएको उक्त कार्यालयले जनाएको छ । त्यसैगरी पूर्व-पश्चिम राजमार्ग अन्तर्गत झापाको कमल गाउँपालिका-५ मा स्कुल बसको ठक्करबाट १ जना पैदलयात्रीको मृत्यु भएको छ । दिउँसो सवा १२ बजे पश्चिमबाट पूर्व तर्फ जाँदै गरेको को १ क २३९० नम्बरको गोल्बल ऐजुकेशन ऐकेडेमीको स्कुल बसले तत्काल पहिचान खुल्न नसकेको पैदल यात्री अन्दाजी बर्ष ५५ की महिलालाई बाटो काट्ने क्रममा ठक्कर दिएको थियो । दुर्घटनामा परि गम्भीर घाइते महिलालाई उपचारको लागि लाईफ लाईन अस्पताल दमक पठाईएकोमा उपचारको क्रममा सोही अस्पतालमा दिउँसो साढे १ बजे मृत्यु भएको इलाका प्रहरी कार्यालय दमकले जनाएको छ । बस र बस चालक पाँचथरको दुर्दिम्बा गाउँपालिका-५ बस्ने बर्ष ४० को हर्क सुब्बा प्रहरीको नियन्त्रणमा रहेको उक्त कार्यालयले जनाएको छ ।
१ लाख मूल्य बढीको सामान भन्सार बुझाईयो
मोरङ, मंसिर २४ गते ।

मोरङको बिराटनगर महानगरपालिका-१५ को बिभिन्न स्थानबाट प्रहरीले अन्दाजी १ लाख ३ हजार ५ रुपैयाँ बराबरको अवैध सामान बरामद गरी भन्सार बुझाएको छ । इलाका प्रहरी कार्यालय रानीबाट खटिएको प्रहरी टोलीले सोमवार चेकजाँचको क्रममा भारतबाट अवैध रुपमा भन्सार छली गरी नेपाल तर्फ ल्याउँदै गरेको उक्त मूल्य बराबरको किराना सामान, लत्ताकपडा र गहुँको बिउ बरामद गरेको थियो । बरामद सामान आवश्यक कानूनी प्रकृया पश्चात आजै बिराटनगर भन्सार कार्यालय रानीमा बुझाएको इलाका प्रहरी कार्यालय रानीले जनाएको छ ।
प्रहरी कारवाहीमा १ को मृत्यु
सुनसरी, मंसिर २४ गते ।

सुनसरीको सीमावर्ती क्षेत्रमा भएको प्रहरी कारवाहीमा आईतवार राती १ जनाको मृत्यु भएको छ । सुनसरीको कोशी गाउँपालिका-७ मुसहरी टोलमा राती ०९:४५ बजेको समयमा जिल्ला प्रहरी कार्यालय सुनसरी तथा सीमा प्रहरी चौकी भाण्टाबारीबाट खटिएको संयुक्त गस्ती टोली र अपरिचित व्यक्तिहरु बीच गोली हानाहान हुँदा प्रहरीको गोली लागेर अज्ञात व्यक्तिको मृत्यु भएको हो  । रातको समयमा ४-५ जनाको समुह भारतबाट नेपाल छिर्ने क्रममा प्रहरीले रोक्न खोज्दा सो समूहबाट प्रहरी माथि गोलि प्रहार गरेको र आत्मरक्षाको लागि जवाफी फायर गर्ने क्रममा अन्दाजी बर्ष ३५ को पुरुष व्यक्तिलाई गोली लागी घटनास्थलमा नै मृत्यु  भएको जिल्ला प्रहरी कार्यालय सुनसरीले जनाएको छ । घटनास्थलबाट प्रहरीले गोली लोड भएको कटुवा पेस्तोल थान २, तथा मृतकको पाईन्टको खल्तीबाट ५ वटा गोली समेत बरामद गरेको छ । शव पोष्टमार्टमको लागी बि.पि कोईराला स्वास्थ्य विज्ञान प्रतिष्ठान धरान पठाईएको छ । मृतकको पहिचान हालसम्म खुल्न सकेको छैन, साथै घटना सम्बन्धमा थप अनुसन्धान भईरहेको र फरार रहेका अन्य व्यक्तिहरुको समेत खोजतलास भईरहेको उक्त कार्यालयले जनाएको छ ।
लागूऔषध सहित भारतीय नागरिक पक्राउ
झापा, मंसिर २४ गते ।

झापाको गौरीगंज गाउँपालिका-२ भाकुरमारीबाट प्रहरीले अवैध लागूऔषध सहित १ जना भारतीय नागरिकलाई पक्राउ गरेको छ । आइतवार राती ९ बजेको समयमा प्रहरी चौकी कोरोबारीबाट खटिएको प्रहरी टोलीले भारत  किसनगंज थाना लोहागाडा-३ बस्ने वर्ष ५३ को गणेश मण्डललाई पक्राउ गरिएको इलाका प्रहरी कार्यालय गौरीगंजले जनाएको छ । भारतबाट नेपालतर्फ पैदल आउँदै गरेका मण्डललाई शंका लागि चेकजाँच गर्ने क्रममा लागूऔषध Codeine phosphate and Chlorpheniramine  maleate  syrup-6  बोतल, Dextromethorphan  hydromima and  clorpheniramine  maleate syrup eskup dx-२ बोतल र Dextromethorphan  hydromima and  clorpheniramine  maleate syrup cocas dx-१ बोतल फेला पारी बरामद गरेको हो । बरामद लागूऔषध सहित मण्डललाई इलाका प्रहरी कार्यालय गौरीगंजमा राखि थप अनुसन्धान भईरहेको उक्त कार्यालयले जनाएको छ ।
अवैध सामान भन्सार बुझाईयो
मोरङ, मंसिर २४ गते ।

इलाका प्रहरी कार्यालय रानीले आइतबार अन्दाजी १ लाख १७ हजार ४ सय ८० रुपैयाँ बराबरको अवैध सामान भन्सार बुझाएको छ । बिराटनगर १५ को बिभिन्न एरियाबाट आइतवार चेकजाँचको क्रममा भारतबाट अवैध रुपमा नेपाल तर्फ ल्याउँदै गरेको किराना सामान, स्टिलको भाँडा, तामाको गाग्री र झर्के थाल लगायतका सामान बरामद गरेको थियो । बरामद सामान आवश्यक कानूनी प्रकृया पश्चात कारवाहीको लागि बिराटनगर भन्सार कार्यालय रानी मोरङमा बुझाएको इलाका प्रहरी कार्यालय रानीले जनाएको छ ।
करेण्ट लागेर पाँचथरमा १ जनाको मृत्यु
पाँचथर, मंसिर २४ गते ।

पाँचथरको फिदिम नगरपालिका-१४ मा आइतवार करेण्ट लागेर १ जनाको घटनास्थलमा नै मृत्यु भएको छ । करेण्ट लागेर सोही स्थान बस्ने बर्ष ४४ को श्याम कुमार राईको मृत्यु भएको जिल्ला प्रहरी कार्यालय पाँचथरले जनाएको छ । राईलाई राती साढे ११ बजेको समयमा शौच गर्नको लागि बिजुली बत्ती बाल्ने क्रममा एमसिबी छुदा अचानक करेण्ट लागेको थियो । घटनाको जानकारी पाउनासाथ तत्काल जिप्रका र प्रहरी चौकी पौवासार्तापबाट प्रहरीको टोली खटि गई कानूनी प्रकृया पश्चात शव पोष्टमार्टमको लागि जिल्ला अस्पताल पठाईएको उक्त कार्यालयले जनाएको छ ।
आफ्नै बच्चाको हत्या गर्ने महिला पक्राउ
संखुवासभा, मंसिर २३ गते ।

संखुवासभाको खाँदबारी नगरपालिका-६ मयम भन्ने स्थानमा आइतवार अवैध गर्भधारणबाट जन्मिएको शिशुको हत्या गरेको आरोपमा प्रहरीले १ महिलालाई पक्राउ गरेको छ । अवैध गर्भधारण गरी शिशुको हत्या अभियोगमा सोही ठाउँ बस्ने स्वर्गीय टंकमान राईको श्रीमती बर्ष ३७ की फुलमाया राईलाई पक्राउ गरिएको जिल्ला प्रहरी कार्यालय संखुवासभाले जनाएको छ । आइतवार रातको समयमा राईले बच्चा जन्माएर हत्या गरि डोकोमा राखेर फाल्न लागेको अवस्थामा स्थानीयले देखेपछी प्रहरीमा खबर गरेका थिए । घटनाको जानकारी पाउनासाथ तत्काल जिप्रकाबाट प्रहरी टोली खटि गई राईलाई नियन्त्रणमा लिई कानूनी प्रकृया पश्चात शिशुको शव पोष्टमार्टमको लागि जिल्ला अस्पताल खाँदवारी पठाईएको छ भने घटना सम्बन्धमा थप अनुसन्धान भईरहेको उक्त कार्यालयले जनाएको छ ।
भ्रमणमा आएका भारतीय नागरिकको मृत्यु
सोलुखुम्बु, मंसिर २३ गते ।

सोलुखुम्बुको खुम्बु-पासाङल्हामु गाउँपालिका-४ थुक्ला भन्ने स्थानमा आईतवार १ जना भारतीय नागरिकको मृत्यु भएको छ । गत मंसिर १६ गते भ्रमणको शिलसिलामा रामबेलर्स नेपाल ट्रेकिङ ऐण्ड एड्भेन्चर प्रा.लि. नेपालगंज बाँके मार्फत सोलुखुम्बु आएका बर्ष ३० को भारतीय नागरिक रविकान्त मिश्रको मृत्यु भएको इलाका प्रहरी कार्यालय लुक्लाले जनाएको छ । भ्रमणको शिलसिलामा सगरमाथा बेश क्याम्प जाने क्रममा सोही स्थानमा रहेको याक होटलमा शनिवार वास बसेका मिश्र अचानक श्वास बढ्ने र मुखबाट फिँज आउने समस्या देखिए पछी उपचारको लागि तत्काल निकोलनिकी अस्पताल सोलुखुम्बु लैजाने क्रममा आज बिहान साढे ७ बजे बाटोमा नै मृत्यु भएको थियो । घटना स्थलमा इप्रका लुक्ला र बिमानस्थल सुरक्षार्थ खटिएको प्रहरी टोली खटि गई कानूनी प्रकृया पूरा गरि शव पोष्टमार्टमको लागि हेलीकप्टरद्वारा शिक्षण अस्पताल महाराजगंज काठमाडौं पठाईएको उक्त कार्यालयले जनाएको छ ।
जिप दुर्घटनामा चालक गम्भीर घाइते
सोलुखुम्बु, मंसिर २३ गते ।

सोलुखुम्बुको नेचा सल्यान गाउँपालिका-२ राईडाँडा भन्ने स्थानमा आईतवार बोलेरो जिप दुर्घटनामा परि जिपका चालक गम्भीर घाइते भएका छन् । बिहान ७;१५ बजे भित्री सडक खण्ड अन्तर्गत सल्यानबाट सल्लेरी चल्ने ना.१ ज. ३६६० नम्बरको बलेरो जिप यात्रु लिनको लागि राई डाँडा जाने क्रममा कच्ची सडक खण्डको घुमाउरो बाटोमा पछाडी सार्ने क्रममा सडकबाट अन्दाजी १०० मिटर तल खसेर दुर्घटना भएको थियो । दुर्घटनामा परि जिपका चालक  सोलुखुम्बु नेचासल्यान गाउँपालिका-१ फेदी बस्ने बर्ष २५ को नवराज ढुंगाना गम्भीर घाइते भई उपचारको लागि स्थानीय प्राथमिक स्वास्थ्य केन्द्र सल्यान हुँदै थप उपचारको लागि सवा १० बजे हेलीकोप्टरद्वारा काठमाण्डौ पठाईएको इलाका प्रहरी कार्यालय नेचाले जनाइको छ ।
बनभोज खाने क्रममा १ जनाको मृत्यु
ईलाम, मंसिर २३ गते ।

ईलामको सुर्योदय नगरपालिका-७ कन्याममा बनभोज खाने क्रममा खाना सर्किएर १ जनाको मृत्यु भएको छ । सुनसरीको दुहबी नगरपालिका-७ मा रहेको सुलभ सहकारी संस्थाले आयोजना गरेको बनभोज कार्यक्रममा बनभोज खाने क्रममा सर्किएर सोही सहकारीका कर्मचारी सोही स्थान बस्ने बर्ष ४५ को उदयमान चौधरी बिरामी परेका थिए । साँझ ५ बजेको समयमा खाना सर्किएर गम्भीर घाइते भएका चौधरीलाई तत्काल उपचारको लागि बिर्तामोडस्थित वि.एण्ड.सी. अस्पताल पठाईएकोमा उपचारको क्रममा सोही अस्पतालमा साँझ ६:५० बजे मृत्यु भएको जिल्ला प्रहरी कार्यालय ईलामले जनाएको छ । मृतकको शव इलाका प्रहरी कार्यालय अनारमनीसंग समन्वय गरी कानूनी प्रकृया पश्चात पोष्टमार्टमको लागि सोही अस्पतालमा राखिएको छ ।
लागूऔषध गाँजा सहित १ पक्राउ
सुनसरी, मंसिर २३ गते ।

सुनसरीको ईटहरी उप-महानगरपालिका-४ बसन्त टोलबाट प्रहरीले गए राती लागूऔषध गाँजा सहित १ जनालाई पक्राउ गरेको छ । इलाका प्रहरी कार्यालय ईटहरीबाट खटिएको प्रहरी टोलीले लागूऔषध गाँजा सहित ईलाम सन्दकपुर गाउँपालिका-४ बस्ने बर्ष १८ को रोशन गुरुङलाई पक्राउ गरेको हो । राती १२:५० बजेको समयमा शंकास्पद अवस्थामा हिडिरहेका गुरुङलाई चेकजाँच गर्ने क्रममा २ सय ग्राम लागूऔषध गाँजा फेला पारी बरामद गरिएको हो । गाँजा सहित पक्राउ परेका गुरुङलाई इलाका प्रहरी कार्यालय ईटहरीमा राखि थप अनुसन्धान भईरहेको उक्त कार्यालयले जनाएको छ ।
सरसफाई तथा जनचेतना मूलक कार्यक्रम
झापा, मंसिर २३ गते ।

समुदाय-प्रहरी साझेदारी कार्यक्रम अन्तर्गत इलाका प्रहरी कार्यालय अनारमनी झापाले सरसफाई तथा जनचेतनामूलक कार्यक्रम गरेको छ । शनिबार प्रहरीले झापाको अर्जुनधारा नगरपालिका अन्तर्गतमा रहेको धार्मिक स्थल अर्जुनधारा जलेश्वर मन्दिरमा धार्मिक परम्परा अनुसार बालचतुर्दशी मेलामा मन्दिरको परिसरमा सरसफाई कार्यक्रममको आयोजना गरेको थियो । उक्त मेलामा आफ्ना स्वर्गवासी आमा बुवाको सम्झनामा छरेका सदबिउ लगायत धर्मका अपेक्षा बोकी आएका श्रद्धालुहरुबाट मन्दिर परिसर तथा वरीपरी भएका फोहोरलाई व्यवस्थित गर्न  उक्त कार्यक्रमको आयोजना गरिको हो । कार्यक्रममा ईलाका प्रहरी कार्यालय अनारमनीका प्रमुख, अर्जुनधारा जलेश्वर धाम मन्दिरको समिति, स्थानीय भद्र-भलाद्मी, नागरिक समाज, जन प्रतिनिधीहरु, पत्रकार लगायत प्रहरी कर्मचारीहरुको उपस्थिती रहेको थियो । त्यसैगरी समुदाय-प्रहरी साझेदारी कार्यक्रम अन्तर्गत झापा अर्जुनधारा नगरपालिका शनिश्चरे बजारमा महिला हिंसा न्यूनिकरण र साईवर क्राईम सम्बन्धी जनचेतनामूलक प्रशिक्षण कार्यक्रम गरिएको छ । इलाका प्रहरी कार्यालय अनारमनी र बिभिन्न महिला संघ संस्थाहरुको संयुक्त आयोजनामा उक्त कार्यक्रमको आयोजना गरिएको इलाका प्रहरी कार्यालय अनारमनीले जनाएको छ । कार्यक्रममा स्थानीय भद्र-भलाद्मी, नागरिक समाज, जन प्रतिनिधीहरु, पत्रकार लगायत अन्दाजी १५० जनाको उपस्थिती रहेको थियो ।
सवारी दुर्घटनामा ४ घाइते
सुनसरी, मंसिर २३ गते ।

सुनसरीको धरान उप-महानगरपालिका-१३ शिवधारामा शनिवार दिउँसो कारको ठक्करबाट मोटरसाईकलमा सवार ४ जना घाइते भएका छन् । दिउँसो पौने ३ बजेको समयमा भेडेटारबाट धरान तर्फ आउँदै गरेको बा २० च ४१ नम्बरको कारले धरानबाट भेडेटार तर्फ जाँदै गरेको को १२ प ४३ नम्बरको मोटरसाईकललाई ठक्कर दिएको थियो । ठक्करबाट मोटरसाईकलमा सवार रहेका चालक धरान-११ मंलाबरे बस्ने बर्ष ३० को अनिष राई, पछाडी  सवार  निजको श्रीमती बर्ष २९ को माया सुब्बा, निजको छोरा बर्ष ८ को छिङगु राई र ९ महिनाको निजकै छोरा रोयल राई घाइते भएका हुन् । दुर्घटनामा परि घाइते चारै जनालाई उपचारको लागि धरान स्थित वि.पी. कोइराला स्वास्थ्य विज्ञान प्रतिष्ठान पठाईएको इलाका प्रहरी कार्यालय धरानले जनाएको छ । ठक्कर दिने कार, चालक र मोटरसाईकललाई प्रहरीको नियन्त्रणमा राखिएको छ ।
आगलागीबाट तिन लाखको क्षति
खोटाङ, मंसिर २२ गते ।

खोटाङको दिक्तेल रुपाकोट-मझुवागढी नगरपालिका-२ सोल्मा बस्ने बर्ष ७८ की  भैलसरी राईको घरमा आगलागी हुँदा अन्दाजी ३ लाख मूल्य बराबरको क्षति भएको छ । आज दिउँसो पौने २ बजेको समयमा भान्सा कोठाबाट अचानक आगो सल्कन गई राईको ढुङ्गा माटोले बनेको ३ तले घर, घर भित्र रहेको अन्नपात,लत्ताकपडा,भाँडा बर्तन,फर्निचर र आबस्यक कागजपत्र सहित पुर्ण रुपमा जलि नष्ट हुदा तिन लाख बराबरको क्षति भएको छ । घटनास्थलमा जिल्ला प्रहरी कार्यालय खोटाङबाट प्रहरीको टोली खटि गई स्थानीयबासीको सहयोगमा दिउँसो साढे २ बजे आगो नियन्त्रणमा लिईएको जिल्ला प्रहरी कार्यालय खोटाङले जनाएको छ ।
करेन्ट लागेर बृद्दाको मृत्यु
मोरङ, मंसिर २२ गते ।

मोरङको सुन्दर हरैचा नगरपालिका-२ बेलडागीमा करेन्ट लागेर बृद्दाको मृत्यु भएको छ । आज बिहान साढे ८ बजेको समयमा आफ्नै घरको बरन्डामा लुगा सुकाउने क्रममा वर्ष ६२ कि गंगा देवी मेहतालाई करेन्ट लागेको थियो । करेन्ट लागी घाईते भएकी मेहतालाई उपचारको लागी विराट नर्सिङ होम विराटनगर लगेकोमा निजको उपचारको क्रममा बिहान ०९:५० बजेको समयमा मृत्यु भएको ईलाका प्रहरी कार्यालय हरैचाले जनाएको छ ।
बलेरोको ठक्करबाट १ घाइते
इलाम, मंसिर २२ गते ।

इलामको रोङ गाउँपालिका २ स्थित मेची राजमार्गमा सवारी दुर्घटना हुदा एकजना घाइते भएका छन । इलामबाट बिर्तामोड तर्फ जाँदै गरेको मे १ ज ३०२२ नम्बरको बलेरोले बिपरित दिशाबाट आउदै गरेको ONTEST स्कुटरलाई ठक्कर दिदा उक्त दुर्घटना भएको थियो । दुर्घटनामा स्कुटर चालक झापा हल्दीबारी गा.पा.३ बस्ने बर्ष ५५ को राम प्रसाद प्रसाई गम्भिर घाइते भएका छन । घाइते उनको बिएण्डसी अस्पताल झापामा उपचार भइरहेको छ भने बलेरो र चालकलाई ईलाका प्रहरी कार्यालय अनारमनीले नियन्त्रणमा लिएको उक्त कार्यालयले जनाएको छ ।
आगलागीबाट तिन लाखको क्षति
तेह्रथुम, मंसिर २२ गते ।

तेह्रथुमको मेन्छयम गाउँपालिका-५ चुच्चेढुङगा बस्ने  पूर्ण बहादुर लिम्बुको घरमा आगलागी हुँदा अन्दाजी ३ लाख मूल्य बराबरको क्षति भएको छ । २१ गते बिहान साढे ९ बजेको समयमा चुल्होबाट आगो सल्कन गई फुसको छानो भएको घरमा आगलागी भएको थियो । आगलागीबाट घर तथा घर भित्र रहेका सर-सामान जलेर नष्ट भएको छ । घटनास्थलमा अस्थाई प्रहरी चौकी बमोराहाङबाट प्रहरीको टोली खटि गई स्थानीयबासीको सहयोगमा दिउँसो साढे बाह्र बजे आगो नियन्त्रणमा लिईएको जिल्ला प्रहरी कार्यालय तेह्रथुमले जनाएको छ ।
ट्याक्टरको ट्रलीले किचेर सह-चालकको मृत्यु
धनकुटा, मंसिर २१ गते ।

धनकुटाको धनकुटा नगरपालिका-२ भीरगाउँमा बिहीबार ट्याक्टरको ट्रलीले किचेर ट्याक्टरको सह-चालकको मृत्यु भएको छ । साँझ साढे ७ बजेको समयमा ट्याक्टरको ट्रलीले किचेर पाख्रिवास नगरपालिका-३ घर भई हाल धनकुटा-३ मालबासे बस्ने वर्ष ३१ को दिपक राईको घटनास्थलमा नै मृत्यु भएको जिल्ला प्रहरी कार्यालय धनकुटाले जनाएको छ । राईलाई कुलो बनाउनको लागि को.२ त. ६९७४ नम्बरको ट्याक्टरबाट बालुवा अनलोड गर्ने क्रममा ट्रली मुनि रहेको नटबल्टु चेकजाँच गर्ने क्रममा अचानक ट्रलीको हाईड्रोलिक भाँचिएर किचेको थियो । घटनास्थलमा प्रहरी टोली खटि गई कानूनी प्रकृया पूरा गरी शव पोष्टमार्टमको लागि जिल्ला अस्पताल धनकुटाको शवगृहमा राखिएको छ भने ट्याक्टर र चालकलाई प्रहरीको नियन्त्रणमा राखिएको छ ।
बिस्कुट  अड्किएर बालिकाको मृत्यु
सुनसरी, मंसिर २१ गते

सुनसरीको ईटहरी उप-महानगरपालिका-४ मा बिहीबार साँझ बिष्कुट अड्किएर ६ बर्षीया बालिकाको मृत्यु भएको छ । साँझ पौने ८ बजेको समयमा सोही स्थान बस्ने संजिब चौलागाईको छोरी श्रुती चौलागाई बिस्कुट खाने क्रममा घाँटीमा अड्किएर घाइते भएकी थिईन् । बालिकालाई तत्काल उपचारको लागि स्थानीय बिदान्त मेडिकल लैजाने क्रममा बाटोमा नै मृत्यु भएको इलाका प्रहरी कार्यालय ईटहरीले जनाएको छ ।
गाँजा फडानी गरी नष्ट
धनकुटा, मंसिर २१ गते ।

धनकुटाको शहिदभूमी गाउँपालिका-१ मा प्रहरीले अन्दाजी ३ हजार ५ सय बोट नाबो गाँजा फडानी गरी नष्ट गरेको छ । इलाका प्रहरी कार्यालय छिन्ताङ र प्रहरी चौकी त्रिवेणीबाट खटिएको प्रहरीको टोलीले शहिदभूमी गाउँपालिका-१ मा पर्ने पिलुवाटार र खरिखोला भन्ने स्थानमा उक्त परिमाणको गाँजाको बोट फडानी गरेको हो । प्रहरीले उक्र स्थानको जंगलमा लुकाई छिपाई राखेको अन्दाजी ४ सय किलो सुकेको गाँजा समेत नष्ट गरेको जिल्ला प्रहरी कार्यालय धनकुटाले जनाएको छ ।
३ लाख मूल्य बराबरको धनमाल चोरी
झापा, मंसिर २० गते ।

झापाको शिवसताक्षी नगरपालिका-९ शिवचोक स्थित केशब प्रसाद ढुंगानाको घरमा बुधबार राती चोरी भएको छ । ढुंगाना लगायत घरका सबै सदस्य सत्ताक्षीधाम पुराणमा गएको अवस्थामा घरको छतको ढोका फोडेर भित्र रहेको सुनको गहना ४ तोला ६ आना, झर्के थाल-६ थान, नगद २९ हजार, १ हजार मूल्य बराबरको रिचार्ज कार्डसहित अन्दाजी ३ लाख बराबरको  धनमाल चोरी भएको हो । पुराणबाट आज बिहान ढुंगानाको परिवार घर आउनासाथ चोरी भएको थाहा पाए पछि तत्काल ईलाका प्रहरी कार्यालय झिलझिलेलाई खबर गरेका थिए । घटनाबारे जानकारी पाउनासाथ तत्काल इलाका प्रहरी कार्यालय झिलझिलेबाट प्रहरी टोली परिचालन भई घटनाबारे अनुसन्धान तथा चोरीमा संलग्नहरुको खोजीकार्य भईरहेको उक्त कार्यालयले जनाएको छ ।
काठ चिर्ने क्रममा हातको पञ्जा काटिएर १ घाइते
झापा, मंसिर २० गते ।

झापाको बाह्रदशी गाउँपालिका-६ बिहीबारे भन्ने स्थानमा काठ चिरान गर्ने मिलमा हातको पञ्जा काटिएर १ जना घाइते भएका छन् । दिउँसो १ बजेको समयमा सोही स्थानमा रत्न बहादुर लिम्बुले संचालन गरेको काठ चिर्ने मिलमा कामदारको रुपमा काम गर्दै आईरहेका झापा मेचीनगर नगरपालिका-१० लालपानी बस्ने बर्ष ३५ को खड्ग बहादुर क्षेत्री घाइते भएका हुन् । काठ चिर्ने क्रममा मेशिनले क्षेत्रीको वाँया हातको पञ्जाको भाग काटिएर छिनेको छ । उनको झापा बिर्तामोडस्थित बि.एण्ड.सी अस्पतालमा उपचार भईरहेको इलाका प्रहरी कार्यालय घैलाडुब्बाले जनाएको छ ।
१ लाख बढी मूल्यको अवैध सामान बरामद
मोरङ, मंसिर २० गते ।

 “सीमावर्ती क्षेत्रमा तस्करी नियन्त्रण” अभियान अन्तर्गत प्रहरीले मोरङको विराटनगर महानगरपालिका-१५ बाट अन्दाजी १ लाख १७ हजार ४ सय ४८ हाजर मूल्य बराबरको अवैध सामान बरामद गरेको छ । इलाका प्रहरी कार्यालय रानीबाट खटिएको प्रहरी टोलीले भारतबाट तस्करी गरी नेपाल तर्फ ल्याउँदै गरेको अवैध लत्ताकपडा र खाद्यान्न बरामद गरेको हो । बरामद सामान आवश्यक कानूनी प्रकृया पश्चात आजै बिराटनगर भन्सार कार्यालय रानीमा बुझाईएको इलाका प्रहरी कार्यालय रानीले जनाएको छ ।
आगलागीबाट डेढ लाखको क्षति
मोरङ, मंसिर २० गते ।

मोरङको रंगेली नगरपालिका-२ माझी टोल बस्ने राजु सुनुवारको घरमा आगलागी हुँदा अन्दाजी १ लाख ५० हजार मूल्य बराबरको क्षति भएको छ । साँझ साढे ७ बजेको समयमा केटा-केटीहरु मैनबत्ती बालेर छिमेकीको घरमा टिभी हेर्न जाने क्रममा सुनुवारको फुसको छानो भएको घरमा आगलागी भएको थियो । आगलागीबाट घर तथा घर भित्र रहेका सम्पूर्ण सर-सामान जलेर नष्ट भएको छ । घटनास्थलमा अस्थाई प्रहरी चौकी बेतौनाबाट प्रहरीको टोली खटि गई स्थानीयबासीको सहयोगमा आगो नियन्त्रणमा लिईएको इलाका प्रहरी कार्यालय रंगेलीले जनाएको छ ।
मोटरसाईकलको ठक्करबाट १ घाइते
मोरङ, मंसिर २० गते ।

मोरङको रतुवामाई नगरपालिका-८ उर्लावारी-आमवारी  सडक खण्डको ईटहरा चोकमामा बुधवार मोटरसाईकलको ठक्करबाट १ जना घाइते भएका छन् । उत्तरबाट दक्षिणतर्फ आउँदै गरेको को ५ प १०८५ नम्बरको मोटरसाईकलले पैदलयात्री सोही स्थान बस्ने वर्ष-४१ को लेख बहादुर लिम्बुलाई ठक्कर दिएको थियो । ठक्करबाट घाइते लिम्बुलाई उपचारको लागि अरनीको अस्पताल उर्लावारी पठाईएको छ भने मोटरसाईकललाई प्रहरीको नियन्त्रणमा राखिएको इलाका प्रहरी कार्यालय सिजुवाले जनाएको छ ।
लागूऔषध टि.डी. जेसिक सहित २ पक्राउ
झापा, मंसिर १९ गते ।

झापाको मेचीनगर नगरपालिका-६ भन्सार कार्यालय गेटबाट प्रहरीले लागूऔषध टि.डी जेसिक सहित बुधवार २ जना युवकलाई पक्राउ गरेको छ । लागूऔषध डाईजेपाम-२५ एम्पुल, फेनारागन-२५ एम्पुल र लुपिजेसिक-२५ एम्पुल सहित दमक नगरपालिका-४ बस्ने बर्ष २२ को सुमन धिमाल र बर्ष १८ को बिजय श्रेष्ठलाई पक्राउ गरिएको हो । इलाका प्रहरी कार्यालय काँकडभिट्टाबाट खटिएको प्रहरी टोलीले दिउँसो १ बजे भारतबाट नेपाल तर्फ आउँदै गरेका उनीहरुलाई शंका लागि चेकजाँच गर्ने क्रममा पाईण्टको गोजीमा लुकाई राखेको लागूऔषध फेला पारी बरामद गरेको हो । बरामद लागूऔषध सहित दुवै जनालाई इप्रका काँकडभिट्टामा राखि थप अनुसन्धान भईरहेको उक्त कार्यालयले जनाएको छ ।
स्कुटरको ठक्करबाट १ घाइते
सुनसरी, मंसिर १९ गते ।

सुनसरीको धरान उप-महानगरपालिका-१३ लक्ष्मी चोकमा बुधवार स्कुटरको ठक्करबाट १ जना पैदलयात्री घाइते भएका छन् । बिहान १० बजेको समयमा भनुचोकबाट जिरोप्वाईन्ट तर्फ जाँदै गरेको को १३ प १०१९ नम्बरको स्कुटरले पैदलयात्री धरान-५ बस्ने बर्ष २७ को मनोज महरालाई ठक्कर दिएको थियो । दुर्घटनामा परि घाइते महरालाई उपचारको लागि स्कुटर चालक धरान-८ बस्ने सुम्निमा सुब्बाले वी.पी. कोइराला स्वास्थ्य विज्ञान प्रतिष्ठान लगेको इलाका प्रहरी कार्यालय धरानले जनाएको छ ।
लागूऔषध खैरो हेरोईन सहित २ पक्राउ
झापा, मंसिर १९ गते ।

झापाको मेचीनगर नगरपालिका-६ को भन्सार गेटबाट प्रहरीले  लागूऔषध खैरो हेरोईन सहित २ जनालाई पक्राउ गरेको छ । दिउँसो साढे २ बजेको समयमा लागूऔषध नियन्त्रण व्यूरो काँकडभिट्टाबाट खटिएको प्रहरी टोलीले लागूऔषध सहित झापा बाह्रदशी गाउँपालिका-७ बस्ने हेमन्त राजवंशी र बिर्तामोड नगरपालिका २ बस्ने बर्ष २३ को जनक सुन्दासलाई लाई पक्राउ गरेको हो । मे ५ प ३६३५ नम्बरको मोटरसाईकलमा सवार उनीहरुलाई चेकजाँच गर्ने क्रममा मोटरसाईकलको ट्याङकीमा प्लाष्टिकमा पोको पारेर सेतो टेपले बाँधेर लुकाई छिपाई राखेको अवस्थामा ४ सय मिलिग्राम लागूऔषध खैरो हेरोईन फेला पारि बरामद गरिएको हो ।  बरामद लागूऔषध सहित पक्राउ परेका दुवै जनालाई इलाका प्रहरी कार्यालय काँकडभिट्टामा राखि थप अनुसन्धान भईरहेको उक्त कार्यालयले जनाएको छ ।
मोरटसाईकलको ठक्करबाट महिलाको मृत्यु
पाँचथर, मंसिर १९ गते ।

पाँचथरको फिदिम नगरपालिका-३ लाकीखर्कमा मंगलवार मोटरसाईकलको ठक्करबाट एक जना पैदलयात्रीको मृत्यु भएको छ । अपरान्ह सवा ४ बजेको समयमा मेची राजमार्ग अन्तर्गत बिर्तामोडबाट फिदिम तर्फ जाँदै गरेको बा ९५ प ९३१९ को मोटरसाईकलले सोही स्थान बस्ने पैदलयात्री वर्ष ४५ की विमला कुमारी राईलाई ठक्कर दिएको थियो । मोटरसाईकलको ठक्करबाट गम्भीर घाइते भई उपचारको लागि जिल्ला अस्पताल पाँचथर हुँदै थप उपचारको लागि बिर्तामोड लैजाँदै गर्दा बाटोमा नै मृत्यु भएको जिल्ला प्रहरी कार्यालय पाँचथरले जनाएको छ । त्यसैगरी मोटरसाईकलको पछाडी सवार सोही ठाउँ बस्ने वर्ष २८ को संगम योङाहाङ समेत घाइते भई पाथिभरा अस्पताल पाँचथरमा उपचार भईरहेको छ भने मोटरसाईकल चालकलाई प्रहरीको नियन्त्रणमा राखिएको छ ।
अवैध सामान सहित २ पक्राउ
मोरङ, मंसिर १८ गते ।

मोरङको विराटनगर महानगरपालिका-१६ को बिभिन्न स्थानबाट प्रहरीले अन्दाजी ८५ हजार मूल्य बराबरको अवैध सामान सहित २ जनालाई पक्राउ गरेको छ । इलाका प्रहरी कार्यालय रानीबाट खटिएको प्रहरी टोलीले विराटनगर महानगरपालिका-१६ बस्ने बर्ष २१ को धनराज साह र बर्ष २१ को श्रवण यादवलाई पक्राउ गरेको हो । भारतबाट नेपाल तर्फ बि. आर. ३८ एन. ९५२७ नम्बरको मोटरसाईकलमा सवार रहेका उनीहरुलाई चेकजाँच गर्ने क्रममा अबैध रुपमा भन्सार छलि ल्याउँदै गरेको १० पिस ऊनी सुईटर बरामद गरेको हो । कपडा सहित पक्राउ परेका उनीहरुलाई आवश्यक कारवाहीको लागि विराटनगर भन्सार कार्यालय रानी बुझाईने उक्र कार्यालयले जनाएको छ ।
पानिमा डुबेर बालिका घाइते
सुनसरी, मंसिर १८ गते ।

सुनसरीको ईनरुवा नगरपालिका-४ मरिक टोलमा मंगलबार बिहान पानीमा डुबेर १ बालिका घाइते भएकी छन् । बिहान करिब साढे ९ बजेको समयमा सोही स्थान बस्ने बिनोद मरिकको छोरी बर्ष २ की रुही मरिक घर नजिकै रहेको पोखरी छेउमा खेल्ने क्रममा अचानक डुबेकी थिईन । पोखरीमा डुबी घाईते भएकी मरिकलाई उपचारको लागि जिल्ला अस्पताल ईनरुवा पठाईएको जिल्ला प्रहरी कार्यालय सुनसरीले जनाएको छ ।
करेण्ट लागेर १ घाइते
मोरङ, मंसिर १८ गते ।

मोरङको बुढीगंगा गाउँपालिका-१ मा करेण्ट लागेर १ जना घाइते भएका छन् । बिहान ९ बजेको समयमा  बिराट मेडिकल कलेजमा ना. ४ ख. ३४९५ नम्बरको ट्रिपरबाट बालुवा अनलोड गर्ने क्रममा माथिबाट बिजुलीको तारमा छुँदा सोही ट्रिपरका सह-चालक धनकुट्टा चौविसे गाउँपालिका- ७ बस्ने वर्ष २६ को मदन लिम्बु घाइते भएका हुन् । करेण्ट लागेर घाइते लिम्बुलाई उपचारको लागि बिराट नर्सिङ होम पठाईएको इलाका प्रहरी कार्यालय नेमुवाले जनाएको छ भने चालकलाई प्रहरीको नियन्त्रणमा राखिएको छ ।
मोटरसाईकल चोरीमा संलग्न ५ जना पक्राउ 
सुनसरी, मंसिर १८ गते । 

सुनसरीको गढी गाउँपालिका-१ मधेलीबाट प्रहरीले सोमवार मोटरसाईकल चोरीमा संलग्न ५जनालाई पक्राउ गरेको छ । चोरीको आरोपमा प्रहरीले सोही स्थान बस्ने बर्ष १८ को दामोदर चौधरी, बर्ष २३ को विनोद कुमार चौधरी र बर्ष १८ को मनिष चौधरीलाई  पक्राउ गरिएको हो । उनीहरुलाई सुनसरी इटहरी-५ बस्ने कमल बहादुर महल्दारको को २७ प ८८७६ नम्बरको मोटरसाईकल चोरी गर्दै गरेको अवस्थामा फेला पारी रंगेहात पक्राउ गरिएको हो । पक्राउ परेका उनीहरुलाई अनुसन्धान गर्ने क्रममा मोटरसाईकल चोरीमा संलग्न अन्य व्यक्तिहरु पनि संलग्न रहेको खुल्न आए पछी खोजतलासमा खटिएको प्रहरी टोलीले राती पौने १२ बजेको समयमा गढी गाउँपालिका-१ मधेली बस्ने बर्ष २० को शनिदेवल चौधरी र बर्ष २३ को सरगम चौधरीलाई चोरीको को ८ प ६२७० र को २९ प ८९३६ नम्बरको स्कुटर सहित नियन्त्रणमा लिईएको जिल्ला प्रहरी कार्यालय सुनसरीले जनाएको छ । पक्राउ परेका पाँचै जना उपर थप अनुसन्धान भईरहेको उक्त कार्यालयले जनाएको छ ।
मोटरसाईकल दुर्घटनामा १ को मृत्यु, १ घाइते
मोरङ, मंसिर १८ गते ।

मोरङको उर्लावारी नगरपालिका-६ मा रहेको उर्लावारी-मधुमल्ला भित्री सडक खण्डको हाटखोला बजारमा गए राती मोटरसाईकल दुर्घटनामा परि १ जनाको मृत्यु भएको छ भने १ जना घाइते भएका छन् । आज बिहान  ३ बजे को १९ प  ४४७५ नम्बरको मोटरसाईकल आँफै अनियन्त्रित भई दुर्घटना भएको थियो । दुर्घटनामा मोटरसाईकल चालक  सोही स्थान बस्ने बर्ष ३० को बोरिश धिमाल र  पछाडी सवार बर्ष २५ को अमित धिमाल गम्भीर घाइते भई उपचारको लागि अरनीको अस्पताल उर्लाबारी हुदै थप उपचारको लागि नोबेल अस्पताल बिराटनगर पठाईएकोमा उपचारको क्रममा मोटरसाईकलको पछाडी सवार अमित धिमालको बिहान सवा ४ बजे मृत्यु भएको इलाका प्रहरी कार्यालय उर्लाबारीले जनाएको छ ।
बिभिन्न स्थानमा आगलागी १६ लाख बढीको क्षति
विराटनगर, मंसिर १७ गते ।

१ नम्बर प्रदेश अन्तर्गत खोटाङ, झापा, सुनसरी र उदयपुरमा भएको आगलागीबाट अन्दाजी १६ लाख २१ हजार मूल्य बराबरको क्षति भएको छ ।
 
खोटाङः- खोटाङको हलेसी-तुवाचुङ नगरपालिका-५ चिमाखु बस्ने मौला बहादुर राईको घरमा सोमवार दिउँसो आगलागी हुँदा अन्दाजी ६ लाख ५० हजार मूल्य बराबरको क्षति भएको छ । दिउँसो करिब २:५५ बजेको समयमा भएको उक्त आगलागीबाट राईको ढुङ्गा माटोले बनेको फुसको छानो भएको २ तले घरमा आगलागी हुँदा घर लगायत भित्र रहेको अन्नपात, लत्ताकपडा, भाँडावर्तन जलेर पूर्ण रुपमा क्षति भएको छ । आगलागी भएको भनि स्थानीयले इलाका प्रहरी कार्यालय हलेसीमा खबर गर्ना साथ तत्काल खटिएको प्रहरीको टोलीले स्थानीयबासीको सहयोगमा आगो नियन्त्रणमा लिएको उक्त कार्यालयले जनाएको छ । आगलागीको कारण भने खुल्न सकेको छैन ।
झापाः- झापाको मेचीनगर नगरपालिका-११ बस्ने तीर्थ नेपालको डेढ बिगाह खेतमा काटेर राखेको धानको कुन्यूमा आगलागी हुँदा अन्दाजी १ लाख ५० हजार मूल्य बराबरको क्षति भएको छ । दिउँसो करिब सवा १ बजेको समयमा निजकै छोरा बर्ष ५ को योगेश नेपालले सलाई खेलाउने क्रममा थुपारेर राखेको कुन्यूमा अचानक आगलागी भएको थियो । आगलागीबाट अन्दाजी १०० मन धान र पराल जलेर पूर्ण रुपमा नष्ट भएको छ । ऊक्त आगलागी दमकल, प्रहरी र स्थानीयबासीको सहयोगमा पूर्ण रुपमा नियन्त्रणमा लिईएको इलाका प्रहरी कार्यालय धुलावारीले जनाएको छ ।
 
सुनसरीः- सुनसरीको बर्जु गाउँपालिका-६ बस्ने राउदी पण्डितको गोठमा जडान गरिएको मिटर बक्सको तार सर्ट भई  आगलागी हुँदा अन्दाजी ४ लाख मूल्य बराबरको क्षति भएको छ भने १ महिला घाइते भएकी छन् । बिहान साढे ९ बजे भएको उक्त आगलागीबाट पण्डितको अन्नपात, लत्ता कपडा जलेर नष्ट भएको छ भने आगो निभाउने क्रममा आगोले पोलेर निजको श्रीमती बर्ष ५५ की साबित्रीदेवी पण्डित घाईते भएकी छन् । घटनास्थलमा जिल्ला प्रहरी कार्यालय सुनसरीबाट प्रहरीको टोली खटि गई स्थानीयबासीको सहयोगमा आगो नियन्त्रणमा लिईएको उक्त कार्यालयले जनाएको छ ।
 
उदयपुरः- उदयपुरको कटारी नगरपालिका-९ सिदुरे बस्ने कुल बहादुर सुनुवारको २ तले घरमा आगलागी हुँदा अन्दाजी ४ लाख २१ हजार मूल्य बराबरको क्षति भएको छ । गत शुक्रबार दिउँसो २ बजेको समयमा सुनुवारको मतान घरको चुल्होमा बालेको आगोबाट अचानक आगलागी हुँदा १ तले मतान घर र ढुंगा माटोले बनेको २ तले घर काठपात जलेर नष्ट भएको छ । सुनुवारको घरमा आगलागी भएको भन्ने खबर आज सोमबार जानकारी गराउना साथ खटिएको प्रहरी टोलीले आवश्यक  कानूनी प्रकृया पूरा गरेको जिल्ला प्रहरी कार्यालय उदयपुरले जनाएको छ ।
जंगली हात्तीद्वारा क्षति
उदयपुर, मंसिर १७ गते ।

उदयपुरको चौदण्डीगढी नगरपालिका-१० मा गए राती जंगली हात्ती गाउँ पसेर अन्नबाली नष्ट गरेको छ । नजिकै रहेको जंगलबाट निस्केको ४ वटा हात्तीको समूहले सोही स्थान बस्ने टिकाराम दाहाल र बिक्रम दाहालको घरको भुईतला भत्काएर घर भित्र रहेको चामल १ क्वीन्टल, मकै ३० किलो र ५० किलो चोकर नष्ट गरेको छ । उक्त हात्तीको समूहलाई प्रहरी र स्थानीयबासीको सहयोगमा सृजना सामुदायिक बन (खैरा जंगल) तर्फ लखेटेको जिल्ला प्रहरी कार्यालय उदयपुरले जनाएको छ ।
दुई स्थानमा आगलागी, साढे ९ लाख बढीको क्षति
खोटाङ, मोरङ, मंसिर १७ गते ।
 
खोटाङ र मोरङ जिल्लामा आइतवार भएको आगलागीबाट अन्दाजी ९ लाख ५७ हजार मूल्य बराबरको क्षति भएको छ । खोटाङको रावावेशी गाउँपालिका-२ बस्ने ईश्वर बहादुर मगर र लोक बहादुर मगरको २ तले घरमा आगलागी हुँदा अन्दाजी ५ लाख ५७ हजार मूल्य बराबरको क्षति भएको छ । आइतवार राती ८ बजेको समयमा २ वटा कोठामा छुट्टिएर बसेका दाजुभाईको घरमा ईश्वर बहादुर मगरको कोठामा खाना पकाउने क्रममा अचानक आगलागी हुँदा फुसको घर, लत्ता-कपडा, अन्नपात र नगद ५१ हजार जलेर नष्ट भएको छ ।  आगलागी भएको जानकारी पाउनासाथ तत्काल अस्थाई प्रहरी चौकी खार्पाबाट प्रहरीको टोली खटि गई स्थानीयबासीको सहयोगमा उक्त आगलागी पूर्ण रुपमा नियन्त्रणमा लिईएको जिल्ला प्रहरी कार्यालय खोटाङले जनाएको छ । त्यसैगरी मोरङको सुनवर्षी नगरपालिका-६ झपडतालमा गए राती भरत ताजपुरीयाको घरमा आगलागी हुँदा अन्दाजी ४ लाख मूल्य बराबरको क्षति भएको छ । राती सवा २ बजेको समयमा ताजपुरियाको फुसको छानो भएको १ तले गाई गोठमा सिटी सफारी चार्ज गर्ने क्रममा बिजुलीको तार सर्ट भई आगलागी भएको थियो । आगलागीबाट गाई गोठ र  सिटी सफारी पूर्ण रुपमा जलेर नष्ट भएको छ भने ३ वटा चौपाया जलेर सामान्य क्षति भएको छ ।  उक्त आगलागी प्रहरी र स्थानीयवासीको सहयोगमा बिहान सवा ३ बजे पूर्ण रुपमा नियन्त्रणमा लिईएको इलाका प्रहरी कार्यालय रंगेलीले जनाएको छ ।
बसको ठक्करबाट १ को मृत्यु
सुनसरी, मंसिर १७ गते ।

पूर्व-पश्चिम राजमार्ग अन्तरगत सुनसरीको ईनरुवा नगरपालिका-३ मा आइतवार बसको ठक्करबाट १ जना पैदल यात्रीको मृत्यु भएको छ । पूर्वबाट पश्विम तर्फ जाँदै गरेको को १ ख ५२४१ नम्बरको बसले पैदल हिडिरहेको अवस्थामा सोही स्थान बस्ने बर्ष ४० को यात्री बौका साहलाई साँझ पौने ६ बजे ठक्कर दिएको थियो । ठक्करबाट गम्भीर घाइते साहलाई उपचारको लागि जिल्ला अस्पताल ईनरुवा पठाईएकोमा थप उपचारको लागि बिराटनगर स्थित गोल्डेन अस्पताल पठाईएकोमा उपचारको क्रममा सोही अस्पतालमा राती साढे १० बजे मृत्यु भएको जिल्ला प्रहरी कार्यालय सुनसरीले जनाएको छ । ठक्कर दिने बस र चालकलाई प्रहरीको नियन्त्रणमा राखिएको उक्त कार्यालयले जनाएको छ ।
धरानमा बेवारिशे लाश फेला
सुनसरी, मंसिर १६ गते ।

सुनसरीको धरान उप-महानगरपालिका-१७ मा रहेको उदय सामुदायिक बनमा आइतवार बेवारिशे अवस्थामा १ जना पुरुषको लाश फेला परेको छ । करिब दिउँसो १० बजेको समयमा वन भित्र सडिगलेको अवस्थामा लाश फेला परे पछी स्थानीयले प्रहरीमा खबर गरेका थिए । घटनास्थलमा इलाका प्रहरी कार्यालय धरान र अस्थाई प्रहरी पोष्ट रेल्वेबाट प्रहरी टोली खटि गई कानूनी प्रकृया पूरा गरी शव पोष्टमार्टमको लागि वी.पी. कोइराला स्वास्थ्य विज्ञान प्रतिष्ठान धरान पठाईएको छ भने लाशको सनाखत हुन सकेको छैन । घटना सम्बन्धमा थप अनुसन्धान भईरहेको इलाका प्रहरी कार्यालय धरानले जनाएको छ ।
केमिकल सेवनबाट १ बिरामी
सुनसरी, मंसिर १६ गते ।

सुनसरीको ईटहरी उप- महानगरपालिका-१६  लवीपुरमा आइतवार केमिकल सेवनबाट १ जना बिरामी परेका छन् । दिउँसो १२ बजे खाना खाएर औषधी खाने क्रममा पानीको बोतलमा राखिएको खिया हटाउने केमिकल झुक्किएर पिउँदा ईटहरी उप-महानगरपालिका-२ बस्ने बर्ष ४१ को हेमकुमार राई बिरामी परेका हुन् । केमिकल सेवनबाट बिरामी परेका राईलाई उपचारको लागि ईटहरी स्थित एपेक्स अस्पताल पठाईएको इलाका प्रहरी कार्यालय ईटहरीले जनाएको छ ।
करेन्ट लागेर मृत्यु
झापा, मंसिर १६ गते ।

झापाको झापा गाउँपालिका-६ मा रहेको सानो माई खोलामा माछा मार्ने क्रममा करेन्ट लागेर १ जनाको मृत्यु भएको छ । शनिवार साँझ १७:४० बजेको समयमा सानो माई खोलामा माछा मार्न गएका झापा गाउँपालिका-६ का २५ बर्षीय बिक्रम भुजेलको बिजुलीको पोलबाट परेन्ट तानी माछा मार्ने क्रममा आफैलाई करेन्ट लागेर घटनास्थलमा नै मृत्यु भएको जिल्ला प्रहरी कार्यालय झापाले जनाएको छ । घटनास्थलमा जिल्ला प्रहरी कार्यालय झापाबाट प्रहरी टोली खटी गई कानूनी प्रकृया पुरा गरी शवलाई पोष्टमार्टमको लागि मेची अञ्चल अस्पताल पठाएको उक्त कार्यालयले जनाएको छ ।
खुकुरी प्रहारबाट १ घाईते
ईलाम, मंसिर १६ गते ।

ईलामको ईलाम नगरपालिका-९ साँझबोटेमा भाईको खुकुरी प्रहारबाट दाजु गम्भीर घाईते भएका छन् । गत दिपावलीमा दाजुभाई बिच बादबिबाद भई बोलचाल नै बन्द भएकोमा शनिवार दिउसो आफ्नै घरमा सुतिरहेका बर्ष ३० का संजिब सुबेदीलाई उनकै भाई २८ बर्षीय नविन सुबेदीले पुरानो रिसिईवीका कारण घरमै गई एक्कासी खुकुरी प्रहार गर्दा दाजु संजिव सुबेदीको बाँया हातको चौंथो औंला काटीएर छिनेको र दाहिने कानको माथी टाउकोमा गहिरो चोट लागेको जिल्ला प्रहरी कार्यालय ईलामले जनाएको छ । घाईतेलाई तत्काल जिल्ला प्रहरी कार्यालय झापाबाट खटिएको प्रहरी टोलीले उद्धार गरी उपचारको लागि झापा पठाएको छ भने दाजुलाई खुकुरी प्रहार गर्ने नविन सुवेदीलाई नियन्त्रणमा लिई थप अनुसन्धान भईरहेको उक्त कार्यालयले जनाएको छ ।
कुटपीटबाट १ घाईते
सुनसरी, मंसिर १६ गते ।

सुनसरीको हरिनगरा-१ मा छिमेकी छिमेकी बिच बादबिबाद भई कुटपिट हुँदा १ जना घाईते भएका छन् । शनिवार दिउँसो १२:३० बजेको समयमा घरायशी बिषयमा छिमेकी छिमेकी बिच बादबिबाद हुँदा सोही स्थान बस्ने रहमान अन्सारी र जावेद अन्सारीले छिमेकी ५० बर्षीय महिरमान मियालाई कुटपिट गर्दा उनी गम्भीर घाईते भएका थिए । घाईतेलाई प्रहरी चौकी भुटाहाबाट खटिएको प्रहरी टोलीले तत्काल उद्धार गरी उपचारको लागि बिराटनगको गोल्डेन अस्पताल पठाएको छ भने कुटपिटमा संग्लग्न रहेका दुवै जनालाई तत्काल नियन्त्रणमा लिएको उक्त कार्यालयले जनाएको छ ।
मोटरसाईकलको ठक्करबाट बालिका घाईते
सुनसरी, मंसिर १६ गते ।

सुनसरीको कोशी गाउँपालिका-१ को पुर्वपश्चिम राजमार्गमा मोटरसाईकलको ठक्करबाट ५ बर्षीया बालिका घाईते भएकी छन् । शनिवार दिउँसो १५:४५ बजेको समयमा पुर्व बाट पश्चिम तर्फ गईरहेको स ९ प ३४४३ नं. को मोटरसाईकलले कोशी गाउँपालिका-१ लौकहि बस्ने श्रबण कुमार ऋषिदेबको छोरी बर्ष-५ कि सुमन ऋषिदेब लाई ठक्कर दिंदा उनी गम्भीर घाईते भएकी हुन् । घाईतेलाई उपाचारको लागि गोल्डेन अस्पताल बिराटनगर पठाईएको छ भने ठक्कर दिने मोटरसाईकल र चालक ईलाका प्रहरी कार्यालय लौकहीको नियन्त्रणमा रहेका छन् ।
हात्तीले घरमा क्षती
उदयपुर, मंसिर १५ गते ।

उदयपुरको त्रियुगा नगरपालिका-२ खैजनपुरमा जंगली हात्तीले क्षती पुर्याएको छ । आज बिहानको राती ०२:३० बजे को समयमा सोही स्थान बस्ने दिपक सार्की को फुसको छानो भएको घरमा हात्तीले आतंक मच्चाएको हो । हात्तीले दिपक सार्कीको फुसको घर भत्काई घर भित्र रहेको १ क्विन्टल चामल खाई नष्ट गरी अं ३५००० बराबरको क्षेती पुर्याएको  जिल्ला प्रहरी कार्यालय उदयपुरले जनाएको छ ।
सवारी दुर्घटनमा ४ घाईते
मोरङ्, मंसिर १५ गते ।

मोरङको २ छुट्टा छुट्टै स्थानमा आज सवारी दुर्घटना हुँदा ४ जना घाईते भएका छन । बिहान ०७:३० बजेको समयमा जिल्ला मोरङ् सुन्दर हरैचा नगरपालिका-१० स्थित खोर्साने केराबारी सडक खण्डमा खोर्साने बाट केराबारी तर्फ जादै गरेको को ५ प ६२९९ नंबरको मोटरसाईकल आफै अनियन्त्रित भई दुर्घटना हुदा २ जना घाईते भएका छन । दुर्घटनामा मोटरसाईकल चालक बेलबारी १ वस्ने वर्ष ३३ को प्रकाश राई र सोहि मोटरसाईकलमा पछाडि सवार सोही स्थान वस्ने वर्ष २१ को आमोस मगर घाईते भएका थिए । घाईते दुबै जनालाई उपचारको लागि नोबेल अस्पताल बिराटनगर तर्फ लगीएको जिल्ला प्रहरी कार्यालय मोरङले जनाएको छ  ।
यसैगरी आज दिउँसो १०:३० बजेको समयमा मोरङको बुढीगंगा गाउँपालिका-३ निमुवा चोकमा पिकअप र मोटरसाईकल एक आपसमा दुर्घटना हुँदा २ जना घाईते भएका छन । कोशी राजमार्गमा दक्षिण तर्फ जादै गरेको को १ च ६५२० नंबरको पिकअप र  बिपरित दिशा बाट आउदै गरेको को ३१ प ६४५ नंबरको मोटरसाईकल एक आपसमा ठक्कर खाई दुर्घटना भएको थियो । दुर्घटनामा मोटरसाईकल चालक जिल्ला सुनसरी ईटहरी उप-महानगरपालिका-१३ खनार बस्बे बर्ष २२ को रोसन चौधरी र गाडि चालक जिल्ला उदयपुर ठोक्सिला ९ बस्ने दिनेश बस्नेत घाईते भएकोले  BMC  गंगा चोकमा उपचार भईरहेको जिल्ला प्रहरी कार्यालय मोरङले जनाएको छ  ।
NCELL को टावरमा रहेको जेनेटरमा आँगलागी
मोरङ, मंसिर १५ गते ।

मेङको धनपाल थान गाउँपालिका-६ कदमाहा स्थितमा रहेको कोशी ४१४ NCELL को टावरमा टावर संचालन गर्नको लागी दुई सिलिन्डरमा अचानक आगलागी भएको थियो । शुक्रबार दिउँसो ४ बजेको समयमा अचानक आगलागी हुदा टावरमा राखीएको जेनेरेटर पुर्ण रुपमा जलेर नष्ट भएको छ । आगलागीबाट दशलाख बराबरको क्षती भएको छ भने उक्त आगलागी सोही दिन दिउँसो ४:३० बजेको समयमा प्रहरी चौकी कर्सिया र स्थानीयवासीको सहयोगमा पुर्ण रुपमा नियन्त्रणमा आएको जिल्ला प्रहरी कार्यालय मोरङले जनाएको छ ।
भिरबाट लडेर बृद्दको मृत्यु
पाँचथर, मंसिर १५ गते ।

पाचँथरको फाल्गुनन्द गाउँपालिका-१ स्थित पाखाभिर भन्ने स्थानबाट लडेर एक बृद्धको मृत्यु भएको छ । शुक्रबार राती ८ बजेको समयमा सोही स्थान बस्ने बर्ष ६९ को सुखथ्वज आङदम्बेको गाउँघर डुली आफ्नो घर फर्कने क्रममा उक्त भिरबाट लडेर मृत्यु भएको थियो । घटनाबारे जानकारी पाउनासाथ जिल्ला प्रहरी कार्यालय पाचँथरबाट प्रहरीको टोलि खटीगई अनुशन्धान कार्य भईरहेको उक्त कार्यालयले जनाएको छ ।
लडेर मृत्यु
तेह्रथुम, मंसिर १४ गते ।

तेह्रथुमको म्याङलुङ नगरपालिका-९ बस्ने १८ बर्षीय महेन्द्र तामाङको लडेर मृत्यु भएको छ । गत मंगलवार राती ११ बजेको समयमा घर नजिकै बाटोमा हिड्दै गरेको अवस्थामा मोटर बाटो छेउमा लगाएको ग्याबिन जालीको वालबाट  १०/१५ फिट तल खस्दा उनी गम्भीर घाईते भएका थिए । घाईतेलाई उपचारको लागि बि.पी. कोईराला स्वास्थ्य बिज्ञान प्रतिष्ठान घोपा पठाईएकोमा उपचारकै क्रममा उनको आज बिहान ०३:३० बजे मृत्यु भएको जिल्ला प्रहरी कार्यालय तेह्रथुमले जनाएको छ ।
अबैध समान बरामद
झापा, मंसिर १४ गते ।

झापाको मेचीनगर नगरपालिका-६ का बिभिन्न स्थानबाट प्रहरीले ६० हजार बराबरको अबैध समान बरामद गरेको छ । ईलाका प्रहरी कार्यालय काँकडभिट्टाबाट खटिएको प्रहरी टोलीले अवैध रुपमा भन्सार छली गरी ल्याएको सुख्खा सुपारी, हरियो मटर तथा हाडवेयरका सामानहरु बरामद गरेको हो । बरामद भएको सामान आबश्यक कारवाहीको लागि मेची भन्सार कार्यालयमा बुझाईएको उक्त कार्यालयले जनाएको छ ।
अबैध रुपमा लगाएको गाँजा खेती नष्ट
धनकुटा, मंसिर १४ गते

प्रहरीले धनकुटा जिल्लाको बिभिन्न स्थानमा प्राकृतिक रुपमा उम्रिएका तथा अवैध रुपमा खेति गरिएको अन्दाजी १८ सय बोट गाँजा फडानी गरी नष्ट गरेको छ । ईलाका प्रहरी कार्यालय भेडेटारबाट गाँजा फडानी गर्न खटि गएको प्रहरी टोलीले धनकुटाको साँगुरीगढी गाउँपालिकाको  टरीटोल  र थलाङ तथा शहिदभुमी गाउँपालिका-२ को  शम्भु गाउँ र ढोलमुखामा अबैध रुपमा लगाईएको तथा सो स्थानका भीर पाखा लगायत जंगलमा रहेको १८ सय बोट गाँजा फडानी गरी नष्ट गरेको जिल्ला प्रहरी कार्यालय धनकुटाले जनाएको छ ।  यसैगरी प्रहरी चौकी हसनपुर भोजपुरबाट खटिएको प्रहरी टोलीले हतुवागढी गाउँपालिका-९ माङचवा एरियामा अबैध रुपमा लगाईएको तथा सो स्थानका भीर पाखा लगायत जंगलमा रहेको १५ सय बोट गाँजा फडानी गरी नष्ट गरेको जिल्ला प्रहरी कार्यालय भोजपुरले जनाएको छ ।
ऋण चुक्ता गर्न नसक्दा आफ्नै बसमा आगजनी
मोरङ, मंसिर १३ गते ।

आफ्नो बसमा आफै आगो लगाएको आरोपमा ईलाका प्रहरी कार्यालय बेलवारीले २ जनालाई पक्राउ गरेको छ । गत मंगलवार मोरङको ग्रामथान गाउँपालिका वडा नम्बर-५ को मसान चौकमा राती १० बजे बा ३ ख ८०७४ नम्वरको माइक्रो बसमा आगजनी भएको थियो । अज्ञात समुहले बसमा आगजनी गरेको र मोवायल तथा अन्य धनमाल समेत लुटि लगेको भन्ने खवर ईलाका प्रहरी कार्यालय हरैचामा प्राप्त हुना साथ इलाका प्रहरी कार्यालय बेलवारी र  ईलाका प्रहरी कार्यालय हरैचाबाट तत्काल प्रहरी टोली खटी गई स्थानीयवासी र दमकलको सहयोगमा उक्त आगो राती २३:३० बजे नियन्त्रणमा लिएको थियो । उक्त आगजनी कसले र के कारणले गरेको भन्ने सम्बन्धमा अनुसन्धान गर्ने क्रममा बसकै चालक मन्थली नगरपालिका वडा नं. ५ बस्ने बर्ष-४८ शम्भु कार्की र सहचालक लिखु गाउँपालिका वडा नं. ५ बस्ने बर्ष-२५ को दिनेश बरुवालकै संग्लग्नता रहेको खुल्न आएपछी उनीहरुलाई नियन्त्रणमा लिईएको हो । उनीहरुले आफ्नो गाडी पुरानो भई ऋण समेत चुक्ता गर्न नसकेको र बिमा लगायत अन्य क्षतिपूर्ति प्राप्त गर्ने उदेश्यले योजना बद्ध रूपमा आफैले पेट्रोल लगाई जलाएको प्रारम्भिक अनुसन्धानबाट खुलेको जिल्ला प्रहरी कार्यालय मोरङले जनाएको छ । सो सम्बन्धमा थप अनुसन्धान भई रहेको उक्त कार्यालयले जनाएको छ ।
भोजपुरमा बलेरो दुर्घटना ७ घाईते
भोजपुर, मंसिर १३ गते ।

भोजपुरको अरुण गाउँपालिका-३ लाखबिरेमा बलेरो दुर्घटना हुँदा ७ जना घाईते भएका छन् । आज बिहान ०२:१५ बजेको समयमा बिराटनगरबाट भोजपुरको दलगाउ तर्फ जाँदै गरेको को.१ ज.३४९३ नम्बरको  बोलेरो उक्त स्थानमा आफै अनिन्त्रित भई सडकबाट १० मिटर तल खसी दुर्घटना भएको थियो । दुर्घटनामा परी अरुण गाउँपालिका-४ दलगाउ बस्ने बर्ष २६ कि उषा राई, बर्ष ४ की युमिहाङ राई, बर्ष ३५ की शारदा राई, बर्ष २८ की सरिता राई, बर्ष २७ की अनिता राई, बर्ष २६ कै उषा राई र षडानन्द नगरपालिका १३ बोया बस्ने बर्ष २४ को तेन्जिङ शेर्पा घाईते भएका हुन् । घाईतेलाई प्रहरी चौकी प्याउलीबाट खटिएको प्रहरी टोलीले उद्धार गरी उपचारको लागि धरान स्थित बि.पी.कोईराला स्वास्थ्य बिज्ञान प्रतिष्ठान पठाएको छ भने घाईते सबैको अबस्था तत्काल सामान्य रहेको जिल्ला प्रहरी कार्यालय भोजपुरले जनाएको छ ।
जल बिद्युत आयोजनाको नाममा ठगी गर्ने १ पक्राउ
मोरङ, मंसिर १३ गते ।

तमोर मेवा जल बिद्युत आयोजना नामको अफिस संचालन गरी अफिसमा कर्मचारी समेत नियुक्त गरी ठगी गर्ने १ जनालाई जिल्ला प्रहरी कार्यालय मोरङले पक्राउ गरेको छ । पक्राउ पर्नेमा लेटाङ नगरपालिका-३ घर भई बिराटनगर महानगरपालिका-३ मा बस्दै आएका ५५ बर्षिय गुणराज ओझा रहेका छन् । ओझाले अन्य ब्यक्तिको नाममा दर्ता भएको कम्पनी आफ्नो हो भनि भ्रममा पारी विराटनगर महानगरपालिका-४ स्थित चितनारायण माझी,  परमेश्वर ढुंगाना र ईश्वर ढुंगाना गरी ३ जनाको घर भाडामा लिएको र उक्त घरमा तमोर मेवा जल बिद्युत आयोजना पब्लिक लिमिटेडको अफिस संचालन गर्दै आएका थिए । ओझाले आफु उक्त कम्पनी केन्द्रिय अध्यक्ष तथा प्रवन्ध निर्देशक रहेको बताउदै नेपाल सरकारको तलब स्केल, खाजा खर्च र ५०% भत्ता समेत उपलब्ध गराउछु भनि बिभिन्न पदमा कसैलाई करार त कसैलाई ठाडो नियुक्ति दिई २०७४।१२।०१ गतेबाट अफिस उपस्थित गराई काम लगाउदै आएको र नयाँ अफिस भएकोले आफुलाई अफिस चलाउन गाह्रो भएको बताउदै कर्मचारीबाट ४ लाख ९१ हजार सापटी लिएका थिए । ओझाले लामो समय सम्म सापटी लगेको रकम फिर्ता नगरेको र तोकिएको मासिक तलव भत्ता समेत नदिएकोले आफु ठगिएको थाहा पाई कर्मचारीहरुले जिल्ला प्रहरी कार्यालय मोरङमा जाहेरी दिए पश्चात उनलाई मंसिर ११ गते पक्राउ गरिएको जिल्ला प्रहरी कार्यालय मोरङले जनाएको छ ।  पक्राउ परेका उनलाई ठगी मुद्धा अन्तरगत म्याद थप गरी अनुसन्धान भईरहेको उक्त कार्यालयले जनाएको छ ।
बसको ठक्करबाट साईकल यात्री घाईते
मोरङ, मंसिर १३ गते ।

मोरंङको बुढीगंगा गाउँपालिका-३ कोशी राजमार्गमा बसको ठक्करबाट साईकल यात्री गम्भीर घाईते भएका छन् । बुधवार साँझ १९:१५ बजेको समयमा दक्षिणबाट उत्तर तर्फ जाँदै गरेको को १ ख ५२३९ नं.को बसले बिपरीत दिशाबाट आईरेहको साईकल यात्री बुढीगंगा गाउँपालिका-३ बस्ने बर्ष ३० की निर्मला बिष्टलाई ठक्कर दिदा उनी गम्भीर घाईते भएकी हुन् । घाईतेको बिराट टिचिङ अस्पताल गंगाचोकमा उपचार भईरहेको छ भने बस , बस चालक र साईकल ईलाका प्रहरी कार्यालय निमुवाको नियन्त्रणमा रहेका छन् ।
३५ सय बोट गाँजा फडानी
धनकुटा, मंसिर १३ गते

प्रहरीले धनकुटा जिल्लाको बिभिन्न स्थानमा प्राकृतिक रुपमा उम्रिएका तथा अवैध रुपमा खेति गरिएको अन्दाजी ३५ सय बोट गाँजा फडानी गरी नष्ट गरेको छ । जिल्ला प्रहरी कार्यालय धनकुटा र ईलाका प्रहरी कार्यालय भेडेटारबाट गाँजा फडानी गर्न निस्किएको प्रहरी टोलीले धनकुटाको शहिदभूमी गाउँपालिका-१ बेल्टार र सफाई तथा साँगुरीगढी गाउँपालिकाको  खान्द्रुङटार  र तिरिङमा अबैध रुपमा लगाईएको तथा सो स्थानका भीर पाखा लगायत जंगलमा रहेको ३५ सय बोट गाँजा फडानी गरी नष्ट गरेको जिल्ला प्रहरी कार्यालय धनकुटाले जनाएको छ ।
कुपी बत्तीमा डढेर बालिकाको मृत्यु
मोरङ, मंसिर १३ गते ।

मोरङको बेलवारी नगरपालिका-७ बाहुनीमा घरमा बालेको कुपी बत्तिमा डढेर ३ बर्षीया बालिकाको मृत्यु भएको छ । बुधवार साँझ १८:०० बजेको समयमा नवल किशोर चौधरीको ३ बर्षीया छोरी खेल्ने क्रममा घरमा बालेको कुपी बत्तीले पोल्दा गम्भीर घाईते भएकी थिईन । घाईतेलाई उपचारको लागि तत्काल बि.पी.कोईराला स्वास्थ्य बिज्ञान प्रतिष्ठान धरान लगिएकोमा उपचारको क्रममा राती ०१:३० बजे मृत्यु भएको ईलाका प्रहरी कार्यालय बेलवारीले जनाएको छ ।
हिमाल आरोहण गरी फर्कने क्रममा बिदेशी नागरीकको मृत्यु
सोलुखुम्बु, मंसिर १२ गते ।

सोलुखुम्बुको खुम्बु पासाङल्हामु गाउँपालिका-४ मा रहेको आमा डबलम हिमाल आरोहण गर्न गएका १ जना बिदेशी नागरीकको मृत्यु भएको छ । हिमालयन गाईड्स नेपाल ट्रेक एण्ड एक्सपिडिसन प्राईभेट लिमिटेड  काठमाण्डौ मार्फत उक्त हिमाल आरोहण गर्न गएका  १४ जना बिदेशी नागरीहरु मध्ये हिमाल आरोहण गरी फर्कने क्रममा पासपोर्ट नं 532340853 का बर्ष ४७ को STEVENVICTOR BIEM नाम गरेका अमेरीकी नागरीक २०७५/०८/११ गते अचानक बिरामी भएको र मिति २०७५/०८/१२ गते बिहान ०७:३० बजेको समयमा घट्नास्थलमा नै मृत्यु भएको जिल्ला प्रहरी कार्यालय सोलुखुम्बुले जनाएको छ । शवलाई आजै सिम्रिक एयरको हेलिकप्टर द्धारा तेन्जिङ हिलारी बिमानस्थल लुक्ला लगी आबश्यक कानूनी प्रकृया भईरहेको छ भने के कारणले मृत्यु भयो भन्ने सम्बन्धमा समेत थप अनुसन्धान भईरहेको उक्त कार्यालयले जनाएको छ ।
छुरा प्रहारबाट १ घाईते
सुनसरी, मंसिर १२ गते ।

सुनसरीको ईटहरी उप-नगरपालिका-९ हटियालाईनमा संचालित एक्टिभ मनी ट्रान्सफरका संचालक अपरिचित ब्यक्तिको छुरा प्रहारबाट घाईते भएका छन् । आज दिउसो १४:०० बजेको समयमा मनी ट्रान्सफरमै आएका दुई जना अपरिचित ब्यक्तिले संचालक सबिन दाहाललाई छुरा प्रहार गरी फरार भएका थिए । छुरा प्रहारबाट दाहाल घाईते भएका छन् । उनको धरान स्थित बि.पी.कोईराला स्वास्थ्य बिज्ञान प्रतिष्ठानमा उपचार भईरहेको छ भने छुरा प्रहार गर्ने ब्यक्तिहरुको खोजतलास तथा अन्य थप अनुसन्धान भईरहेको ईलाका प्रहरी कार्यालय ईटहरीले जनाएको छ ।
करेन्ट लागेर १ जनाको मृत्यु
ईलाम, मंसिर १२ गते ।

ईलामको सुनमाई नगरपालिका-६ तारगाँउमा करेन्ट लागेर १ जनाको मृत्यु भएको छ । आज बिहान ११ बजेको समयमा घरमै बिजुलीको तार जोड्ने क्रममा अचानक करेन्ट लाग्दा २४ बर्षीय राम चन्द्र सुवेदी गम्भीर घाईते भएका थिए । घाईतेलाई उपचारको लागि बिर्तासिटी हस्पिटल बिर्तामोड पुर्‍याईएकोमा उपचारकै क्रममा उनको मृत्यु भएको जिल्ला प्रहरी कार्यालय ईलामले जनाएको छ ।
१५ सय बोट गाँजा फडानी
धनकुटा, मंसिर १२ गते

प्रहरीले धनकुटा जिल्लाको बिभिन्न स्थानमा प्राकृतिक रुपमा उम्रिएका तथा अवैध रुपमा खेति गरिएको अन्दाजी १५ सय बोट गाँजा फडानी गरी नष्ट गरेको छ । ईलाका प्रहरी कार्यालय छिन्ताङ र प्रहरी चौकी आँखिसल्लाबाट गाँजा फडानी गर्न निस्किएको प्रहरी टोलीले धनकुटाको शहिदभूमी गाउँपालिका-७ को चिम्रा,चाम्चा र सालबोटे भीर पाखा लगायत जंगलमा रहेको १५ सय बोट गाँजा फडानी गरेको जिल्ला प्रहरी कार्यालय धनकुटाले जनाएको छ ।
आगलागी हुँदा ६ लाख बढीको क्षति
खोटाङ, मंसिर १२ गते ।

खोटाङको केपिलासगढी गाउँपालिका-४ बस्ने मणिराज राईको घरमा आगलागी हुँदा अन्दाजी ६,८५,०००।- ( छ लाख पचासि हजार) बराबरको क्षति भएको छ । मंगलवार दिउसो चुलोबाट अचानक आगलागी हुँदा ढुङगा माटोले बनेको फुसको छानो भएको २ तले घर जलेर पूर्णरुपमा क्षति भएको थियो । उक्त आगलागी स्थानीयबासी र प्रहरीको सहयोगमा दिउसो १६:४० बजे पूर्णरुपमा नियन्त्रणमा आएको थियो भने उक्त आगलागीबाट कुनै पनी मानवीय तथा चौपाया क्षति नभएको जिल्ला प्रहरी कार्यालय खोटाङले जनाएको छ ।
मोटरसाईकलको ठक्करबाट पैदल यात्रीको मृत्यु
उदयपुर, मंसिर १२ गते ।

उदयपुरको बेलका नगरपालिका-१ ईटाभट्टामा मोटरसाईकलको टक्करबाट पैदल यात्रीको मृत्यु भएको छ । मंगलवार साँझ १८:०५ बजेको समयमा फत्तेपुरबाट बेल्टार तर्फ जादै गरेको को २९ प ४४३० नम्बरको मोटरसाईकलले पैदल यात्री उदयपुरको चौदण्डीगढी नगरपालिका-४ बस्ने बर्ष ५२ को सरोज तामाङ लाई ठक्कर दिदा मोटरसाईकल चालक चौदण्डीगढी नगरपालिका-४ बस्ने बर्ष ५५ को हरि चन्द्र राई र पैदल यात्री दुबैजना गम्भीर घाईते भएका थिए । घाईते दुबैजनालाई उपचारको लागि बि.पि.कोईराला स्वास्थ्य बिज्ञान प्रतिष्ठान घोपा धरान पठाएकोमा पैदल यात्री सरोज तामाङलाई थप उपचारको लागि बिराटनगरको गोल्डेन अस्पताल लगिएकोमा उनको उपचारकै क्रममा साँझ ०८:२० मा मृत्यु भएको हो ।
टिपरको ठक्करबाट मोटरसाईकल चालकको मृत्यु
मोरङ, मंसिर १२ गते ।

मोरङको पथरी शनिश्चरे नगरपालिका-१० मा टिपरको ठक्करबाट मोटरसाईकल चालकको मृत्यु भएको छ । मंगलवार साँझ १७:३० बजेको समयमा पश्चिम बाट पुर्व तर्फ जाँदै  गरेको बा ६४ प १९९१ न. को मोटरसाईकललाई सोहि दिशा बाट जाँदै गरेको को १ ख ५७५२ नं. को टिपरले पछाडीबाट ठक्कर दिदा मोटरसाईकल चालक मेची नगरनगरपालिका-१२ धाईजन बस्ने बर्ष-३० पदम राजबंशी गम्भीर घाईते भएका थिए । घाईतेलाई ईलाका प्रहरी कार्यालय पथरीबाट खटिएको प्रहरी टोलीले तत्काल उद्धार गरी उपचारको लागि मंगलवारे अस्पताल पठाएकोमा उपचारकै क्रममा साँझ १८:२५ बजे मृत्यु भएको ईलाका प्रहरी कार्यालय पथरीले जनाएको छ । टिपर चालक ,टिपर र मोटरसाईकल ईलाका प्रहरी कार्यालय पथरीको नियन्त्रणमा रहेका छन् ।
टिपर दुर्घटनामा परी ३० जना घाईते
उदयपुर, मंसिर १२ गते ।

उदयपुरको कटारी नगरपालिका-६ चुहाडेमा भएको टिपर दुर्घटनामा परी ३० जना घाईते भएका छन् । मंगलवार दिउँसो १५:१० बजेको समयमा उदयपुरको खैरेनीबाट रिस्कु आउदै गरेको ना ३ ख ३२३९ नंम्बरको टिपर आफै अनियन्त्रित भई दुर्घटना हुँदा टिपरमा सवार ३० जना घाईते भएका हुन् । घाईते हुनेहरुमा कटारी नगरपालिका-५  खैरेनी बस्ने बर्ष ६५ को पदमलाल दनुवार, बर्ष १८ को राम दास दनुवार, बर्ष ४५ को राम देव दनुवार, बर्ष १७ को अरुण दनुवार, बर्ष ३२ को राम बाबु अधिकारी, बर्ष १५ को सुजित कुमार दनुवार, बर्ष १४ को रुपेश दनुवार, बर्ष २० को सुमन अधिकारी, बर्ष १८ को राज कुमार धामी, बर्ष १५ को राकेश दनुवार, बर्ष २१ को दिल कुमर दनुवार, बर्ष ३७ को राम कुमार दनुवार, बर्ष १२ को सुरेन्द्र दनुवार र बर्ष ४५ को दुखिया अधिकारी गम्भीर घाईते भई उपचारको लागि नोवेल अस्पताल बिराटनगर पठाईएको छ भने अन्य १४ जना कटारी अस्पतालमा उपचार पश्चात डिस्चार्ज भएको जिल्ला प्रहरी कार्यालय उदयपुरले जनाएको छ । दुर्घटना भएको टिपर र टिपर चालक ईलाका प्रहरी कार्यालय कटारीको नियन्त्रणमा रहेका छन् ।
फरार प्रतिबादी पक्राउ
सुनसरी, मंसिर ११ गते ।

सुनसरीको गडी गाउँपालीका-१ मधेली बजारबाट कर्तब्य ज्यान मुद्धाका फरार प्रतिबादी पक्राउ परेका छन । आज दिउँसो १३:३० बजेको समयमा कर्तब्य ज्यान मुद्धाका फरार प्रतिबादीलाई प्रहरीले पक्राउ गरेको छ । बिशेष शुराकीले दिएको गोप्य सुचनाको आधारमा अस्थायी प्रहरी पोष्ट चाँदबेलाबाट खटीएको प्रहरी टोलिले बर्ष ३९ को डायमन भन्ने प्रमोद चौधरी लाई पक्राउ गरेको जिल्ला प्रहरी कार्यालय सुनसरीले जनाएको छ ।
जंगली च्याउ खाएर बालिकाको मृत्यु
ओखलढुंगा,मंसीर ११ गते ।

ओखलढुंगाको  खिजिदेम्बा गाउँपालीका-८ सुर्केकाप्तिमा जंगली च्याउ खाएर एक ४ बर्षिय बालिकाको मृत्यु भएको छ । सोमबार बिहान ८ बजेको समयमा ग्यालु शेर्पाले घरमा सुकाएर राखेको जंगली च्याउ पोलेर खादा निजको छोरी  अन्दाजी बर्ष ४ की  निमायाङजी शेर्पाको सोही दिन दिउँसो ४ बजेको समयमा घरमै मृत्यु भएको थियो । सोही च्याउ खएका  घरका अन्य  सदस्यहरु घरधनि बर्ष २८को ग्यालु शेर्पा, निजको श्रीमती बर्ष ३० की लकी शेर्पा, निजको छोरा बर्ष ७ को पासाङ शेर्पा निजको दाजुको छोरी बर्ष ७ की पोसी शेर्पा समेत बिरामी भइ भुसिङगा स्वास्थ्य चौकिबाट अहेवको टोलि  गई तत्काल घरमै प्राथमिक उपचार भईरहेको जिल्ला प्रहरी कार्यालय ओखलढुंगाले जनाएको  ।
धानको कुन्यूमा आगलागी सवा १ लाखको क्षती
मोरङ,मंसिर ११ गते ।

मोरङको कानेपोखरी गाउँपालीका.-४ मा सोमबार दिउसो १ बजे फुलछिरिङ शेर्पाले ऐ ऐ -२ स्थितमा रहेको आफ्नै खेतमा परालको नरुवा जलाउने क्रममा नजिकै रहेको धान सहितको परालको कुन्यूमा आगलागी भएको छ । आगलागीबाट-२५ कठ्ठामा उब्जनी भएको अन्दाजी मुल्य एक लाख पचिस हजार बराबरको धान जलेर क्षति भएको छ । उक्त आगलागी प्रहरी चौकी रमाइलो बाट खटीएको प्रहरीटोली तथा स्थानीय बासीन्दाको सहयोगमा दिउँसो १५:४० बजेको समयमा पूर्ण रुपमा नियण्त्रणमा आएको ईलाका प्रहरी कार्यालय पथरीले जनाएको छ ।
झगडा हुदा खुकुरीले लागेर १ घाईते
मोरङ, मंसिर ११ गते ।

मोरङको लेटाङ् नगरपालीका-२ बुधबारेमा श्रीमान श्रीमती बिच वाद-विबाद हुदा श्रीमान घाईते भएका छन् । आईतबार राती साढे ८ बजेको समयमा वर्ष ३४ को केशर राईले मादक पदार्थ सेवन गरी श्रीमतीसँग वाद-विबाद गर्दा श्रीमानले हातमा बोकेको खुकुरी खोसा खोस गर्ने क्रममा निज केशर राईको टाउकोमा खुकुरीले लागेर घाईते भएका थिए । खुकुरीले लागेर घाईते भएका राईलाई स्थानीय मेडिकलमा तत्काल उपचार गराए पश्चात थप उपचारको लागि सोमबार बिहान ०९:०० बजे बिराटनगरमा लगिएको ईलाका प्रहरी कार्यालय लेटाङले जनाएको छ ।
छुट्टा छुट्टै सडक दुर्घटनामा ४ घाइते
मोरङ, मंसिर ११ गते ।
 
१ नम्बर प्रदेश अन्तर्गत मोरङ र झापामा सोमवार भएको छुट्टा छुट्टै सवारी दुर्घटनामा परि ४ जना घाइते भएका छन् ।
मोरङको बेलबारी नगरपालिका-४ धरहरा स्थित भित्री सडक खण्डमा दुईवटा मोटरसाईकल एक आपसमा ठक्कर खादा ३ जना घाईते भएका छन । उत्तर बाट दक्षीण तर्फ जादै गरेको को २४ प ९२७५ नम्बरको मोटरसाईकल र बिपरीत दिशा तर्फ आउदै गरेको को १३ प ७८१८ नम्बरको मोटरसाईकल सोमबार साँझ साढे ५ बजेको समयमा एक आपसमा ठक्कर खाएको थियो । ठक्कर खादा को २४ प ९२७५ नम्बरको मोटरसाईकलका चालक जिल्ला सुनसरी ईटहरी नगरपालिका-१० बस्ने बर्ष अन्दाजी ३६ को चिरन्जिबी आचार्य र उक्त मोटरसाईकलमा पछाडी सवार सोही स्थान बस्ने बर्ष अन्दाजी ३५ को सन्तोस लम्साल गम्भिर घाइते भएकोले धरानको घोपामा उपचार भईरहेको छ । साथै को १३ प ७८१८ नम्बरको मोटरसाईकल चालक जिल्ला मोरङ बेलबारी-५ बस्ने बर्ष २२ को रोमन चौधरी समेत घाईते भएकोले बेलबारी नोबेल अस्पतालमा उपचार भई रहेको ईलाका प्रहरी कार्यालय बेलबारीले जनाएको छ ।
यसैगरी झापाको कमल गाउँपालिका-४ स्थित भित्री सडक खण्डमा पिकअपको ठक्करबाट ४ बर्षिय बालक घाईते भएका छन । दक्षिनबाट उत्तर तर्फ आउदै गरेको मे.१ च.३६०६ नम्बरको पिकअपले कमल गाउँपालीका-५ बस्ने प्रमेष राइको छोरा वर्ष ४ को जेडान राईलाई सोमबार साँझ ५ बजे बाटोमा खेलिरहेको अवस्थामा ठक्कर दिइ घाइते बनाएको थियो । घटनाबारे जानकारी पाउनासाथ ईलाका प्रहरी कार्यालय दमकबाट खटिएको प्रहरी टोलीले तत्काल घाईते बालकलाई उद्दार गरी उपचारको लागि नोबेल अस्पताल बिराटनगर पठाएको थियो । गाडी र गाडी चालक शिवसतासी नगरपालिका-५ बस्ने वर्ष ३३ को लय चिमरीयालाई प्रहरी चौकी केर्खाले नियन्त्रणमा लिएको ईलाका प्रहरी कार्यालय दमकले जनाएको छ ।
मोटरसाईकल दुर्घटनामा १ को मृत्यु, १ घाइते
झापा, मंसिर १० गते ।

झापाको बुद्धशान्ति गाउँपालिका-४ हात्तीसुढे भन्ने स्थानमा सोमवार मोटरसाईकल दुर्घटनामा परि १ जनाको मृत्यु भएको छ भने १ जना घाइते भएका छन् । भित्री सडक खण्डमा पूर्वबाट दक्षिण तर्फ जाँदै गरेको मे ५ प ८९८४ नम्बरको मोटरसाईकल आँफै अनियन्त्रित भई दुर्घटना हुँदा चालक झापा कचनकबल गाउँपालिका-७ बस्ने वर्ष ६५ को देवी लिम्बु र पछाडि सवार झापा भद्रपुर नगरपालिका-१ बस्ने वर्ष ६५ को आइन्द्र लिम्बु घाइते भएका थिए । बिहान ११:५० बजेको समयमा भएको दुर्घटनामा घाइते दुबै जनालाई उपचारको लागि बिर्तामोड स्थित बिर्तासिटी अस्पताल पठाईएकोमा उपचारको क्रममा मोटरसाईकलको पछाडी सवार आईन्द्र लिम्बुको दिउँसो सवा २ बजे मृत्यु भएको इलाका प्रहरी कार्यालय बुधवारेले जनाएको छ ।
झापामा आगलागी, एकै परिवारका ४ जनाको मृत्यु
झापा, मंसिर १० गते ।

झापाको शिव सताक्षी नगरपालिका-७ लालाझोडामा आइतवार भएको आगलागीबाट एकै परिवारका ४ जनाको जलेर मृत्यु भएको छ । राती १०:५० बजे सोही स्थान बस्ने ३५ बर्षीय लक्ष्मण खनालको काठको घरमा अचानक आगलागी हुँदा खनाल सहित निजको श्रीमती बर्ष ३२ की राधिका खनाल, निजको छोरी बर्ष ४ की चन्द्रा खनाल र ४ महिनाको छोरा टिकाराम खनालको जलेर मृत्यु भएको हो । त्यसैगरी आगो निभाउने क्रममा ग्याँस सिलिण्डर पड्किएर सोही स्थान बस्ने बर्ष ३७ की गितादेवी ढुंगेल घाइते भई उपचारको लागि आम्दा अस्पताल दमक पठाईएको छ । घटनाको जानकारी पाउनासाथ तत्काल इलाका प्रहरी कार्यालय झिलझिलेबाट खटिएको प्रहरी टोली, दमकल र स्थानीयवासीको सहयोगमा आगो नियन्त्रणमा लिईएको हो । घटना सम्बन्धमा थप अनुसन्धान भईरहेको छ भने आगलागीको कारण खुल्न नसकेको ईलाका प्रहरी कार्यालय झिलझिलेले जनाएको छ ।
छुट्टाछुट्टै सडक दुर्घटनामा ५ को मृत्यु, ३ घाइते
बिराटनगर, मंसिर १० गते ।
 
१ नम्बर प्रदेश अन्तर्गत मोरङ, उदयपुर र झापामा आइतवार भएको छुट्टाछुट्टै सवारी दुर्घटनामा परि ५ जनाको मृत्यु भएको छ भने २ जना घाइते भएका छन् ।
मोरङः- मोरङको बेलबारी नगरपालिका-१० भाउन्नेमा आईतवार बसको ठक्करबाट मोटरसाईकलमा सवार २ जनाको मृत्यु भएको छ भने १ जना घाइते भएका छन् । पूर्व-पश्चिम राजमार्गमा दिउँसो ३ बजेको समयमा पश्चिम तर्फ आउँदै गरेको गरेको को १ ख ४०१४ नम्बरको बसले विपरित दिशाबाट जाँदै गरेको को २१ प ७९५ नम्बरको मोटरसाईकललाई ठक्कर दिँदा सोही मोटरसाईकलले अगाडि जाँदै गरेको  मे ६ प ४९७५ नम्बरको मोटरसाईकललाई समेत ठक्कर दिएको थियो । दुर्घटनामा को २१ प ७९५ नम्बरको मोटरसाईकलका चालक उर्लाबारी नगरपालिका-४ बस्ने बर्ष-२५ को सुदन मादेन र मोटरसाईकलको पछाडी सवार मोरङ मिक्लाजुङ गाउँपालिका-५ बस्ने बर्ष २८ की गोपी राई गम्भीर घाइते भई उपचारको लागि बीपी कोइराला स्वास्थ्य विज्ञान प्रतिष्ठान धरान पठाईएकोमा थप उपचारको लागि मादेनलाई  नोवेल अस्पताल र राईलाई बिराट नर्सिङ होम बिराटनगर पठाईएकोमा उपचारको क्रममा दुबैजनाको मृत्यु भएको इलाका प्रहरी कार्यालय बेलबारीले जनाएको छ ।  त्यसैगरी  मे ६ प ४९७५ नम्बरको मोटरसाईकल चालक पथरी  शनिश्चरे नगरपालिका-१ वस्ने वर्ष ४० को डिल्लीराम गौतमको नोबेल अस्पताल बिराटनगरमा उपचार भईरहेको छ ।
उदयपुरः-  उदयपुरको बेलका नगरपालिका-९ खारखोलामा मोटरसाईकल दुर्घटनामा परि १ जनाको मृत्यु भएको छ भने १ जना घाइते भएका छन् । बिहान ५ बजे चतरा-गाईघाट सडक खण्डमा सेतीखोलाबाट रामपुर तर्फ आउँदै गरेको को. २२ प. ८२८८ नम्बरको मोटरसाईकल अनियन्त्रित भई पुलको रेलिङमा ठोक्किएको थियो । दुर्घटनाम परि मोटरसाईकलमा सवार चालक सुनसरी बराह नगरपालिका-६ बस्ने बर्ष ४५ को शैलेस माझी र पछाडी सवार सोही ठाउँ बस्ने बर्ष १७ को जितेन राई गम्भीर घाइते भएका थिए । दुर्घटनामा घाइते दुबै जनालाई उपचारको लागि धरान स्थित बीपी कोइराला स्वास्थ्य विज्ञान प्रतिष्ठान पठाईएकोमा उपचारको क्रममा माझीको सोही अस्पतालमा मृत्य भएको हो भने राईको सोही अस्पतालमा उपचार भईरहेको जिल्ला प्रहरी कार्यालय उदयपुरले जनाएको छ । साथै त्रियुगा नगरपालिका ७ जलजलेमा तत्काल नम्बर नखुलेको ट्रिपरले मोटरसाईकललाई ठक्कर दिँदा १ जनाको मृत्यु भएको छ । आइतवार राती साढे ९ बजे जलजले-मुर्कुची सडक खण्डको कोन्टे भन्ने स्थानमा  नम्बर नखुलेको ट्रिपरले स ५ प ३१२७ नम्बरको मोटरसाईकललाई पछाडीबाट ठक्कर दिएको थियो । ठक्करबाट मोटरसाईकलको पछाडी सवार त्रियुगा नगरपालिका-७ कसारे बस्ने बर्ष १८ को सोनम राईको घटना स्थलमा नै मृत्यु भएको हो भने चालक सोही स्थान बस्ने बर्ष १८ को भुपेन्द्र राई घाइते भएको जिल्ला प्रहरी कार्यालय उदयपुरले जनाएको छ । ठक्कर दिने ट्रिपर र चालक तत्काल फरार रहेकोले खोजी कार्य भईरहेको उक्त कार्यालयले जनाएको छ । मृतकको शव कानूनी प्रकृया पूरा गरी पोष्टमार्टमको लागि जिल्ला अस्पताल उदयपुरमा राखिएको छ ।
झापाः- झापाको कमल गाउँलिका ५ मंगलबारेमा आइतवार बलेरो गाडीको ठक्करबाट १ जना पैदलयात्रीको मृत्यु भएको छ । राती साढे ७ बजेको समयमा गौरीगंज पाडाजुँगी सडक खण्डमा उत्तरबाट दक्षिण तर्फ जाँदै गरेको मे.१ च.३१७९ नम्बरको बलेरो गाडीले पैदलयात्री गौरीगंज गाउँपालिका-२ कोरोबारी बस्ने बर्ष ३५ को लुखीराम हेम्ब्रम (सतार) लाई बाटो काट्ने क्रममा ठक्कर दिएको थियो । ठक्करबाट गम्भीर घाइते उनलाई उपचारको लागि दमक स्थित लाईफ-लाईन अस्पताल पठाएकोमा उपचारको क्रममा सोही अस्पतालमा मृत्यु भएको इलाका प्रहरी कार्यालय गौरादहले जनाएको छ । ठक्कर दिने बलेरो र चालकलाई इलाका प्रहरी कार्यालय दमकले नियन्त्रणमा लिएको छ ।
गाँजा र चरेस सहित १ पक्राउ
सुनसरी, मंसिर ०९ गते ।

सुनसरीको धरान उप-महानगरपालिका-६ पानबारीबाट प्रहरीले लागूऔषध गाँजा र चरेस सहित १ जनालाई पक्राउ गरेको छ । दिउँसो २:४० बजेको समयमा तरहराबाट पानमारा तर्फ जाँदै गरेको को २ ह २८२४ नम्बरको टेम्पो चेकजाँच गर्ने क्रममा उदयपुर ताप्ले गाउँपालिका-१ बस्ने बर्ष १९ को यलन राईलाई लागूऔषध गाँजा २ किलो र चरेश २०० ग्राम फेला पारी बरामद गरेको हो । बरामद लागूऔषध सहित राईलाई इलाका प्रहरी कार्यालय धरानमा राखि थप अनुसन्धान भईरहेको उक्त कार्यालयले जनाएको छ ।
जवरजस्ती करणीको आरोपमा १ पक्राउ
झापा, मंसिर ०९ गते ।

झापाको कचनकबल गाउँपालिका-२ मागुरमावीबाट प्रहरीले आइतवार जवरजस्ती करणीको आरोपमा १ जनालाई पक्राउ गरेको छ । करणीको आरोपमा सोही स्थान बस्ने वर्ष २० को भीम गुरुङलाई पक्राउ गरिएको इलाका प्रहरी कार्यालय बनियानीले जनाएको छ । गुरुङलाई आइतवार राती २ बजेको समयमा सोही स्थान बस्ने बर्ष २२ की युवतीलाई छिमेकीको विवाहमा नाचगान गर्दै गरेको अवस्थामा ललाई फकाई गरी चिया घारीमा लगेर करणी गरेको भनि निजको आमाले दिएको जाहेरीको आधारमा पक्राउ गरिएको हो । पक्राउ परेका गुरुङलाई इलाका प्रहरी कार्यालय बनियानीमा राखि थप अनुसन्धान भईरहेको उक्त कार्यालयले जनाएको छ ।
लैङ्गिक हिंसा बिरुद्धको १६ दिने अभियान
बिराटनगर, मंसिर ०९ गते ।
                  
२६ औ लैङ्गिक हिंसा बिरुद्धको १६ दिने अभियान अन्तर्गत आज १ नम्बर प्रदेश अन्तर्गत रहेका १४ वटै जिल्ला प्रहरी कार्यालयहरुले सचेतनामूलक र्याली निकालेको छ । जिल्ला स्थित रहेका सरकारी तथा गैह्र-सरकारी कार्यालय तथा स्थानीय भद्र भलादमी, बिभिन्न स्कुलका शिक्षक, बिद्यार्थी, अभिभावक तथा प्रहरी कर्मचारीहरुको उपस्थितीमा उक्त कार्यक्रमको आयोजना गरिएको सम्बन्धित जिल्ला प्रहरी कार्यालयले जनाएको छ । महिला हिंसा तथा लैङगिक हिंसा, ''लैङिक हिंसा दुर्ब्यवहार छैन हामी लाई स्वीकार" र “लैङ्गिक हिंसा र बलात्कार छैन हामीलाई स्वीकार” लेखिएको प्लेकार्ड सहित बजार परिक्रमा गरिएको थियो । कार्यक्रम जिल्ला स्थित रहेका प्रमुख जिल्ला अधिकारी, नगर प्रमुख तथा उप-प्रमुखको आतिथ्यतामा सम्पन्न भएको थियो ।
लागूऔषध सहित ३ पक्राउ
सुनसरी, मंसिर ०९ गते ।

सुनसरीको धरान उप-महानगरपालिका-०८ तीनकुनेबाट प्रहरीले आईतवार लागूऔषध सहित ३ जनालाई पक्राउ गरेको छ । बिराटनगरबाट धरान तर्फ जाँदै गरेको को १ ख ४३६९ नम्बरको बसमा चेकजाँच गर्ने क्रममा बसमा सवार धनकुटा नगरपालिका-७ बस्ने बर्ष २७ को बिनोद बिशंखे, बर्ष २३ को निर्मल पौडेल र बर्ष १८ को सुन्दर भुजेललाई लागूऔषध डाईजल्याब, लुपिजेसिक र एभिल-४५ एम्पुल फेला पारी बरामद गरेको हो । लागूऔषध सहित बिहान ११:५० बजे पक्राउ परेका तीनै जनालाई इलाका प्रहरी कार्यालय धरानमा राखि थप अनुसन्धान भईरहेको उक्त कार्यालयले जनाएको छ ।
१२ किलो गाँजा सहित १ पक्राउ
सुनसरी, मंसिर ०९ गते ।

सुनसरीको धरान उप-महानगरपालिका-२० बिष्णुपादुकाबाट प्रहरीले शनिबार राती साढे १० बजे १२ किलो गाँजा सहित १ जनालाई पक्राउ गरेको छ । अस्थायी प्रहरी पोष्ट बिष्णुपादुकाबाट खटिएको प्रहरी टोलीले सवारी चेकजाँचको क्रममा को ३० प  ७३५५ नम्बरको मोटरसाईकलको पछाडी सवार धनकुटा साँगुरीगढी गाउँपालिका-९ बस्ने बर्ष ३३ को बिष्णु राईलाई १२ किलोग्राम लागूऔषध गाँजा सहित पक्राउ गरेको हो । मोटरसाईकल र चालक तत्काल फरार रहेकोले खोजी कार्य भईरहेको छ भने बरामद गाँजा सहित पक्राउ परेका राईलाई इलाका प्रहरी कार्यालय धरानमा राखि थप अनुसन्धान भईरहेको उक्त कार्यालयले जनाएको छ ।
१२५ किलो मरिच बरामद
झापा, मंसिर ०९ गते ।

झापाको मेचीनगर नगरपालिका-६ जेसिका ठ्याटक भन्ने स्थानबाट प्रहरीले शनिवार १ सय २५ किलो मरिच सहित १ जनालाई पक्राउ गरेको छ । राती सवा ११ बजेको समयमा जिल्ला प्रहरी कार्यालय झापाबाट खटिएको प्रहरी टोलीले अवैध रुपमा नेपालबाट भारत तर्फ लैजाँदै गरेको अन्दाजी १ लाख २५ हजार मूल्य बराबरको मरिच सहित सोही स्थान बस्ने बर्ष २५ को मन्दिप राजवंशीलाई पक्राउ गरेको हो ।  बरामद मरिच आवश्यक कानूनी प्रकृया पश्चात कारवाहीको लागि भन्सार कार्यालय बुझाईने जिल्ला प्रहरी कार्यालय झापाले जनाएको छ ।
माटोको ढस्कोले पुरिएर १ को मृत्यु
सोलुखुम्बु, मंसिर ०९ गते ।

सोलुखुम्बुको सोलु-दुधकुण्ड नगरपालिका-१० च्याङबा भन्ने स्थानमा शनिवार माटोको ढिस्कोले पुरिएर १ जनाको मृत्यु भएको छ । बिहान करिब साढे ११ बजेको समयमा भुकम्प पिडितको घर बनाउनको लागि ढुंगा फुटाउने क्रममा माथिबाट खसेको माटोको ढिस्कोले पुरिएर सोही स्थान बस्ने लाक्पा शेर्पाको घटनास्थलमा नै मृत्यु भएको हो । घटनाको जानकारी पाउनासाथ तत्काल जिल्ला प्रहरी कार्यालय सोलुखुम्बु र प्रहरी चौकी केरुङबाट प्रहरी टोली खटि गई कानूनी प्रकृया पूरा गरी शव पोष्टमार्टमको लागि जिल्ला अस्पताल सोलुखुम्बु पठाईएको जिल्ला प्रहरी कार्यालय सोलुखुम्बुले जनाएको छ ।
मोटरसाईकलको ठक्करबाट ३ प्रहरी घाइते
सुनसरी, मंसिर ०९ गते ।

सुनसरीको दुहबी नगरपालिका-१० बुद्ध चोकमा मोटरसाईकलको ठक्करबाट शनिवार ३ जना प्रहरी घाइते भएका छन् ।
दुहबी-ईनरुवा सडक खण्डमा पूर्वबाट पश्चिम तर्फ जाँदै गरेको को १७ प ७८९४ नम्बरको मोटरसाईकलले दंगा नियन्त्रण प्रहरी गण दुहबीबाट गस्तिमा खटिएको प्रहरी टोलीलाई ठक्कर दिएको थियो । ठक्करबाट उक्त गणमा कार्यरत प्रहरी हवल्दार धन बहादुर भुजेल, प्रहरी जवान प्रदिप योकताङदेन र भीम बहादुर भुजेल घाइते भई उपचारको लागि जिबन ज्योती अस्पताल दुहबी पठाईएको उक्त कार्यालयले जनाएको छ । ठक्कर दिने मोटरसाईकललाई प्रहरी चौकी औरावनीले नियन्त्रणमा लिएको छ ।
सुतेकै स्थानमा मृत्यु
झापा, मंसिर ०८ गते ।

झापाको शिबसताक्षी नगरपालिका-२ मा आज बिहान आफ्नै कोठामा सुतेका एक ब्यक्ती मृत फेला परेका छन । आज बिहानको समयमा  बर्ष ३८ का कुमार राई आफ्नो कोठामा मृत अवस्थामा रहेको भन्ने जानकारी पाउनासाथ ईलाका प्रहरी कार्यालय झिलझिलेबाट खटिएको प्रहरीको टोलिले घटनास्थलमा आवश्यक अनुसन्धान गर्दा हरियो बिजुलिको तार मृतकको घाँटीमा बेरिएको अवस्थामा फेला पारेको थियो । घटनाबारे थप अनुशन्धान कार्य भईरहेको जिल्ला प्रहरी कार्यालय झापाले जनाएको छ ।
मेला हेर्न गएका बृद्दको मृत्यु
खोटाङ, मंसिर ०८ गते ।

खोटाङको दिक्तेल रुपाकोट मझुवागढि नगरपालिका-६ नामटार स्थित भुलभुले मेला हेर्न गएका एक बृद्द मृत अवस्थामा फेला परेका छन । गत शुक्रबार मेला हेर्न भनि घरबाट हिडेका सोही स्थान बस्ने बर्ष ७५ को बिर बहादुर गुरुङ राति सम्म पनि घर फर्केर नआएपछी  आफन्तले खोजतलाश गर्ने क्रममा आज बिहान ०८:३० बजेको समयमा सोही स्थानको नामटार खोलाको भिरबाट लडि मृत अबस्थामा फेला परेका थिए । घटनाबारे थप अनुशन्धान तथा कानुनी प्रकृया भईरहेको जिल्ला प्रहरी कार्यालय खोटाङले जनाएको छ ।
बिहेको पार्टिमा कुटपिट १ घाइते
खोटाङ,मंसिर ०८  गते ।

खोटाङको दिप्रुङ चुईचुम्मा गाउँपालिका-५ याङसोलामा कुटपिट हुदा १ जना घाइते भएका छन । रातको पौने १२ बजे बिहेको पार्टिमा मादक पदार्थ समेत सेवन गरी बसेका सोही स्थान बस्ने बर्ष ३२ को सबिन्द्र राईले बर्ष ५१ को सुबिन्द्र राईलाई बादबिबादका क्रममा दाउराको चिरपटले टाउकोमा प्रहार गरेका थिए । टाउकोमा चोट लागि घाईते भएका उनलाई प्रहरी चौकी छितापोखरीबाट खटिएको प्रहरीको टोलीले उद्दार गरी तत्काल उपचारको लागी स्थानिय स्वास्थ्य चौकिमा पुर्याएको थियो भने कुटपिट गर्ने सबिन्द्र राईलाई नियन्त्रणमा लिएको जिल्ला प्रहरी कार्यालय खोटाङले जनाएको छ ।
बसको ठक्करबाट पैदयात्रीको मृत्यु
सुनसरी, मंसिर ०८  गते ।

सुनसरीको कोशी गाउँपालिका-१ राजा पोखरी मा शुक्रबार बसको ठक्करबाट १ जना पैदलयात्रीको मृत्यु भएको छ । पूर्व-पश्चिम राजमार्गमा पूर्वबाट पश्चिम तर्फ जाँदै गरेको ना ६ ख १७४० नम्बरको बसले तत्काल नामथर वतन नखुलेको बर्ष अन्दाजी ३०/३५ को पुरुष पैदल यात्रीलाई साझँ साढे ६ बजे ठक्कर दिएको थियो । बाटो क्रस गर्ने क्रममा बसको ठक्करबाट गम्भीर घाइते उनको जिल्ला अस्पताल ईनरुवामा उपचारको क्रममा साझँ ७ बजे मृत्यु भएको जिल्ला प्रहरी कार्यालय सुनसरीले जनाएको छ । ठक्कर दिने बस र चालक जिल्ला चितवन राप्ती नगरपालिका-१ बस्ने बर्ष ३४ को कुमार श्रेष्ठलाई सिमा प्रहरी चौकी भाण्टाबारीमा नियन्त्रणमा राखिएको उक्त कार्यालयले जनाएको छ ।
धानबालीमा आगलागी सवा २ लाखको क्षति
सुनसरी, मंसिर ०७ गते ।

सुनसरीको हरिनगरा गाउँपालिका-३ गौतमपुरमा शुक्रवार खेतमा आगलागी हुँदा अन्दाजी २ लाख २५ हजार मूल्य बराबरको क्षति भएको छ । दिउँसो करिब १२:४५ बजेको समयमा सोही स्थान बस्ने गंगा साहको १ बिघा, मेहदिन अन्सारीको १५ कट्ठा, र कुसुमलाल मेहेताको १५ कट्ठामा लगाएको धानबालीमा आगलागी भएको थियो । आगलागीबाट उनीहरुको धान पूर्ण रुपमा जलेर नष्ट भएको जिल्ला प्रहरी कार्यालय सुनसरीले जनाएको छ । आगलागीको कारण भने खुल्न नसकेको उक्त कार्यालयले जनाएको छ ।
आगोले पोलेर महिला घाइते
संखुवासभा, मंसिर ०७ गते ।

संखुवासभाको धर्मदेवी नगरपालिका-९ मा बिहीबारेमा आगोले पोलेर शुक्रवार १ महिला घाइते भएकी छन् । आगोले पोलेर सोही स्थान बस्ने ओम बहादुर गेलालको श्रीमती बर्ष ४५ की अनिता गेलाल घाइते भएकी हुन् । बिहान करिब साढे ९ बजेको समयमा गेलाललाई आँफ्नै घरको मतानमा गाईबस्तुलाई खोले पकाउने क्रममा कपडाबाट आगो सल्किएर घाइते भएकी हुन् । आगोले पोलेर पेटको भाग जलेर घाइते भएकी उनलाई उपचारको लागि स्थानीय स्वास्थ्य चौकी आँखीभुई पठाईएको इलाका प्रहरी कार्यालय आँखीभुईले जनाएको छ ।
टेम्पो दुर्घटनामा १ घाइते
सुनसरी, मंसिर ०७ गते ।

सुनसरीको धरान उप-महानगरपालिका-८ विश्वकर्मा मन्दिरमा शुक्रवार टेम्पो दुर्घटनामा परि १ जना घाइते भएका छन् । धरानबाट ईटहरी तर्फ जाँदै गरेको को २ ह ४४८३ नम्बरको टेम्पो  अनियन्त्रित भई आँफै दुर्घटना हुँदा टेम्पोमा सवार धरान उप-महानगरपालिका-३ बस्ने बर्ष ३५ को कुमार परियार घाइते भएका हुन् । दुर्घटनामा घाइते परियारलाई उपचारको लागि वि.पी. कोइराला स्वास्थ्य बिज्ञान प्रतिष्ठान पठाईएको इलाका प्रहरी कार्यालय धरानले जनाएको छ । टेम्पो र चालकलाई प्रहरीको नियन्त्रणमा राखिएको छ ।
इलाम र धनकुटामा दुर्घटना, ३ को मृत्यु, ४ घाइते
बिराटनगर, मंसिर ०७ गते ।

१ नम्बर प्रदेश अन्तर्गत इलाम र धनकुटा जिल्लामा बिहीवार भएको सवारी दुर्घटना परि १ जनाको मृत्यु भएको छ भने ४ जना घाइते भएका छन् ।
इलामः- इलामको इलाम नगरपालिका-१ साखेजुङमा बिहीवार ट्याक्सी दुर्घटनामा परि २ जनाको मृत्यु भएको छ भने ३ जना घाइते भएका छन् । अपरान्ह ४:४५ बजेको समयमा इलाम बजारबाट शान्तिडाँडा वाफरुङ तर्फ जादै गरेको मे १ ज ८१८ नम्बरको ट्याक्सी कच्ची बाटोमा अनियन्त्रित भई सडक देखी १०० मिटर खसेको थियो । दुर्घटनामा परि ट्याक्सीमा सवार इलाम नगरपालिका-१ बस्ने बर्ष ५६ को कैलाश गुरुङ र  बर्ष ४३ को सुमन खनालको घटस्थलमा नै मृत्यु भएको जिल्ला प्रहरी कार्यालय इलामले जनाएको छ । दुर्घटनामा ट्याक्सी चालक इलाम देउमाई नगरपालिका ६ बस्ने बर्ष ३० को रमेश गुरूङ, सह-चालक बर्ष २० को सुनिल गुरूङ र सोही बर्ष २६ को  तुलसी कुमार बस्नेत घाइते भएका हुन् । घाइते मध्ये बस्नेतको उपचार पश्चात डिस्चार्ज भईसकेको र चालक र सह-चालकलाई थप उपचारको लागि बिर्तामोड स्थित बिर्तासिटी अस्पताल पठाईएको उक्त कार्यालयले जनाएको छ । मृत लाश पोष्टमार्टमको लागि जिल्ला अस्पतला इलाममा राखिएको छ ।
 
धनकुटाः- धनकुटाको धनकुटा नगरपालिका-२ सामुदायिक बन नजिक पिकअप गाडी दुर्घटना हुँदा १ जनाको मृत्यु भएको छ भने १ जना घाइते भएका छन् । हिलेबाट भीरगाउ तर्फ जादै गरेको को. १ ज. १६५४ नम्बरको पिकअप गाडी राती ९ बजे आँफै अनियन्त्रित हुँदा सडकबाट १५० मिटर तल खसेर दुर्घटना भएको थियो । दुर्घटनामा परि पिकअप चालक धनकुटा नगरपालिका-२ भीरगाँउ बस्ने बर्ष ४२ को प्रेम बहादुर तामाङको घटनास्थलमा नै मृत्यु भएको हो भने पिकअपमा सवार बर्ष ३९ को फत्ते बहादुर तामाङ घाइते भई उपचार पश्चात डिस्चार्ज भएका छन् । घटनास्थलमा जिल्ला प्रहरी कार्यालय धनकुटाबाट प्रहरीको टोली खटि गई कानूनी प्रकृया पूरा गरी शव पोष्टमार्टमको लागि जिल्ला अस्पताल धनकुटामा पठाईएको उक्त कार्यालयले जनाएको छ ।
आगलागीबाट २ लाखको क्षति
मोरङ, मंसिर ०७ गते ।

मोरङको सुनवर्सी नगरपालिका-९ बनियावारीमा बिहीबार आगलागी हुँदा अन्दाजी २ लाख मूल्य बराबरको क्षति भएको छ । आगलागीबाट सोही स्थान बस्ने रफिद मियाँको ३ विघा खेतमा भएको धानको कुनिउमा अचानक आगललगी भएको हो । आगलागीबाट कुनिउमा भएको धान पराल जलेर पूर्ण रुपामा नष्ट भएको प्रहरी चौकी डाईनियाले जनाएको छ । उक्त आगलागी प्रहरी र स्थानीयवासीको सहयोगमा पूर्ण रुपमा नियन्त्रणमा लिईएको हो भने आगलागीको कारण खुल्न सकेको छैन् ।
सुमो दुर्घटनाम ४ घाइते
उदयपुर, मंसिर ०६ गते ।

उदयपुरको त्रियुगा नगरपालिका-९ गैरुङ भन्ने स्थानमा बिहीबार सुमो दुर्घटनामा परि ४ जना घाइते भएका छन् । नेपालटारबाट घाईघाट तर्फ जाँदै गरेको स १ ज ५२७ नम्बरको सुमो बिहान सवा ८ गते आँफै अनियन्त्रित भई दुर्घटना भएको थियो । दुर्घटनामा परि सुमोमा सवार उदयपुरगढी गाउँपालिका-८ बस्ने बर्ष २२ की निलम थापा, बर्ष २७ को राम खडका, उदयपुरगढी गाउँपालिका-६ बस्ने बर्ष २७ कि अम्बिका थापा खड्का निजको छोरा बर्ष ३ को सरोज खड्का घाइते भएका हुन् । दुर्घटनामा परि घाइते चारै जनालाई उपचारको लागि जिल्ला अस्पताल उदयपुर पठाईएको जिल्ला प्रहरी कार्यालय उदयपुरले जनाएको छ । सुमो चालक तत्काल फरार रहेको हुँदा खोजी कार्य भईरहेको उक्त कार्यालयले जनाएको छ ।
आगलागीबाट ७ लाख बराबरको क्षति
तेह्रथुम, मंसिर ०६ गते ।

तेह्रथुमको म्याङलुङ नगरपालिका-४ पिप्लेमा बिहीबार आगलागी हुँदा अन्दाजी ७ लाख मूल्य बराबरको क्षति भएको छ । करिब दिउँसो १२:५० बजेको समयमा सोही स्थान बस्ने तुलसी गड्तौलाको ढुंगा, माटोले बनेको फुसको छानो भएको २ तले घरमा चुल्होबाट अचानक आगलागी भएको थियो । आगलागीबाट गड्तौलाको घर सहित नदग १० हजार, घर भित्र रहेको अन्नपात, काठपात, भाडावर्तन र लत्ताकपडा जलेर नष्ट भएको छ । उक्त स्थानमा जिल्ला प्रहरी कार्यालय तेह्रथुमबाट प्रहरीको टोली खटि गई स्थानीयवासीको सहयोगमा दिउँसो सवा २ बजे पूर्ण रुपमा नियन्त्रणमा लिईएको उक्त कार्यालयले जनाएको छ ।
घरेलु मदिरा बरामद
मोरङ, मंसिर ०६ गते ।

मोरङको रंगेली नगरपालिका-१ बाट ८० लिटर अबैध घरेलु मदिरा बरामद भएको छ । प्रहरी चौकी बबियाबिर्ताबाट गस्तिमा खटिएको प्रहरी टोलीले आज बिहान १०:०० बजेको समयमा मदिरा ओसार पसारमा प्रयोग गरिएको १ थान साईकल सहित उक्त परिणामको घरेलु मदिरा बरामद गरेको हो । बरामद भएको साईकल र मदिरा प्रहरी चौकी बबियाबिर्तामा ल्याएर राखिएको उक्त कार्यालयले जनाएको छ ।
मोटरसाईकल दुर्घटनामा चालकको मृत्यु
सुनसरी, मंसिर ०५ गते ।

सुनसरीको रामधुनी नगरपालिका-३ जमुना पुलमा बुधबार मोटरसाईकल दुर्घटनामा परि चालकको मृत्यु भएको छ ।  झुम्का-चतरा भित्री सडक खण्डमा उत्तरबाट दक्षिण तर्फ आउदै गरेको को. १९ प. १२९४ नम्बरको मोटरसाईकल अनियन्त्रित भई बिहान ७ बजे दुर्घटना हुँदा मोटरसाईकल चालक सुनसरी बराह नगरपालिका-५ भरौल बस्ने बर्ष ४० को बिजय चौधरी गम्भीर घाइते भएका थिए । दुर्घटनामा परि गम्भीर घाइते चौधरीलाई उपचारको लागि जिल्ला अस्पताल ईनरुवा पठाईएकोमा उपचारको क्रममा बिहान पौने ८ बजे  सोही अस्पतालमा मृत्यु भएको इलाका प्रहरी कार्यालय पकलीले जनाएको छ ।
हार्डवेयरका सामान बरामद
मोरङ, मंसिर ०५ गते ।

मोरङको रंगेली नगरपालिका-६ छोटी भन्सार नजिकबाट प्रहरीले अन्दाजी ३० हजार मूल्य बराबरको अवैध सामान बरामद गरेको छ । रंगेली भित्री सडक खण्डमा २ वटा साईकलमा लोड गरेर ल्याउँदै गरेको अवस्थामा प्रहरीले बिहान ९ बजे बिभिन्न किसिमका हार्डवेयरका सामान बरामद गरेको हो । सामान ओसार पसारमा संलग्न व्यक्तिहरु प्रहरी टोलीलाई देख्नासाथ साईकल सहित सामान छाडेर फरार भएका थिए । बरामद सामान छोटी भन्सार कार्यालय रंगेलीमा बुझाईने इलाका प्रहरी कार्यालय रंगेलीले जनाएको छ ।
छुट्टाछुट्टै स्थानमा आगलागी १ करोड बढीको क्षति
मोरङ, मंसिर ०५ गते ।

१ नम्बर प्रदेश अन्तर्गत मोरङ र झापा जिल्लामा मंगलबार र बुधबार भएको आगलागीबाट अन्दाजी १ करोड १८ लाख ३२ हजार मूल्य बराबरको क्षति भएको छ । मोरङको बेलबारी नगरपालिका-७ ईटहरा रोड बस्ने भक्तराम अधिकारीको किराना पसलमा मंगलबार आगलागी हुँदा अन्दाजी १ करोड ११ लाख ३२ हजार मूल्य बराबरको क्षति भएको छ । आगलागीबाट अधिकारीको २ तले काठको घरमा संचालन गरेको किराना पसलमा दिउँसो २ बजे बिद्युत सर्ट भई आचानक आगलागी भएको थियो । आगलागीबाट ६० लाख मूल्य बराबरको घर, ५० लाख मूल्य बराबरको किराना सामान, २ तोला सुन, नगद १२ हजार जलेर नष्ट भएको छ । साथै उक्त आगलागीबाट नजिकै रहेको अर्जुन न्यौपानेको काठको १  तले घरको जस्तापाता समेत जलेर नष्ट हुँदा अन्दाजी १ लाख मूल्य बराबरको क्षति भएको छ । उक्त आगलागी ६ वटा दमकल, प्रहरी र स्थानीयवासीको सहयोगमा अपरान्ह सवा ४ बजे पूर्ण रुपमा नियन्त्रणमा लिईएको इलाका प्रहरी कार्यालय बेलबारीले जनाएको छ । त्यसैगरी झापाको गौरादह नगरपालिका-६ दामुनामा बुधवार राती आगलागी हुँदा अन्दाजी ६ लाख मूल्य बराबरको क्षति भएको छ । राती करिब पौने १ बजेको समयमा सोही स्थान बस्ने राम प्रसाद चेम्जोङको टाटी बेराले बनेको फुसको छानो भएको १ तले घरमा बिद्युत सर्टभई अचानक आगलागी भएको थियो । आगलागीबाट चेम्जोङको घर, नगद १ लाख, आधि तोला सुन, ४० मन धान, फर्निचर लगायत सम्पूर्ण सर-सामान जलेर नष्ट भएको छ । उक्त आगलागी प्रहरी र स्थानीयवासीको सहयोगमा पूर्ण नियन्त्रणमा लिईएको जिल्ला प्रहरी कार्यालय झापाले जनाएको छ ।
श्रीमतीको हत्या गर्ने श्रीमान पक्राउ
पाँचथर, मंसिर ०५ गते ।

पाँचथरको फाल्गुनन्द गाउँपालिका-३ ख्यारुपा सिरानमा मंगलबार धारिलो हतियार प्रहार गरी श्रीमतीको हत्या गर्ने १ जनालाई प्रहरीले पक्राउ गरेको छ । हतियार प्रहारबाट सोही ठाउँ बस्ने बर्ष ३९ की ईन्द्रमाला चेम्जोङको घटनास्थलमा नै मृत्यु भएको जिल्ला प्रहरी कार्यालय पाँचथरले जनाएको छ । निजलाई आफ्नै श्रीमान वर्ष ४२ को नर बहादुर चेम्जोङले धारिलो हतियार प्रहार गरि हत्या गरेका हुन् । आफ्नै जेठी श्रीमतीको हत्या गरी फरार भएका उनलाई जिल्ला प्रहरी कार्यालय पाँचथरबाट खटिएको प्रहरी टोलीले बुधबार राती  साढे १२ बजे पाँचथर मिक्लाजुङ गाउँपालिका-१ ईलाम र पाँचथरको सिमाना पर्ने फुङसिङडाँडा जंगलमा भाग्दै गरेको अवस्थामा पक्राउ गरेको हो । पक्राउ परेका चेम्जोङलाई जिल्ला प्रहरी कार्यालय पाँचथरमा राखि थप अनुसन्धान भईरहेको छ भने मृतकको शव पोष्टमार्टमको लागि जिल्ला अस्पतालमा राखिएको उक्त कार्यालयले जनाएको छ ।
मोटरसाईकल दुर्घटनामा ४ घाइते
झापा, मंसिर ०५ गते ।

झापाको गौरादह नगरपालिका-४ मझुवा भन्ने स्थानमा मंगलबार मोटरसाईकलले साईकललाई ठक्कर दिँदा चालक सहित ४ जना घाइते भएका छन् । भित्री सडक खण्डमा उतरबाट दक्षिण तर्फ जाँदै गरेको मे. ८ प. १५२ नम्बरको मोटरसाईकलले साईकलमा सवार  गौरादह नगरपालिका-४ बस्ने बर्ष ३० की संजु कालाखेती, निजको छोरी बर्ष १२ की साईना कालाखेती बर्ष ८ की देविका कालाखेतीलाई ठक्कर दिएको थियो । दुर्घटनामा परि मोटरसाईकल चालक झापा बाह्रदशी गाउँपालिका-६ राजगढ बस्ने बर्ष २७ को दिपक सिवाकोटी समेत घाइते भएका छन् । दुर्घटनामा परि गम्भिर घाइते चालकको दमक स्थित लाईफलाईन अस्पतालमा उपचार भईरहेको छ भने अन्य तीन जनाको बिर्तामोड स्थित बि.एण्ड.सी. अस्पतालमा उपचार भईरहेको जिल्ला प्रहरी कार्यालय झापाले जनाएको छ ।
अवैध सामान बरामद
झापा, मंसिर ०४ गते ।

झापाको मेचीनगर नगरपलिका-६ बाट प्रहरीले मंगलबार प्रहरीले अवैध सामान बरामद गरेको छ । जिल्ला प्रहरी कार्यालय झापा र इलाका प्रहरी कार्यालय काँकडभिट्टाबाट खटिएको प्रहरी टोलीले भारतबाट नेपाल तर्फ ल्याउँदै गरेको अन्दाजी ४४ हजार मूल्य बराबरको अवैध स्याउ, मोटर पार्टस र लत्ताकपडा बरामद गरेको हो । बरामद सामान आवश्यक कारवाहीको लागि मेची भन्सार कार्यालय काँकडभिट्टा बुझाईने इलाका प्रहरी कार्यालय काँकडभिट्टाले जनाएको छ ।
मोटरसाईकल दुर्घटनामा १ घाइते
उदयपुर, मंसिर ०४ गते ।

उदयपुरको चौदण्डी नगरपालिका-९ ज्यामिरेमा मंगलबार मोटरसाईकल दुर्घटनामा परि १ जना घाइते भएका छन् । दिउँसो १ बजे बेल्टारबाट ज्यामिरे तर्फ जाँदै गरेको बा. १८ प ५६६८ नम्बरको मोटरसाईकल आँफै अनियन्त्रित भई दुर्घटना हुँदा मोटरसाईकल चालक सोही स्थान बस्ने बर्ष ५५ को बसन्तलाल चौधरी घाइते भएका हुन् । दुर्घटनाबाट घाइते चौधरीलाई उपचारको लागि स्थानीय स्वास्थ्य चौकीमा सामान्य उपचार पश्चात थप उपचारको लागी वि.पी. कोइराला स्वास्थ्य बिज्ञान प्रतिष्ठान धरान पठाइएको इलाका प्रहरी कार्यालय बेल्टारले जनाएको  छ ।
करणीको आरोपमा १ पक्राउ
झापा, मंसिर ०४ गते ।

झापाको दमक नगरपालिका-३ बाट सोमबार प्रहरीले जवरजस्ती करणी गरेको आरोपमा १ जनालाई पक्राउ गरेको छ । करणीको आरोपमा प्रहरीले पाँचथर फाल्गुनन्द गाउँपालिका-६ घर भइ हाल झापा दमक नगरपालिका-३ मा डेरा गरी बस्ने वर्ष २५ को दिपक धमलालाई पक्राउ गरिएको हो । धमलाले राती साढे ८ बजे सोही स्थान बस्ने १२ बर्षीया बालिकालाई ललाई फकाई नजिकै रहेको हम्से-दुम्से सामुदायिक जंगलमा लगेर करणी गरेको भनि स्थानीयले दिएको सूचनाको आधारमा पक्राउ गरिएको हो । घटनाको जानकारी पाउनासाथ तत्काल प्रहरी चौकी बेलडाँगीबाट प्रहरी टोली खटि गई घटनामा संलग्न धमलालाई पक्राउ गरी इलाका प्रहरी कार्यालय दमकमा राखि थप अनुसन्धान भईरहेको उक्त कार्यालयले जनाएको छ ।
घरबाट लडेर मजदुरको मृत्यु
सुनसरी, मंसिर ०४ गते ।

सुनसरीको ईटहरी उप-महानगरपालिका-५ मा सोमबार घरबाट लडेर १ जना मजदुरको मृत्यु भएको छ । मृत्यु हुनेमा मजदुरी काम गर्दै आईरहेका ईटहरी उप-महानगरपालिका-७ बस्ने बर्ष २६ को जिवन माझी रहेका छन् । माझी अपरान्ह ४:५५ बजेको समयमा ईटहरी-५ बस्ने खेमराज दाहालको निर्माणाधिन ३ तले घरमा प्लास्टरको लागि वाँस बाध्ने क्रममा अचानक लडेर गम्भिर घाईते भएका थिए । ३ तला माथिबाट लडेर गम्भिर घाइते भएका माझीलाई उपचारको लागि नोबेल अस्पताल बिराटनगर पठाईएकोमा उपचारको क्रममा सोही अस्पतालमा  बेलुका साढे ५ बजे मृत्यु भएको इलाका प्रहरी कार्यालय ईटहरीले जनाएको छ । घटनास्थलमा प्रहरी टोली खटि गई कानूनी प्रकृया पूरा गरी शव पोष्टमार्टमको लागि सोही अस्पतालमा राखिएको छ ।
१३ हजार बोट गाँजा फडानी
धनकुटा, मंसिर ०४ गते ।

प्रहरीले धनकुटा जिल्लाको बिभिन्न स्थानमा प्राकृतिक रुपमा उम्रिएका तथा अवैध रुपमा खेति गरिएको अन्दाजी  १३  हजार ६ सय बोट गाँजा फडानी गरी नष्ट गरिएको छ । जिल्ला प्रहरी कार्यालय धनकुटा, इलाका प्रहरी कार्यलय पाख्रिबास र भेडेटारबाट गाँजा फडानी गर्न निस्किएको प्रहरी टोलीले धनकुटा शहिदभूमी गाउँपालिका-५ को लामिटार, खोकुटार र खोकुको भीर पाखा लगायत जंलमा रहेको ८ हजार बोट त्यसैगरी पाख्रिबास नगरपालिका-८ बैकुण्ठेमा ३ सय बोट र धनकुटा साँगुरीगढी गाउँपालिका-९ हर्दियामा ५ हजार २ सय बोट गाँजा फडानी गरिएको जिल्ला प्रहरी कार्यालय धनकुटाले जनाएको छ ।
लागूऔषध सहित २ पक्राउ
मोरङ, मंसिर ०३ गते ।

मोरङको बिराटनगर महानगरपालिका-१५ भन्सार कार्यालयको १ नम्बर ढाटबाट प्रहरीले सोमबार छुट्टाछुट्टै समयमा लागूऔषध सहित २ जनालाई पक्राउ गरेको छ । दिउँसो पौने १ बजेको समयमा मोरङ बिराटनगर-६ बस्ने बर्ष २४ को  समर साहलाई लागूऔषध एभिल-३२, लुपिजेसिक-३२ र डाईजेल्याब-३२ एम्पुल र दिउँसो पौने ३ बजेको समयमा सुनसरी ईटहरी-४ बस्ने बर्ष ३२ को सुवास घिमिरेलाई एभिल-१०, लुपिजेसिक-१०, डाईजेल्याब-१० र फेनारगन-१० एम्पुल सहित पक्राउ गरिएको हो । लागूऔषध नियन्त्रण ब्यूरो बिराटनगरबाट खटिएको प्रहरी टोलीले उनीहरुलाई भारतको जोगवनीबाट नेपाल तर्फ पैदल आउँदै गरेको अवस्थामा शंका लागि चेकजाँच गर्ने क्रममा पाउडरको बट्टा र पाईन्टको गोजीमा लुकाई छिपाई राखेको लागूऔषध फेला पारी बरामद गरेको हो । बरामद लागूऔषध सहित दुबै जनालाई इलाका प्रहरी कार्यालय रानीमा राखि थप अनुसन्धान भईरहेको उक्त कार्यालयले जनाएको छ ।
सुमोको ठक्करबाट पैदयात्रीको मृत्यु
मोरङ, मंसिर ०३  गते ।

मोरङको उर्लाबारी नगरपालिका-३ थापा चोकमा सोमबार सुमो गाडीको ठक्करबाट १ जना पैदलयात्रीको मृत्यु भएको छ । पूर्व-पश्चिम राजमार्गमा पश्चिमबाट पूर्व तर्फ जाँदै गरेको को १ ज २९२१ नम्बरको टाटा सुमो गाडीले पैदलयात्री उर्लाबारी नगरपालिका-३ बस्ने वर्ष ५५ को मन बहादुर राईलाई बिहान करिब ५:५० बजे ठक्कर दिएको थियो । बाटो क्रस गर्ने क्रममा सुमोको ठक्करबाट गम्भीर घाइते राईको उपचारको क्रममा बिराटनगर स्थित न्यूरो अस्पतालमा बिहान सवा ९ बजे मृत्यु भएको इलाका प्रहरी कार्यालय उर्लाबारीले जनाएको छ । ठक्कर दिने सुमो र चालक ईटहरी उप-महानगरपालिका-५ बस्ने बर्ष २० को राजु राईलाई नियन्त्रणमा राखिएको उक्त कार्यालयले जनाएको छ ।
 
टेम्पोको ठक्करबाट पैदलयात्री घाइते

मोरङको बिराटनगर महानगरपालिका-१४ साल्ट ट्रेडिङ चोकमा सोमवार टेम्पोको ठक्करबाट १ जना पैदलयात्री घाइते भएका छन् । करिब बिहान साढे ५ बजेको समयमा तत्काल नम्बर नखुलेको टेम्पोको ठक्करबाट मोरङको जहदा गाउँपालिका-२ बस्ने बर्ष ५५ को सिताराम मण्डल घाइते भई उपचारको लागि कोशी अंचल अस्पताल पठाईएको इलाका प्रहरी कार्यालय रानीले जनाएको छ । ठक्कर दिने टेम्पो र चालक फरार भएकोले खोजीकार्य भईरहेको उक्त कार्यालयले जनाएको छ ।
ट्टाछुट्टै स्थानबाट लागूऔषध सहित २ पक्राउ
मोरङ, मंसिर ०३ गते ।

मोरङ र उदयपुर जिल्लाबाट प्रहरीले लागूऔषध सहित आईतबार २ जनालाई पक्राउ गरिएको छ । मोरङको सुन्दर-हरैँचा नगरपालिका-५ स्थित बाँसवारी चौकबाट प्रहरीले आइतबार लागूऔषध सहित १ जनालाई पक्राउ गरेको छ । प्रहरी चौकी गछियाबाट खटिएको प्रहरी टोलीले बिराटनगर महानगरपालिका-८ मधुमारा वस्ने वर्ष ३१ को श्रीराम राजवंशीलाई पक्राउ गरिएको हो । राती साढे १० बजेको समयमा वाँसवारी चौकमा रहेको मोटरसाईकल ग्यारेज अबेर सम्म खुलेपछी शंका लागि खानतलासी गर्ने क्रममा लागूऔषध नाईट्रोसन ट्याब्लेट १८० चक्की, नाइट्रोभेट ११२ ट्याबलेट, स्पास्मोप्रोक्सिभन १३२ ट्याबलेट Dialex-Dc १२ बोतल र १७ वटा खालि बोतल फेला पारी बरामद गरेको हो । बरामद लागूऔषध सहित राजवंशीलाई प्रहरीको नियन्त्रणमा राखि थप अनुसन्धान भईरहेको जिल्ला प्रहरी कार्यालय मोरङले जनाएको छ । त्यसैगरी उदयपुरको त्रियुगा नगरपालिका-१२ पि.जि. चौकबाट प्रहरीले लागूऔषध सहित १ जनालाई पक्राउ गरेको छ । लागूऔषध सहित सोही स्थान बस्ने बर्ष २३ को प्रबिण शर्मालाई लागूऔषध लुपिजेसिक ४ पिस, डाईजोल्याब ४ पिस र फेनारगन ४ पिस सहित पक्राउ गरिएको हो । राती साढे ९ बजेको समयमा शंकास्पद तवरले हिडडुल गरीरहेको अवस्थामा चेकजाँचको क्रममा उक्त परिमाणको लागूऔषध फेला परेको थियो । पक्राउ परेका शर्मालाई जिल्ला प्रहरी कार्यालय उदयपुरमा राखि थप अनुसन्धान भईरहेको उक्त कार्यालयले जनाएको छ ।
१४ हजार बोट गाँजा फडानी
धनकुटा, मंसिर ०३ गते ।

धनकुटाको बिभिन्न स्थानमा प्रहरीले शनिबार अन्दजी १४ हजार ६ सय ८० बोट अवैध गाँजा फडानी गरी नष्ट गरिएको छ । जिल्ला प्रहरी कार्यालय धनकुटा, इलाका प्रहरी कार्यालय छिन्ताङ र भेडेटार धनकुटा शहिदभूमी गाउँपालिका-१  कर्कले गुर्धुम, गोपालपुर, घंगरु, हंगुवा (तल्लो/माथ्लो ), सफाईधाप, धाप, तित्रे, कर्कले लगायतको बिभिन्न ठाउँमा गरि ९ हजार १ सय ८० बोट त्यसैगरी धनकुटा साँगुरीगढी गाउँपालिका-९ किम्दाक भन्ने ठाउँमा ५ हजार ५ सय बोट गाँजाको बोट नष्ट गरिएको जिल्ला प्रहरी कार्यालय धनकुटाले जनाएको छ । पछिल्लो समय धनकुटा जिल्लाको बिभिन्न स्थानमा प्राकृतिक रुपमा उम्रिएका र अवैध रुपमा खेति गरिएका गाँजा फडानी गरी नष्ट गर्ने अभियान संचालन गर्दै आईरहेको छ ।
नवनिर्मित प्रहरी भवन उद्घाटन
धनकुटा, मंसिर ०२ गते ।

 प्रहरी चौकी मुढेवास धनकुटाको हाता भित्र निर्माण सम्पन्न भएको नव निर्मित कार्यालय, ब्यारेक भवन र मेष १ नम्बर प्रदेश प्रहरी प्रमुख प्रहरी नायव महानिरीक्ष केदार रिजाले एक कार्यक्रमका विच उद्घाटन गर्नु भएको छ । मंसिर ०२ गते कार्यालय परिसरमा भएको समुद्घाटन कार्यक्रममा प्रदेश प्रहरी प्रमुख रिजालले रिवन काटेर बिधिवत रुपमा उद्घाटन गर्नु भएको हो । राष्ट्रिय पुन:निर्माण प्राधिकरणको रु. १ करोड ४२ लाख ६९ हजार ४ सय ७० को कुल लागतमा सुबिधा सम्पन्न कार्यालय, ब्यारेक भवन तथा मेषको निर्माण सम्पन्न भएको हो । उद्घाटन कार्यक्रमलाई सम्बोधन गर्नु हुँदै प्रदेश प्रहरी प्रमुख प्रनामनी रिजालले सुबिधा सम्पन्न भवन निर्माण भए संगै यहाँ कार्यरत प्रहरी कर्मचारीको मनोवल बृद्धी भई उच्च मनोवलका साथ काम कारवाही हुनेमा आफु बिश्वस्त रहेको बताउनु भयो । वहाँले कानूनको परिधी भित्र रही स्थानीय जन चाहाना बमोजिमकै सुरक्षा प्रदान गर्न पनी निर्देशन दिनु भयो ।
लुटपाटमा संलग्न २ जना सार्वजनिक
मोरङ, मंसिर ०२ गते ।

मोरङको बिराटनगर महानगरपालिकाको बिभिन्न स्थानबाट भएको लुटपाटको घटनामा संलग्न २ जनालाई पक्राउ गरी आज सार्वजनिक गरिएको छ । लुटपाटको घटनामा संलग्न भएको आरोपमा प्रहरीले सप्तरी शम्भुनाथ नगरपालिका-१२ घर भई मोरङ बिराटनगर महानगरपालिका-१२ शान्तिचौकमा डेरा गरी बस्ने बर्ष २३ को शिवराम चौधरी र मोरङ बिराटनगर महानगरपालिका-८ बस्ने बर्ष २५ को समीर कामतलाई सार्वजनिक गरिएको हो । उनीहरुले मिति २०७५।०७।१४ गते बिराटनगरको हाटखोलाबाट नोवेल अस्पतालतर्फ जाँदै गरेको अवस्थामा मोरङ कटहरी-२ बस्ने निरज श्रेष्ठको सामसुङ कम्पनीको J7 Max मोवायल लुटेर फरार भएका थिए । त्यसैगरी मिति २०७५।०७।१६ गते साँझ ६ बजे आर. के. चिल्ड्रेन अस्पताल अगाडीबाट मोरङ कानेपोखरी गाउँपालिका-३ घर भई हाल बिराटनगर-८ बस्ने हिना राजवंशीको नगद १८ हजार ४ सय, घडी १ थान, लेडिज झोला, परपल रंगको सल,  सामसुङको J2 मोवाईल थान-१ चोरी गरि फरार भएका थिए । साथै बिराटनगरको हाटखोलाबाट मिति २०७५।०७।२५ गते साँझ ७ बजेको समयमा विराटनगर-७ बस्ने चन्द्रकला बस्नेतलाई तानेर भुईमा लडाई निजको व्याग भित्र रहेको नगद, मोवाईल लगायतका सामानहरू लुटपाट गरेका थिए । घटना सम्बन्धमा पिडितहरुले जिल्ला प्रहरी कार्यालय मोरङ र वडा प्रहरी कार्यालय हाटखोलामा दिएको उजुरीको आधारमा पिडितसंग समेत समन्वय गरी अभियुक्तको खोजतलास तथा लुक्न सक्ने स्थानमा खानतलासी गरी उनीहरुलाई मिति २०७५।०२।०१ गते पक्राउ गरिएको हो । उनीहरुको साथबाट प्रहरीले बिभिन्न कम्पनीको मोवाईल थान-३, विभिन्न कम्पनीको सीमकार्ड ७ थान, लेडिज घडी थान-१, लेडिज चस्मा थान-१ लगायत लुटपाटमा प्रयोग गरिएको लु ३९ प ४३९७ नम्बरको मोटरसाईकल समेत बरामद गरेको छ । पक्राउ परेका दुवै जनालाई मुलुकी अपराध (संहिता) ऐन २०७४ बमोजिम म्याद थप  गरी अनुसन्धान भईरहेको जिल्ला प्रहरी कार्यालय मोरङले जनाएको छ ।
लागूऔषध सहित १ पक्राउ
मोरङ, मंसिर ०२ गते ।

मोरङको बिराटनगर महानगरपालिका-१५ भन्सार कार्यालयको १ नम्बर ढाटबाट आइतवार प्रहरीले लागूऔषध सहित १ जनालाई पक्राउ गरेको छ । विशेष सुराकीको आधारमा लागूऔषध नियन्त्रण व्यूरो विराटनगरबाट खटिएको प्रहरी टोलीले लागूऔषध एभिल-२० एम्पुल, डाईजेल्याव-२० एम्पुल र लुपिजेसिक-२० एम्पुल सहित सुनसरी धरान उप-महानगरपालिका-१६ बस्ने बर्ष २७ को मदन लिम्बुलाई पक्राउ गरेको हो । दिउँसो साढे २ बजेको समयमा भारतबाट नेपाल तर्फ आउँदै गरेका लिम्बुलाई चेकजाँचको क्रममा सेतो टेपले बाधेर ढाडमा लुकाई छिपाई राखेको अवस्थामा लागूऔषध फेला पारी बरामद गरेको हो । पक्राउ परेका उनलाई आवश्यक कारवाहीको लागि इलाका प्रहरी कार्यालय रानीमा राखि थप अनुसन्धान भईरहेको उक्त कार्यालयले जनाएको छ ।
धनकुटाको बिभिन्न स्थानमा हजार बोट गाँजा फडानी
धनकुटा, मंसिर ०२ गते ।

धनकुटाको बिभिन्न स्थानमा प्रहरीले शनिबार अन्दजी १७ हजार १ सय १० बोट अवैध गाँजा फडानी गरेको छ । जिल्ला प्रहरी कार्यालय धनकुटा, इलाका प्रहरी कार्यालय छिन्ताङ, भेडेटार र पाख्रिवासबाट खटिएको प्रहरी टोलीले धनकुटा शहिदभूमी गाउँपालिका-१ को गुर्धुम, गोपालपुर, घंगरु, हंगुवा (तल्लो/माथ्लो ), सफाईधाप, धाप, कर्कले लगायतको बिभिन्न ठाउँमा १० हजार बोट नष्ट गरेको हो । त्यसैगरी साँगुरीगढी गाउँपालिका-९ सदुवाबाट ६ हजार ६ सय बोट र पाख्रीबास नगरपालिका-३, ८ र १० बाट ५ सय १० बोट गाँजाको बोट फडानी गरी नष्ट गरिएको  जिल्ला प्रहरी कार्यालय धनकुटाले जनाएको छ ।
अवैध सामान बरामद
झापा, मंसिर ०२ गते ।

झापाको छुट्टा-छुट्टै स्थानबाट प्रहरीले शनिवार अन्दाजी १ लाख ९३ हजार मूल्य बराबरको अवैध सामान बरामद गरेको छ । दिउँसो सवा २ बजेको समयमा बिमानस्थल सुरक्षार्थ खटिएको प्रहरी टोलीले  चेकजाँच गर्ने क्रममा अवैध रुपमा नपाल तर्फ ल्याउँदै गरेको अन्दाजी १ लाख मूल्य बराबरको ३ वटा झोलामा प्याक गरिएको रेडिमेट कपडा फेला पारी बरामद गरेको हो । त्यसैगरी जिल्ला प्रहरी कार्यालय झापा र इलाका प्रहरी कार्यालय काँकडभिट्टाबाट खटिएको प्रहरी टोलीले मेचीनगर नगरपालिका-६ बाट अन्दाजी ९३ हजार १ सय रुपैयाँ बराबरको अवैध सामान बरामद गरेको छ । प्रहरीले नेपालबाट भारत तर्फ लैजादै गरेको अवस्थामा ५० किलो मरिच र हरियो मटर-५० किलो त्यसैगरी भारतबाट नेपाल तर्फ ल्याउँदै गरेको साडी-८ पिस, ब्लाउजको कपडा ५ रोल र रङ्ग-२ टिन फेला पारी बरामद गरेको हो । बरामद सामान आवश्यक कारवाहीको लागि आजै मेची भन्सार कार्यालय काँकडभिट्टा बुझाईने जिल्ला प्रहरी कार्यालय झापाले जनाएको छ ।
ग्यारेजमा आगलागीबाट ५ लाखको क्षति
सुनसरी, मंसिर ०२ गते ।
 
सुनसरीको उप-महानगरपालिका- १७ स्थित पकली चौक शनिबार मोटरसाईकल ग्यारेजमा आगलागी हुँदा अन्दाजी ५ लाख मूल्य बराबरको क्षति भएको छ । आगलागीबाट सोही स्थान बस्ने तुल बहादुर मगरको घरको सटरमा भारत सुपौल बिरपुरथाना बलभद्रपुर घर भई ईटहरी बस्ने मोहम्मद आम्जाद मियाँले खोलेको मोटरसाईकल ग्यारेजमा साँझ सवा ५ बजे बिद्युत लाईन सर्ट भई आगलागी भएको थियो । आगलागीबाट ग्यारेज भित्र रहेको सम्पूर्ण मोटरपार्टस लगायत सटरको माथिल्लो तलाको झ्याल जलेर नष्ट भएको छ । उक्त आगलागी दमकल प्रहरी र स्थानीयवासीको सहयोगमा नियन्त्रणमा लिईएको इलाका प्रहरी कार्यालय पकलीले जनाएको छ ।
मोटरसाइकलको ठक्करबाट बृद्धा घाईते
मोरङ्, मंसीर ०१ गते ।

मोरङको सुन्दर हरैचा-३ गछिया चौक स्थितमा मोटरसाईकलको ठक्करबाट एकजना बृद्ध पैदलयात्री घाईते भएकी छिन् । आज दिउँसो ३:३० बजेको समयमा पूर्व पश्चिम राजमार्गमा पश्चिम बाट पूर्व तर्फ जादै गरेको को ३१ प३१०९ नंबरको मोटरसाईकलले हरैचा-४ बस्ने वर्ष ७० कि देवि श्रेष्ठ लाई बाटो काट्ने क्रममा ठक्कर दिई दुर्घटना भएको थियो । दुर्घटनामा परी घाईते भएकी उनको हाम्रो अस्पताल बिराटनगरमा उपचार भई रहेको जिल्ला प्रहरी कार्यालय मोरङले जनाएको छ । ठक्कर दिने मोटरसाईकल र चालकलाई प्रहरी चौकी गछियामा राखिएको उक्त कार्यालयले जनाएको छ ।
स्वचालित पेस्तोल सहित १ पक्राउ
सुनसरी, मंसिर ०१ गते ।

सुनसरीमा आज दिउँसो पेस्तोल सहित १ जना पक्राउ परेका छन् । शसस्त्र प्रहरी बल बि.ओ.पि.भाण्टावारी र  सिमा प्रहरी चौकी भाण्टावारीबाट संयुक्त रुपमा चेकिङमा खटीएको टोलीले १ थान स्वचालित पेस्तोल सहित भिमनगर ४ सुपोल बिहार बस्ने बर्ष २३ को रंजित कुमार मुखियालाई पक्राउ गरेको हो । दिउँसो १ बजेको समयमा सुनसरीको कोशी गाउँपालिका-८ स्थित भाण्टाबारी चारकुने दश गजा छेउमा BR50F3206 नम्बरको मोटरसाइकलमा सवार मुखियाको शरीर खानतलासी गर्ने क्रममा लुकाई छिपाई राखेको अवस्थामा १ थान सानो चाईनिज पेस्तोल र १ थान खाली म्याग्जिन फेला पारी बरामद गरेको हो । पेस्तोल सहित पक्राउ परेका मुखियालाई जिल्ला प्रहरी कार्यालय सुनसरीमा ल्याउने तयारी भईरहेको उक्त कार्यालयले जनाएको छ।
गाँजा सहित १ पक्राउ
तेह्रथुम, मंसिर ०१ गते ।

तेह्रथुमको लालीगुराँस नगरपालिका-४ बाट प्रहरीले  शुक्रबार लागूऔषध गाँजा सहित १ जनालाई पक्राउ गरेको छ । इलाका प्रहरी कार्यालय बसन्तपुर र अस्थाई प्रहरी पोष्ट चित्रेबाट खटिएको प्रहरी टोलीले गाँजा सहित धनकुटा शहिदभूमी गाउँपालिका-२ बस्ने बर्ष ६५ को पूर्ण राईलाई पक्राउ गरेको हो । राईलाई दिउँसो २ बजेको समयमा फुलेकबाट चित्रेतर्फ पैदल हिडिरहेको अबस्थामा शंका लागि चेकजाँच गर्ने क्रममा राईले बोकेको झोलामा ५ किलो लागूऔषध गाँजा फेला पारी बरामद गरेको हो । पक्राउ परेका राईलाई इलाका प्रहरी कार्यालय बसन्तपुरमा राखि थप अनुसन्धान भईरहेको उक्त कार्यालयले जनाएको छ ।
स्वचालित पेस्तोल सहित धरानबाट १ पक्राउ
सुनसरी, मंसिर ०१ गते ।

सुनसरीको धरान उप-महानगरपालिका-८ स्थित तीनकुनेबाट प्रहरीले शुक्रबार पेस्तोल सहित १ जनालाई पक्राउ गरेको छ । विशेष सुराकीको आधारमा १ नम्बर प्रदेश प्रहरी कार्यालय बिराटनगर (RIT) र अस्थाई प्रहरी पोष्ट तीनकुनेबाट खटिएको प्रहरी टोलीले १ थान स्वचालित पेस्तोल सहित सुनसरी बराह नगरपालिका-११ का ३५ बर्षीय श्यामदेव मण्डललाई पक्राउ गरेको हो । साँझ ५ बजेको समयमा धरानबाट इटहरी तर्फ जाँदै गरेको को २८ प ७१८४ नम्बरको स्कुटरमा चेकजाँच गर्ने क्रममा मण्डलले कम्बरमा लुकाई छिपाई राखेको अवस्थामा पेस्तोल सहित २ थान म्याग्जिन र १ राउण्ड गोली फेला पारी बरामद गरेको हो । पेस्तोल सहित पक्राउ परेका मण्डललाई इलाका प्रहरी कार्यालय धरानमा राखि थप अनुसन्धान भईरहेको उक्त कार्यालयले जनाएको छ ।
लागूऔषध सहित २ जना पक्राउ
सुनसरी, मंसिर ०१ गते ।

सुनसरीको इटहरी उप-महानगरपालिका-२० तरहरा चौकबाट प्रहरीले शुक्रबार लागूऔषध सहित २ जनालाई पक्राउ गरेको छ । १ नम्बर प्रदेश प्रहरी कार्यालय बिराटनगर (RIT) र प्रहरी चौकी तरहराबाट खटिएको प्रहरी टोलीले लागूऔषध सहित धरान-१९ बस्ने वर्ष ३० को रक्कि देवान र बिराटनगर-१६ बस्ने वर्ष १८ को जिवछ शर्मालाई पक्राउ गरेको हो । राती ९ बजेको समयमा तरहरा चौकमा बा २५ प.३९४१ नम्बरको मोटरसाईकल पार्किङमा राखि शंकास्पद अवस्थामा हिडडुल गरिरहेका उनीहरुलाई चेकजाँच गर्ने क्रममा एभिल-१०० एम्पुल, लुपिजेसिक-१०० एम्पुल, फेनारगन-१०० एम्पुल र डाईजेल्याव-१०० एम्पुल लागूऔषध बरामद गरिएको हो । बरामद लागूऔषध, मोटरसाईकल र दुबैजनालाई इलाका प्रहरी कार्यालय इटहरीमा राखि थप अनुसन्धान भईरहेको उक्त कार्यालयले जनाएको छ ।
करणीको आरोपमा १ जना पक्राउ
सुनसरी, कार्तिक ३० गते ।

सुनसरीको देवानगंज गाउँपालिका-७ बाट शुक्रबार जवरजस्ती करणी गरेको आरोपमा प्रहरीले १ जनालाई पक्राउ गरेको छ भने १ जना फरार रहेका छन् । करणीको आरोपमा सोही स्थान बस्ने बर्ष-२५ को दिपक कुमार यादवलाई पक्राउ गरिएको हो भने सोही स्थान बस्ने बर्ष-२२ को बाल गोपाल यादव फरार रहेकोले खोजीकार्य भईरहेको जिल्ला प्रहरी कार्यालय सुनसरीले जनाएको छ । उनीहरुले सोही स्थान बस्ने बर्ष ३० की महिलालाई कुखुराको फारममा जवरजस्ती करणी गरेको भनी पिडितको दिएको उजुरीको आधारमा दिपक कुमार यादवलाई पक्राउ गरिएको हो । पक्राउ परेका यादव र पिडित महिलालाई जिल्ला प्रहरी कार्यालय सुनसरीमा राखि थप अनुसन्धान भईरहेको उक्त कार्यालयले जनाएको छ ।
आगलागीबाट १४ लाखको क्षति
भोजपुर, कार्तिक ३० गते ।

भोजपुरको भोजपुर नगरपलिका- ७ मा शुक्रबार आगलागी हुँदा अन्दाजी १४ लाख  मूल्य बराबरको क्षति भएको छ । करिब दिउँसो १२ बजे सोही स्थान बस्ने गोबिन्द सुन्दासको घरमा बिद्युत सर्ट भई आगलागी हुँदा ढुंगा माटोले बनेको टिनको छानो भएको २ तले काठको घर नगद १ लाख ५० हजार, दश आना सुनको औठी लगायत लगायत घरभित्र रहेका सम्पूर्ण सामान जलेर नष्ट भएको छ । उक्त आगलागी दमकल, नेपाली सेना, प्रहरी र स्थानीयवासीको सहयोगमा दिउँसो १२:३० बजे पूर्ण रुपमा नियन्त्रणमा आएको जिल्ला प्रहरी कार्यालय भोजपुरले जनाएको छ ।
अवैध सामान बरामद
मोरङ, कार्तिक ३० गते ।

मोरङको बिराटनगर महानगरपालिका-१५ बाट प्रहरीले अन्दाजी ८४ हजा ८ सय रुपैयाँ मूल्य बराबरको क्षति भएको छ । इलाका प्रहरी कार्यालय रानीबाट खटिएको प्रहरी टोलीले “सिमावर्ती क्षेत्रमा तस्करी नियन्त्रण” अभियान अन्तर्गत  बिहीबार भारतबाट अवैध रुपमा नेपाल ल्याउँदै गरेको खाद्यान्न, लत्ताकपडा र ईलोक्ट्रोनिक सामान बरामद गरेको थियो । बरामद सामान आवश्यक कारवाहीका लागि आजै बिराटनगर भन्सार कार्यालय रानीमा बुझाईएको इलाका प्रहरी कार्यालय रानीले जनाएको छ ।
समझदारी पत्रमा हस्ताक्षर
मोरङ, कार्तिक ३० गते ।

१ नम्बर प्रदेश प्रहरी कार्यायल बिराटनगरको सभाहलमा भएको एक कार्यक्रमका विच आज बिराटनगर महानगरपालिकाका मेयर भिम पराजुली र १ नम्बर प्रदेश प्रहरी प्रमुख प्रहरी नायव महानिरीक्षक केदार रिजाल विच ‘समुदाय प्रहरी साझेदारी’ कार्यक्रम अन्तरगत समझदारी पत्रमा हस्ताक्षर भएको छ । नेपाल सरकार , गृह मन्त्रालय तथा प्रहरी प्रधान कार्यालयको आयोजनामा  यही कार्तिक ११ गते देखी देशब्यापी रुपमा‘समुदाय प्रहरी साझेदारी’ कार्यक्रमको शुभारम्भ गरिएको थियो । जस अनुसार १ नम्बर प्रदेश प्रहरी कार्यालय बिराटनगर र स्थानीय तहहरुको संयोजनमा कार्तिक ११ गते नै १ नम्बर प्रदेश प्रहरी कार्यालय बिराटनगर र १४ वटै जिल्ला प्रहरी कार्यालयहरुमा पनि एकै साथ उक्त कार्यक्रमको शुभारम्भ गरिएको थियो । शान्ति सुरक्षा अमन चयन कायम राख्ने कार्यमा सुरक्षा निकाय लगायत स्थानीय तह, बिभिन्न संघ संस्थाहरु, बुद्धिजिवी, शिक्षक, बिद्यार्थी लगायत सम्पुर्ण सचेत नागरीकहरुको साझा सहभागिता, समन्वय, र सहकार्यलाई अझ बढवा दिने उदेश्यकासाथ शुरुवात गरिएको यस कार्यक्रम अन्तरगत  १ नम्बर प्रदेश अन्तरगत रहेका अधिकांश स्थानीयतहहरु र सम्बन्धित जिल्ला प्रहरी कार्यालय प्रमुखहरु बिच समझदारी पत्रमा हस्ताक्षर सम्पन्न भई सकेको छ । समझदारी पत्रमा हस्ताक्षर पश्चात आफ्नो धारणा राख्नु हुँदै बिराटनगर महानगरपालिकाका मेयर भिम पराजुलीले यो कार्यक्रम अत्यन्तै सान्दर्भिक रहेको हुँदा स्थानीय तहबाट गर्नु पर्ने जस्तो सुकै सहयोग गर्न पनि महानगर तयार रहेको र हामी सबैले यो हाम्रो कार्यक्रमको हो भन्ने सोचेर अगाढी बढ्नु पर्नेमा जोड दिनु भयो । कार्यक्रममा प्रदेश प्रहरी प्रमुख प्रहरी नायव महानिरीक्षक केदार रिजालले कार्यक्रममा उपस्थित सबैलाई धन्यवाद दिनु हुँदै स्थानीय तहहरुसँगको सहकार्यमा समितिहरु समेत गठन गरी अगाडी बढ्नु पर्ने आजको आबश्यकता रहेको हुँदा सबैको सक्रिय सहयोगको अपेक्षा गरिएको बताउनु भयो । कार्यक्रममा जिल्ला प्रहरी कार्यालय मोरङका प्रहरी प्रमुख प्रहरी उपरीक्षक मनोज के.सी. ले उपस्थित सम्पुर्ण महानुभावहरुमा कार्यक्रमको अवधारणा र उदेश्यको बारेमा प्रकाश पार्नु भएको थियो । कार्यक्रममा बिराटनगर महानगरपालिकाका उप-मेयर, अधिकांश वडाका वडा अध्यक्षहरु लगायत प्रहरी अधिकृत तथा जवानहरुको उपस्थिति रहेको थियो ।
ट्याक्टर दुर्घटनामा चालक र सह-चालकको मृत्यु
इलाम, कार्तिक ३० गते ।

इलामको माङसेबुङ गाउँपालिका-३ भन्ज्याङमा बिहीबार ट्याक्टर दुर्घटनामा परि चालक र सह-चालकको मृत्यु भएएको छ । राती २३:३० बजेको समयमा भन्ज्याङ स्थित फाल्गुनन्द कच्ची सडक खण्डमा पाँचथरबाट दमक तर्फ अदुवा बोकेर आउँदै गरेको को १ त ८०२५ नम्बरको ट्याक्टर सडक बाट १५० मिटर तल खसेर दुर्घटना भएको थियो । दुर्घटनामा ट्याक्टर चालक सोही गाउँपालिका-५ बस्ने बर्ष २८ को नबिन कुरुवाङ र सह-चालक धनकुटा चौबिसे गाउँपालिका-८ बस्ने बर्ष २२ को गोकुल लिम्बु गम्भीर घाइते भइ उपचारको लागि दमक स्थित लाईफ-लाईन अस्पताल पठाईएकोमा दुबैजनाको शुक्रबार राती २ बजे उपचारको क्रममा मृत्यु भएको जिल्ला प्रहरी कार्यालय इलामले जनाएको छ ।
चोरीमा संलग्न १ जना पक्राउ
सुनसरी, कार्तिक ३० गते ।

सुनसरीको कोशी गाउँपालिका-७ कोर्यानी टोलमा चोरी गरी भाग्दै गरेको अवस्थामा प्रहरीले १ जनालाई पक्राउ गरेको छ । गएराती २ बजेको समयमा सोही स्थान धर्मी महतोको र तेज नारायण यादवको घरको झ्याल फुटाई महतोको २ लाख मूल्य बराबरको सुनचाँदीको गर-गहना र यादवको १ लाख ५० हजार मूल्य बराबरको सुन चाँदीको गर-गहना र नगद ४० हजार चोरी भएको थियो । घटनाको जानकारी पाउनासाथ अस्थाई प्रहरी पोष्ट हरिपुरबाट प्रहरी टोली खटि गई चोरी गरी भाग्दै गरेको अवस्थामा सप्तरी बनौली घर भएका बर्ष २९ को श्रवण मल्लीकलाई पक्राउ गरेको छ भने २ जना फरार भएका छन् । चोरीमा संलग्न २ जना र चोरी भएको गर-गहनाहरु खोजिकार्य भईरहेको तथा पक्राउ परेका मल्लीकलाई जिल्ला प्रहरी कार्यालय सुनसरीमा राखि थप अनुसन्धान भईरहेको उक्त कार्यालयले जनाएको छ ।
आगलागीबाट १ लाख बढीको क्षति
मोरङ, कार्तिक ३० गते ।

मोरङको बेलबारी नगरपालिका-६ स्थित सोमबारे बिहीबार शुक्र दर्जीको घरमा आगलागी हुँदा अन्दाजी १ लाख २० हजार मूल्य बराबरको क्षति भएको छ । आगलागीबाट दर्जीको फुसको छानो भएको १ तले घरमा अचानक आगलागी हुँदा घर सहित घर भित्र रहेको सम्पूर्ण सर-सामान जलेर नष्ट भएको छ । साँझ ६ बजे आगललगी भएको जानकारी पाउनासाथ तत्काल प्रहरी चौकी बाहुनीबाट प्रहरीको टोली खटि गई स्थानीयवासीको सहयोगमा नियन्त्रणमा लिईएको इलाका प्रहरी कार्यालय बेलबारीले जनाएको छ ।
आगलागीबाट साढे ६ लाख बढीको क्षति
सुनसरी, कार्तिक २९ गते ।

सुनसरीको हरीनगरा गाउँपालिका-५ मा मंगलबार आगलागी हुँदा अन्दाजी ६ लाख ८२ हजार ५ सय रुपैयाँ बराबरको क्षति भएको छ । बिहान करिब साढे ९ बजे सोही स्थान बस्ने आरिफ हुसेनको घरबाट अचानक आगलागी हुँदा छिमेकी अवदुल बसिर मियाँको घरमा समेत आगलागी भएको थियो । आगलागीबाट दुबैजनाको टिनको छानो भएको १/१ तले घर, घर भित्र रहेका सम्पूर्ण सर-सामान जलेर नष्ट भएको जिल्ला प्रहरी कार्यालय सुनसरीले जनाएको छ । उक्त आगलागी प्रहरी र स्थानीयवासीको सहयोगमा पूर्ण नियन्त्रणमा लिईएको उक्त कार्यालयले जनाएको छ ।
ढुंगाले लागेर अष्ट्रेलियन नागरिकको मृत्यु
सोलुखुम्बु, कातिक २९ गते ।

सोलुखुम्बुको खुम्बु-पासाङल्हामु गाउँपालिका-४ मा बिहीबार १ जना बिदेशी पर्यटकको मृत्यु भएको छ । बिहान करिब ३ बजेको समयमा आमाडब्लम हिमाल आरोहण गर्न जाने क्रममा २ नम्बर क्याम्पमा माथिबाट खसेको ढुंगा लागेर अष्ट्रेलियन नागरिक बर्ष ३३ को MICHAEL GEOFFREY को मृत्यु भएको हो । ढुङ्गाले लागेर ५० मिटर लत खसेका उनको घटनास्थलमा नै मृत्यु भएको इलाका प्रहरी कार्यालय लुक्लाले जनाएको छ । घटनास्थलमा जिल्ला प्रहरी कार्यालय सोलू र इलाका प्रहरी कार्यालय लुक्लाबाट प्रहरी टोली खटिई गई कानूनी प्रकृया पूरा गरी शव पोष्टमार्टमको लागि हेलीकोप्टरद्वारा दिउँसो सवा ३ बजे शिक्षण अस्पताल काठमाण्डौ पठाइएको जिल्ला प्रहरी कार्यालय सोलुखुम्बुले जनाएको छ ।
भरुवा बन्दुक सहित १ पक्राउ
तेह्रथुम, कार्तिक २९ गते ।

तेह्रथुमको फेदाप गाउँपालिका-५ बाट प्रहरीले भरुवा बन्दुक सहित बिहीबार १ जनालाई पक्राउ गरेको छ । बन्दुक सहित सोही स्थान बस्ने बर्ष ४० को बुद्ध  बहादुर तामाङलाई पक्राउ गरेको जिल्ला प्रहरी कार्यालय तेह्रथुमले जनाएको छ । बिहान ११ बजेको समयमा निजको श्रीमती बर्ष ३५ की दलमाया तामाङसंग घरायसी विवाद हुँदा खुकुरी प्रहार गरी घाईते बनाएको र भरुवा बन्दुक समेत ताकेको भनि प्रहरी चौकी सम्दुमा स्थानीयले जानकारी गराएका थिए । घटनाको जानकारी पाउनासाथ तत्काल खटिएको प्रहरी टोलीले तामाङलाई नियन्त्रणमा लिई घरमा खानतलासी गर्ने क्रममा लुकाई छिपाई राखेको अवस्थामा बारुद भरेको राखेको १ नाल भरुवा बन्दुक बरामद गरेको थियो । खुकुरी प्रहारबाट घाइते भएकी निजको श्रीमतीको  ईसिबु स्वास्थय चौकीमा उपचार भईरहेको छ । बन्दुक सहित पक्राउ परेका तामाङलाई जिल्ला प्रहरी कार्यालयमा राखि थप अनुसन्धान भईरहेको उक्त कार्यालयले जनाएको छ ।
छुट्टा-छुट्टै स्थानमा आगलागी १० लाखको क्षति
बिराटनगर, कार्तिक २९ गते ।

१ नम्बर प्रदेश अन्तर्गत मोरङ, खोटाङ र सुनसरी जिल्लामा बुधबार भएको छुट्टा-छुट्टै आगलागीबाट अन्दाजी १० लाख मूल्य बराबरको क्षति भएको छ ।

मोरङः- मोरङको कटहरी गाउँपालिका-६ सितपुरमा बुधबार आगलागी हुँदा अन्दाजी ३ लाख २५ हजार मूल्य बराबरको क्षति भएको छ । आगलागीबाट सोही स्थान बस्ने अशोक राजवंशीको फुसको छानो भएको ग्वाली घरमा अचानक आगलागी हुँदा अन्दाजी ५० हजार मूल्य बराबरको क्षति भएको छ । त्यसैगरी छिमेकी अन्द्र राजबंशीको फुसको छानो भएको १ तले घरमा समेत आगलागी हुँदा अन्दाजी २ लाख ५० हजार र  दुखाराम राजबंशी घरको एकपाटो छानो जलेर अन्दाजी २५ हजार मूल्य बराबरको क्षति भएको हो । करिब दिउँसो साढे १ बजे भएको उक्त आगलागी दमकल, प्रहरी र स्थानीयवासीको सहयोगमा नियन्त्रणमा लिईएको जिल्ला प्रहरी कार्यालय मोरङले जनाएको छ ।

खोटाङः- खोटाङको बराहपोखरी गाउँपालिका-४ कोछाले बस्ने बीर बहादुर राउतको घरमा मंगलबार दिउँसो अचानक आगलागी हुँदा अन्दाजी ३ लाख ७५ हजार मूल्य बराबरको क्षति भएको छ । दिउँसो १२ बजे भएको उक्त आगलागीबाट राउतको ढुंगा माटोले बनेको २ तले घर, लत्ताकपडा, भाडावर्तन, काठपात लगायत ४ वटा चौपाय जलेर नष्ट भएको छ । उक्त आगलागी प्रहरी र स्थानीयवासीको सहयोगमा दिउँसो २ बजे पूर्ण नियन्त्रणमा लिईएको जिल्ला प्रहरी कार्यालय खोटाङले जनाएको छ ।

सुनसरीः- सुनसरीको ईटहरी उप-महानगरपालिका-६ स्थित खगेन्द्र थापा मगरको घरमा मंगलवार साँझ भएको आगलागीबाट अन्दाजी ३ लाख मूल्य बराबरको क्षति भएको छ । बेलुका ७ बजेको समयमा मगरको टिनको छानो भएको १ तले पक्की घरमा उर्लाबारी नगरपालिका-६ बस्ने डिल्लिराम भटृराईले संचालन गरेको जुत्ता-चप्पल पसलमा बिद्युत सर्ट भई आगलागी भएको थियो । आगलागीबाट पसलमा भएको जुत्ता-चप्पल र फर्निचरको सामान जलेर नष्ट भएको ईलाका प्रहरी कार्यालय ईटहरीले जनाएको छ । उक्त आगलागी दमकल, प्रहरी र स्थानीयवासीको सहयोगमा नियन्त्रणमा लिईएको उक्त कार्यालयले जनाएको छ ।

ट्रिपरको ठक्करबाट साईकलयात्री घाइते
झापा, कार्तिक २९ गते ।

झापाको गौरादह नगरपालिका-१ मा मंगलवार ट्रिपरको ठक्करबाट साईकलमा सवार १ जना घाइते भएका छन् । साँझ साढे ६ बजे गौरीगंज-पाडाजुगी स्थित भित्री सडक खण्डमा पाडाजुगी तर्फ जाँदै गरेको तत्काल नम्बर नखुलेको ट्रिपरले बिपरित दिशाबाट आउँदै गरेको साईकललाई ठक्कर दिएको  थियो । ठक्करबाट साईकलमा सवार गौरादह नगरपालिका-१ बस्ने बर्ष ४५ को केदार भुजेल घाइते भई उपचारको लागि दमक स्थित लाईफ लाईन अस्पताल पठाईएको छ । ठक्कर दिने ट्रिपर र चालक फरार रहेकोले खोजीकार्य भईरहेको इलाका प्रहरी कार्यालय गौरीगंजले जनाएको छ ।
आगलागीबाट ५ लाखको क्षति
खोटाङ, कार्तिक २८ गते ।

खोटाङको हलेसी तुवाचुङ नगरपालिका-५ स्थित चुमाखु भन्ज्याङमा आगलागी हुँदा अन्दाजी ५ लाख मूल्य बराबरको क्षति भएको छ । बिहान करिब ५ बजे भएको आगलागीबाट सोही स्थान बस्ने राजेन्द्र राईको घरमा बिद्युत सर्ट भई आगलागी हुँदा ढुंगा माटोले बनेको फुसको छानो भएको ३ तले घर, अन्नपात, लत्ताकपडा र भाँडावर्तन जलेर नष्ट भएको छ । राईको घरमा आगलागी भएको भन्ने जानकारी पाउनासाथ इलाका प्रहरी कार्यालय हलेसीबाट प्रहरी टोली खटि गई स्थानीयको सहयोगमा आगो नियन्त्रणमा लिईएको उक्त कार्यालयले जनाएको छ ।
माईखोलामा डुबेर १ को मृत्यु
ईलाम, कार्तिक २८ गते ।

ईलामको ईलाम नगरपालिका-८ स्थित माईखोलामा डुबेर मंगलबार १ जनाको मृत्यु भएको छ । दिउँसो २ बजेको समयमा सोही स्थान बस्ने नरधन लिम्बुको १७ बर्षीय छोरा लेखराज लिम्बु माईखोलामा पौडी खेल्ने क्रममा डुबेर मृत्यु भएको जिल्ला प्रहरी कार्यालय ईलामले जनाएको छ । मृतकको शव कानूनी प्रकृया पूरा गरी पोष्टमार्टमको लागि जिल्ला अस्पताल ईलाम पठाईएको उक्त कार्यालयले जनाएको छ ।
म्याजिक भेनको ठक्करबाट १ घाइते
सुनसरी, कार्तिक २८ गते ।
 
सुनसरीको हरिनगर गाउँपालिका-१ स्थित मुस्लिमटोलमा बुधबार म्याजिक भेनको ठक्करबाट मोटरसाईकलमा सवार १ जना घाइते भएका छन् । बिहान ९:१५ बजेको समयमा दक्षिणबाट उत्तर तर्फ जाँदै गरेको को १८ प ५६३९ नम्बरको मोटरसाईकललाई बिपरित दिशाबाट आउँदै गरेको को १ ज २५७७ नम्बरको म्याजिक भेनले बिहान  सवा ९ बजे ठक्कर दिएको थियो । ठक्करबाट मोटरसाईकलको पछाडि सवार सोही स्थान बस्ने बर्ष ७ को अबुसाद अन्सारी गम्भीर घाईते भई  उपचारको लागि जिल्ला अस्पताल ईनरुवा पठाएको जिल्ला प्रहरी कार्यालय सुनसरीले जनाएको छ । ठक्कर दिने म्याजिक,चालक र मोटरसाईकल प्रहरीको नियन्त्रणमा राखिएको उक्त कार्यालयले जनाएको छ ।
ठूलो रकम सहित सुनसरीबाट १० जुवाडे पक्राउ
सुनसरी, कार्तिक २८ गते ।

सुनसरीको धरान उप-महानगरपालिका-८ स्थित सिदार्थ मार्गबाट प्रहरीले मंगलबार ठूलो रकम सहित १० जना जुवाडेलाई पक्राउ गरेको छ । बिशेष सुराकीको आधारमा इलाका प्रहरी कार्यालय धरानबाट खटिएको प्रहरी टोलीले तास खेलिरहेको अवस्थामा झापा लखनपुर गाउँपालिका-१ घर भई हाल धरान-१० बस्ने बर्ष ३५ को भरत थापा, सुनसरी घुस्की-८ घर भई हाल धरान-९ बस्ने बर्ष ३९ को उमेश सोमी, धरान-२० बस्ने बर्ष २५ को राजु खड्का, धरान-११ बस्ने बर्ष ३१ को तुलाराम राई,  बर्ष ३६ को रवी कुमार राई, ईटहरी-४ बस्ने बर्ष ३७ को गुणराज राई, धरान-१७ बस्ने बर्ष ३५ को संजय  राई, ईटहरी-२० बस्ने बर्ष २६ को मिलन राना साम्पाङ राई, धरान-१८ बस्ने बर्ष ४० को मिलन गुरुङ र धरान-१५ बस्ने बर्ष २७ को सञ्जु राईलाई पक्राउ गरेको हो । प्रहरीले उक्त खालबाट ३ बुङ तास सहित नगद ४ लाख ८ हजार ५ सय रुपैयाँ बरामद गरेको छ । पक्राउ परेका दशै जनालाई इलाका प्रहरी कार्यालय धरानमा राखि थप अनुसन्धान भईरहेको उक्त कार्यालयले जनाएको छ ।
अढाई किलो गाँजा सहित भारतीय पक्राउ
मोरङ,  कार्तिक २८ गते ।

मोरङको रंगेली नगरपालिका-३ स्थित चेका भन्ने स्थानबाट प्रहरीले मंगलबार लागूऔषध गाँजा सहित १ जना भारतीय नागरिकलाई पक्राउ गरेको छ । गाँजा सहित भारत बंगाल कुस बिहार घर भई हाल आनन्द ईटा भट्टामा लेवर काम गर्दै आईरहेका बर्ष ३० को हेमन्त बर्मनलाई पक्राउ  गरेको हो । बिशेष सुराकीको आधारमा राती ९ बजे इलाका प्रहरी कार्यालय रंगेलीबाट खटिएको प्रहरी टोलीले बर्मनको कोठामा खानतलासी गर्ने क्रममा अढाई किलो लागूऔषध गाँजा बरामद गरेको हो । बरामद गाँजा सहित पक्राउ परेका उनलाई इलाका प्रहरी कार्यालय रंगेलीमा राखि थप अनुसन्धान भईरहेको उक्त कार्यालयले जनाएको छ ।
छुट्टा-छुट्टै दुर्घटनामा २ जनाको मृत्यु
झापा, मोरङ, कार्तिक २८ गते ।

१ नम्बर प्रदेश अन्तर्गत झापा र मोरङ जिल्लामा मंगलबार भएको सवारी दुर्घटनामा परि २ जनाको मृत्यु भएको छ । झापाको भद्रपुर नगरपालिका-५ स्थित मेची पुलमा मंगलबार ट्याक्टरले किचेर  १ बालिकाको मृत्यु भएको छ । बेलुका ४ बजेको समयमा भद्रपुरबाट मेची खोला तर्फ जाँदै गरेको मे १ त ५२३० नम्बरको ट्याक्टरमा सवार सोहि स्थान बस्ने बर्ष ५ की राखी यादवको मृत्यु भएको जिल्ला प्रहरी कार्यालय झापाले जनाएको छ । यादबलाई साँझ ४ बजेको समयमा आफ्नै वाबुसंग छठ पर्वको मेलामा हेर्न जाने क्रममा ट्याक्टरबाट ओर्लदै गरेको अवस्थामा ट्याक्टर पछाडी गुड्दा बालिकालाई चक्काले किचेको थियो । चक्काले किचेर गम्भीर घाइते बालिकालाई उपचारको लागि ओमसाई पाथिभरा अस्पताल भद्रपुर पठाईएकोमा उपचारको क्रममा सोही अस्पतालमा मृत्यु भएको हो भने ट्याक्टर र चालकलाई प्रहरीको नियन्त्रणमा राखिएको जिल्ला प्रहरी कार्यालय झापाले जनाएको छ । त्यसैगरी मोरङको बेलबारी नगरपालिका-४ स्थित बेतनामा लहरीको ठक्करबाट मोटरसाईकलमा सवार १ जनाको मृत्यु भएको छ । पूर्व-पश्चिम राजमार्गमा पूर्वबाट पश्चिम तर्फ आउदै गरेको एच.आर. ४६ सी ७८७६ नम्बरको भारतीय लहरीले बिपरित दिशाबाट जाँदै गरेको को २० प ६७०२ नम्बरको मोटरसाईकललाई ठक्कर दिएको थियो । ठक्करबाट मोटरसाईकलमा सवार सुनसरी बराह नगरपालिका-४ बस्ने बर्ष-१९ को आर्यन चौधरीको घटनास्थलमा नै मृत्यु भएको इलाका प्रहरी कार्यालय बेलवारीले जनाएको छ । ठक्कर दिने लहरी र चालकलाई प्रहरीको नियन्त्रणमा राखिएको छ भने शव पोष्टमार्टमको लागि धरान स्थित वि.पी. कोइराला स्वास्थ्य विज्ञान प्रतिष्ठान पठाईएको उक्त कार्यालयले जनाएको छ ।
करेण्ट लागेर युवकको मृत्यु
सुनसरी, कार्तिक २८ गते ।

 सुनसरीको देवानगंज गाउँपालिका-७ स्थित बुढीखोलामा करेण्ट लागेर मंगलबार १ युवकको मृत्यु भएको छ । करेण्ट लागेर सोही गाउँपालिका सरदार टोल बस्ने बर्ष १८ को संजय सरदारको मृत्यु भएको जिल्ला प्रहरी कार्याल सुनसरीले जनाएको छ । सरदारलाई साँझ ५ बजेको समयमा घरबाट तार टागेर बुढीखोलामा तार जडान गर्न क्रममा अचानक करेण्ट लागेको थियो । करेण्ट लागेर गम्भीर घाइते उनलाई उपचारको लागि बिराटनगर स्थित नोबेल अस्पताल पठाईएकोमा उपचारको क्रममा सोही अस्पतालमा साँझ सवा ५बजे मृत्यु भएको हो भने शव पोष्टमार्टमको लागि जिल्ला अस्पताल ईनरुवा पठाईएको जिल्ला प्रहरी कार्यालय सुनसरीले जनाएको छ ।
कारको ठक्करबाट मृत्यु
झापा, कार्तिक २७ गते ।

झापाको पूर्व पश्चिम राजमार्गम स्थित दमक नगरपालिका-४ चिया दोकान चोकमा कारको ठक्करबाट एकजनाको मृत्यु भएको छ । पश्चिम बाट पूर्व तर्फ जादै गरेको बा १७ च ८१७२ नंबरको कारले जिल्ला खोटाङ् साकेला गाउँपालिका-४ बस्ने वर्ष ५५ की सिता माया खड्कालाई ठक्कर दिएको थियो । तिहार मनाउन भाई मान बहादुर देउजाको घरमा आएकी उनलाई आज आफ्नो  घर फर्कनको लागि बाटोमा गाडी पर्खि रहेको अवश्थामा बिहान पौने ६ बजे कारले ठक्कर दिएको हो । ठक्करबाट गम्भिर घाईते भएकी उनलाई उपचारको लागी निम्स अस्पताल दमक पठाइएकोमा उपचार हुन नसकेपछी थप उपचारको लागि बिएण्डसी अस्पताल बिर्तामोड लैजादै गर्दा बिहान सवा ७ बजे बाटैमा मृत्यु भएको जिल्ला प्रहरी कार्यालय झापाले जनाएको छ ।
अवैध सामान बरामद
झापा, कार्तिक २७ गते ।

झापाको मेचीनगर नगरपालिका-६ बाट प्रहरीले सोमबार अन्दाजी १ लाख १५ हजार ८ सय रुपैयाँ बराबरको अवैध सामान बरामद गरेको छ । जिल्ला प्रहरी कार्यालय झापा र इलाका प्रहरी कार्यालय काँकडभिट्टाबाट खटिएको प्रहरी टोलीले नेपालबाट भारत तर्फ लैजाँदै गरेको १६० किलो सुपारी, ७५ किलो हरियो मोटर, ईन्चिटेप-७० पिस, मरिच ५० किलो त्यसैगरी भारतबाट नेपाल तर्फ ल्याउँदै गरेको  बच्चाको कपडा, १ बोरा नुन, बिस्कुट-४ कार्टुन, प्लाष्टिक झोला-४ किलो, लेज-कुरकुरे-१ बोरा, पानीपुरी ४ किलो र ५ लिटर तेल बरामद गरेको हो ।बरामद सामान आवश्यक कारवाहीको लागि मेची भन्सार कार्यालयले काँकडभिट्टामा बुझाईने इलाका प्रहरी कार्यालय काँकडभिट्टाले जनाएको छ ।
लागूऔषध सहित २ पक्राउ
मोरङ, कार्तिक २७ गते ।

मोरङको कटहरी गाउँपालिका-२ स्थित रेल्वे ट्रयाकबाट प्रहरीले सोमबार लागूऔषध सहित २ जनालाई पक्राउ गरेको छ । वडा प्रहरी कार्यालय हाटखोलाबाट खटिएको टोलीले लागूऔषध सहित कटहरी गाउपालिका-२ बस्ने बर्ष २९ को मोहम्मद महताज र बर्ष २० को अनिल कुमार यादवलाई पक्राउ गरेको हो । उनीहरुलाई राती ९ :५० बजेको समयमा शंका लागि चेकजाँच गर्ने क्रममा लागूऔषध नाईट्रोसन ट्याब्लेट-९१ पिस, स्पास्मोप्रोक्सिभन-७ पिस बरामद गरिएको छ । पक्राउ परेका उनीहरु उपर थप अनुसन्धान भईरहेको उक्त कार्यालयले जनाएको छ ।
आगलागीबाट ७० हजारको क्षति
सुनसरी, कार्तिक २७ गते ।

सुनसरीको रामधुनी नगरपालिका-६ स्थित सोनापुरमा सोमबार दिउँसो भएको आगलागीबाट अन्दाजी ७० हजार बराबरको क्षति भएको छ । दिउँसो साढे १२ बजे भएको उक्त आगलागीबाट सोही स्थान बस्ने पुष्पलाल चौधरीको टाटीको बेरा भएको भान्सा घरमा बिद्युत सर्ट भई आगलागी हुँदा अन्नपात, काठपात र पराल जलेर नष्ट भएको छ । उक्त आगलागी प्रहरी र स्थानीयवासीको सहयोगमा नियन्त्रणमा लिएको जिल्ला प्रहरी कार्यालय सुनसरीले जनाएको छ ।
आगलागीबाट ३ लाखको क्षति
तेह्रथुम, कार्तिक २६ गते ।

तेह्रथुमको छथर गाउँपालिका-२ स्थित हमरजुङमा आइतबार आगलागी हुँदा अन्दाजी ३ लाख मूल्य बराबरको क्षति भएको छ । बिहान ७ बजे चुल्होबाट अचानक आगलागी हुँदा सोही स्थान बस्ने मान बहादुर लिम्बुको ढुंगा-माटोले बनेको फुसको छानो भएको २ तले घर, घर भित्र रहेको अन्नपात, लत्ताकपडा, काठपात जलेर नष्ट भएको छ । उक्त आगलागी प्रहरी चौकी शुक्रवारेबाट खटिएको प्रहरी टोली र स्थानीयवासीको सहयोगमा नियन्त्रणमा लिईएको जिल्ला प्रहरी कार्यालय तेह्रथुमले जनाएको छ ।
लडेर बिदेशी नागरिकको मृत्यु
सोलुखुम्बु, कार्तिक २६ गते ।

सोलुखुम्बुको खुम्बु-पासाङ-ल्हामु गाउँपालिका-४ स्थित चुकुङरी भन्ने स्थानमा आईतबार लडेर बिदेशी नागरिकको मृत्यु भएको छ । मृत्यु हुनेमा FRANCAISE नागरिक बर्ष ६० की VERONIQUE JULLIARD नाम गरेकी महिला रहेकी छन् । गत साता सोलुखुम्बु पुगेकी  JULLIARD आईतबार दिउँसो भ्रमणको सिलसिलामा ओरालो बाटो हिड्ने क्रममा अचानक चिप्लिएर लडेकी थिईन । लडेर अन्दाजी १५० मिटर तल खसेकी उनको घटनास्थलमा नै मृत्यु भएको जिल्ला प्रहरी कार्यालय सोलुखुम्बुले जनाएको छ । मृतकको शव कानूनी प्रकृया पुरा गरी पोष्टमार्टमको लागि हेलीकोप्टरद्वारा सोमबार बिहान शिक्षण अस्पताल काठमाण्डौ पठाईएको उक्त उक्त कार्यालयले जनाएको छ ।
गाईको मासु सहित ३ जना पक्राउ
सुनसरी, कार्तिक २६ गते ।

सुनसरीको कोशी गाउँपालिका- ८ स्थित भाण्टाबारीबाट प्रहरीले गाई काटेको आरोपमा ३ जनालाई नियन्त्रणमा लिएको छ । बिशेष सुराकीको आधारमा सिमा प्रहरी चौकी भाण्टावारीबाट खटिएको प्रहरी टोलीले गाई काटेर भाग लगाउँदै गरेको अवस्थामा सोहि गाउँपालिका बस्ने बर्ष ३० की सम्सा खातुन, सुनसरी भोक्राहा ५ जनता चौक बस्ने बर्ष ४० को हमिर मन्सुरी र बर्ष ५७ को फर्मोदिन मन्सुरीलाई पक्राउ गरिएको हो । उक्त स्थानबाट प्रहरीले मासु सहित मासु काट्न प्रयोग भएको खुर्पा, चुलेसी, तराजु र अचानो बरामद गरेको छ । पक्राउ परेका उनीहरु उपर थप अनुसन्धान भईरहेको जिल्ला प्रहरी कार्यालय सुनसरीले जनाएको छ ।
धरानबाट ९ जना जुवाडे पक्राउ
सुनसरी, कार्तिक २६ गते ।

सुनसरीको धरान उप-महानगरपालिका-९ स्थित आचार्य लाईनबाट प्रहरीले  आइतवार राती ९ जना जुवाडेलाई पक्राउ गरेको छ । बिशेष सुराकीको आधारमा इलाका प्रहरी कार्यालय धरानबाट खटिएको प्रहरी टोलीले राती साढे ११ बजे सोही स्थान बस्ने बिजय आचार्यको घरमा डेरा गरी बस्ने देवचन चौधरीको कोठाबाट तास खेली रहेको अवस्थामा चौधरी सहित भारत सुपौल घर भई सोही स्थान बस्ने बर्ष ३२ को राजेश राम, सुनसरी देवानगंज घर भई सोही ठाउँ बस्ने बर्ष २७ को दिपक चौधरी, बथनाह घर भएका बर्ष ३९ को पिंकु चौधरी, देवानगंज घर भएका बर्ष २७ को समर अली, नरपतगंज घर भएका बर्ष ३३ को पवन कुमार चौधरी, किसानपुर घर भएका बर्ष २७ को सुमित चौधरी, धरान-९ बस्ने बर्ष २६ को राकर चौधरी र बर्ष ३४ को  गणेश कुमार कलवारलाई पक्राउ गरिएको हो । उक्त खालबाट प्रहरीले नगद नेपाली ५७ हजार २ सय ७० र   भारू ५ हजार ७ सय रुपैयाँ सहित ६ बुङ तास बरामद गरेको छ । पक्राउ परेका व्यक्तिलाई इलाका प्रहरी कार्यालय धरानमा राखि थप अनुसन्धान भईरहेको उक्त कार्यालयले जनाएको छ ।
करणीको आरोपमा १ पक्राउ
सुनसरी, कार्तिक २६ गते ।

सुनसरीको धरान उप-महानगरपालिका-१७ मा बालिकालाई जवरजस्ती करणी गरेको आरोपमा प्रहरीले सोमबार १ जनालाई पक्राउ गरेको छ । करणीको आरोपमा सोही स्थान बस्ने बर्ष २७ को सुभाष राईलाई पक्राउ गरिएको हो । राईले बिहान साढे ३ बजेको समयमा सोही स्थान बस्ने १३ बर्षीया बालिकालाई करणी गरेको भनी पिडितले दिएको उजुरीको आधारमा पक्राउ गरिएको इलाका प्रहरी कार्यालय धरानले जनाएको छ । राई उपर  थप अनुसन्धान भईरहेको उक्त कार्यालयले जनाएको छ ।
ट्याक्टर दुर्घटना, ३ को मृत्यु, ३२ घाइते
उदयपुर, कार्तिक २६ गते ।

उदयपुरको बेलका नगरपालिका-८ मा आईतबार अपरान्ह बनभोज खाएर फर्कदै गरेको ट्याक्टर दुर्घटना हुँदा ३ जनाको मृत्यु भएको छ भने ३२ जना घाइते भएका छन् । अपरान्ह ४:४५ बजे चतरा-गाईघाट सडक खण्डमा बनभोज खाएर घर फर्कदै गरेको को १ त ५८५० नम्बरको ट्याक्टर रंगमहल भन्ने स्थानमा घुम्ती मोड्ने क्रममा सडकबाट अन्दाजी २५ मिटर तल खसेर दुर्घटना भएको थियो । ३५ जना सवार रहेको उक्त ट्याक्टरमा बेलका नगरपालिका-२ बस्ने बर्ष १९ की  बिनिता चौधरी, बर्ष २० को ईन्द्र चौधरी र  बर्ष २०की दिपिका चौधरीको उपचारको क्रममा धरान स्थित वि.पी. कोईराला स्वास्थ्य बिज्ञान प्रतिष्ठानमा मृत्यु भएको हो । त्यसैगरी दुर्घटनामा ३२ जना घाइते मध्ये ७ जनाको अवस्था गम्भीर छ । उनीहरुको बिराटनगर र धरानमा उपचार भईरहेको छ भने १५ जना उपचार पश्चचात डिस्चार्ज भईसकेको इलाका प्रहरी कार्यालय रामपुर ठोक्सिलाले जनाएको छ ।
मोरटसाईकल दुर्घटनामा चालकको मृत्यु
झापा, कार्तिक २६ गते ।

झापाको भद्रपुर नगरपालिका-४ झिलिमिलि पुल नजिकै सोमवार राती मोटरसाईकल दुर्घटनामा परि चालकको मृत्यु भएको छ भने २ जना घाइते भएका छन् । भित्री सडक खण्डमा राती १:५० बजेको समयमा भद्रपुरबाट ज्ञाने चौक तर्फ जाँदै गरेको मे ४ प ७७९५ नम्बरको मोटरसाईकल आफै अनियन्त्रित भई दुर्घटना भएको थियो । दुर्घटनामा परि मोटरसाईकल चालक भद्रपुर नगरपालिका-८ बस्ने बर्ष ३० को किशोर प्रधान, पछाडी सवार सोही नगरपालिका-४ बस्ने  बर्ष २० को प्रताप तामाङ र बर्ष २६ को आशिष राई घाइते भएका थिए । घाइते तीनै जनालाई उपचारको लागि ओमसाई पाथिभरा अस्पताल भद्रपुर पठाईएकोमा उपचारको क्रममा मोटरसाईकल चालक प्रधानको राती २:४५ बजे मृत्यु भएको जिल्ला प्रहरी कार्यालय झापाले जनाएको छ ।
मलेसियन नागरिकको मृत्यु
सोलुखुम्बु, कार्तिक २६ गते ।

सोलुखुम्बुको खुम्बु-पासाङल्हामु गाउँपालिका- ४ दिङबुचेमा १ जना मलेसियन नागरिकको मृत्यु भएको छ । मृत्यु हुनेमा मलेसियन नागरिक बर्ष ४३ की  WONG WEN DEE नाम गरेकी महिलाको मृत्यु भएको जिल्ला प्रहरी कार्यालय सोलुखुम्बुले जनाएको छ । आइतबार बिहान ११ बजेको समयमा भ्रमणको लागि ४ जनाको समूहमा सोलु पुगेका उनीहरु दिङबुचे स्थित गुडलक होटलमा बास बसेकोमा उनी सुतेकै ठाउँमा मृत अवस्थामा फेला परेकी थिईन । घटनाको जानकारी पाउनासाथ तत्काल जिल्ला प्रहरी कार्यालय सोलुबाट प्रहरीको टोली खटि गई कानूनी प्रकृया पुरा गरी शव पोष्टमार्टमको लागि सोमबार बिहान हेलिद्वारा शिक्षण अस्पताल काठमाण्डौ पठाईएको उक्त कार्यालयले जनाएको छ ।
लागूऔषध सहित १ पक्राउ
सुनसरी, कार्तिक २६ गते ।

सुनसरीको धरान उप-महानगरपलिका-८ तीनकुनेबाट प्रहरीले लागूऔषध सहित १ जना युवकलाई पक्राउ गरेको छ । लागूऔषध सहित ईटहरी उप-महानगरपलिका-५ पिपल चौक बस्ने बर्ष २८ को जिवन तामाङलाई पक्राउ गरिएको हो । तामाङलाई साँझ सवा ४ बजे ना ५ ख ६५४० नम्बरको बसमा धरान तर्फ जाँदै गरेको अवस्थामा चेकजाँच गर्ने क्रममा गोजीमा लुकाई छिपाई राखेको अवस्थामा लागूऔषध डाईजेल्याव-७ एम्पुल, लुपिजेसिक-७ एम्पुल र एभिल-७ एम्पुल बरामद गरेको हो । बरामद लागूऔषध सहित तामाङलाई इलाका प्रहरी कार्यालय धरानमा राखि थप अनुसन्धान भईरहेको उक्त कार्यालयले जनाएको  छ ।
२ लाख बराबरको अवैध सामान बरामद
झापा, कार्तिक २५ गते ।

झापाको मेचीनगर नगरपालिका-१२ स्थित चारआली चौकबाट प्रहरीले आइतवार अन्दाजी २ लाख मूल्य बराबरको अवैध सामान बरामद गरेको छ । जिल्ला प्रहरी कार्यालय झापा र इलाका प्रहरी कार्यालय काँकडभिट्टाबाट खटिएको प्रहरी टोलीले दिउँसो १ बजेको समयमा भारतबाट नेपाल तर्फ ल्याउँदै गरेको उक्त मूल्य बराबरको अवैध लत्ताकपडा बरामद गरेको हो । बरामद कपडा आवश्यक कारवाहीको लागि मेची भन्सार कार्यालय काँकडभिट्टा बुझाईने इलाका प्रहरी कार्यालय काँकडभिट्टाले जनाएको छ ।
दुर्घटनामा १ महिला सहित ४ वटा राँगाको मृत्यु
झापा, कार्तिक २५ गते ।

झापाको कन्काई नगरपालिका-७ स्थित दुर्गापुरमा राँगा बोकेको पिकअपको ठक्करबाट १ महिलाको मृत्यु भएको छ । मृत्यु हुनेमा दोलखा बिगु गाउँपालिका-४ बस्ने बर्ष ५७ की बिनाई तामाङ रहेकी छन् । तामाङलाई बिहान साढे ५ बजे पश्चिमबाट पूर्व तर्फ जाँदै गरेको  एस .के. ०१. जे २३९५ नम्बरको कार रोकेर शौच गर्न जाने क्रममा सोही दिशा तर्फ राँगा बोकेर जाँदै गरेको को १ च ७७०५ नम्बरको पिकअपले ठक्कर दिएको थियो । ठक्करबाट घाइते तामाङलाई उपचारको लागि बि. एण्ड. सि. अस्पताल बिर्तामोड पठाईएकोमा उपचारको क्रममा सोही अस्पतालमा मृत्यु भएको इलाका प्रहरी कार्यालय धुलाबारीले जनाएको छ । सोही दुर्घटनामा पिकअपमा वोकेर लैजाँदै गरेको १० वटा राँगा मध्ये ४ वटा को मृत्यु भएको र ६ वटा घाइते भएका छन् । मृत महिलाको शव पोष्टमार्टमको लागि सोही अस्पतालमा राखिएको छ । त्यसैगरी मरेको राँगालाई कन्काई नगरपालिकाको जिम्मा लगाईएको छ । ठक्कर दिने पिकअपका चालकलाई उक्त कार्यालयको नियन्त्रणमा राखिएको छ ।
आगलागीबाट २२ लाख बराबरको क्षति
उदयपुर, कार्तिक २५ गते ।

उदयपुरको चौदण्डीगढी नगरपालिका-६ स्थित स्कुल डाँडामा आइतबार बिहान आगलागी हुँदा अन्दाजी २२ लाख मूल्य बराबरको क्षति भएको छ । बिहान करिब साढे ११ बजेको समयमा सोही स्थान बस्ने सुवास राइको घरमा बिद्युत सर्ट भई आगलागी हुँदा राईको २ तले घर, गोठ, ग्याँस सिलिण्डर, नगद २ लाख रुपैयाँ र २ वटा चौपाया जलेर  नष्ट भएको छ । उक्त आगलागी २ वटा दमकल, प्रहरी र स्थानीयबासीको  सहयोगमा दिउँसो १२:४० बजे नियन्त्रणमा लिएको इलाका प्रहरी कार्यालय बेल्टारले जनाएको छ ।
भरुवा बन्दुक सहित १ पक्राउ
खोटाङ, कार्तिक २५ गते ।

खोटाङको दिप्रुङ- चुईचुम्मा-४ बाट प्रहरीले शनिवार बिहान भरुवा बन्दुक सहित १ जनालाई पक्राउ गरेको छ । भरुवा बन्दुक सहित सोही ठाउँमा मामाघरमा बस्दै आइरहेका २७ बर्षीय शुभराज राईलाई पक्राउ गरिएको हो । गोप्य सूचनाको आधारमा अस्थायी प्रहरी चौकी भडारेघाटबाट खटिएको प्रहरी टोलीले राईको कोठामा खानतलासी लिने क्रममा लोड गरेर राखेको अवस्थामा १ थान भरुवा बन्दुक, बन्दुकमा प्रयोग हुने सिसा, फलामको टुक्रा र सलाईको बट्टा बरामद गरेको हो । बरामद बन्दुक सहित राईलाई आवश्यक कारवाहीको लागि जिल्ला प्रहरी कार्यालय खोटाङमा राखि थप अनुसन्धान भईरहेको उक्त कार्यालयले जनाएको छ ।
छुट्टा-छुट्टै दुर्घटनामा २ को मृत्यु, २ घाइते
मोरङ, सुनसरी, कार्तिक २५ गते ।

१  नम्बर प्रदेश अनतर्गत मोरङ र सुनसरी जिल्लामा शनिवार र आईतवार भएको छुट्टा-छुट्टै दुर्घटनामा परि २ जनाको मृत्यु भएको छ भने २ जना घाइते भएका छन् ।
मोरङः- मोरङको सुन्दर-हरैँचा नगरपालिका-९ स्थित विराटचौकमा आईतबार एम्बुलेन्सको ठक्करबाट मोटरसाईकलमा सवार १ जनाको मृत्यु भएको छ । पूर्व-पश्चिम राजमार्ग अन्तर्गत पश्चिमबाट पूर्व तर्फ जाँदै गरेको गरेको मे १ च ४५१९ नम्बरको एम्बुलेन्सले उत्तरबाट दक्षिण तर्फ बाटो काट्दै गरेको को १६ प २७६९ नम्बरको मोटरसाईकललाई ठक्कर दिँदा एम्बुलेन्स समेत पल्टिएको थियो ।  राती करिब १२:४५ बजे भएको उक्त दुर्घटनामा परि मोटरसाईकलका चालक सोही नगरपालिका-१० बस्ने बर्ष-३९ को रोशन गजुरेल गम्भिर घाइते भई उपचारको लागि धरान स्थित वि.पी. कोइराला स्वास्थ्य बिज्ञान प्रतिष्ठान पठाईएकोमा उपचारको क्रममा सोही अस्पतालमा राती १:५० बजे मृत्यु भएको प्रहरी चौकी बिराटचौकले जनाएको छ । दुर्घटनामा एबुलेन्स चालक झापा शिव सताक्षी नगरपालिका-६ बस्ने बर्ष-४८ को ददिराम रेग्मी र एम्बुलेन्समा सवार गौरीगंज गाउँपालिका-१ बस्ने बर्ष-१८ को सुनिल गुरागाई घाईते भई बेलबारी स्थित नोबेल अस्पतालमा उपचार भईरहेको छ । एम्बुलेन्स र मोटरसाईकल प्रहरीको नियन्त्रणमा राखिएको छ ।
सुनसरीः- सुनसरीको ईटहरी उप-महानगरपालिका-१७ पकली स्थित राजमार्गमा शनिवार मोटरसाईकलको ठक्करबाट १ जना पैदलयात्रीको मृत्यु भएको छ । राती ८:१५ बजेको समयमा पश्चिमबाट पूर्व तर्फ जाँदै गरेको को २६ प ५७३१ नम्बरको मोटरसाईकलले  ईटहरी १६ बस्ने बर्ष ५२ को  दिपक खतिवडालाई बाटो काट्ने क्रममा ठक्कर दिएको थियो । ठक्करबाट टाउकोमा चोट लागेर गम्भीर घाइते खतिवडालाई उपचारको लागि नोबेल अस्पताल विराटनगर पठाईएकोमा उपचारको क्रममा सोही अस्पतालमा राती ९:२० मा मृत्यु भएको इलाका प्रहरी कार्यालय पकलीले जनाएको छ ।  ठक्कर दिने मोटरसाईकल र चालकलाई उक्त कार्यालयको नियन्त्रणमा राखिएको छ ।
ठूलो रकम सहित ५ जना जुवाडे पक्राउ
मोरङ, कार्तिक २५ गते ।

मोरङको बिराटनगर महानगरपालिका-१ स्थित गंगा चौकबाट प्रहरीले आइतवार राती ठूलो रकम सहित ५ जना जुवाडेलाई पक्राउ गरेको छ । विशेष सुराकीको आधारमा जिल्ला प्रहरी कार्यालय मोरङबाट खटिएको प्रहरी टोलीले करिब रातको २ बजेको समयमा बिराटनगर-२ बस्ने चम्पालाल राठीको गोदाम घरमा तास खेल्दै गरेको अवस्थामा राठी सहित बिराटनगर-५ बस्ने बर्ष ५० को जिवन रिजाल, बिराटनगर-३ बस्ने बर्ष ५१ को मुकेश कुमार अग्रवाल, बिराटनगर-७ बस्ने बर्ष ५१ को बिमल अग्रवाल र बर्ष ३८ को हंशराज जैनलाई पक्राउ गरेको हो । उक्त खालबाट प्रहरीले नगद १ लाख ९० हजार १ सय ४० रुपैयाँ र १७ बुक तास बरामद गरेको छ । पक्राउ परेका पाँचै जनालाई आवश्यक कारवाहीको लागि जिल्ला प्रहरी कार्यालय मोरको नियन्त्रणमा राखिएको छ ।
गोलिया काठ बरामद
झापा, कार्तिक २४ गते ।

झापाको दमक नगरपालिका-२ बाट शनिवार गोलिया काठ सहित १ जनालाई पक्राउ गरिएको छ । इलाका प्रहरी कार्यालय दमकबाट खटिएको टोलीले उत्तरबाट दक्षिण तर्फ जाँदै गरेको मे १ त २५५२ नम्बरको ट्याक्टरमा लोड गरेर लैजाँदै गरेको अवस्थामा ३३ थान सिसौको गोलिया काठ बरामद गरेको हो । काठ सहित ट्याक्टरका चालक ईलाम चुलाचुली गाउँपालिका-२ बस्ने बर्ष २० धिराज धिमाललाई आवश्यक अनुसन्धानको लागि इप्रका दमकमा राखिएको छ ।
तातो दालले पोलेर बालक घाइते
सुनसरी, कार्तिक २४ गते ।

सुनसरीको कोशी गाउँपालिका-७ स्थित हरिपुरमा तातो दालले पोलेर १ जना बालक घाईते भएका छन् । भान्सा घरमा बसाएको दालको भाडो घोप्टिएर सोही गाउँपालिका बस्ने विशेश्वर मुखियाको छोरा बर्ष २ को सागर मुखिया घाइते भएका हुन् । दालले पोलेर घाइते भएका बालकको शरिरको बिभिन्न भागमा पिल्सिएर उपचारको लागि स्थानीय मेडिकल पठाईएको जिल्ला प्रहरी कार्यालय सुनसरीले जनाएको छ ।
बसको ठक्करबाट १ घाइते
मोरङ, कार्तिक २४ गते ।
 
मोरङको उर्लावारी नगरपालिका-४ स्थित किशन चौकमा शनिबार बसको ठक्करबाट मोटरसाईकलमा सवार १ जना घाइते भएका छन् । पूर्व पश्चिम राजमार्ग अन्तर्गत पश्चिमबाट पूर्व तर्फ जाँदै गरेको ना ५ ख ९७५ नम्बरको बसले सोही दिशा तर्फ जाँदै गरेको मे ५ प ८८९८ नम्बरको मोटरसाईकललाई दिउँसो साढे १ बजे ठक्कर दिएको थियो । ठक्करबाट मोटरसाईकल चालक ईलाम माङसेबुङ गाउँपालिका-१ बस्ने बर्ष ३९ को गुरु प्रसाद बराल घाईते भई उपचारको लागि अरनीको हस्पिटल उर्लाबारी पठाइएको छ । ठक्कर दिने बस र चालकलाई प्रहरीको नियन्त्रणमा राखिएको इलाका प्रहरी कार्यालय उर्लाबारीले जनाएको छ ।
दुई स्थानमा आगलागी, साढे २८ लाख बराबरको क्षति
ताप्लेजुङ, ओखलढुंगा, कार्तिक २५ गते ।

१ नम्बर प्रदेश अन्तर्गत ताप्लेजुङ र ओखलढुंगा जिल्लामा शुक्रबार भएको आगलागीबाट अन्दाजी २८ लाख मूल्य बराबरको क्षति भएको छ । ताप्लेजुङको मिक्वाखोला गाउँपालिका- ४ स्थित थापाटार बस्ने लाक्पीमाया शेर्पाको घरमा आगलागी हुँदा अन्दाजी २५ लाख मूल्य बराबरको क्षति भएको छ । साँझ ७ बजेको समयमा शेर्पाको घरमा अचानक आगलागी हुँदा ढुंगा र माटोले बनेको, टिनको छानो भएको ३ तले घरमा अचानक आगलागी हुँदा घर सहित अन्नपात, लत्ताकपडा, भाडावर्तन जलेर नष्ट भएको छ । उक्त आगलागी प्रहरी र स्थानीय मानिसहरुको सहयोगमा नियन्त्रणमा लिईएको जिल्ला प्रहरी कार्यालय ताप्लेजुङले जनाएको छ । आगलागीको कारण भने खुल्न सकेको छैन । त्यसैगरी ओखलढुंगाको चम्पादेवी गाउँपालिका-२ स्थित गोल्माथान बस्ने शम्भु मगरको घरमा आगलागी हुँदा अन्दाजी ३ लाख ५० हजार मूल्य बराबरको क्षति भएको छ । राती साढे ९ बजे घरमा कोही नभएको समयमा बच्चाहरुले मैनबत्तीको ठुटो सल्काउने क्रममा अचानक आगलागी भएको थियो । आगलागीबाट मगरको फुसको छानो भएको २ तले घर, अन्नपात, भाडावर्तन र लत्ताकपडा जलेर नष्ट भएको हो । आगलागी स्थानीयवासी र प्रहरीको सहयोगमा नियन्त्रणमा लिईएको जिल्ला प्रहरी कार्यालय ओखलढुंगाले जनाएको छ ।
कौडा खेल्ने ३ जना पक्राउ
मोरङ, कार्तिक २४ गते ।

मोरङको जहदा गाउँपालिका-५ बाट शनिबार प्रहरीले कौडा सहित ३ जनालाई नियन्त्रणमा लिएको छ । विशेष सूचनाको आधारमा प्रहरी चौकी मझारेबाट खटिएको प्रहरी टोलीले राती १ बजे सोही ठाउँ बस्ने अमरचन सिंहको घरमा कौडा खेलिरहेको अवस्थामा बर्ष २४ को बीरवल कामत, बर्ष ३२ को सेठी भन्ने जयकान्त पौदार र बर्ष ४२ को राकेश कामतलाई नगद  ४३ हजार ३ सय २० रुपैयाँ र १ सेट कौडा सहित पक्राउ गरेको हो । पक्राउ परेका तीनै जनालाई प्रहरीको नियन्त्रणमा राखि थप अनुसन्धान भईरहेको जिल्ला प्रहरी कार्यालय मोरङले जनाएको छ ।
लागूऔषध गाँजा र चक्कु सहित १ पक्राउ
सुनसरी, कार्तिक २४ गते ।

सुनसरीको धरान उप-महानगरपालिका-१५ स्थित बगरकोटबाट शुक्रबार अवैध लागूऔषध गाँजा र चक्कु सहित १ जनालाई पक्राउ गरेको छ । पक्राउ पर्नेमा सोही स्थानमा डेरा गरी बस्ने बर्ष २७ को बिरेन्द्र तामाङ रहेका छन् । तामाङलाई राती १२ बजेको समयमा शंका लागी निजको कोठामा चेकजाँच गर्ने क्रममा ५ सय ग्राम गाँजा र १ थान रेम्बो चक्कु बरामद गरेको हो । बरामद सामान सहित निजलाई आवश्यक अनुसन्धानको लागि इलाका प्रहरी कार्यालय धरानमा राखिएको उक्त कार्यालयले जनाएको छ ।
हिमाल आरोहण गर्ने क्रममा बिदेशी महिलाको मृत्यू
सोलुखुम्बु, कार्तिक २३ गते ।

सोलुखुम्बुको खुम्बु पासाङल्हामु गाउँपालिका-४ मा रहेको ईम्चाचे हिमाल आरोहण गर्ने क्रममा एक बिदेशी नागरीकको मृत्यू भएको छ । मिति २०७५/०७/१० गते AVENGER TRAKING कम्पनी प्रा.ली. मार्फत नेपाल भ्रमणका लागी आएका अष्ट्रीया नागरिक ५ जनाको ग्रुप मध्ये पासपोर्ट नं. UO878962 बर्ष २९ की ZELL AM SEE VERA,  मिति २०७५।०७।२२ गते १२:०० सोलुखुम्बुको खुम्बु पासाङल्हामु गाउँपालिका-४ ईम्चाचे हिमाल आरोहण गरी आइलन पिक हुँदै फर्कने क्रममा  अचानक रोप(डोरी) बाट झरी मृत्यु भएको जिल्ला प्रहरी कार्यालय सोलुखुम्बुले जनाएको छ । मृतकलाई माउन्टन एयरको हेलिकप्टर द्वारा खुम्बु पासाङल्हामु गाउँपालिकाका-२ मा रहेको लुक्ला हेलिप्याडमा ल्याइ राखिएको उक्त कार्यायले जनाएको छ ।
पैदल यात्राको क्रममा बिदेशी नागरीकको मृत्यू
सोलुखुम्बु, कार्तिक २३ गते ।

सोलुखुम्बुको खुम्बु पासाङल्हामु गाउँपालिका-३ छुमाबाट नाम्चे जाने मुल बाटोमा पैदल यात्राको क्रममा १ जना युक्रेनि पुरुष नागरिकको मृत्यू भएको छ । मिति २०७५।०७।२२ गते ११:५५ बजेको समयमा छुमाबाट नाम्चेको लागि पैदल यात्रामा निस्केका पासपोर्ट नम्बर FG535932 का बर्ष ४८ को XOMEHKO KHOMENKO SERHI र निजकै श्रीमती पासपोर्ट नम्बर FN547577 की XOMEHKO KHOMENKO OKSANA संग संगै यात्रामा रहेकै समयमा मन्जु भन्ने स्थानमा आईपुग्दा अचानक बाटोमा नै मृत्यू भएको जिल्ला प्रहरी कार्यालय सोलुखुम्बुले जनाएको छ । मृतकको श्रीमती साथमा नै रहेको तथा सो सम्बन्धमा थप अनुसन्धान भई रहेको उक्त कार्यालयले जनाएको छ ।
भिरबाट लडेर नेपाली सेनाका सिपाहीको मृत्यू
ओखलढुङगा, कार्तिक २३ गते ।

ओखलढुङगाको सिद्धिचरण नगरपालिका-३ को बेसारे भिरबाट लडेर अरिदमन गण ओखलढुङगामा कार्यरत सिपाही, सुबास कार्कीको मृत्यू भएको छ । कार्यालयबाट जिल्ला ओखलढुङगा चिसंखुगढी गाउँपालिका-३ खानिभञ्याङमा रहेको आफ्नो घर तर्फ जाने क्रममा  अचानक उक्त भिरबाट लडेर गम्भीर घाईते भएका थिए । घाईतेलाई अस्थायी प्रहरी पोष्ट मिलन चोकबाट खटिएको प्रहरी टोलीले उद्धार गरी उपचारको लागि मिसन अस्पताल ओखलढूङगा लगेकोमा उपचारकै क्रममा मृत्यू भएको जिल्ला प्रहरी कार्यालय ओखलढुङगाले जनाएको छ ।
कौडा सहित १० जना पक्राउ
मोरङ, कार्तिक २३ गते ।

मोरङको सुन्दर हरैचा नगरपालिका-१० बाट जुवा खेल्ने १० जनालाई प्रहरीले नियन्त्रणमा लिएको छ । मिति २०७५।७।२२ गते राती २२:३० बजेको समयमा स्थानीय कुमार मिजारको घरमा जुवा खेलिरहेको भन्ने सुचना प्राप्त भएसंगै ईलाका प्रहरी कार्यालय बेलवारीबाट खटिएको प्रहरी टोलीले कौडा , तास ३ बुक र नगद ४ लाख १५ हजार ४ सय ५५ सहित घर धनी सुन्दर हरैचा-१० बस्ने बर्ष-४१ को कुमार मिजार, सुन्दर हरैचा-९ बस्ने बर्ष-४५ को पुष्प भुजेल, बर्ष-५२ को बिनोद गौतम, सुन्दर हरैचा-१२ बस्ने बर्ष-६० को भुपाल थापा, बर्ष ४३ को प्रशान्त कार्की, सुन्दर हरैचा-१० बस्ने बर्ष-५४ को जय ब.सार्की, बर्ष-३९ को कमल खड्का, सुन्दर हरैचा-२ बस्ने बर्ष-३८ को जित बहादुर पुरी र सुन्दर हरैचा-६ बस्ने बर्ष-३५ को मकर तामाङलाई नियन्त्रणमा लिएको हो ।
हाईसको ठक्करबाट ३ जना घाईते
सुनसरी, कार्तिक २२ गते ।

सुनसरीको दुई छुट्टा छुट्टै स्थानमा हाईसको ठक्करबाट ३ जना घाईते भएका छन् । आज बिहान ०५:३० बजेको समयमा सुनसरीको ईटहरी १७ पकली   स्थित पूर्व पश्चिम राजमार्गमा पूर्वबाट  पश्चिम  तर्फ जादै गरेको बा.५.ख. ५२७१ नम्बरको जम्बो हाईसले भारत जिल्ला भिमनगर घर भई हाल पकलीमा खसी काट्ने ब्यवसाय गर्दै आएका अन्दाजी बर्ष ३५ का मोहम्मद सादिक लाई बाटो काट्ने क्रममा ठक्कर दिएको थियो । घटनाबारे जानकारी पाउनासाथ तत्काल ईलाका प्रहरी कार्यालय पकलीबाट खटिएको प्रहरीले घाईतेलाई उद्दार गरी उपचारको लागि एपेक्स अस्पताल ईटहरी पठाएको थियो ।  सवारी साधन र चालकलाई ईलाका प्रहरी कार्यालय पकलीले नियन्त्रणमा लिएको उक्त कार्यालयले जनाएको छ ।
 यसैगरी आज बिहान ०७:२५  बजेको समयमा जिल्ला सुनसरी रामधुनी न.पा. १ शिबचोक   स्थित पूर्व पश्चिम राजमार्गमा  पूर्वबाट पश्चिम तर्फ जादै गरेको बा.४.ख.४१२ नम्बरको जम्बो हाईसले दक्षिणबाट उतर  तर्फ बाटो काट्दै गरेको को. २० प. ७९३० नम्बरको मोटरसाईकललाई ठक्कर दिदा मोटरसाईकलमा सवार २ जना घाईते भएका छन् । ठक्करबाट मोटरसाईकल चालक सुनसरी रामधुनी न.पा. १ बस्ने बर्ष अन्दाजी ४०/४५ को महेन्द्र चौधरी र पछाडी सवार सोही स्थान बस्ने अन्दाजी बर्ष ७०/७२ को दुखिलाल चौधरी गम्भिर घाईते भएका छन् । दुबै घाईतेलाई उपचारको लागि न्यूरो अस्पताल बिराटनगर तर्फ पठाईएको छ भने दुबै सवारी साधन र हाईस चालकलाई ईलाका प्रहरी कार्यालय पकलीले नियन्त्रणमा लिएको उक्त कार्यालयले जनाएको छ ।
लक्ष्मीपुजा गर्ने क्रममा आगलागी
खोटाङ् , कार्तिक २२ गते ।

खोटाङ्को रावाबेशी गाउँपालिका-१ कुभिण्डे बस्ने टिका बहादुर मगरको घरमा लक्ष्मीपुजा गर्ने क्रममा आगलागी हुँदा ५ लाख बराबरको क्षति भएको छ । कार्तिक २१ गते साँझ ६ बजे  आगलागी हुँदा ढुङ्गा माटोले बनेको फुसको छानो भएको २ तले घर ,घरमा रहेको लत्ताकपडा,अन्नपात,भाडा वर्तन,काठपात,सुन आधा तोला,चाँदी २ तोला जलेर पुर्ण रुपमा नष्ट भएको छ । घटनाबारे जानकारी पाउनासाथ अस्थायी प्रहरी चौकी खार्पाको प्रहरी टोली र स्थानीयको सहयोगमा राती ९ बजे आगलागी पूर्ण रुपमा नियन्त्रणमा लिइएको जिल्ला प्रहरी कार्यालय खोटाङ्ले जनाएको छ ।
दिपावलीको दियोबाट आगलागी
उदयपुर, कार्तिक २२ गते ।

उदयपुरको चौदन्डीगढी नगरपालिका-७ हाङबजार स्थित कृष्ण बहादुरको घरमा आगलागी हुदा १२ लाख बराबरको क्षती भएको छ । रातको सवा नौ बजे दिपावलीमा बालीएको बति बाट आगो सल्कीन गई बि.क.को काठले बनेको टिनको छानो भएको २ तले कच्ची घर, घर भित्र रहेको अन्नपात, लत्ताकपडा, भडाबर्तन पुर्णरुपमा जली नष्ट भएको छ । उक्त आगलागी प्रहरी, स्थानिय जनताको सहयोगमा रातको १० बजे पुर्णरुपमा नियन्त्रणमा आएको जिल्ला प्रहरी कार्यालय उदयपुरले जनाएको छ ।
मैनबत्ती बाल्दा आगलागी १ घाईते
झापा, कार्तिक २२ गते ।

झापाको कमल गाँउपालिका-६ स्थित गुवाबारी बस्ने भुपेन्द्र तिवारी को श्रीमति बर्ष २२ कि चन्द्रकला तिवारी मैनबत्ती बाल्ने क्रममा अचानक साडिमा आगो सल्किदा घाईते भएकी छिन् । आफ्नै घरमा मैनबत्ती बाल्ने क्रममा चन्द्रकलाले लगाएको साडीमा अचानक आगो लाग्दा  पछाडीको भाग कम्बर भन्दा तल डढी घाईते भई उपचारको लागी बिएण्डसी अस्पताल बिर्तामोडमा लगीएको जिल्ला प्रहरी कार्यालय झापाले जनाएको छ ।
म्याजिकमा झुण्डिएर यात्रा गर्दा घाईते
सुनसरी, कार्तिक २२ गते ।

सुनसरीको हरिनगरा-३ गौतमपुर स्थित भुटाहा बाट गौतमपुर तर्फ जाँदै गरेको को १ ज ३०६४ नंबरको म्याजिक भेनको पछाडि झुण्डिएर यात्रा गर्ने १ जना घाईते भएका छन । कार्तिक २१ गते बिहान ०८:३० बजेको समयमा  भुटाहा २ बस्ने बिरेन्द्र राम को छोरा बर्ष-१२ को बिबेक राम उक्त म्याजिक बाट लडि घाईते भएका हुन् । घाईते उनलाई तत्काल नोबेल अस्पताल बिराटनगर लगीएको थियो भने म्याजिक र म्याजिक चालक प्रहरी चौकी गौतमपुरको नियन्त्रणमा रहेको जिल्ला प्रहरी कार्यालय सुनसरीले जनाएको छ ।
कोशी पुलमा दुर्घटना ३ जना घाईते
सुनसरी कार्तिक २१ गते ।

सुनसरीको कोशी गाउपालिका-८ कोशी ब्यारेजको पुल माथी दुईवटा मोटरसाइकल एक आपसमा ठक्कर खाई दुर्घटना हुँदा २ जना घाईते भएका छन् । मिति २०७५।०७।२० गते बेलुका २०;०० बजेको समयमा सुनसरी कोशी गाउँपालिका-८ सप्तकोशी नदिको २६ नम्बर ढोकामा पश्चिमबाट पूर्व तर्फ आउदै गरेको को.३६ प.४७८३ नम्बरको मोटरसाईकल र पूर्वबाट पश्चिम तर्फ जादै गरेको स.३ प. ७७३४ नम्बरको मोटरसाईकल एक आपसमा ठोक्किई दुर्घटना हुँदा को.३६ प. ४७८३ नम्बरको मोटरसाईकल चालक झापा गौरादह-६ बस्ने बर्ष २७ को अन्जित श्रेष्ठ, सोही मोटरसाईकलको पछाडी सवार गौरादह- ५ का २१ बर्षिय रविन श्रेष्ठ र स.३ प.७७३४ नम्बरको मोटरसाईकल चालक सप्तरी कन्चनपुर-५ बस्ने बर्ष २८ को जयराम गुप्ता घाईते भएका हुन् । घाइतेहरुको जिल्ला अस्पताल ईनरुवामा उपचार भईरहेको छ भने दुवै मोटरसाईकल प्रहरी चौकी कोशी ब्यारेजको नियन्त्रणमा रहेका छन् ।
तार सर्टभई आगलागी
सुनसरी, कार्तिक २१ गते ।

सुनसरीको ईटहरी उप-महानगरपालिका ६ स्थित बिनोद पराजुलीको घरमा आगलागी भएको छ । मिति २०७५।०७।२१ गते दिउसो १३:५० बजेको समयमा पराजुलीको ४ तल्ले घरको बिच तलामा बिधुत सर्ट भई अचानक आगलागी भएको हो । आगलागी भएको जानकारी पाउनासाथ उक्त स्थानमा नेपाल प्रहरी, नेपाल आर्मी र  शसस्त्र प्रहरी र स्थानीय समेत खटि गई ईनरुवा नगरपालिका, दुहवी नगरपालिका, धरान उप-महानगरपालिका, बिराटनगर महा-नगरपालिका, सुन्दर हरैचा मोरङ र ईटहरी उप-महानगरपालिकाको वारुण यन्त्रको सहयोगमा आगो नियन्त्रणमा लिईएको थियो । आगो निभाउने क्रममा छिमेकी गणेश लुईटेलको ३ तले घरको पछाडीको केही भाग भत्काईएको थियो भने उक्त आगलागी दिउसो १५:३५ मा पुर्ण रुपमा नियन्त्रणमा आएको थियो । आगलागीबाट भएको क्षती सम्बन्धमा बुझ्ने कार्य भई रहेको जिल्ला प्रहरी कार्यालय सुनसरीले जनाएको छ ।
मोटरसाईकलको ठक्करबाट साईकल यात्रीको मृत्यु
सुनसरी, कार्तिक २१ गते ।

सुनसरीको देवानगंज गाउँ-पालिका ६ स्थित मन्दिर चौकमा मोटरसाईकलले साईकल यात्रीलाई ठक्कर दिदा साइकल यात्रिको मृत्यु भएको छ । भित्री सडक खण्ड अन्तर्गत दक्षिणबाट उत्तर तर्फ जादै गरेको को.१४ प ६८०० नम्बरको मोटरसाईकलले गत कार्तिक १९ गते बिपरीत दिशा बाट आउदै गरेको साईकल यात्री बर्जु ५ गुरुङ टोल बस्ने अन्दाजी बर्ष ३५ को प्रभु गुरुङलाई ठक्कर दिएको थियो । दुर्घटनामा मोटरसाईकल चालक समेत घाइते भएकोमा उपचारकोलागी न्युरो अस्पताल बिराटनगर लगीएकोमा उपचारको क्रममा साईकल चालकको आज बिहान ६:४५ बजे मृत्यु भएको जिल्ला प्रहरी कार्यालय सुनसरीले जनाएको छ ।
सवारी दुर्घटनामा परी १ को मृत्यू ७ घाईते
सोलुखुम्बु, कार्तिक २१ गते ।
 
सोलुखुम्बुको थुलुङ दुधकोशी गाउपालिका-३ मा भएको सवारी दुर्घटनामा १ जनाको मृत्यू भएको छ भने ७ जना घाईते भएका छन् । मिति २०७५।०७।२० गते बेलुका १८;३५ बजेको समयमा थुलुङ दुधकोशि गाउँपालिका-३ पंचन भन्ने स्थानमा  नेलेबाट पंचन मैखु तर्फ जादै गरेको साहास उर्जा कम्पनी लिमिटेड हाईड्रोपावरको  बा.९ च.९६४७ नम्बरको पिकअप भेन कच्चि सडकबाट अन्दाजी ५०० मिटर तल खसि दुर्घटना हुँदा नेले बजार भरी घर तर्फ जादै गरेका थुलुङ दुधकोशी गाउँपालिका-३ की १९ बर्षीया सरिना राईको घटनास्थलमा नै मृत्यु भएको जिल्ला प्रहरी कार्यालय सोलुखुम्बुले जनाएको छ । सोही दुर्घटनामा परी थुलुङ दुधकोशि गाउँपालिका-३ कै बर्ष २६ की केशु राई, बर्ष १७ की मनरुपि राई गम्भिर घाईते तथा बर्ष ३५ की गीता देवि खत्री, बर्ष १० की सबिना खत्री, बर्ष ४० को रामकुमार राई, बर्ष २७ दिनेश राई र बर्ष १३ की मबिना राई सामान्य घाईते भएका छन् । घाईते सबैजनालाई जिल्ला प्रहरी कार्यालय सोलुखुम्बुबाट खटिएको प्रहरी टोलीले उद्धार गरी उपचारको लागि जिल्ला अस्पताल फाप्लु पठाएको छ भने मृतकको कानूनी प्रकृया पुरा गरी पोष्टमार्टमको लागि जिल्ला अस्पताल फाप्लु पठाएको उक्त कार्यालयले जनाएको छ ।
बसको ठक्करबाट १ जनाको मृत्यू
झापा, कार्तिक २१ गते ।

झापाको बिर्तामोड नगरपालिका-५ मा बसको ठक्करबाट पैदल यात्रीको मृत्यू भएको छ । मिति २०७५।०७।१८ गते बेलुका ०८:१० बजेको समयमा पूर्वबाट पश्चिम तर्फ आउदै गरेको मे १ ख ३०७७ नम्बरको बसले पैदल यात्री जिल्ला झापा बाह्रदशी गाउँपालिका-३ का ६० बर्षीय धन कुमार पराजुलीलाई ठक्कर दिंदा गम्भीर घाईते भएका थिए । घाईतेलाई उपचारको लागि  बि .एण्ड सि.अस्पताल बिर्तामोड लगिएकोमा उनको उपचारको क्रममा २०७५/०७/२० गते बेलुका २०:३० बजे मृत्यू भएको ईलाका प्रहरी कार्यालय अरामनीले जनाएको छ । दुर्घटनामा संग्लग्न बस र बस चालक ईलाका प्रहरी कार्यालय अनामनीको नियन्त्रणमा रहेका छन्
आगलागीबाट ४ घरमा क्षति १ घाईते
ओखलढुङगा, कार्तिक २१ गते ।

ओखलढुङगाको मानेभञ्याङ गाउँपालिका-२ वाक्सालेवामा आगलागी हुँदा ४ घर जलेर नष्ट भएका छन् । मिति २०७५।०७।२० गते दिउसो १३:४५ बजेको समयमा स्थानीय नृपबहादुर कार्कीको घरमा रहेको मौरी भाग्न लागेको भनि निजको छोरा बर्ष १० को उज्वल कार्कीले आगो बाली खरानी उडाउने क्रममा अचानक घरमा आगलागी भएको थियो । उक्त आगलागीबाट नृप बहादुर कार्कीको  ढुङ्गा माटोले बनेको फुसको छानो भएको २ तले घर, जितमायाँ राईको ढुङ्गा माटोले बनेको फुसको छानो भएको २ तले घर र  गोठ, धिरेन्द्र राईको ढुङ्गा माटोले बनेको फुसको छानो भएको २ तले घर र अमृत बहादुर कार्की को ढुङ्गा माटोले बनेको फुसको छानो भएको २ तले घर जलेर नष्ट हुँदा अन्दाजी मुल्य रु ४०,००,०००।–(चालिस लाख) बराबरको क्षति भएको  जिल्ला प्रहरी कार्यालय ओखलढुङगाले जनाएको छ । उक्त आगलागीमा परी नृप बहादुर कार्कीको २ वटा भैसी जलेर घाईते भएको तथा जितमायाँ राईको गोठमा बाँधेको ९ ओटा बाख्रा जली मृत्यू भएको छ । आगो नियन्त्रणमा लिने क्रममा बर्ष ६५ को अमृत बहादुर कार्की सामान्य घाईते भएका छन् । उक्त आगलागी स्थानीय वासिन्दा र प्रहरीको सक्रियतामा दिउसो १६:४५ बजे पूर्ण रुपमा नियन्त्रणमा आएको उक्त कार्यालयले जनाएको छ ।
हत्याको आरोपमा १ पक्राउ
धनकुटा, कार्तिक २१ गते ।

धनकुटाको महालक्ष्मी नगरपालिका-३ का ४० बर्षीय सत्यजंग तामाङलाई हत्याको आरोपमा प्रहरीले पक्राउ गरेको छ । मिति २०७५।०७।२० गते दिउसो १७:०० बजे सोही स्थान बस्ने बर्ष ६५ को गोरे बहादुर तामाङ घर नजिकै बारीमा मृत अबस्थामा फेला परे पछी अनुसन्धानमा खटिएको प्रहरी टोलीले निज तामाङको घरमा खानतलासी गर्ने क्रममा १ नाल भरुवा बन्दुक र खुकुरी बरामद गरी निजलाई सोधपुछ गर्ने क्रममा उक्त घटना आफैले घटाएको बताएपछी उनलाई नियन्त्रणमा लिएको जिल्ला प्रहरी कार्यालय धनकुटाले जनाएको छ । घटना सम्बन्धमा थप अनुसन्धान भईरहेको उक्त कार्यालयले जनाएको छ ।
जंगली च्याउ खादा ६ जना बिरामी
सोलुखुम्बु, कार्तिक २१ गते ।

सोलुखुम्बुको लिखुपिके गाउँपालिका-५ छिम्बुमा जंगली च्याउ खाँदा ६ जना बिरामी भएका छन् । २०७५/०७/२० गते बिहानको खानासंगै जंगलबाट टिपेर ल्याएको च्याउ पकाएर खाँदा स्थानीय बर्ष १३ को सुकराम थामी, बर्ष १८ को सुरज थामी, बर्ष २७ को पासाङ थामी, बर्ष २८ को आईत बहादुर थामी, बर्ष ४४ को पूर्ण बहादुर थामी र बर्ष २० को मंगल थामी बिरामी भएका हुन् । निजहरुको स्थानीय स्वास्थ्य चौकी किन्जामा उपचार भईरेहेकोमा पुर्ण बहादुर थामी र मंगल थामीलाई भने थप उपचारको लागि जिल्ला अस्पताल दोलखा पठाएको जिल्ला प्रहरी कार्यालय सोलुखुम्बुले जनाएको छ ।
मोटरसाईकलको ठक्करबाट साईकल यात्री घाइते
मोरङ, कार्तिक २० गते ।

मोरङको पथरी-शनिश्चरे नगरपालिका-१ स्थित बुद्ध चौकमा मोटरसाईकलले साईकल यात्रीलाई ठक्कर दिदा चालकसहित २ जना घाईते भएका छन् । भित्री सडक खण्ड अन्तर्गत दक्षिणबाट उत्तर तर्फ जादै गरेको को १३ प ३३४५ नम्बरको मोटरसाईकलले सोही दिशा तर्फ जाँदै गरेको साईकल यात्री उर्लावारी नगरपालिका-१ बस्ने बर्ष ४७ की सिंह देवी श्रेष्ठलाई ठक्कर दिएको थियो । दुर्घटनामा मोटरसाईकल चालक पथरी-शनिश्चरे नगरपालिका-१ बस्ने बर्ष १८ थोमस लिम्बु समेत घाइते भएका छन् । ठक्करबाट घाइते दुबै जनालाई उपचारको लागि बिराटनगर पठाईएको इलाका प्रहरी कार्यालय पथरीले जनाएको छ ।
खैनी र पटका  बरामद  
झापा, कार्तिक २० गते ।

झापाको गौरीगंज गाउँपालिका २ र ३ बाट प्रहरीले मंगलबार बिभिन्न किसिमका पटका र खैनी बरामद गरेको छ । इलाका प्रहरी कार्यालय गौरीगंजबाट खटिएको प्रहरी टोलीले बिहान करिब १० बजेको समयमा भारतबाट नेपाल तर्फ ल्याउँदै गरेको अन्दाजी २५ हजार मूल्य बराबरको १०० किलो खैनी बरामद गरेको छ । गौरीगंज गाउँपालिका-३ स्थित देवीगाउँबाट बरामद गरिएको उक्त खैनी इलाका प्रहरी कार्यालय गौरीगंजमा राखि थप अनुसन्धान भईरहेको उक्त कार्यालयले जनाएको छ । त्यसैगरी बिहान सवा ९ बजेको समयमा गौरीगंज गाउँपालिका-२ भाकुरमारीबाट बिभिन्न किसिमका पटका बरामद गरेको छ । भारतबाट नेपाल तर्फ अवैध रुपमा ल्याउँदै गरेको अवस्थामा अन्दाजी ११ हजार मूल्य बराबरको ३७ प्याकेट पटका बरामद गरेको हो । पटका ओसार-पसारमा संलग्न ब्यक्ति फरार रहेकोले खोजीकार्य भईरहेको तथा बरामद पटका इलाका प्रहरी कार्यालय गौरीगंजमा राखि थप अनुसन्धान भईरहेको छ ।
कैदीको मृत्यु
झापा, कार्तिक २० गते ।

जिल्ला कारागार झापामा कैद सजाय भुक्तान गरिरहेका १ जना कैदीको मंगलबार मृत्यु भएको छ । लागूऔषध मुद्धामा कैद सजाय भुक्तान गरिरहेका झापा विर्तामोड नगरपालिका-७ बस्ने बर्ष ६४ को केशव प्रसाईको मृत्यु भएको जिल्ला प्रहरी कार्यालय झापाले जनाएको छ । करिब बिहान ९ बजेको समयमा किट्नीमा समस्या देखिए पछि उपचारको लागि मेची अंचल अस्पताल भद्रपुर पठाईएकोमा उपचारको क्रममा सोही अस्पतालमा बिहान ११ बजे मृत्यु भएको थियो । मृतकको शव कानूनी प्रकृया पुरा गरी सोही अस्पतालमा राखिएको उक्त कार्यालयले जनाएको छ ।
मोरङ र सुनसरीबाट पटका बरामद, १ पक्राउ
विराटनगर, कार्तिक २० गते ।

प्रहरीले सोमवार राती मोरङ र सुनसरी जिल्लाबाट बिभिन्न किसिमका पटका सहित १ जनालाई पक्राउ गरेको छ । सुनसरीको ईटहरी उप-महानगरपालिका-१२ स्थित खनार चौकबाट राती १२ बजे बिभिन्न किसिमका पटका सहित १ जनालाई पक्राउ गरेको छ । विशेष सुराकीको आधारमा प्रहरी चौकी खनारबाट खटिएको प्रहरी टोलीले खोर्सानी पटका सहित खनार चौकमा कस्मेटिक पसल गर्दै आईरहेका बिरेन्द्र साहलाई पक्राउ गरेको हो । पटका सहित पक्राउ परेका साहलाई इलाका प्रहरी कार्यालय खनारको नियन्त्रणमा राखिएको छ । त्यसैगरी साँझ ६ बजेको समयमा ईटहरी बजार एरीयाका बिभिन्न खुद्रा पसल लुकाई छिपाई बिक्रीवितरण गरिरहेको अवस्थामा ९ सय ९४ प्याकेट झिरझिरे बरामद गरेको छ । बरामद पटका इलाका प्रहरी कार्यालय ईटहरीको नियन्त्रणमा राखिएको छ । यता प्रहरी चौकी बरगाछीबाट खटिएको प्रहरी टोलीले मोरङको विराटनगर महानगरपालिका-४ स्थित ईक्राहीबाट राती ११ बजे ३० लिटर घरेलु मदिरा र ५० पिस बिभिन्न किसिमका पटका नियन्त्रणमा लिएको हो । बरामद पटका प्रहरीको नियन्त्रणमा राखिएको जिल्ला प्रहरी कार्यालय मोरङले जनाएको छ ।
आगलागीबाट ५ लाख बराबरको क्षति
खोटाङ, कार्तिक २० गते ।

खोटाङको रुपाकोट-मझुवागढी नगरपालिका-४ स्थित सेपेटार बस्ने मुगाधन राईको घरमा सोमबार आगलागी हुँदा अन्दाजी  ५ लाख मुल्य बराबरको क्षति भएको छ । दिउँसो साढे २ बजे भएको उक्त आगलागीबाट राईको  ढुंगा माटोले बनेको टिनको छानो भएको २ तले घरमा बिद्युत सर्ट भई आगलागी हुँदा राईको घर, अन्नपात, लत्ताकपडा, भाडावर्तन र नगद ४ हजार रुपैयाँ जलेर नष्ट भएको छ । उक्त आगलागी प्रहरी र स्थानीयवासीको सहयोगमा नियन्त्रणमा लिईएको जिल्ला प्रहरी कार्यालय खोटाङले जनाएको छ ।
बलेरो दुर्घटनामा ६ घाइते
खोटाङ, कार्तिक २० गते ।

खोटाङको रावावेसी गाउँपालिका-५ स्थित दुबेकोल कोलडाँडामा सोमबार राती बलेरो गाडी दुर्घटना हुँदा ७ जना घाइते भएका छन् । भित्री सडक खण्ड अन्तर्गत धरानबाट ऐसेलुखर्क तर्फ आउँदै गरेको ना १ ज ५६२७ नम्बरको बोलेरो गाडी अचानक ब्रेकफेल भई सडक बाट अन्दाजी १५० मिटर तल खसेको थियो । दुर्घटनामा परि बलेरो चालक मोरङ पथरी-शनिश्चरे नगरपालिका-९ बस्ने बर्ष ४५ को लक्ष्मण माझी, खोटाङ ऐसेलुखर्क गाउँपालिका-६ बस्ने बर्ष ७२ को हर्क बहादुर भट्टराई र सोही गाउँपालिका-२ बस्ने बर्ष २८ को जर्मन भुजेल, निजको श्रीमती बर्ष २७ की सरीता भुजेल गम्भीर घाइते भई उपचारको लागि काठमाण्डौ पठाईएको छ । त्यसैगरी सुनसरी इटहरी उप-महानगरपालिका-१९ तरहरा बस्ने बर्ष ४२ की खेम कुमारी बस्नेत र सोलुखुम्बु थुलुङ दुधकोशी गाउँपालिका-४ जुबु बस्ने बर्ष २६ को संजिब गुरुङ सामान्य घाइते भई स्थानीय स्वास्थ्य चौकी ऐसेलुखर्कमा उपचार पश्चात डिस्चार्ज भएको जिल्ला प्रहरी कार्यालय खोटाङले जनाएको छ ।
बसको ठक्करबाट मोटरसाईकल चालकको मत्यु
मोरङ,कार्तिक १९ गते ।

मोरङको विराटनगर महानगरपालिका-३ स्थित मुनाल पथमा सोमवार बसको ठक्करबाट मोटरसाईकलमा सवार १ जनाको मृत्यु भएको छ । बिहान १० बजेको समयमा उत्तरबाट दक्षिण तर्फ जाँदै गरेको ना ५ ख ४५१३ नम्बरको बसले  सोही दिशा तर्फ जादै गरेको को १० प ६२५९ नम्बरको मोटरसाईकललाई ठक्कर दिएको थियो । ठक्करबाट मोटरसाईकलमा सवार बिराटनगर ५ बस्ने ३८ बर्षीय मनोज कुमार मोदी गम्भीर घाइते भई उपचारको लागि बिराट नर्सिङहोम बिराटनगर पठाईएकोमा उपचारको क्रममा सोही अस्पतालमा बिहान १०:४५ बजे मृत्यु भएको हो । मृतकको शव पोष्टमार्टम पश्चात आफन्तको जिम्मा लगाईएको छ भने बस र चालकलाई प्रहरीको नियन्त्रणमा राखिएको छ ।
बाँदर लखेट्दा भिरबाट लडेर १ को मृत्यु
सोलुखुम्बु, कार्तिक १९ गते ।

सोलुखुम्बुको खुम्बु-पासाङल्हामु गाउँपालिका-२ मा सोमबार भिरबाट लडेर १ जनाको मृत्यु भएको छ । भिरबाट लडेर सोही गाउँपालिका बस्ने बर्ष ७० को निमा थुण्डु शेर्पाको मृत्यु भएको जिल्ला प्रहरी कार्यालय सोलुखुम्बुले जनाएको छ । शेर्पाको बिहान करिब साढे १० बजेको समयमा आफ्नै बारीमा लगाएको अन्नपात खान आएको बाँदरलाई लखेट्ने क्रममा सोही ठाउँमा रहेको वाङ्दु भिरबाट लडेर अन्दाजी ६०० मिटर तल खसेर घटनस्थलमा नै मृत्यु भएको थियो । घटनाको जानकारी पाउनासाथ तत्काल इलाका प्रहरी कार्यालय लुक्लाबाट प्रहरी टोली खटि गई कानूनी प्रकृया पूरा गरी शव पोष्टमार्टमको लागि जिल्ला अस्पताल सोलुखुम्बु पठाईएको उक्त कार्यालयले जनाएको छ ।
५५० लिटर वेवारिसे मदिरा बरामद
मोरङ, कार्तिक १९ गते ।

मोरङको लेटाङ नगरपालिका-४ स्थित गंगे चौकबाट सोमबार प्रहरीले अन्दाजी ५५० लिटर घरेलु मदिरा बरामद गरेको छ । लेटाङबाट कानेपोखरी तर्फ जाँदै गरेको को १ ख २७९४ नम्बरको बसलाई चेकजाँच गर्ने क्रममा वेवारिसे अवस्थामा राखिएको उक्त मदिरा बरामद गरेको हो । बिहान सवा ५ बजे बरामद गरिएको उक्त मदिरा स्थानीय प्रतिनिधी र  भद्र-भलादमीको रोहबरमा नष्ट गरिएको इलाका प्रहरी कार्यालय लेटाङले जनाएको छ
लागूऔषध सहित झापाबाट ३ पक्राउ
झापा, कार्तिक १९ गते ।

झापाको छुट्टा-छुट्टै स्थानबाट प्रहरीले आईतबार लागूऔषध सहित ३ जनालाई पक्राउ गरेको छ । झापाको मेचीनगर नगरपालिका-६ स्थित भन्सार गेटबाट प्रहरीले लागूऔषध खैरो हेरोईन सहित १ जनालाई पक्राउ गरेको छ । लागूऔषध नियन्त्रण ब्यूरो काँकडभिट्टाबाट खटिएको प्रहरी टोलीले बिर्तामोड नगरपालिका-५ बस्ने बर्ष २० को अर्जुन सुब्बालाई १ ग्राम खैरो हेरोईन सहित पक्राउ गरेको हो । साँझ ५ बजे भारतबाट नेपाल तर्फ आउँदै गरेका सुब्बालाई शंका लागि चेकजाँच गर्ने क्रममा पाईन्टको गोजीमा लुकाई छिपाई राखेको अवस्थामा फेला पारी बरामद गरेको हो । पक्राउ परेका सुब्बालाई इलाका प्रहरी कार्यालय काँकडभिट्टामा राखि थप अनुसन्धान भईरहेको उक्त कार्यालयले जनाएको छ । त्यसैगरी झापा भद्रपुर नगरपालिका-९ स्थित दोभान भन्ने ठाउँबाट प्रहरीले लागूऔषध डाइजेपाम-१२ एम्पुल, फेनरागन-१२ एम्पुल, लुपिजेसिक-८ एम्पुल र नुफिन-४ एम्पुल सहित झापा अर्जुनधारा नगरपालिका-११ बस्ने बर्ष १९ को सन्तोष चेम्जोङ र वर्ष १९ को आकाश तामाङलाई पक्राउ गरेको छ । वडा प्रहरी कार्यालय भद्रपुरबाट खटिएको प्रहरी टोलीले राती ८ बजेको समयमा भारतबाट नेपाल तर्फ आउँदै गरेका उनीहरुलाई शंका लागि चेकजाँच गर्ने क्रममा उनीहरुको साथबाट सो परिमाणको लागूऔषध फेला पारी बरामद गरेको हो । बरामद लागूऔषध सहित दुबैजनालाई वडा प्रहरी कार्यालय भद्रपुरमा राखि थप अनुसन्धान भईरहेको उक्त कार्यालयले जनाएको छ ।
मोरङ र सुनसरीबाट नगद सहित ११ जुवाडे पकाउ
विराटनगर, कार्तिक १९ गते ।

प्रहरीले सोमवार राती मोरङ र सुनसरी जिल्लाबाट नगद सहित ११ जुवाडेलाई पक्राउ गरेको छ । मोरङको बिराटनगर महानगरपालिका-१६ स्थित गोपाल यादवको घरमा जुवातास खेलिरहेको अवस्थामा ८ जनालाई पक्राउ गरेको छ । बिशेष सुराकीको आधारमा राती २ बजे इलाका प्रहरी कार्यालय रानीबाट खटिएको प्रहरी टोलीले नगद  २८ हजार ३ सय ५६ रुपैयाँ सहित घर धनी गोपाल यादव, बिराटनगर-१६ बस्ने बर्ष ५४ को सुरेश प्रसाद मण्डल, बर्ष ४० को राज किशोर यादव, बर्ष १८ को सोनु तत्मा, बर्ष ५१ को बिष्णु कुमार अर्जेल, बर्ष २८ को नबिन महतो, बर्ष १८ को रोहित दास र बर्ष ४८ को ज्ञानेन्द्र कार्कीलाई पकाउ गरिको हो । २ बुङ तास सहित पक्राउ परेका आठै जनालाई आवश्यक कारवाहीको लागि इलाका प्रहरी कार्यालय रानीमा राखिएको छ । त्यसैगरी सुनसरीको ईटहरी उप-महानगरपालिका-२० स्थित कबिता भट्टराईको घरमा जुवा खेलिरहेको अवस्थामा ३ जनालाई पक्राउ गरेको छ । गोप्य सूचनाको आधारमा राती सवा १२ बजे इलाका प्रहरी कार्यालय ईटहरीबाट खटिएको प्रहरी टोलीले कौडा खेलिरहेको अवस्थामा सोही स्थान बस्ने बर्ष ३७ को अशोक बस्नेत, बर्ष २८ को महेन्द्र खड्का र बर्ष ४६ को नेत्र बहादुर कार्कीलाई ७ थान कौडा र नगद १५ हजार २५ रुपैयाँ सहित पकाउ गरिको हो । पक्राउ परेका तीनै जनालाई आवश्यक कारवाहीको लागि इलाका प्रहरी कार्यालय ईटहरीमा राखिएको छ ।
अवैध सामान बरामद
झापा, कार्तिक १९ गते ।

झापाको मेचीनगर नगरपालिका-६ बाट अन्दाजी ७९ हजार ७ सय ९६ रुपैयाँ मूल्य बराबरको अवैध सामान बरामद गरेको छ । इलाका प्रहरी कार्यालय काँकडभिट्टाबाट खटिएको प्रहरी टोलीले नेपालबाट भारत तर्फ लैजादै गरेको अवस्थामा २० किलो सुख्खा सुपारी त्यसैगरी भातरबाट नेपाल तर्फ ल्याउँदै गरेको अवस्थामा बिभिन्न नामका ७४ प्याकेट पटका फेला पारी बरामद गरेको हो । बरामद गरिएको उक्त सामान आजै मेची भन्सार कार्यालय काँकडभिट्टामा बुझाईने इलाका प्रहरी कार्यालय काँकडभिट्टाले जनाएको छ ।
बलेरो दुर्घटनामा ८ घाइते
ईलाम, कार्तिक १९ गते ।

ईलामको माङ्सेबुङ गाउँपालिका-३ स्थित भित्री सडक खण्डमा आईतवार दिउँसो बलेरो गाडी अनियन्त्रित भई दुर्घटना हुँदा ७ जना घाइते भएका छन् । करिब दिउँसो साढे ३ बजेको समयमा पाँचथरबाट झापा जाँदै गरेको मे १ ज ३५७ नम्बरको बोलेरो गाडी घुमाउरो बाटोमा मोड्ने क्रममा आफै अनियन्त्रित भई सडकको भित्तामा पल्टिएको थियो । दुर्घटनामा परि गाडिमा सवार पाँचथर तुमेवा गाउँपालिका-४ बस्ने बर्ष ३० को मौसम साम्बा, निजको श्रीमती बर्ष २४ को शर्मिला साम्बा, निजको छोरी बर्ष ५ की सुम्निमा साम्बा, सोही ठाउँ बस्ने बर्ष ४५ को शेर बहादुर खत्री, बर्ष ४६ को छवीलाल खड्का, बर्ष १९ को डिका खत्री, ईलाम माङ्सेबुङ गाउँपालिका-३ बस्ने बर्ष २९ को अमित साम्बा, र झापा दमक नगरपालिका-१ बस्ने बर्ष २५ को मधुमाया भट्टराई घाइते भएका हुन् । घाइते आठै जनालाई उपचारको लागि दमक पठाईएकोमा उपचार पश्चात डिस्चार्ज भएकोका छन् भने बलेरोका चालक फरार रहेकोले खोजीकार्य भईरहेको जिल्ला प्रहरी कार्यालय ईलामले जनाएको छ ।
आगलागीबाट २ लाख बराबरको क्षति
झापा, कार्तिक १८ गते ।

झापाको कमल गाउँपालिका-६ स्थित मंगलवारेमा लक्षमी प्रसाद पौडेलको ग्वालीमा आगलागी हुँदा अन्दाजी २ लाख मूल्य बराबरको क्षति भएको छ । पौडेलको ग्वाली घरमा बिहानन ६ बजे खोले पकाउने क्रममा अचानक आगलागी हुँदा ग्वाली घर, पराल र काठपात जलेर नष्ट भएको छ । उक्त आगलागी इलाका प्रहरी कार्यालय दमकबाट खटिएको प्रहरी टोली, दमकल र स्थानीयवासीको सहयोगमा नियन्त्रणमा लिईएको इलाका प्रहरी कार्यालय दमकले जनाएको छ ।
झापा र मोरङबाट अवैध सामान बरामद
बिराटनगर, कार्तिक १८ गते ।

झापा र मोरङ जिल्लाबाट प्रहरीले आईतबार ७४ हजार ८ सय ६० रुपैयाँ बराबरको अवैध सामान बरामद गरेको छ ।
झापाको हल्दीवारी गाउँपालिका ४ बाट प्रहरी चौकी जलथलबाट खटिएको प्रहरी टोलीले अन्दाजी २० हजार मूल्य बराबरको अवैध सामान सहित २ जनालाई पक्राउ गरेको छ ।  मे ७३ प ३१४ नम्बरको मोटरसाईकलमा भारतबाट नेपाल तर्फ आउँदै गरेको अवस्थामा चेकजाँच गर्ने क्रममा अन्दाजी २० हजार मूल्य बराबरको खाने तेल, भेष्ट, काजु, किसमिस, बदाम, नरिवल र नाइलनको झोला सहित मोटरसाईकल चालक झापा शिवसताक्षी नगरपालिका-४ बस्ने वर्ष २२ को सन्दिप साह र पछाडि सवार वर्ष २५ को मोहन टुडुलाई पक्राउ गरेको हो । करिब दिउँसो साढे १२ बजेको समयमा पक्राउ परेका दुबै जनालाई जिल्ला प्रहरी कार्यालय झापाको नियन्त्रणमा राखिएको उक्त कार्यालयले जनाएको छ । त्यसैगरी मोरङको विराटनगर महानगरपालिका-१५ स्थित  बिभिन्न स्थानबाट इलाका प्रहरी कार्यालय तथा मातहत प्रहरी कार्यालयबाट खटिएको टोलीले अन्दाजी ५४ हजार ८ सय ६० रुपैयाँ मूल्य बराबरको लत्ता कपडा, किराना तथा घरायसी सामान बरामद गरेको थियो । भारतबाट नेपाल तर्फ अवैध रुपमा नेपाल तर्फ ल्याउँदै गरेको उक्त सामान आजै भन्सार कार्यालय रानी मोरङमा बुझाईएको इलाका प्रहरी कार्यालय रानीले जनाएको छ ।
घरेलु मदिरा नियन्त्रण
मोरङ, कार्तिक १८ गते ।

मोरङको बेलवारी नगरपलिका-१० बाट प्रहरीले आईतबार अवैध घरेलु मदिरा नियन्त्रणमा लिएको छ ।
बिहान सवा ५ बजेको समयमा इलाका प्रहरी कार्यालय बेलवारीबाट खटिएको प्रहरी टोलीले मे १ प ४२९५ नम्बरको मोटरसाईकलमा लोड गरेर ल्याउदै गरेको अवस्थामा १२० लिटर घरेलु मदिरा फेला पारी बरामद गरेको थियो । मदिरा ओसार-पसरमा संलग्न व्यक्ति प्रहरीको टोलीलाई देख्नासाथ मोटरसाईकल छाडेर फरार भएका थिए । बरामद मदिरा र मोटरसाईकल इलाका प्रहरी कार्यालय बेलबारीको नियन्त्रणमा राखिएको उक्त कार्यालयले जनाएको छ ।
स्कुटर दुर्घटनामा १ घाइते
सुनसरी, कार्तिक १८ गते ।

सुनसरीको भोक्राहा गाउँपालिका-४ स्थित चिरौली चौकमा को.२२ प. ८७७० नम्बरको स्कुटर आफै अनियन्त्रित भई दुर्घटना हुदा १ युवती घाइते भएकी छन् । दुर्घटनामा परि स्कुटर चालक मोरङ तेतरिया-५ बस्ने बर्ष-२२ की शोमा कुमारी सरदार घाईते भई उपचारको लागि जिल्ला अस्पताल ईनरुवा पठाईएको जिल्ला प्रहरी कार्यालय सुनसरीले जनाएको छ ।
जवरजस्ती करणीको आरोपमा २ पक्राउ
सुनसरी, झापा, कार्तिक १८ गते ।

जवरजस्ती करणी गरेको आरोपमा प्रहरीले शनिवार सुनसरी र झापा जिल्लाबाट २ जनालाई पक्राउ गरेको छ । सुनसरीको ईटहरी उप-महानगरपालिका-५ स्थित बरामपुरमा बालिकालाई जवरजस्ती करणी गरेको आरोपमा सोही स्थान बस्ने बर्ष १८ को भवानी आचार्य रहेका छन् । उनले राती साढे ९ बजेको समयमा सोही स्थान बस्ने ६ बर्षीया बालिकालाई मोबायल देखाएर ललाई फकाई गरी आफ्नो घरमा बोलाएर करणी गरेको भनि बालिकाको आफन्तले दिएको जाहेरीको आधारमा पक्राउ गरिएको हो । पक्राउ परेका आचार्यलाई इलाका प्रहरी कार्यालय ईटहरीमा राखि थप अनुसन्धान भईरहेको छ । त्यसैगरी झापाको शिवसताक्षी नगरपालिका-९ स्थित बिरान भन्ने ठाउँमा बालिकालाई करणी गरेको आरोपमा सोही ठाउँ बस्ने बर्ष १७ बालकलाई प्रहरीले पक्राउ गरेको छ । निजले सोही स्थान बस्ने १० बर्षीया बालिकालाई घरमा कोही नभएको मौका छोपी ललाई फकाई, डर त्रास देखाई जवरजस्ती करणी गरेको भन्ने खबर पाउनासाथ तत्काल खटिएको प्रहरी टोलीले उनलाई पक्राउ गरेको हो । घटनास्थलमा इलाका प्रहरी कार्यालय झिलझिलेबाट खटिएको प्रहरी टोलीले बालिकालाई उद्धार गरी मेडिकल चेकजाँचको लागि मेची अंचल अस्पताल पठाईएको र घटनामा संलग्न बालकलाई प्रहरीको नियन्त्रणमा राखि थप अनुसन्धान भईरहेको उक्त कार्यालयले जनाएको छ ।
छुट्टा-छुट्टै स्थानमा आगलागी १८ लाख बढीको क्षति
बिराटनगर, कार्तिक १८ गते ।

१ नम्बर प्रदेश अन्तर्गत मोरङ, धनकुटा, झापा र सुनसरी जिल्लामा भएको छुट्टा-छुट्टै आगलागीबाट अन्दाजी १८ लाख १७ हजार ३ सय ९५ रुपैयाँ मुल्य बराबरको क्षति भएको छ ।

मोरङः- मोरङको सुन्दर-हरैँचा नगरपालिका-७ स्थित गोठगाउँ बस्ने गोबिन्द दुलालको घरमा शनिवार आगलागी हुदा अन्दाजी ९ लाख बराबरको क्षति भएको छ । राती सवा ८ बजेको समयमा दुलालको १ तले घरमा बिद्युत लाईन सर्ट भई अचानक आगलागी हुँदा घर, कुखुरा पाल्ने घर सहित १५० वटा कुखुरा जलेर नष्ट भएको छ । उक्त आगलागी राती ९ बजे प्रहरी, दमकल र स्थानीयवासीको सहयोगमा नियन्त्रणमा लिईएको प्रहरी चौकी बिराटचौकले जनाएको छ ।
 
धनकुटाः- धनकुटाको चौविसे गाउँपालिका-३ बस्ने खम्बा सिंह तामाङको घरमा आगलागी हुँदा अन्दाजी ४ लाख १७ हजार ३ सय ९५ रुपैयाँ मूल्य बराबरको क्षति भएको छ । तामाङको ढुंगा माटोले बनेको १ तले घरमा राती ११ बजे अचानक आगलागी भएको थियो । आगलागीबाट तामाङको घर, लत्ताकपडा, अन्नपात लगायत सम्पूर्ण सामान जलेर नष्ट भएको हो । उक्त आगलागी प्रहरी र स्थानीय वासीको सहयोगमा नियनत्रणमा लिईएको जिल्ला प्रहरी कार्यालय धनकुटाले जनाएको छ ।
 
झापाः- झापाको मेचीनगर नगरपालिका-१३ स्थित चारआली चौक बस्ने टेक बहादुर खड्काको घरमा आगलागी हुँदा अन्ददाजी ३ लाख बराबरको क्षति भएको छ ।  साँझ सवा ६ बजेको समयमा खाना पकाउने क्रममा ग्याँस लिक भई अचानक आगलागी हुँदा खड्काको घर तथा घरमा भएको लत्ताकपडा, खाद्यान्न, फर्निचरको सरसामान जलेर नष्ट भएको छ । उक्त आगलागी ३ वटा दमकल नेपाल प्रहरी, नेपाली सेना र स्थानीयवासीको सहयोगमा नियन्त्रणमा लिईएको प्रहरी चौकी चारआलीले जनाएको छ ।
 
सुनसरीः- सुनसरीको ईटहरी उप-महानगरपालिका-१० स्थित चुकाटक्का बस्ने शुक्रराज लिम्बुको घरमा आगलागी हुँदा अन्दाजी २ लाख मूल्य बराबरको क्षति भएको छ । शनिवार राती सवा ८ बजे लिम्बुको फुसको छानो भएको भुई तले घरमा चुल्होमा खना पकाउने क्रममा  अचानक आगलागी हुँदा घरमा रहेको काठपात, भाडावर्तन, लत्ताकपडा लगायत अन्य सरसामान जलेर नष्ट हुँदा भएको छ । उक्त आगलागी प्रहरी र स्थानीय मानिसको सहयोगमा नियन्त्रणमा लिईएको इलाका प्रहरी कार्यालय दुहबीले जनाएको छ ।
अवैध सामान बरामद
झापा, कार्तिक १८ गते ।

झापाको मेचीनगर नगरपालिका-६ स्थित बिभिन्न स्थानबाट प्रहरीले शनिबार ३५ हजार ६० रुपैयाँ मूल्य बराबरको अवैध सामान बारामद गरेको छ । इलाका प्रहरी कार्यालय काँकडभिट्टाबाट खटिएको प्रहरी टोलीले नेपालबाट भारत तर्फ लैजादै गरेको अवस्थामा १०० कि.लो. हरियो मटर, १२५ कि.लो. मकै र  ८० कि.लो. सुख्खा सुपारी त्यसैगरी भारतबाट नेपाल तर्फ ल्याउँदै गरेको सर्ट-१५० पिस, पेन्टको कपडा-१ रोल, साडी-२ पिस, तौलिया-४ पिस, कुर्था सुरुवाल-२ पिस, तन्‍ना-२ पिस, पटका- नागिन-३१ प्याकेट, चक्र-२९ पिस, झिरझिरे-१० प्याकेट, पेन्टा पटाका-५ पिस, फुलझरी-१० पिस र जगमग -९६ पिस बरामद गरेको थियो । बरामद सामान आजै मेची भन्सार कार्यालय काँकडभिट्टा बुझाईने इलाका प्रहरी कार्यालय काँकडभिट्टाले जनाएको छ ।
ट्याक्टर दुर्घटनामा २ घाइते
मोरङ, कार्तिक १८ गते ।

मोरङको बेलबारी नगरपालिका-४ स्थित सृजना चौकमा ट्याक्टर अनियन्त्रित भई दुर्घटना हुँदा २ जना घाइते भएका छन् । दिउँसो करिब साढे ३ बजको समयमा भित्री सडक खण्डमा उत्तरबाट दक्षिण तर्फ जादै गरेको को १ त ८१७८ नम्बरको ट्याक्टर आफै अनियन्त्रित भई दुर्घटना भएको थियो । दुर्घटनामा परि ट्याक्टर चालक मोरङ ग्रामथान गाउँपालिका-४ बस्ने वर्ष ३० को तिलकराम माझी र ट्याक्टरमा सवार वर्ष ३० को हर्नु चौधरी गम्भीर घाईते भई उपचारको लागि विराटनगर पठाइएको इलाका प्रहरी कार्यालय बेलबारीले जनाएको छ । ट्याक्टरलाई इप्रका बेलबारीको नियन्त्रणमा राखिएको छ ।
अज्ञात समूहको हतियार प्रहारबाट १ को मत्यु
धनकुटा, कार्तिक १७ गते ।

धनकुटाको धनकुटा नगरपालिका-१ स्थित हिले-छिन्ताङ सडक खण्डमा लागेको मेलामा अज्ञात व्यक्तिको धारिलो हतियार प्रहारबाट शनिवार १ जनाको मृत्यु भएको छ । धारिलो हतियार प्रहारबाट सुनसरी ईटहरी उप-महानगरपलिका-१५ स्थित परडिया बस्ने बर्ष ३५को राम बहादुर चौधरीको मृत्यु भएको जिल्ला प्रहरी कार्यालय धनकुटाले जनाएको छ । करिब बिहान साढे ७ बजे घटनाको जानकारी पाउनासाथ घटनास्थलमा जिप्रका धनकुटाको टोली सहित कुकुर परिचालन गरी घटनाको अनुसन्धान भइरहेको छ भने घटना सम्बन्धमा सोधपुछका लागि २८ जनालाई प्रहरीको नियन्त्रणमा राखिएको छ उक्त कार्यालयले जनाएको छ । शव पोष्टमार्टमको लागि जिल्ला अस्पताल धनकुटाको शव गृहमा राखिएको छ ।
मारुती र मोटरसाईकल जुध्दा १ को मृत्यु १ घाइते
झापा, कार्तिक १७ गते ।

झापाको कमल गाउँपालिका-३ स्थित पूर्व पश्चिम रामजार्गमा मारुती भ्यान र मोटरसाईकल एक आपसमा ठक्कर खाई दुर्घटना हुँदा १ जनाको मृत्यु भएको छ भने एक जना घाइते भएका छन् । पश्चिमबाट पूर्व तर्फ जाँदै गरेको मे २ च ११८१ नम्बरको भ्यान र बिपरित दिशाबाट आउँदै गरेको मे ६ प ८९७४ नम्बरको मोटरसाईकल दिउँसो साढे १ बजे ठक्कर खाई दुर्घटना भएको थियो । दुर्घटनामा परि मोटरसाईकलको पछाडी सवार पाँचथर कुम्याक गाउँपालिका-२ बस्ने बर्ष २८ को श्रवण कुमार शर्मा गम्भिर घाइते भई उपचारको लागि लाईफ लाईन अस्पताल दमक पठाईएकोमा उपचारको क्रममा सोही अस्पतालमा १:४० बजे मृत्यु भएको हो । त्यसैगरी मोटरसाईकल चालक दमक नगरपलिका-६ बस्ने बर्ष ४० को तारा शर्मा समेत घाइते भई उपचारको लागि बिर्तामोड स्थित बि.एण्ड.सी. अस्पताल पठाइएको  जिल्ला प्रहरी कार्यालय झापाले जनाएको छ । मृतकको लाश पोष्टमार्टमको लागि लाईलाईन अस्पताल दमकमा राखिएको छ भने मारुती र चालकलाई प्रहरी चौकी केर्खाको नियन्त्रणमा राखिएको छ ।
छुट्टा-छुट्टै स्थानबाट लागूऔषध सहित २ पक्राउ
सुनसरी, कार्तिक १७ गते ।

सुनसरीको छुट्टा-छुट्टै स्थानबाट प्रहरीले शुक्रबार लागूऔषध सहित २ जनालाई पक्राउ गरेको छ । सुनसरीको धरान उप-महानगरपालिका-०८ स्थित तीनकुनेबाट लागूऔषध गाँजा सहित मोरङ सुन्दर-हरैचा नगरपालिका-८ बस्ने बर्ष ६५ को नरेन्द्र बहादुर पौडेललाई पक्राउ गरिएको छ । ईटहरीबाट धरान तर्फ पैदल हिडिरहेका पौडेललाई शंका लागि चेकजाँच गर्ने क्रममा उनको साथमा रहेको ६ सय ग्राम गाँजा फेला पारी दिउँसो सवा ३ बजे बरामद गरिएको हो । त्यसैगरी सोही स्थानबाट लागूऔषध डाईजेल्याव- ७ एम्पुल, लुपिजेसिक-७ एम्पुल, एभिल-७ एम्पुल सहित १ जनालाई पक्राउ गरिएको छ । इटहरीबाट धरान तर्फ आउँदै गरेको  मे १ ख २७८१ नम्बरको बस चेकजाँच गर्ने क्रममा बसमा सवार धरान उप-महनगरपालिका-०८ स्थित भोटेपुल बस्ने बर्ष २४ को नबिन राईलाई शंका लागि चेकजाँच गर्ने क्रममा लागूऔषध फेला पारी बरामद गरेको हो ।  लागूऔषध सहित पक्राउ परेका दुबैजनालाई इलाका प्रहरी कार्यालय धरानमा राखी थप अनुसन्धान भईरहेको उक्त कार्यालयले जनाएको छ ।
बालिकालाई दुर्व्यबहार गरेको आरोपमा १ पक्राउ
मोरङ, कार्तिक १७ गते

मोरङको विराटनगर महानगरपालिका-१४ मा बालिकालाई दुर्व्यबहार गरेको आरोपमा शुक्रबार १ जनालाई पक्राउ गरिएको छ । दुर्व्यबहाको आरोपमा बिराटनगर-१४ मा किराना पसल संचालन गर्दै आईरहेका बर्ष ५२ को भवानी प्रसाद सिंखडालाई पक्राउ गरिएको हो । साँझ साढे ६ बजेको समयमा ओखलढुंगा घर भई बिराटनगर महानगरपालिका-३ मा डेरा गरी बस्दै आइरहेका ३ बर्षीया बालिकालाई सिंखडाले दुर्व्यबहार गरेको भनि जिल्ला प्रहरी कार्यालय मोरङमा जानकारी प्राप्त हुनासाथ खटिएको प्रहरी टोलीले पक्राउ गरेको हो । पक्राउ परेका उनलाई जिल्ला प्रहरी कार्यालय मोरङमा राखि थप अनुसन्धान भईरहेको उक्त कार्यालयले जनाएको छ ।
लागूऔषध सहित २ पक्राउ
झापा, कार्तिक १७ गते ।

लागूऔषध नियन्त्रण व्यूरो काँकडभिट्टाबाट खटिएको प्रहरी टोलीले शुक्रबार लागूऔषध सहित २ जना युवकलाई पक्राउ गरेको छ । प्रतिबन्धित लागूऔषध फेनारागन-३० एम्पुल, लुपिजेसिक-३० एम्पुल र डाईजेपाम-३० एम्पुल सहित मोरङ उर्लावारी नगरपालिका-१ बस्ने बर्ष-२३ को सुनिल तामाङ र बेलबारी नगरपालिका-३ बस्ने बर्ष १९ को सुरज बि.क.लाई दिउँसो ३:४५ बजे पक्राउ गरिएको हो । झापाको मेचीनगर नगरपलिका-६ स्थित भन्सार गेट अगाडिबाट शंकालागि चेकजाँच गर्ने क्रममा उनीहरुको साथबाट लागूऔषध फेला पारी बरामद गरिएको हो । उनीहरुलाई इलाका प्रहरी कार्यालय काँकडभिट्टामा राखी थप अनुसन्धान भईरहेको उक्त कार्यालयले जनाएको छ ।
अवैध सामान बरामद
झापा, कार्तिक १७ गते ।

झापाको मेचीनगर नगरपालिका-१५ स्थित निन्दा खोलाको बगरबाट प्रहरीले अन्दाजी १ लाख २० हजार ३ सय रुपैयाँ बराबरको अवैध सामान बरामद गरेको छ । इलाका प्रहरी कार्यालय धुलावारीबाट खटिएको प्रहरी टोलीले राती सवा ८ बजे अवैध रुपमा भन्सार छली गरी नेपाल तर्फ ल्याउँदै गरेको सेन्डो भेष्ट-१९२ थान, सर्ट-१३० थान, भेष्ट-७२ थान, कमब्याड भेष्ट-३२ थान, म्याक्सी-५ थान र समेज-६ थान फेला पारी बरामद गरेको हो । बरामद सामान इलाका प्रहरी कार्यालय धुलावारीमा राखिएको र आवश्यक कारवाहीको लागि भन्सार कार्यालय बुझाईने उक्त कार्यालयले जनाएको छ ।
कुकुरको आक्रमणबाट रेड पाण्डाको मृत्यु
ईलाम, कार्तिक १७ गते ।

ईलामको सन्दकपुर गाउँपालिका-३ मा कुकुरको आक्रमणबाट शुक्रबार रेड पाण्डाको मृत्यु भएको छ । बाटो नजिकै रहेको तीनकुने जंगलमा दिउँसो करिब पौने ४ बजेको समयमा कुकुरले अचानक रेड पाण्डालाई आक्रमण गर्दा मृत्यु भएको थियो । मृत रेड पाण्डालाई जिल्ला बन कार्यालय ईलाममा बुझाईएको जिल्ला प्रहरी कार्यालय ईलामले जनाएको छ
कपास उद्योगमा आगलागीबाट ५ लाखको क्षति
सुनसरी, कार्तिक १६ गते ।

सुनसरीको ईटहरी उप-महानगरपालिका-१० स्थित कपास उद्योगमा आगलागी हुँदा अन्दाजी ५ लाख मूल्य बराबरको क्षति भएको छ । आगलागीबाट सोही स्थान बस्ने अनिल अग्रवालले संचालन गरेको जय माता दी कपास उद्योगमा कपास पेल्ने मेशिन तातिएर बिहान ८:२० बजे अचानक आगलागी भएको थियो । आगलागीबाट उद्योगमा भएको कपास, मोटर चलाउने मेशिन जलेर नष्ट भएको छ । उक्त आगलागी प्रहरी, दमकल र स्थानीयवासीको सहयोगमा नियन्त्रणमा लिईएको इलाका प्रहरी कार्यालय ईटहरीले जनाएको छ ।
ट्याक्टर नियन्त्रणमा
मोरङ, कार्तिक १६ गते ।

मोरङको केरावारी नगरपालिका-६ स्थित हुरहुरे खोलाबाट शुक्रबार प्रहरीले एउटा ट्याक्टरलाई नियन्त्रणमा लिएको छ । इलाका प्रहरी कार्यालय केरावारीबाट खटिएको प्रहरी टोलीले अवैध रुपमा खोलाबाट ढुंगा उत्खनन् गरी चोरी पैठारी गरिरहको अवस्थामा बिहान सवा १० बजे को १ त ४४५८ नम्बरको ट्याक्टरलाई नियन्त्रणमा लिएको हो । ट्याक्टरलाई केरावारी प्रहरीको नियन्त्रणमा राखिएको छ ।
प्रहरी बिट हस्तान्तरण
झापा, कार्तिक १६ गते ।

झापाको भद्रपुर नगरपालिका-८ स्थित सगरमाथा चौकमा निर्माण गरिएको प्रहरी बिट आज प्रहरीलाई हस्तान्तरण गरिएको छ । स्थानीयवासीको सहयोगमा निर्माण सम्पन्न भएको उक्त बिट आज कार्यक्रमका प्रमुख अतिथी समाजसेवी राजेन्द्र घिमिरेले वडा प्रहरी कार्यालय भद्रपुरलाई हस्तान्तरण गर्नु भएको हो । कार्यक्रममा जिल्ला प्रहरी कार्यालय झापाका प्रमुख प्रहरी उपरीक्षक भीम प्रसाद ढकाल, भद्रपुर नगरपालिकाको प्रमुख जीबन श्रेष्ठ लगायत स्थानीय भद्र-भलाद्मी, समाजसेवी, पत्रकारहरुको समेत उपस्थिती रहेको थियो ।
बसको ठक्करबाट साईकल यात्री घाइते
झापा, कार्तिक १६ गते ।

झापाको कमल गाउँपालिका-३ स्थित राजमार्गमा बसको ठक्करबाट शुक्रबार बिहान बसको ठक्करबाट १ जना साईकल यात्री घाइते भएका छन् । पूर्वबाट पश्चिम तर्फ जाँदै आउँदै गरेको को १ ख ६७६८ नम्बरको बसले साईकलमा सवार सिबसताक्षी नगरपालिका-१ बस्ने बर्ष ४५ को हर्क बहादुर राईलाई बाटो काट्ने क्रममा ठक्कर दिएको थियो । ठक्करबाट गम्भिर घाइते राईलाई उपचारको लागि दमक स्थित लाईफलाईन अस्पताल पठाईएको जिल्ला प्रहरी कार्यालय झापाले जनाएको छ । ठक्कर दिने बस र चालकलाई प्रहरीको नियन्त्रणमा राखिएको छ ।
लागूऔषध सहित मोरङ र सुनसरीबाट ४ जना पक्राउ
बिराटनगर, कार्तिक १६ गते ।

 १ नम्बर प्रदेश अन्तर्गत मोरङको बिराटनगर र सुनसरीको धरानबाट प्रहरीले बिहीबार लागूऔषध सहित ४ जनालाई पक्राउ गरेको छ । लागूऔषध नियन्त्रण व्यूरो विराटनगरबाट खटिएको प्रहरी टोलीले लागूऔषध सहित सुनसरी धरान उप-महानगरपलिका-२ बस्ने बर्ष २३ को मो. यासिफ अली र मोरङ बिराटनगर महानगरपलिका-१७ बस्ने बर्ष १९ को सुवास रामलाई पक्राउ गरेको छ । दिउँसो करिब साढे २ बजेको समयमा बिराटनगर महानगरपालिका-५ स्थित  बिराट नर्सिङ होम नजिक शंकास्पद अवस्थामा हिडिरहेका उनीहरुलाई चेकजाँच गर्ने क्रममा एभिल-६० एम्पुल, लुपिजेसिक-५३ एम्पुल र डाइजेल्याव-५६ एम्पुल लागूऔषध फेला पारी बरामद गरेको हो । पक्राउ परेका दुबै जनालाई जिल्ला प्रहरी कार्यालय मोरङमा राखि थप अनुसन्धान भइरहेको उक्त कार्यालयले जनाएको छ । त्यसैगरी सुनसरीको धरान उप-महानगरपालिका-८ स्थित तीनकुने चौकबाट लागूऔषध सहित २ जनालाई पक्राउ गरिएको छ । अस्थाई प्रहरी चौकी तीनकुनेबाट खटिएको प्रहरी टोलीले लागूऔषध सहित धरान-११ बस्ने २१ बर्षीय मनिष राई र धरान-६ बस्ने बर्ष २३ को दिपक राईलाई पक्राउ गरेको हो । साँझ करिब पौने ७ बजेको समयमा ईटहरीबाट धरान तर्फ जाँदै गरेको बसमा सवार रहेका उनीहरुलाई शंका लागि चेकजाँच गर्ने क्रममा लागूऔषध नाईट्रोसन ट्याब्लेट-३० चक्की र स्पास्मोप्रोक्सिभन-२० चक्की फेला पारी बरामद गरिएको हो । पक्राउ परेका दुवै जनालाई इलाका प्रहरी कार्यालय धरानमा राखि थप अनुसन्धान भईरहेको उक्त कार्यालयले जनाएको छ ।
टिपरको ठक्करबाट घाइते राईको मृत्यु
सुनसरी, कार्तिक १६ गते ।

सुनसरीको भोक्राहा-नर्सिङ गाउँपालिका-२ स्थित मदर्सा भन्ने स्थानमा टिपरको ठक्करबाट गम्भिर घाइते लक्ष्मण राईको उपचारको क्रममा मृत्यु भएको छ । राईलाई बिहीबार दिउँसो करिब साढे १ बजेको समयमा उत्तरबाट दक्षिण तर्फ जादै गरेको को ३३ प ८४२३ नम्बरको मोटरसाईकललाई बिपरित दिशाबाट आउदै गरेको को १ ख ५४२१ नम्बरको टिपरले ठक्कर दिएको थियो । ठक्करबाट मोटरसाईकलको पछाडी सवार रहेका ईटहरी उप-महानगरपालिका-३ बस्ने बर्ष ५६ को  लक्ष्मण राई उपचारको क्रममा गोल्डेन अस्पताल बिराटनगरमा अपरान्ह ४:४५ बजे मृत्यु भएको जिल्ला प्रहरी कार्यालय सुनसरीले जनाएको छ । ठक्कर दिने टिपर र चालकलाई प्रहरीको नियन्त्रणमा राखिएको छ ।
अवैध सामान बरामद
झापा, कार्तिक १६ गते ।

झापाको मेचीनगर नगरपालिका-६ स्थित बिभिन्न स्थानबाट प्रहरीले बिहीबार अन्दाजी १ लाख ४५ हजार मूल्य बराबरको अवैध सामान बरामद गरेको छ । जिल्ला प्रहरी कार्यालय झापा र इलाका प्रहरी कार्यालय काँकडभिट्टाबाट खटिएको प्रहरी टोलीले नेपालबाट भारत तर्फ लैजाँदै गरेको अन्दाजी ५० हजार मूल्य बराबरको २ सय किलो सुख्खा सुपारी र भारतबाट नेपाल तर्फ ल्याउँदै गरेको अन्दाजी ९५ हजार मूल्य बराबरको रेडिमेड कपडा, मोटर पार्ट्स र पटका बरामद गरेको हो । बरामद सामान आवश्यक कारवाहीको लागि मेची भन्सार कार्यालय काँकडभिट्टामा बुझाइने जिल्ला प्रहरी कार्यालय झापाले जनाएको छ ।
४५ हजार मूल्य बराबरको पटका सहित २ पक्राउ
बिराटनगर, कार्तिक १६ गते ।

मोरङको पथरी शनिश्चरे नगरपालिका-२ स्थित पूर्वबाट पश्चिम तर्फ आउँदै गरेको को २३ प ९९१५ नम्बरको मोटरसाईकलबाट अन्दाजी ४५ हजार मूल्य बराबरको पटका सहित २ जनालाई पक्राउ गरिएको छ । दिउँसो सवा ३ बजेको समयमा मोटरसाईकलमा राखेर ल्याउदै गरेको अवस्थामा ३ बोरा पटका सहित मोरङ उर्लाबारी नगरपालिका-३ मंगलबारे बस्ने बर्ष २२ को सुमन चौधरी र बर्ष २१ को अरलाद थारुलाई पक्राउ गरिएको हो । पक्राउ परेका दुबै जनालाई इलाका प्रहरी कार्यालय बेलबारीमा राखि थप अनुसन्धान भईरहेको उक्त कार्यालयले जनाएको छ ।
रुखबाट लडेर १ मृत्यु
संखुवासभा,कार्तिक १५ गते ।

संखुवासभाको खाँदबारी नगरपालिका-८ स्थित अरुण टोलमा बिहिबार रुखबाट लडेर १ जनाको मृत्यु भएको छ । बिहान १० बजेको समयमा सोही स्थान बस्ने बर्ष ३७ को कुल बहादुर कार्कीको घाँस काट्ने क्रममा रुखबाट लडेर मृत्यु भएको जिल्ला प्रहरी कार्यालय संखुवासभाले जनाएको छ । रूखबाट लडेर गम्भिर घाइते कार्कीलाई उपचारको लागि जिल्ला अस्पताल खाँदबारी पठाईएकोमा थप उपचारको लागि धरान स्थित वि.पी कोइराला स्वास्थ्य विज्ञान प्रतिष्ठान लैजाने क्रममा बाटोमा नै मृत्यु भएको थियो । मृतकको शव पोष्टमार्टमको लागि जिल्ला अस्पताल खाँदबारी पठाइएको छ ।
छुट्टाछुट्टै दुर्घटनाम ५ घाइते
बिराटनगर, कार्तिक १५ गते ।

१ नम्बर प्रदेश अन्तर्गत सुनसरी र झापामा बिहीबार भएको सवारी दुर्घटनामा परि ५ जना घाइते भएका छन्।  सुनसरीको भोक्राह-नर्सिङ गाउँपालिका-२ स्थित मदर्सा भन्ने स्थानमा टिपरको ठक्करबाट मोटरसाईकलमा सवार १ जना घाइते भएका छन् । दिउँसो करिब साढे १ बजेको समयमा उत्तरबाट दक्षिण तर्फ जादै गरेको को ३३ प ८४२३ नम्बरको मोटरसाईकललाई बिपरित दिशाबाट आउदै गरेको को १ ख ५४२१ नम्बरको टिपरले ठक्कर दिएको थियो । ठक्करबाट मोटरसाईकलको पछाडी सवार ईटहरी उप-महानगरपालिका-३ बस्ने बर्ष ५६ को  लक्ष्मण राई गम्भिर घाईते भई उपचारको लागि न्यूरो अस्पताल विराटनगर पठाइएको छ । ठक्कर दिने टिपर र चालकलाई प्रहरीको नियन्त्रणमा राखिएको जिल्ला प्रहरी कार्यालय सुनसरीले जनाएको छ । त्यसैगरी झापाको गौरादह नगरपालिका-७ स्थित बराल चौकमा अटो रिक्सा अनियन्त्रित भई दुर्घटना हुँदा ४ जना घाइते भएका छन् । बिहान सवा ७ बजेको समयमा भित्री सडक खण्डमा गौरीगन्जबाट गौरादह तर्फ जादै गरेको १ ह ५९३१ नम्बरको अटो रिक्सा आफै अनियन्त्रित सडकमा पल्टिएको थियो । दुर्घटनामा गौरीगन्ज गाउँपालिका-६ बस्ने बर्ष ४० की भुमिका सुबेदी, बर्ष ४० की शोभा सुबेदी, बर्ष ६० की हेमा सुबेदी र बर्ष ४२ को ईन्द्र सुबेदी घाइते भएका छन् । घाइते चारै जनालाई उपचारको लागि बिराटनगर स्थित नोबेल अस्पताल पठाइएको इलाका प्रहरी कार्यालय गौरीगंजले जनाएको छ ।
६७ हजार मूल्य बराबरको अवैध सामान बरामद
झापा, कार्तिक १५  गते ।

झापाको मेचीनगर नगरपालिका-६ स्थित बिभिन्न स्थानबाट प्रहरीले बुधबार अन्दाजी ६७ हजार ७ सय २० रुपैयाँ बराबरको अवैध सामान बरामद गरेको छ । इलाका प्रहरी कार्यालय काँकडभिट्टाबाट खटिएको प्रहरी टोलीले नेपालबाट भारत तर्फ लैजादै गरेको कस्मेटिक सामान, १०० किलो मकै र २५ किलो सुख्खा सुपारी त्यसैगरी भारतबाट नेपाल तर्फ ल्याउदै गरेको पर्दा, कुसनको खोल, कुर्ता-सुरुवाल, भेष्ट, रेडबुल, कोक र स्प्राईड बरामद गरेको थियो । बरामद सामान मेची भन्सार कार्यालय काँकडभिट्टामा बुझाउने तयारी भईरहेको इप्रका काँकडभिट्टाले जनाएको छ ।
१६५ लिटर डिजल बरामद
मोरङ, कार्तिक १५ गते ।

मोरङको सुनवर्षी नगरपालिका-७ स्थित चैटा भन्ने स्थानमा नेपालबाट भारत तर्फ लैजादै गरेको १६५ लिटर डिजल बरामद गरेको छ । प्रहरी चौकी बरडंगाबाट खटिएको प्रहरी टोलीले बुधबार राती १० बजेको समयमा को ३ प ५४३२ नम्बरको मोटरसाईकलमा लोड गरेर भारत तर्फ लैजादै गरेको अवस्थामा फेला पारी बरामद गरेको हो भने डिजल ओसार-पसारमा संलग्न व्यक्ती फरार रहेकोले खोजी भईरहेको छ । बरामद डिजल इलाका प्रहरी कार्यालय रंगेलीमा राखी थप अनुसन्धान भइरहेको उक्त कार्यालयले जनाएको छ ।
लागूऔषध सहित २ जना पक्राउ
सुनसरी, कार्तिक १५ गते ।

सुनसरीको ईटहरी उप-महानगरपालिका-६ स्थित खेतिखोला पुलबाट प्रहरीले बुधबार लागूऔषध सहित २ जनालाई पक्राउ गरेको छ । सि.आर.भी बसपार्कबाट खटिएको प्रहरीको टोलीले राती १२ बजे लागूऔषध सहित लेटाङ नगरपालिका-४ बस्ने बर्ष १७ को रबिन मलिक र बर्ष १८ को वसन्त शिवालाई पक्राउ गरेको हो । मादक पदार्थ सेवन गरी शंकास्पद अवस्थामा हिडिरहेका उनीहरुलाई चेकजाँच गर्ने क्रममा नाईट्रोजन ट्याब्लेट २० थान फेला पारी बरामद गरेको हो । पक्राउ परेका दुवैजनालाई इलाका प्रहरी कार्यालय ईटहरीमा राखि थप अनसुन्धान भईरहेको उक्त कार्यालयले जनाएको छ ।
छुट्टा-छुट्टै स्थानबाट पटका बरामद
मोरङ, कार्तिक १५ गते ।

मोरङको छुट्टा-छुट्टै स्थानबाट प्रहरीले बुधबार अन्दाजी ८३ हजार ८ सय रुपैयाँ बराबरको पटका बरामद गरेको छ । मोरङको सुनवर्षी नगरपालिका-८ स्थित हर्चनगढीमा भारतबाट अवैध रुपमा भन्सार छली गरी नेपाल तर्फ बोरामा लुकाई छिपाई ल्याउदै गरेको ८२ हजार मूल्य बराबरको पटका बरामद गरेको छ । प्रहरी चौकी सिक्टीवाट खटिएको टोलीले राती ९ बजेको समयमा बोरामा प्याक गरी ल्याउँदै गरेको अवस्थामा अन्दाजी ८२ हजार मूल्य बराबरको खोर्सानी नामक पटका ४१ बण्डल फेला पारी बरामद गरेको हो । बरामद पटका इलाका प्रहरी कार्यालय रंगेलीमा राखी थप अनुसन्धान भईरहेको छ । त्यसैगरी राती १० बजे मोरङको बिराटनगर महानगरपालिका-१४ स्थित जतुवा नहरबाट चेकजाँचमा खटिएको टोलीले अन्दाजी १८ सय रुपैयाँ बराबरको नागिन नामक पटका-२० प्याकेट, बुलेट पटका-७  प्याकेट र  झिरझिरे-२ प्याकेट बरामद गरेको थियो । बरामद सामान जिल्ला प्रहरी कार्यालय मोरङमा राखिएको छ ।
अवैध सामान भन्सार बुझाइयो  
मोरङ, कार्तिक १४ गते ।

मोरङको विराटनगर महानगरपालिकाको विभिन्न स्थानबाट मंगलबार प्रहरीले बरामद गरेको अवैध सामान भन्सार बुझाएको छ । इलाका प्रहरी कार्यालय रानी तथा मातहत कार्यालयबाट खटिएको प्रहरी टोलीले भारतबाट भन्सार छली गरी नेपाल तर्फ ल्याउँदै गरेको अन्दाजी १ लाख ५८ हजार ७ सय २० रुयैयाँ बराबरको पुजाको सामग्री, सर्ट, कुर्था, टिसर्ट र किराना सामान बरामद गरेको थियो । बरामद सामान आजै भन्सार कार्यालय रानी मोरङमा बुझाईएको इलाका प्रहरी कार्यालय रानीले जनाएको छ ।
मोरङको छुट्टा-छुट्टै स्थानमा दुर्घटना, ४ घाइते
मोरङ, कार्तिक १४ गते ।

मोरङ जिल्लाको छुट्टा-छुट्टै स्थानमा मंगलवार भएको सवारी दुर्घटनामा परि ४ जना घाइते भएका छन् । मोरङको सुन्दर-हरैचा नगरपालिका-११ स्थित बेलेपुरमा मोटरसाईकल अनियन्त्रित भइ दुर्घटना हुँदा २ जना घाइते भएका छन् । भित्री सडक खण्ड अन्तर्गत पूर्वबाट पश्चिम तर्फ आउँदै गरेको को २६ प ४४४५ नम्बरको मोटरसाईकल आफै अनियन्त्रित भई दुर्घटना हुँदा मोटरसाइकल चालक बर्ष २७ को आशिष चौधरी र पछाडी सवार सोही स्थान बस्ने बर्ष २३ को भीमराज धामी घाईते भएका हुन् । दुर्घटनाबाट घाईते दुवै जनालाई उपचारको लागि  नोबेल अस्पताल बिराटनगर पठाईएको इलाका प्रहरी कार्यालय हरैचाले जनाएको छ । त्यसैगरी बिहान ११ बजेको समयमा बेलबारी नगरपालिका-११ स्थित पूर्व-पश्चिम राजमार्गमा स्कुटर अनियन्त्रित भई दुर्घटना हुँदा २ जना घाइते भएका छन् । पूर्वबाट पश्चिम तर्फ जादै गरेको मे ८ प ६५६६ नम्बरको स्कुटर आफै अनियन्त्रित भई दुर्घटना हुँदा स्कुटर चालक झापा कन्काई नगरपालिका-४ सुरुङ्गा बस्ने वर्ष ४० को दुर्गा प्रसाद संग्रौला र पछाडी सवार भद्रपुर नगरपालिका बस्ने वर्ष ३० को टंकोज प्रधान घाइते भएका छन् । दुर्घटनामा परि घाइते दुबै जनालाई  उपचारको लागि न्यूरो अस्पताल बिराटनगर पठाईएको इलाका प्रहरी कार्यालय डाँगीहाटले जनाएको छ ।
टिफरको ठक्करबाट महिलाको मृत्यु
मोरङ,  कार्तिक १४ गते ।

मोरङको सुन्दर-हरैँचा नगरपालिका-१२ स्थित राजमार्गमा मंगलवार टिफरको ठक्करबाट स्कुटरमा सवार १ महिलाको मृत्यु भएको छ । साँझ करिब सवा ५ बजेको समयमा पूर्वबाट पश्चिम तर्फ जाँदै गरेको को १ ख ६१८४ नम्बरको टिफरले को २६ प ३१२ नम्बरको स्कुटरलाई ठक्कर दिएको थियो । ठक्करबाट स्कुटर चालक उदयपुर रतुवामाई गाउँपालिका-२ बस्ने बर्ष ३२ की गीता कटुवाल गम्भिर घाईते भई उपचारको लागि धरान स्थित वि.पी. कोइराला स्वास्थ्य विज्ञान प्रतिष्ठान पठाईएकोमा उपचारको क्रममा सोही अस्पतालमा साँझ साढे ६ बजे मृत्यु भएको थियो । ठक्कर दिने टिफर र चालक सुनसरी बराहा नगरपालिका-६ बस्ने बर्ष २३ को कातिक राजवंशीलाई इलाका प्रहरी कार्यालय बेलबारीको नियन्त्रणमा राखिएको छ भने मृतकको शव पोष्टमार्टमको लागि धरानमा राखिएको छ ।
छुट्टा-छुट्टै स्थानबाट १५ जना जुवाडे पक्राउ
बिराटनगर,   कार्तिक १४ गते ।

प्रहरीले मंगलबार सुनसरी र मोरङबाट  ३ लाख ३५ हजार ४ सय  रुपैँया नगद सहित १५ जना जुवाडेलाई पक्राउ गरेको छ । सुनसरीको गढी गाउँपालिका-५ सत्तेरझोडा होलैया स्थित खेतमा तास खेली रहेको अवस्थामा प्रहरीले मंगलवार ५ जना जुवाडेलाई पक्राउ गरेको छ । विशेष सुराकीको आधारमा जिल्ला प्रहरी कार्यालय सुनसरीबाट खटिएको प्रहरी टोलीले तास खेलीरहेको नगद १ लाख ५६ हजार ४ सय रुपैँया, २ वटा मोटरसाईकल र ३ बुङ तास सहित ईनरुवा नगरपालिका-२ बस्ने बर्ष ३२ को दिपेन्द्र साह, बर्ष ४० को सुरेन्द्र मेहेता, बर्ष ३८ को अकबर अन्सारी, बर्ष ३८ को गुरुदेव मेहता र  बर्ष २७ को दिपेश  रौनियारलाई पक्राउ गरेको हो । पक्राउ परेका पाचै जनालाई जिप्रका सुनसरीमा राखि थप अनुसन्धान भइरहेको उक्त कार्यालयले जनाएको छ । त्यसैगरी बुधबार राती १ बजेको समयमा मोरङ कानेपोखरी गाउँपालिका-१ स्थित कुकुर भुक्का भन्ने ठाउँबाट कौडा खेलिरहेको अवस्थामा १० जनालाई पक्राउ गरिएको छ । विशेष सुराकीको आधारमा जिल्ला प्रहरी कार्यालय मोरङबाट खटिएको प्रहरीको टोलीले सोही स्थान बस्ने मित्र रेग्मीको घरमा जुवा (कौडा) खेलाई रहेको अवस्थामा  नगद १ लाख ८५ हजार रुपैयाँ नगद र २ सेट कौडा सहित मोरङ कानेपोखरी गाउँपालिका-१ बस्ने बर्ष ४० को मित्र रेग्मी, बर्ष ५१ को उमाकान्त कार्की, बर्ष ५२ को तोर्ण कार्की, धनपालथान गाउँपालिका- ४ बस्ने बर्ष ४७ को मोतीलाल राजबंशी, बर्ष ३१ को ओम बहादुर  कटुवाल,  रंगेली नगरपालिका-२ बस्ने बर्ष ४२ को जनक कार्की, बर्ष ४३ को राजु बहादुर थापा, बर्ष ४९ को राजेन्द्र शर्मा, बर्ष ४२ को बिष्णु गुरुङ र बर्ष ५२ को डेफुराम खड्कालाई पक्राउ गरिएको हो । पक्राउ परेका दश जनालाई नै जिल्ला प्रहरी कार्यालय मोरङमा राखि थप अनुसन्धान भईरहेको उक्त कार्यालयले जनाएको छ ।
आगलागीबाट ८ लाख बराबरको क्षति
भोजपुर, कार्तिक १४ गते ।

भोजपुरको पौवादुम्मा गाउँपालिका ४ बस्ने  लाल बहादुर श्रेष्ठको घरमा आगलागी हुँदा अन्दाजी ८ लाख मूल्य बराबरको क्षति भएको छ ।  आगलागीबाट श्रेष्ठको ढुंगामाटोले बनेको फुसको छानो भएको २ तले घरमा भान्सा कोठाबाट अचानक आगलागी हुँदा नगद ७० हजार रुपैयाँ, १ तोला सुन, ६ तोला चाँदी, अन्नपात, भाडाबर्तन, लताकपडा जलेर नष्ट भएको छ । उक्त आगलागी प्रहरी चौकी वास्तिम बाट खटिएको प्रहरी र स्थानीवासीको सहयोगमा नियन्त्रणमा लिईएको जिल्ला प्रहरी कार्यालय भोजपुरले जनाएको छ ।
पटका र मदिरा बरामद
इलाम, कार्तिक १३ गते ।

इलामको सुर्योदय नगरपालिका-११ स्थित-शान्ती गोलाईबाट मंगलबार प्रहरीले पटका तथा मदिराजन्य पदार्थ बरामद गरेको छ । प्रहरी चौकी तिनघरेबाट खटिएको प्रहरी टोलीले मेची राजमार्ग स्थित बिर्तामोडबाट इलाम तर्फ जाँदै गरेको को १ ज २५७१ नम्बरको भाडाको सुमो गाडीमा चेकजाँच  गर्ने क्रममा आलु बम २४ प्याकेट, किङकोब्रा ३० प्याकेट, सटपुट बम १०० पिस, म्यागिज ३ प्याकेट, रकेट बम ४० पिस र झिरझिरे १०४ प्याकेट फेला पारी बरामद गरेको हो । त्यसैगरी सोही स्थानमा बिर्तामोडबाट पाँचथर जाँदै गरेको मे १ ज ३०३२ नम्बरको पिकअपबाट २४ बोतल सिक्किमे मक्स नामक मदिरा,  फेला पारी बरामद गरेको हो । बरामद गरिएको मदिरा तथा पटका जिल्ला प्रहरी कार्यालय इलाममा राखि थप अनुसन्धान भईरहेको उक्त कार्यालयले जनाएको छ ।
८० हजार मूल्य बराबरको लत्ताकपडा सहित ३ पक्राउ
झापा, कार्तिक १३ गते ।

झापाको मेचीनगर नगरपालिका-५ स्थित मेची किनारबाट मंगलबार अवैध रुपमा भारतबाट नेपाल तर्फ ल्याउँदै गरेको स्वीटर ५० थान, कुर्था १५ थान र सुटको कपडा १० थान गरी अन्दाजी ८० हजार मुल्य बराबरको लत्ताकपडा सहित सहित भारत डागुजोत बस्ने बर्ष १७ को मोहमद समिर, बर्ष २५ को मोहमद मुजाहित र  बर्ष २८ को मोहमद भुट्टुलाई वडा प्रहरी कार्यालय भद्रपुरबाट खटिएको टोलीले पक्राउ गरेको छ । बरामद कपडा सहित तीनै जनालाई कानूनी प्रक्रिया पश्चात आवश्यक कारवाहीको लागि भन्सार कार्यालय भद्रपुर पठाईएको  उक्त कार्यालयले जनाएको छ ।
चोरीको आरोपमा भारतीय नागरिक पक्राउ
झापा, कार्तिक १३ गते ।

झापाको गौरीगंज गाउँपालिका-३ स्थित मोबायल पसलमा चोरी गरी फरार रहेका १ जना भारतीय नागरिकलाई सोमवार पक्राउ गरिएको छ । पक्राउ पर्नेमा भारत पश्चिम बंगाल उतर दिनाजपुर जिल्ला ईस्लामपुर ग्राम पञ्चायत थाना बस्ने बर्ष २० को कृष्ण रोयलाई चोरीको सामान सहित पक्राउ गरिएको छ । रोयले सोमबार राती गौरीगंज गाउँपालिका-३ स्थित राम प्रसाद रौनियारको घरमा भाडा लिई मोवाइल पसल गर्दै आईरहेका वर्ष ३० को गुरु प्रसाद ताजपुरियाको लक्ष्मी मोवाइल सेन्टरमा घरको पछाडिको बेरामा प्वाल पारि टिनको ढोका काटेर पसलमा भएको साधारण मोवाइल-५५ थान, एन्ड्रोइड मोबाइल-२५ थान, ल्यापटप-२ थान, मोबाइलको ब्याट्री-४० थान, बिग्रेको मोबाइल-५ थान, वाइफाइको राउटर-१ थान र नगद ३५ हजार सहित अन्दाजी ४ लाख मूल्य बराबरको सामान चोरी गरी फरार भएका थिए । घटनाको जानकारी पाउनासाथ तत्काल इलाका प्रहरी कार्यालय गौरीगंजबाट खटिएको प्रहरी टोलीले खोजतलास  गर्ने क्रममा दमक नगरपालिका-७ बाट निजलाई चोरी भएको सामान सहित पक्राउ गरेको हो । पक्राउ परेका उनलाई सोही कार्यालयमा राखि थप अनुसन्धान भईरहेको उक्त कार्यालयले जनाएको छ ।
जवरजस्ती करणीको आरोपमा युवक पक्राउ
सुनसरी, कार्तिक १३ गते ।

जवरजस्ती करणी गरेको आरोपमा प्रहरीले धरान उप-महानगरपालिका-१५ श्याम चौक बस्ने बर्ष २५ को मनिष राईलाई पक्राउ गरेको छ । राईले धरान १५ स्थित महादेव चौक बस्ने बर्ष १६ की १ बालिकालाई ललाई फकाई गरी धरान -७ स्थित परदेश होटलमा लगेर गत आइतवार राती जवरजस्ती करणी गरेको भनि बालिकाको आमाले दिएको जाहेरीको आधारमा पक्राउ गरिएको हो । राइलाई इलाका प्रहरी कार्यालय धरानबाट खटिएको प्रहरी टोलीले पक्राउ गरी थप अनुसन्धान भइरहेको उक्त कार्यालयले जनाएको छ ।
टेम्पो दुर्घटनामा ३ घाइते
पाँचथर, कार्तिक १३ गते ।

पाँचथरको फिदिम नगरपालिका-४ स्थित हेवाखोला पुलमा टेम्पो दुर्घटनामा परि चालक सहित ३ जना घाइते भएका छन् । मेची राजमार्ग अन्तर्गत फिदिमबाट हिलिहाङ गाउँपालिका-७ स्थित भारपा तर्फ जाँदै गरेको को. २ ह ३६९५ नम्बरको टेम्पो घुमाउरो बाटोमा अनियन्त्रित भइ साँझ साढे ५ बजे सडकमा पल्टिएको थियो । दुर्घटनामा परि टेम्पोका चालक ईलाम मंगलवारे नगरपालिका-२ भदौरे वस्ने वर्ष २२ को रविन राई,  टेम्पोमा सवार पाँचथर हिलिहाङ गाउँपालिका-७ भारपा वस्ने वर्ष ३५ की प्रेमकला लिम्बु र फिदिम नगरपालिका-४ थापाटार वस्ने  वर्ष ४८ को लोक वहादुर थापा घाइते भएका छन् । दुर्घटनाबाट घाइते तीनै जनालाई उपचारको लागि जिल्ला अस्पताल पाँचथर पठाइएको जिल्ला प्रहरी कार्यालय पाँचथरले जनाएको छ ।
माटोको ढिस्कोले परिएर युवतीको मृत्यु
उदयपुर, कार्तिक १२ गते ।

उदयपुरको चौदण्डीगढी नगरपालिका-९ स्थित अजगढामा सोमवार माटोको ढिस्कोमा पुरिएर १ युवतीको मृत्यु भएको छ । मृत्यु हुनेमा सोही नगरपालिका बस्ने तिलक चौधरीको छोरी बर्ष २० की सम्झना चौधरीको मृत्यु भएको जिल्ला प्रहरी कार्यालय उदयपुरले जनाएको छ । दिउँसो करिब १२ बजेको समयमा घर लिप्नको लागि चिम्ट्याइलो माटो लिन अजगढा जंगलमा गएकी चौधरीको माटो खन्ने क्रममा अचानक माटोको ढिस्को खसेर पुरेको थियो । ढिस्कोले पुरिएर गम्भिर घाइते भएकी उनलाई स्थानीयले उद्धार गरी उपचारको लागि अस्पताल लैजाने क्रममा बाटोमा नै मृत्यु भएको थियो । घटनाको जानकारी पाउनासाथ तत्काल घटनास्थलमा प्रहरी चौकी हडियाबाट खटिएको प्रहरी टोलीले कानूनी प्रकृया पुरा गरी शव पोष्टमार्टमको लागि जिल्ला अस्पताल उदयपुर पठाइएको जिल्ला प्रहरी कार्यालय उदयपुरले जनाएको छ ।
मोटरसाइकलको ठक्करबाट साइकलयात्री घाइते
झापा, कार्तिक १२ गते ।

झापाको मेचीनगर नगरपालिका-७ स्थित राजमार्गमा सोमवार मोटरसाईकलले साइकलयात्रीलाई ठक्कर दिँदा २ जना घाइते भएका छन् । पश्चिमबाट पूर्व तर्फ आउँदै गरेको मे ६ प ५२५३ नम्बरको मोटरसाईकलले विपरित दिशा तर्फ जाँदै गरेको साईकललाई ठक्कर दिदाँ साईकल यात्री सोही नगरपालिका-७ स्थित ईटाभट्टा बस्ने बर्ष ७० को हरि प्रसाद खतिवडा घाइते भएका हुन् । ठक्करबाट घाइते खतिवडालाई उपचारको लागि धुलाबारी स्थित आम्दा अस्पताल पठाइएको छ । ठक्कर दिने मोटरसाइकल र चालकलाई प्रहरीको नियन्त्रणमा राखिएको जिल्ला प्रहरी कार्यालय झापाले जनाएको छ ।
लागूऔषध सहित १ पक्राउ
मोरङ, कार्तिक १२ गते ।

मोरङको बिराटनगर महानगरपालिका-१५ स्थित हुलास मेटल चौकबाट प्रहरीले आइतबार लागूऔषध सहित १ युवकलाई पक्राउ गरेको छ । इलाका प्रहरी कार्यालय रानीबाट खटिएको प्रहरीको टोलीले लागूऔषध लुपिजेसिक-१५ एम्पुल, एभिल-१५ एम्पुल, डाईजेल्याब-१५ एम्पुल र फेनारगन-१५ एम्पुल  सहित बेलबारी नगरपालिका-२ बस्ने १८ बर्षीय दिनेश माझीलाई पक्राउ गरेको हो । दिउँसो पौने ३ बजे भारतबाट नेपाल तर्फ आउँदै गरेका माझीलाई शंका लागि चेकजाँच गर्ने क्रममा पाइण्टको गोजीमा लुकाई छिपाई राखेको अवस्थामा उक्त परिमाणको लागूऔषध बरामद गरेको हो । बरामद लागूऔषध सहित माझीलाई इलाका प्रहरी कार्यालय रानीमा राखी थप अनुसन्धान भईरहेको उक्त कार्यालयले जनाएको छ ।
अवैध सामान बरामद
झापा, कार्तिक १२ गते ।

झापाको मेचीनगर नगरपालिका-६ स्थित बिभिन्न ठाउँबाट प्रहरीले आइतबार अन्दाजी १ लाख ४५ हजार ९ सय ८० रुपैँया मूल्य बराबरको अवैध सामान बरामद गरेको छ । इलाका प्रहरी कार्यालय काँकडभिट्टाबाट खटिएको प्रहरीको टोलीले अवैध रुपमा भन्सार छली गरी नेपाल तर्फ ल्याउँदै गरेको बिडी-३ बन्डल, सर्ट-६४ पिस, भेष्ट-१८० पिस, जम्फर-१८ सेट त्यसैगरी नेपालबाट भारत तर्फ लैजाँदै गरेको सुख्खा सुपारी-४२ कि.लो., हरियो मटर-१०० कि.लो., खुकुरी चुरोट-१३ डन्डा, निधि गुट्खा-२४ प्याकेट बरामद गरेको थियो । बरामद सामान आजै मेची भन्सार कार्यालय काँकडभिट्टामा बुझाइने इलाका प्रहरी कार्यालय काँकडभिट्टाले जनाएको छ ।
बसको ठक्करबाट मोटरसाईकलमा सवार २ घाइते
झापा, कार्तिक १२ गते ।

झापाको शिवसताक्षी नगरपालिका-८ स्थित राजमार्गमा आइतबार बसको ठक्करबाट मोटरसाईकलमा सवार २ जना घाइते भएका छन् । पूर्वबाट पश्विम तर्फ जाँदै गरेको ना ४ ख २७११ नम्बरको बसले बिपरित दिशाबाट आउँदै गरेको बा ७४ प ९८७४ नम्बरको मोटरसाइकललाई साँझ ६ बजे ठक्कर दिएको थियो । बसको ठक्करबाट मोटरसाइकलका चालक सोही नगरपालिका बस्ने बर्ष २५ को सिताराम बराल र मोटरसाइकलको पछाडी सवार बर्ष ३२ को किशोर खरेल घाइते भइ उपचारको लागि वि.एण्ड. सी. अस्पताल बिर्तामोड पठाइएको इलाका प्रहरी कार्यालय झिलझिलेले जनाएको छ । बस र चालकलाई प्रहरीको नियन्त्रणमा राखिएको उक्त कार्यालयले जनाएको छ ।
‘समुदाय- प्रहरी साझेदारी’ कार्यक्रम
बिराटनगर, कार्तिक ११ गते ।

नेपाल प्रहरीले आज आइतबार देखि देशब्यापी रुपमा ‘समुदाय-प्रहरी साझेदारी’ कार्यक्रम शुभारम्भ गरेको छ। शान्तिपूर्ण र सुरक्षित समाज निर्माण गर्नेका लागि प्रहरी, समुदाय, स्थानीय तह, सामाजिक संस्था र बिद्यालय बिचको सहकार्य र समन्वय स्थापना गरी साझेदारी निर्माण गर्ने उद्देश्यका साथ देशभर आजैबाट एक साथ उक्त कार्यक्रमको शुभारम्भ गरीएको हो । नेपाल सरकार, गृह मन्त्रालय तथा प्रहरी प्रधान कार्यालयको आयोजना तथा १ नम्बर प्रदेश प्रहरी कार्यालय विराटनगर र स्थानीय तहहरुको संयोजनमा आज बिराटनगर महानगरपालिका-७ स्थित आदर्श माध्यमिक बिद्यालयको प्राङगणमा १ नम्बर प्रदेशका माननीय मुख्यमन्त्री शेरधन राईले एक कार्यक्रमका बिच गमलामा पानी हालेर विधिवत रुपमा शुभारम्भ गर्नु  भयो। वहाँले ‘समुदाय-प्रहरी साझेदारी’कार्यक्रमको कम्प्युटरबाट PSA Click गरी कार्यक्रमको विधिवत रुपमा समुद्घाटन गर्नु हुँदै आफ्ना नीति तथा कार्यक्रमको माध्यमबाट अपराध र हिंसा रोक्न समुदाय र प्रहरी साझेदारी कार्यक्रमले बल पुर्याउनेमा आफू बिश्वस्त रहेको बताउनु भयो । वहाँले समृद्ध नेपाल र सुखी नेपाली बनाउने बाटोमा प्रदेश सरकार अग्रसर भएको बताउदै समुदाय-प्रहरी साझेदारी कार्यक्रमको पूर्णरुपमा कार्यान्वय हुने बिश्वास ब्यक्त गर्नु भयो । कार्यक्रमका विशिष्ट अतिथि माननीय आन्तरिक मामिला तथा कानून मन्त्री हिक्मत कार्कीले स्थानीय स्तरमा शान्ति सुरक्षाको प्रत्याभुति दिलाउन यो समुदाय–प्रहरी साझेदारी  कार्यक्रमले जनताको मन जित्नेमा आफु बिश्वस्त रहेको बताउनु हुँदै यो कार्यक्रमको पूर्ण सफलताको लागि प्रदेश सरकारले पूर्ण सहयोग गर्ने प्रतिबद्धता समेत जनाउनु भयो । कार्यक्रममा सामाजिक बिकास मन्त्री माननीय जिवन घिमिरेले शुभकामना मन्तब्य राख्नु हुँदै कार्यक्रमको पुर्ण सफलताको शुभकामना दिनु भयो । कार्यक्रममा १ नम्बर प्रदेश प्रहरी प्रमुख प्रहरी नायव महानिरीक्षक केदार रिजालले समुदाय–प्रहरी साझेदारी कार्यक्रमको अवधारणा प्रस्तुत गर्नु भएको थियो । वहाले सामुदायिक प्रहरी सेवा केन्द्रको माध्यमबाट सुरक्षा सचेतना अभिबृद्धी गर्ने तथा अपराध रोकथाम गर्ने लक्ष्यका साथ यो समुदाय प्रहरी साझेदारी कार्यक्रमको अवधारणा तयार गरी कार्यान्वयन गर्न लागिएको बताउनु भयो । कार्यक्रममा नगपालिकाको तर्फबाट उर्लावारी नगरपालिका प्रमुख खड्ग बहादुर फागो तथा  गाउँपालिकाको तर्फबाट मिक्लाजुङ गाउँपालिका अध्यक्ष देवी प्रसाद आचार्यले ऐक्यबद्धता मन्तब्य राख्नु भएको थियो । वहाँहरुले ऐक्यबद्धता मन्तब्य राख्नु हुँदै स्थानीय स्तरमा शान्ति सुरक्षाको प्रत्याभुति दिलाउन आफूहरुले जस्तो सुकै सहयोग गर्ने प्रतिबद्धता समेत ब्यक्त गर्नु भयो । कार्यक्रममा वहाँहरु लगायत मोरङ जिल्लाका रंगेली नगरपालिका, सुनवर्शी नगरपालिका, रतुवामाई नगरपालिका, लेटाङ नगरपालिका तथा बुढिगंगा गाउँपालिका र धनपालथान गाउँपालिकाका प्रमुखहरु र जिल्ला प्रहरी कार्यालय मोरङका प्रमुख प्रहरी उपरीक्षक मनोज कुमार केसीले समझदारी पत्रमा हस्ताक्षर गर्नु भएको थियो । कार्यक्रममा संघिय प्रहरी ईकाई कार्यालय धरानका प्रमुख प्रहरी बरिष्ठ उपरीक्षक शरद कुमार खत्रीले उपस्थित सम्पुर्णमा धन्यवाद ज्ञापन गर्नु भएको थियो । उक्त कार्यक्रममा आन्तरीक मामिला तथा कानून सचिव गोपाल पराजुली, मोरङ जिल्लाका प्रमुख जिल्ला अधिकारी रमेश केसी, राष्ट्रिय अनुसन्धान बिभाग १ नं. प्रदेशका प्रमुख अनुसन्धान निर्देशक सुनिल ढकाल, मोरङ जिल्ला समन्वय समितिका उप-प्रमुख, बिभिन्न नगरपालिका तथा गाउँपालिकाका प्रमुख तथा अध्यक्ष, बिभिन्न सरकारी कार्यालयका प्रमुख तथा प्रतिनिधिहरु, बिभिन्न नगरपालिका तथा गाउपालिका उप-प्रमुख तथा उपाध्यक्षहरु, वडाअध्यक्ष/सदस्य, सामुदायिक सेवा केन्द्रका पदाधीकारीहरु, क्याम्पस प्रमुखहरु, बिभिन्न बिद्यालयका प्रधानाध्यापकहरु, शिक्षक/ शिक्षिकाहरु, पुर्व प्रहरी कर्मचारीहरु, समाजसेवीहरु, महिला संजाल/आमा समुहहरु, , स्थानीय सरकारी तथा गैह्र सरकारी संघ संस्थाका प्रमुख तथा प्रतिनिधिहरु, उद्योग वाणिज्य संघ , ब्यापार संघका पदाधिकारीहरु, स्थानीय भद्र भलाद्मी तथा समाजसेवीहरु , कलाकार, स्थानीय युवा क्लवका पदाधिकारीहरु, बाल क्लवका पदाधिकारीहरु, बिद्यार्थी भाई बहिनीहरु, संचारकर्मी साथै अन्य सरोकारवाला संघ संस्थाका पदाधिकारी समेत गरी १ हजार ५ सय ५२ जनाको उपस्थिती रहेको थियो ।
माटोको ढिस्कोले पुरिएर १ जनाको मृत्यु
मोरङ, कार्तिक ११ गते ।

मोरङको विराटनगर महानगरपालिका-१ स्थित सिंघिया खोलामा माटोको ढिस्कोले पुरिएर १ महिलाको मृत्यु भएको छ । दिउँसो करिब २ बजे घर नजिकै रहेको खोलामा माटो खन्ने क्रममा ढिस्को खसेर सोही स्थान बस्ने बर्ष ३५ की कञ्चन पासवानको मृत्यु भएको जिल्ला प्रहरी कार्यालय मोरङले जनाएको छ । ढिस्कोले पुरिएर घाइते भएकी पासवानलाई उपचारको लागि कोशी अंचल अस्पताल बिराटनगर पठाइएकोमा उनको सोही अस्पतालमा मृत्यु भएको उक्त कार्यालयले जनाएको छ । घटनास्थलमा जिप्रका मोरङबाट प्रहरीको टोली  खटि गई कानूनी प्रकृया पूरा गरी शव पोष्टमार्टमको लागि सोही अस्पताल राखिएको छ ।
मारुतीको ठक्करबाट १ घाइते
मोरङ, कार्तिक ११ गते ।

मोरङको ग्रामथान गाउँपालिका-५  स्थित मसाल चौकमा आइतबार दिउँसो मारुतीको ठक्करबाट मोटरसाईकलमा सवार १ जना घाइते भएका छन् । बिराटनगर-विराटचौक सडक खण्डमा उत्तरबाट दक्षिण तर्फ जाँदै गरेको को. १ च. ४५०६ नम्बरको मारुती भेनले बाटो काट्दै गरेको अवस्थामा को. ५ प. ६६९१ नम्बरको मोटरसाइकललाई ठक्कर  दिएको थियो । ठक्करबाट मोटरसाइकल चालक सोही गाउँपालिका-७ बस्ने वर्ष २४ को मनोज चौधरी घाइते भइ उपचारको लागि गोल्डेन अस्पताल बिराटनगर पठाईएको छ । मारुती र चालकलाई प्रहरीको नियन्त्रणमा राखिएको जिल्ला प्रहरी कार्यालय मोरङले जनाएको छ ।
तार सर्ट भई आगलागी
भोजपुर, कार्तिक १० गते ।

भोजपुरको हतुवागढी ६ स्थित होमताङमा सोलारको तार सर्ट भई आगलागी भएको छ । कार्तिक ९ गते दिउँसो ४ बजेको समयमा सोही स्थान बस्ने थाम बहादुर राईको घरमा सोलारको तार सर्ट भई आगलागी हुदा फुसको छानो भएको २ तले दुई  वटा घर जलेर पुर्ण रुपमा नष्ट हुनुका साथै घर भित्र रहेको नगद रु १२ हजार, सुन २ तोला, अन्नपात, लत्ताकपडा, भाडा बर्तन समेत जल्दा अंदाजी ८ लाख ४ हजार रुपैयाँ बराबरको क्षती भएको छ । घटनाबारे जानकारी पाउनासाथ ईलाका प्रहरी कार्यालय घोडेटारबाट खटिएको प्रहरी टोली र स्थानीयको सहयोगमा साझँ ६ बजे पुर्ण रुपमा नियन्त्रणमा आएको उक्त कार्यालयले जनाएको छ ।
सवारी दुर्घटनामा १ घाइते
झापा, कार्तिक १० गते ।
 
झापाको दमक नगरपालिका-१ बरगाछी स्थित भित्री सडक खण्डमा शनिबार ट्रिपरको ठक्करबाट १ जना घाईते भएका छन् । दिउँसो १२:३० बजेको समयमा सोही स्थान बस्ने बर्ष ५० को अमृत गजमेरले बाटो काट्ने क्रममा पूर्वबाट पश्चिम तर्फ आउदै गरेको मे १ ख २७१२ नम्बरको ट्रिपरले ठक्कर दिएको थियो । घटना भएको जानकारी पाउनासाथ ईलाका प्रहरी कार्यालय दमकबाट खटिएको प्रहरीको टोलीले घाइते लाई उद्दार गरी उपचारको लागि लाईफ लाईन अस्पताल दमक पठाएको थियो भने  ट्रिफर र चालक झापा नगरपालिका-१ बस्ने बर्ष २९ को भिम श्रेष्ठलाई ईलाका प्रहरी कार्यालय गौरादहले नियन्त्रणमा लिएको उक्त कार्यालयले जनाएको छ ।
मोटरसाईकल दुर्घटनामा परी १ जनाको मृत्यू
झापा, कार्तिक १० गते ।

झापाको मेचीनगर नगरपालिका-१५ ईटाभट्टामा मोटरसाइकल दुर्घटनामा परी १ जनाको मृत्यू भएको छ । मिति २०७५।०७।०९ गते १६:०० बजेको समयमा ईटाभट्टाबाट वंशल तर्फ जादै गरेको बा ९० प ३८८ नमबरको  मोटरसाईकल आफै अनियन्त्रीत भई पल्टदा मोटरसाईकलमा पछाडि सवार रहेका मेचीनगर नगरपालिका-१५ बस्ने वर्ष २७ को सुमन राई गम्भिर घाइते भई उपचारको लागि बिएण्डसी अस्पताल विर्तामोड लगिएकोमा उपचारको क्रममा साझ १७:३० बजे मृत्यु भएको इलाका प्रहरी कार्यालय काकडभिट्टाले जनाएको छ । मोटरसाईकल चालक जिल्ला काठमाण्डौं सल्लाघारी बस्ने वर्ष २७ को रबिन्द्र श्रेष्ठ र मोटरसाईकल अस्थायी प्रहरी पोष्ट इट्टाभट्टाको नियन्त्रणमा रहेका छन् ।
खैरो हेरोइन सहित १ युवक पक्राउ
झापा, कार्तिक ०९ गते ।

लागूऔषध खैरो हेरोइन सहित झापाको मेचीनगर नगरपालिका-६ स्थित ग्रेस होटल अगाडीबाट प्रहरीले १ जनालाई पक्राउ गरेको छ । लागूऔषध नियन्त्रण ब्यूरो काँकडभिट्टाबाट खटिएको प्रहरीको टोलिले बिहान करिब साढे ११ बजे अन्दाजी ४ हजार मूल्य बराबरको २ ग्राम खैरो हेरोइन सहित मेचीनगर नगरपालिका-६ बस्ने बर्ष २४ को भानुभक्त बस्नेतलाई पक्राउ गरेको हो । लागूऔषध सहित पक्राउ परेका बस्नेतलाई इलाका प्रहरी कार्यालय काँकडभिट्टामा राखी थप अनुसन्धान भइरहेको उक्त कार्यालयले जनाएको छ ।
मोटरसाईकल दुर्घटनामा चालकको मृत्यु
मोरङ, कार।तिक ०९ गते ।

मोरङको उर्लाबारी नगरपालिका-९ स्थित उर्लाबारी-ईटहरा सडक खण्डमा शुक्रबार बिहान १० बजे मोटरसाईकल दुर्घटनामा परि चालकको मृत्यु भएको छ । उत्तरबाट दक्षिण तर्फ जाँदै गरेको को ३५ प ९७७३ नम्बरको मोटरसाईकल आँफै अनियन्त्रित भई दुर्घटना हुँदा मोटरसाईकल चालक उर्लाबारी नगरपालिका-८ स्थित सुठुनी डाँडा बस्ने बर्ष २७ को शैलेश गौतमको मृत्यु भएको हो । दुर्घटनामा परी गम्भिर घाईते गौतमलाई उपचारको लागि अरनिको हस्पिटल उर्लाबारी पठाएकोमा उपचारको क्रममा सोही हस्पिटलमा मृत्यु भएको इलाका प्रहरी कार्यालय उर्लाबारीले जनाएको छ । गौतमको शव पोष्टमार्टमको लागि उर्लाबारी स्थित मंगलबारे हस्पिटल पठाइएको छ ।
धारिलो हतियार प्रहारबाट १ गम्भिर
सुनसरी, कार्तिक ०९ गते ।

सुनसरीको धरान उप-महानगरपालिका- १५ स्थित बगरकोटमा बिहीबार धारिलो हतियार प्रहारबाट १ जना घाइते भएका छन् । अज्ञात समूहको हतियार प्रहारबाट धरान-११ भवानी मार्ग बस्ने बर्ष २६ को बिवेक गुरूङ घाइते भएका हुन् । साँझ साढे ६ बजेको समयमा गुरुङलाई मोटरसाईकलको नम्बर प्लेट छोपेर कालो माक्स लगाएर आएका अज्ञात समूहले हतियार प्रहार गरी फरार भएका थिए । हतियार प्रहारबाट गम्भिर घाइते गुरुङलाई उपचारको लागि बि.पी. काईराला स्वास्थ्य बिज्ञान प्रतिष्ठान धरान पठाइएकोमा थप उपचारको लागि विराटनगर स्थित नोबेल अस्पताल पठाइएको छ । घटनाको जानकारी पाउनासाथ तत्काल इलाका प्रहरी कार्यालय धरानबाट खटिएको टोलीले  घटनामा संलग्न व्यक्तिहरुको खोजतलास तथा अनुसन्धान भइरहेको उक्त कार्यालयले जनाएको छ ।
आगलागीबाट २ लाखको क्षति
सुनसरी, कार्तिक ०९ गते ।

सुनसरीको हरिनगरा गाउँपालिका-१ बस्ने अहमद अन्सारीको गाई गोठमा अचानक आगलागी हुँदा अन्दाजी २ लाख मूल्य बराबरको क्षति भएको छ । आगलागीबाट अन्सारीको काठले बनेको फुसको छाना भएको १ तले गाई गोठ, काठपात जलेर नष्ट भएको जिल्ला प्रहरी कार्यालय सुनसरीले जनाएको छ । उक्त आगलागी दमकल, प्रहरी र स्थानीयवासीको सहयोगमा नियन्त्रणमा लिइएको हो । आगलागीको कारण भने खुल्न सकेको छैन ।
मोटरसाईकलको ठक्करबाट बालक घाइते
सुनसरी, कार्तिक ०९ गते ।

सुनसरीको हरिनगरा गाउँपालिका-२ मा बिहीबार मोटरसाइकलको ठक्करबाट १ बालक घाइते भएका छन् । साँझ सवा ६ बजे दक्षिणबाट उत्तर तर्फ जाँदै गरेको को ६ प ५१५० नम्बरको मोटरसाइकलको ठक्करबाट सोही स्थान बस्ने नईम अन्सारीको छोरा बर्ष १२ को मेराज अन्सारीलाई ठक्कर दिएको थियो । ठक्करबाट घाइते बालकलाई मोटरसाईकल चालक सोही स्थान बस्ने बर्ष २८ को सन्तोष मेहताले जिल्ला अस्पताल इनरुवा उपचारको लागि लिएर गएको जिल्ला प्रहरी कार्यालय सुनसरीले जनाएको छ ।
महिनाको सर्वोत्कृष्ट प्रहरी प्रनाउ कृष्ण प्रसाद कोइराला
विराटनगर, कार्तिक ०८ गते ।

२०७५ साल आश्विन महिनाको सर्वोत्कृष्ट प्रहरी (BEST POLICE OF THE MONTH)  इलाका प्रहरी कार्यालय अनारमनी झापाका प्रहरी नायव उपरीक्षक कृष्ण प्रसाद कोइराला पुरस्कृत भएका छन् । प्रहरी कर्मचारीहरुको मनोवल उच्च बनाउने र सम्पादित कार्यको उचित मूल्याङकन गर्दै १ नम्बर प्रदेश प्रहरी कार्यालय विराटनगरले  प्रदेश भरीबाट प्रत्येक महिना प्रहरी कर्मचारीलाई सर्वोत्कृष्ट प्रहरी छनौट गर्दै आइरहेको छ । विभागिय मुल्य, मान्यता, आदेश निर्देशनको पालना गरी व्यवसायिक, लगनशील र कर्तव्यनिष्ठ तवरले कर्तव्यपथमा तल्लीन रही अपराध अनुसन्धान तथा नियन्त्रण गर्ने कार्यहरु सम्पादन गर्ने क्रममा आश्विन महिनामा जवरजस्ती करणी, जवरजस्ती करणी उद्योग, ज्यान मार्ने उद्योग, लागू औषध, चोरी जस्ता आपराधिक घटनाहरुमा फरार रहेका अभियुक्तहरु एवम् आपराधिक कार्यमा संलग्न व्यक्तिहरुको पहिचान गरी कानूनी दायरामा ल्याउने कार्यमा सफल हुनु भई सर्व-साधारणहरुलाई सुरक्षाको अनुभूति हुने गरी जनता समक्ष प्रहरीको छवि उच्च बनाउने कार्य गरेकोले  ईलाका प्रहरी कार्यालय अनारमनी, झापामा कार्यरत प्र.ना.उ. कृष्ण प्रसाद कोइरालालाई आश्विन “महिनाको सर्वोत्कृष्ट प्रहरी” (BEST POLICE OF THE MONTH) घोषणा गरिएको हो ।  सर्वोत्कृष्ट हुने प्रहरी कर्मचारीलाई पुरस्कृत गरी उत्कृष्ट कार्यको बिवरण सहितको फ्लेक्स प्रिण्ट गरेर १ नम्बर प्रदेश प्रहरी कार्यालय बिराटनगरमा निर्माण गरिएको स्तम्भ तथा १ नम्बर प्रदेश अन्तर्गत रहेका इलाका प्रहरी कार्यालय ‘क’  स्तरसम्मका प्रहरी कार्यालयहरुमा राखिदै आएको छ ।
ठूलो परिमाणमा पटका सहित ३ भारतीय पक्राउ
सुनसरी, कार्तिक ०८ गते ।

सुनसरीको धरानबाट प्रहरीले बिहीबार ठूलो परिमाणमा पटका सहित ३ जना भारतीय नागरिकलाई पक्राउ गरेको छ । धरान उप-महानगरपालिका-१० स्थित धर्मपथमा मौसम सुनुवारको घरमा कोठा भाडामा लिएर बस्दै आइरहेका भारतको पूर्णिया बस्ने बर्ष २५ को पाण्डव दास, अररिया फुलकाहा बस्ने बर्ष ३५ को अरबिन देव र महपुर बस्ने बर्ष ३५ को दिलिप दासलाई पक्राउ गरिएको हो । बिहान करिब साढे ११ बजे बिशेष सुराकीको आधारमा इलाका प्रहरी कार्यालय धरानबाट खटिएको प्रहरीको टोलीले उनीहरुको कोठामा खानतलासी गर्ने क्रममा भण्डारण गरी लुकाई छिपाई राखेको अवस्थामा बिभिन्न किसिमका २१ बोरा बिष्फोटक पदार्थ फेला पारी बरामद गरेको हो । पक्राउ परेका तीनै जनालाई इलाका प्रहरी कार्यालय धरानमा राखी थप अनुसन्धान भइरहेको उक्त कार्यालयले जनाएको छ ।
उपचारको क्रममा कैदीको मृत्यु
सुनसरी, कार्तिक ०८ गते ।

क्षेत्रीय कारागार झुम्कामा कैद सजाय भुक्तान गरिरहेका १ कैदीको बिहीबार बिहान मृत्यु भएको छ । कर्तव्य ज्यान मुद्धामा कैद भुक्तान गरिरहेका उदयपुर हडिया-८ घर भएका बर्ष ३६ का राधेश्याम चौधरीको मृत्यु भएको जिल्ला प्रहरी कार्यालय सुनसरीले जनाएको छ । मुटु सम्बन्धी रोग लागेका चौधरीलाई उपचारको लागि धरान स्थित वि.पी. कोइराला स्वास्थ्य बिज्ञान प्रतिष्ठान पठाइएकोमा उपचारको क्रममा सोही अस्पतालमा आज विहान सवा ५ बजे मृत्यु भएको हो ।
हत्यामा संलग्न ६ जना पक्राउ
मोरङ, कार्तिक ०८ गते ।

बिराटनगर महानगरपालिका-९ हनुमान मन्दिर अगाडी बिजया दशमीको दिन १ युवकको हत्यामा संलग्न भएको आरोपमा प्रहरीले बिहीबार ६ जनालाई पक्राउ गरी सार्वजनिक गरेको छ । उक्त स्थानमा बिराटनगर महानगरपालिका-१४ बस्ने बर्ष १९ को राहुल भगतलाई भिडभाडको समयमा मौका छोपी तत्काल नाम थर नखुलेका ८/१० जनाको समूहले धारिलो हतियार प्रहार गरी फरार भएका थिए । हतियार प्रहारबाट गम्भिर घाइते भगतलाई उपचारको लागि कोशी अंचल अस्पताल बिराटनगर पठाइएकोमा उनको उपचारको क्रममा सोही अस्पतालमा मृत्यु भएको थियो । घटनामा संलग्नहरुको खोजी तथा अनुसन्धान गर्ने क्रममा फरार रहेका बिराटनगर महानगरपालिका-११ बस्ने बर्ष १८ को कुहिरा भन्ने बिशाल सहनी र १६ देखि १८ बर्ष उमेर समूहका ५ जनालाई  आज पक्राउ गरीएको हो । उनीहरुलाई  कर्तब्य ज्यान मुद्धा अन्तर्गत सम्मानित जिल्ला अदालत मोरङबाट म्याद थप गरी अनुसन्धान शूरु गरिएको जिल्ला प्रहरी कार्यालय मोरङले जनाएको छ ।
आगलागीबाट ४१ लाखको क्षति
झापा, कार्तिक ०८ गते ।

झापाको दमक नगरपालिका- ६ मा बिहीबार आगलागी हुँदा अन्दाजी ४१ लाख बराबरको क्षति भएको छ । दिउँसो १ बजेको समयमा सोही स्थान लोकनाथ सिग्देलको फलाम, टिनको छानो, टिनको बेरा भएको एक तले पार्किङ ग्यारेज र सोही ठाउँ बस्ने आनन्दकाजी श्रेष्ठको टिनको छानो, टिनको बेरा, भएको एक तले कपासको गोदाम आगलागी भएको थियो । आगलागीबाट सोही ठाउँ बस्ने राजेश तम्राकारको ग्यारेजमा पार्किङ गरी राखेको बा १७ च ३०९५ नम्बरको कार,  ग्यारेज जलेर ३१ लाख मूल्य बराबरको क्षति भएको छ । त्यसैगरी श्रेष्ठको गोदाम घर, कपास लगायत काठपात जलेर नष्ट हुँदा अन्दाजी १० लाख मूल्य बराबरको क्षति भएको छ । उक्त आगलागी इलाका प्रहरी कार्यालय दमकबाट खटि गएको प्रहरीको टोली, दमकल र स्थानीयवासीको सहयोगमा नियन्त्रणमा लिईएको हो उक्त कार्यालयले जनाएको छ  । आगलागीको कारण भने खुल्न सकेको छैन ।
करेण्ट लागेर १ घाइते
संखुवासभा, कार्तिक ०८ गते ।

संखुवासभाको चैनपुर नगरपालिका-७ स्थित मगर गाउँमा करेण्ट लागेर बुधबार  १ जना घाइते भएका छन् । करेण्ट लागेर सोही स्थान बस्ने ६२ बर्षीय कृष्ण बहादुर मगर घाइते भएको जिल्ला प्रहरी कार्यालय संखुवासभाले जनाएको छ । साँझ ६ बजेको समयमा मगरलाई भान्सा कोठामा बिजुली बत्तीको बल्व फेर्ने क्रममा अचानक करेण्ट लागेको थियो । करेण्ट लागेर घाइते भएका मगरलाई उपचारको लागि चैनपुर अस्पताल पठाइएको जिप्रका संखुवासभाले जनाएको छ ।
आगलागीबाट २५ हजारको क्षति
सुनसरी, कार्तिक ०८ गते ।

सुनसरीको कोशी गाउँपालिका-८ बस्ने बालेश्वर यादवको घरमा आगलागी हुँदा अन्दाजी २५ हजार बराबरको क्षति भएको छ । राती पौने १० बजे यादवको फुसको छानो भएको भान्सा घरमा चुल्लोबाट अचानक आगलागी भएको थियो । आगलागीबाट भान्सा घरमा भएको भाडा-वर्तन र अन्नपात जलेर नष्ट भएको जिल्ला प्रहरी कार्यालय सुनसरीले जनाएको छ । उक्त आगलागी प्रहरी र स्थानीयवासीको सहयोगमा नियन्त्रणमा लिईएको उक्त कार्यालयले जनाएको छ ।
मोटरसाईकलको ठक्करबाट पैदल यात्री घाइते
मोरङ, कार्तिक ०८ गते ।

मोरङको बिराटनगर महानगरपालिका-५ स्थित कोचाखालमा बुधबार मोटरसाईकलको ठक्करबाट १ जना पैदल यात्री घाइते भएकी छन् । भित्री सडक खण्डमा राती पौने ९ बजे पश्चिमबाट पूर्व तर्फ जाँदै गरेको बि. आर. ३८ के ४५२७ नम्बरको भारतीय नम्बरको मोटरसाईकलले सोही स्थान बस्ने बर्ष २५ की रिणा मण्डललाई ठक्कर दिएको थयो । ठक्करबाट घाइते मण्डललाई मोटरसाईकल चालक सुनसरी देवानगंज-१ बस्ने बर्ष २२ को जयकृष्ण मेहताले उपचारको लागि बिराटनगर लाईफ गार्ड अस्पताल लिएर गएको जिल्ला प्रहरी कार्यालय मोरङले जनाएको छ ।
अबैध समान बरामद
मोरङ, कार्तिक ०७ गते ।

प्रहरीले मोरङको बिराटनगर महानगरपलिका-१५ बाट भारतबाट भन्सार छली गरी ल्याएको ८६ हजार ८ सय ५० रुपयाँ बराबरको अबैध समान बरामद गरेको छ । ईलाका प्रहरी कार्यालय रानीबाट खटिएको प्रहरी टोलीले भारतको जोगवनीबाट भन्सार छली अबैध रुपमा नेपाल तर्फ ल्याउदै गरेको २५ केजी काजु, ६ थान साईकल र किराना समानहरु बरामद गरेको हो । बरामद गरिएको समान आवश्यक कारवाहीको लागि आजै भन्सार कार्यालय बिराटनगरमा बुझाईएको उक्त कार्यालयले जनाएको छ ।
छुट्टाछुटै सवारी दुर्घटनामा २ जनाको मृत्यू
मोरङ, कार्तिक ०७ गते ।

मोरङ र सुनसरीका २ छुट्टाछुटै स्थानमा भएको सवारी दुर्घटनामा परी २ जनाको मृत्यू भएको छ ।
मोरङः- मोरङको ग्रामथान गाँउपालिका-४ मोतीपुरमा को २ त १५२८ नम्बरको ट्रयाक्टरको ठक्करबाट पैदल यात्री सोही स्थान बस्ने बर्ष ५५ की धिरादेवी बिश्वासको मृत्यू भएको छ । आज बिहान ११:०० बजेको समयमा मोतीपुर स्थित भित्री बाटोमा उक्त नम्बरको ट्याक्टरले ठक्कर दिंदा बिश्वास गम्भीर घाईते भएकी थिईन् । घाईतेलाई प्रहरी चौकी मोतीपुरबाट खटिएको प्रहरी टोलीले तत्काल उद्धार गरी उपचारको लागि नोबेल अस्पताल बिराटनगर पठाएको थियो । घाइतेको उपचारकै क्रममा आज दिउसो १२:०० बजे मृत्यू भएको हो ।  दुर्घटनामा संग्लग्न ट्रयाक्टर प्रहरी चौकी मोतीपुरको नियन्त्रणमा रहेको छ भने ट्रयाक्टर चालक तत्काल फरार रहेको हुँदा खोज तलास भईरहेको जिल्ला प्रहरी कार्यालय मोरङले जनाएको छ ।
सुनसरी- सुनसरीको धरान उपमहानगरपालिका-८ मा भएको सवारी दुर्घटनामा परी १ जनाको मृत्यू भएको छ । सुनसरीको ईटहरीबाट धरान तर्फ जाँदै गरेको ना ४ ख ८५६४ नम्बरको यात्रुबाहक बसले सोही दिशाबाट धरान तर्फ जाँदै गरेको अन टेष्ट स्कुटरलाई पछाडीबाट ठक्कर दिंदा स्कुटर चालक ईटहरी-६ का १८ बर्षिय प्रताप चौधरी गम्भिर घाईते भएका थिए । घाईतेलाई ईलाका प्रहरी कार्यालय धरानबाट खटिएको प्रहरी टोलीले तत्काल उद्धार गरी उपचारको लागि धरान स्थित बि.पी. कोईराला स्वास्थ्य बिज्ञान प्रतिष्ठान पठाएकोमा चौधरीको उपचारकै क्रममा मृत्यू भएको थियो । दुर्घटनामा संग्लग्न बस, बस चालक र स्कुटर समेत ईलाका प्रहरी कार्यालय धरानको नियन्त्रणमा रहेको उक्त कार्यालयले जनाएको छ ।
लागूऔषध सहित २ पक्राउ
मोरङ, कार्तिक ०७ गते ।

प्रतिवन्धित लागूऔषध सहित मोरङको बिराटनगर महानगरपालिका-४ स्थित कंचनबारी चौकबाट प्रहरीले २ जनालाई पक्राउ गरेको छ । सि.आर. भी. भट्टाचौकबाट खटिएको प्रहरीको टोलीले राती सवा १० बजे लागूऔषध सहित सुनसरी धरान उप-महानगरपालिका-१६ बस्ने बर्ष ३३ को तिलक लोहार र धरान-१३ बस्ने बर्ष १८ को बिकेश रुम्बालाई पक्राउ गरिएको हो । शंकास्पद अवस्थामा हिडिरहेका उनीहरुलाई चेकजाँच गर्ने क्रममा उनीहरुको साथबाट लागूऔषध डाईजेल्याव, लुपिजेसिक र एभिल ३०० पिस फेला पारी बरामद गरेको हो । पक्राउ परेका दुबै जनालाई लागूऔषध सहित जिल्ला प्रहरी कार्यालय मोरङमा राखी थप अनुसन्धान भइरहेको उक्त कार्यालयले जनाएको छ ।
ट्याक्सी दुर्घटनामा १ को मृत्यु, ११ घाइते
ईलाम, कार्तिक ०७ गते ।

ईलामको देउमाई नगरपालिका-६ स्थित मुदेलमा मंगलबार दिउँसो ट्याक्सी दुर्घटनामा हुँदा १ जनाको मृत्यु भएको छ भने ११ जना घाइते भएका छन् । दिउँसो १ बजे मेची राजमार्ग अन्तर्गत झापाबाट पाँचथर जाँदै गरेको मे १ ज २६५७ नम्बरको ट्याक्सी अचानक सडक देखी २० मिटर तल खसेको थियो ।दुर्घटनामा परि ट्याक्सीमा सवार पाँचथर राँके बस्ने ३५ बर्षीय चन्द्र बहादुर दमाईको घटनास्थलमा नै मृत्यु भएको थियो । त्यसैगरी ट्याक्सीमा सवार चालक सहित ११ जना घाइते भइ उपचारको लागि वि.एण्ड. सी. अस्पताल बिर्तामोड पठाइएको जिल्ला प्रहरी कार्यालय इलामले जनाएको छ ।
मोटरसाइकल र स्कुटर ठोक्किदा ५ घाइते
झापा, कार्तिक ०७ गते ।

पूर्व-पश्चिम राजमार्ग अन्तर्गत झापाको कमल गाउँपालिकामा मंगलबार दिउँसो मोटरसाईकल र स्कुटर एक आपसमा ठक्कर खाइ दुर्घटना हुँदा ५ जना घाइते भएका छन् ।पश्चिमबाट पूर्व तर्फ जाँदै गरेको मे ६ प २६०५ नम्बरको मोटरसाइकल र बिपरित दिशाबाट आउँदै गरेको को ३२ प ५७५७ नम्बरको स्कुटर एक आपसमा ठक्कर खाई दुर्घटना भएको थियो । दुर्घटनामा स्कुटर चालक धरान उप-महानगरपालिका-४ बस्ने बर्ष ३६ को बासु राई, पछाडी सवार निजको श्रीमती बर्ष ३५ की कमला राई, छोरा बर्ष १० को बिकल राई, बर्ष ३ को बिभान राई त्यसैगरी मोटरसाईकल चालक बर्ष ५३ को देउमान आङदाम्बे घाइते भएका छन् । घाइते चारै जनालाई उपचारको लागि दमक स्थित लाईफ लाईन अस्पताल पठाइएको इलाका प्रहरी कार्यालय दमकले जनाएको छ ।
चोरीमा संलग्न भएको आरोपमा १ पक्राउ
झापा, कार्तिक ०६ गते ।

झापाको कन्काई नगरपालिका- ९ स्थित रुद्र बहादुर बोहराको पसलमा चोरी गरेको आरोपमा प्रहरीले १ जनालाई पक्राउ गरेको छ । चोरीको आरोपमा झापा शिबसताक्षी नगरपालिका-६ बस्ने बर्ष १९ को अनिस प्रसाईलाई चोरी गरेको सामान सहित पक्राउ गरिएको इलाका प्रहरी कार्यालय घैलाडुब्बाले जनाएको छ । मामा नाता पर्ने बोहराको घरमा टिका लगाएर राती सुतेका प्रसाई बिहान कोठामा नभेटे पछी शंका लागि खोजतलास गर्ने क्रममा कन्काई नगरपालिका-९ बस्ने भीम उप्रेतीको घरमा सुतिरहेको अवस्थामा चोरी गरेको सामान सहित फेला पारी नियन्त्रणमा लिईएको हो ।  प्रसाईले सोमबार साँझ ७ बजेको समयमा बोहराले संचालन गर्दै आइरहेको पसलको सटर फोडी नगद २९ हजार ७५ रुपैँया, मोबाईल २ थान,  क्यामेरा, सिमकार्ड, रिचार्ज कार्ड, पेनड्राईभ, गुड्खा, चुरोट लगायतका सामान चोरी गरी फरार भएका थिए । पक्राउ परेका प्रसाईलाई प्रहरीको नियन्त्रणमा राखि थप अनुसन्धान भइरहेको इप्रका घैलाडुब्बाले जनाएको छ ।
यौन दुर्व्यबहारको आरोपमा १ पक्राउ
उदयपुर, कार्तिक ०६ गते ।

उदयपुरको रौतामाई नगरपालिका-३ स्थित रसुवा सालघारी बस्ने ९ बर्षीया बालिकालाई यौन दुर्व्यबहार गर्न खोजेको आरोपमा मंगलबार १ जनालाई पक्राउ गरिएको छ । गत शनिवार राती सोही स्थान बस्ने बर्ष २८ को डम्बर राईले यौन दुर्व्यवहार गर्न खोजेको भनि बालिकाको आफन्तले दिएको जाहेरीको आधारमा राईलाई पक्राउ गरिएको हो । पक्राउ परेका राईलाई जिल्ला प्रहरी कार्यालय उदयपुरमा राखी थप अनुसन्धान भईरहेको उक्त कार्यालयले जनाएको छ ।
वायरिङ सर्ट भई बसमा आगलागी, २५ लाखको क्षति
झापा, कार्तिक ०६ गते ।

झापाको कन्काई नगरपालिका-७ स्थित नागरिक यातायातको ग्यारेजमा मर्मत भईरहेको मकालु यातायातको बसमा आगलागी हुँदा अन्दाजी २५ लाख मूल्य बरावरको क्षति भएको छ । मंगलबार बिहान करिब पौने ११ बजेको समयमा उक्त ग्यारेजमा मर्मत भईरहेको ना ५ ख ५२२ नम्बरको बसमा वायरिङ सर्ट भई अचानक आगलागी भएको थियो । आगलागीबाट बस जलेर पूर्ण रुपमा क्षति भएको छ भने उक्त आगलागी प्रहरी, दमकल र स्थानीयवासीको सहयोगमा नियन्त्रणमा लिइएको जिल्ला प्रहरी कार्यालय झापाले जनाएको छ ।
करेण्ट लागेर महिलाको मृत्यु
ईलाम, कार्तिक ०६ गते ।

ईलामको फाकफोकथुम गाउँपालिका-२ स्थित कोल्बोटे बस्ने ५६ बर्षीया प्रेममाया पौडेलको करेण्ट लागेर मृत्यु भएको छ । बिहान ८ बजेको समयमा आफ्नै गाईगोठमा छिमेकीको घरबाट फेक्सिबल तार जोडेर ल्याएको बिजुलीको नाङगो तारमा टेक्दा अचानक करेण्ट लागेको थियो । करेण्ट लागेर उनको घटनास्थलमा नै मृत्यु भएको जिल्ला प्रहरी कार्यालय ईलामले जनाएको छ । घटनाको जानकारी पाउनासाथ तत्काल प्रहरी चौकी एकतप्पाबाट प्रहरीको टोली खटि गई कानूनी प्रकृया पूरा गरी शव पोष्टमार्टमको लागि जिल्ला अस्पताल ईलाम पठाइएको जिप्रका ईलामले जनाएको छ ।
मोटरसाईकलको ठक्करबाट बालिका घाइते
संखुवासभा, कार्तिक ०६ गते ।

संखुवासभाको खाँदबारी नगरपालिका-९ स्थित कत्लेभञ्ज्याङ भन्ने स्थानमा मंगलवार मोटरसाईकलको ठक्करबाट १ बालिका घाइते भएकी छन् । कोशी राजमार्ग अन्तर्गत खाँदवारीबाट चैनपुर तर्फ जाँदै गरेको ना १४ प ८५९६ नम्बरको मोटरसाईकलले सोही स्थान बस्ने भोला खत्रीको छोरी बर्ष-७ की खुशी खत्रीलाई बिहान  साढे ७ बजे ठक्कर दिएको थियो । ठक्करबाट बालिकाको टाउकोमा चोट लागि उपचारको लागि मनकामना अस्पताल तुम्लिङटार पठाइएको जिल्ला प्रहरी कार्यालय संखुवासभाले जनाएको छ । ठक्कर दिने चालक र मोटरसाईकल प्रहरीको नियन्त्रणमा राखिएको छ ।
लागूऔषध सहित १ पक्राउ
मोरङ, कार्तिक ०६ गते ।

लागूऔषध सहित प्रहरीले सोमबार १ जना युवकलाई पक्राउ गरेको छ । साँझ ५ बजे मोरङ उर्लाबारी नगगरपालिका-६ स्थित मावा खोला पुलबाट भारत घर भई हाल उर्लाबारी-६ बस्ने वर्ष २५ को बिजय पोहरालाई पक्राउ गरिएको हो । शंकास्पद अवस्थामा बसिरहेका पोहरालाई चेकजाँच गर्ने क्रममा लागूऔषध डाईजेपाम-९ एम्पुल, फेनारगन-९ एम्पुल  र लुपिजेसिक-८ एम्पुल र नगद रु १७ हजार ३ सय ९५ रुपैँया फेला पारी बरामद गरेको हो । पक्राउ परेका उनलाई इलाका प्रहरी कार्यालय उर्लाबारीमा राखि थप अनुसन्धान भइरहेको उक्त कार्यालयले जनाएको छ ।
फर्निचरमा आगलागी १० लाखको क्षति
झापा, कार्तिक ०६ गते ।

झापाको मेचीनगर नगरपालिका-९ मुक्ति टोल स्थित पाथिभरा फर्निचर उद्योगमा मंगलबार राती आगलागी भएको छ । राती करिब साढे १ बजे  बिजुलीको तार सर्ट भइ आगलागी हुँदा १ थान जेनेरेटर, फर्निचरको औजार, पेन्टिङ गर्ने कलर, प्लाईउड, तयारी अवस्थाको दराज, पलङ, सिलिङ काठ, फर्निचर भएको घर जलेर नष्ट हुँदा अन्दाजी  १० लाख मूल्य बराबरको क्षति भएको छ । घटनाको जानकारी पाउनासाथ तत्काल इलाका प्रहरी कार्यालय धुलाबारीबाट खटिएको प्रहरीको टोली, दमकल र स्थानीयवासीको सहयोगमा उक्त आगो राती साढे २ बजे नियन्त्रणमा लिईएको उक्त कार्यालयले जनाएको छ ।
मोटरसाइकलको ठक्कर पैदलयात्री घाइते
मोरङ, कार्तिक ०६ गते ।

मोरङको बेलबारी नगरपालिका-२ स्थित लालभित्तीमा आइतबार मोटरसाइकलको ठक्करबाट पैदलयात्री घाइते भएका छन् । साँझ सवा ७ बजे पूर्वबाट पश्चिम तर्फ जाँदै गरेको को. २५ प १७९२ नम्बरको मोटरसाइकलले सोही स्थान बस्ने पैदल यात्री बर्ष २७ को बद्री अधिकारीलाई बाटो काट्ने क्रममा ठक्कर दिएको थियो । ठक्करबाट घाईते अधिकारीलाई उपचारको लागि नोबेल अस्पताल  बिराटनगर पठाईएको छ भने चालक र मोटरसाईकललाई इलाका प्रहरी कार्यालय बेलवारीको नियन्त्रणमा राखिएको उक्त कार्यालयले जनाएको छ ।
लेक लागेर स्पेनीस नागरिकको मृत्यु
सोलुखुम्बु, कार्तिक ०५ गते ।

सोलुखुम्बुको खुम्बु-पासाङल्हामु गाउँपालिका-४ स्थित जोङ्ला भन्ने स्थानमा लेक लागेर सोमबार १ जना स्पेनिस नागरिकको मृत्यु भएको छ । दिउँसो साढे १२ बजे भ्रमणको लागि जोङलाबाट चोलापास जाने क्रममा अचानक लेक लागेर FRANCISCO ANTONIO नाम गरेका स्पेनिस नागरिक (पुरुष) को मृत्यु भएको जिल्ला प्रहरी कार्यालय सोलुखुम्बुले जनाएको छ । लेक लागेर अचानक बिरामी भएका ANTONIO लाई तत्काल उद्धार गरी उपचारको लागि अल्टिच्युट एयरको हेलीकप्टरद्वारा दिउँसो १ बजे  पासाङल्हामु निकोल निक्की अस्पताल लुक्ला पठाइएकोमा उपचारको क्रममा सोही अस्पतालमा मृत्यु भएको थियो । ANTONIO को शव कानूनी प्रकृया पूरा गरी पोष्टमार्टमको लागि अपरान्ह सवा ४ बजे काठमाण्डौ स्थित शिक्षण अस्पताल महाराजगंज पठाइएको जिप्रका सोलुले जनाएको छ ।
अवैध सामान सहित १ पक्राउ
मोरङ, कार्तिक ०५ गते ।

प्रहरीले बिभिन्न समयमा बरामद गरेको अन्दाजी २ लाख ६२ हजार ९ सय ५ रुपैँया बराबरको अवैध सामान भन्सार बुझाएको छ । इलाका प्रहरी कार्यालय रानी, बुधनगर, सीमा प्रहरी चौकी रानी, अस्थाई प्रहरी पोष्ट मटेरुवाबाट खटिएको संयुक्त टोलीले बिभिन्न समयमा भारतबाट भन्सार छली गरी अवैध रुपमा नेपाल तर्फ ल्याउँदै गरेको अन्दाजी १ लाख ३६ हजार ९ सय ५ रुपैँया मूल्य बराबरको सिटी सफारीको पार्टपूर्जा, कुर्था, टप्स, तिल लगायत किराना सामान बरामद गरेको थियो । त्यसैगरी बिहान साढे १० बजेको समयमा ईलाका प्रहरी कार्यालय बुधनगरबाट खटिएको प्रहरीको टोलीले ६० लिटर डिजल सहित १ जनालाई पक्राउ गरेको छ । को. १४ प ७७१० नम्बरको मोटरसाईकलमा लोड गरी नेपालबाट भारत तर्फ लैजाँदै गरेको अन्दाजी १ लाख २६ हजार मूल्य बराबरको डिजल सहित मोरङ जहदा गाउँपालिका-१ बस्ने बर्ष २८  सुनिल सरबरियालाई पक्राउ गरिएको हो । बरामद सामान, डिजल, र मानिसलाई आवश्यक कारवाहीको लागी भन्सार कार्यालय रानीमा बुझाइएको इलाका प्रहरी कार्यालय रानीले जनाएको छ ।
४२ बोरा सुर्ती बरामद
झापा, कार्तिक ०५ गते ।

झापाको बाह्रदशी गाउँपालिका-१ स्थित खयरबारीबाट सोमबार प्रहरीले ४२ बोरा अवैध सुर्ती बरामद गरेको छ । इलाका प्रहरी कार्यालय राजगढ र शसस्त्र प्रहरी बलको संयुक्त टोलीले बिहान ४ बजेको समयमा भारतबाट अवैध रुपमा नेपाल तर्फ ल्याउँदै गरेको अन्दाजी १ लाख १० हजार ८ सय ८० रुपैँया मूल्य बराबरको ९ सय २४ किलोग्राम अवैध सुर्ती फेला पारी बरामद गरेको थियो । बरामद सुर्ती आवश्यक कानूनी प्रकृया पूरा गरी कारवाहीको लागि भन्सार कार्यालय भद्रपुर झापा बुझाइएको जिल्ला प्रहरी कार्यालय झापाले जनाएको छ ।
छुट्टा-छुट्टै सवारी दुर्घटनामा ६ घाइते
सुनसरी, झापा, कार्तिक ०५ गते ।

१ नम्बर प्रदेश अन्तर्गत सुनसरी र झापामा सोमबार भएको सवारी दुर्घटनामा ६ जना घाइते भएका छन् ।
सुनसरीको इटहरी उप-महानगरपालिका-९ स्थित कोशी राजमार्गमा सोमवार बिहान ट्याक्टरले म्याजिक भेनलाई ठक्कर दिँदा ३ जना घाइते भएका छन् ।  बिहान ८ बजे इटहरीबाट बिराटनगर तर्फ जाँदै गरेको को १ ज ३११५ नम्बरको म्याजिक भेनलाई बिपरीत दिशाबाट आउँदै गरेको को १ त ८४१९ नम्बरको ट्याक्टरले ठक्कर दिएको     थियो । ठक्करबाट म्याजिकमा सवार काठमाण्डौ महानगरपालिका-८ बस्ने बर्ष ३७ कि मुना सुबेदी, झुम्का १ बस्ने घनश्याम निरौलाको छोरा बर्ष ९ को सौगात निरौला र ईटहरी उपमहानगरपालिका-८ बस्ने बर्ष २४ को कमल बि.क घाइते भएका छन् ।  घटना स्थलमा प्रहरीको टोली खटि गई उपचारको लागि घाइतेहरु मध्ये सुवेदीलाई विराटनगर स्थित लाईफ गार्ड हस्पिटल, निरौलालाई बिराट मेडिकल कलेज विराटनगर र बि.क.को ईटहरी स्थित स्थानीय मेडिकलमा पठाइएको इलाका प्रहरी कार्यालय इटहरीले जनाएको छ । ठक्कर दिने ट्याक्टर, म्याजिक र चालकलाई प्रहरीको नियन्त्रणमा राखिएको उक्त कार्यालयले जनाएको छ । त्यसैगरी झापाको कमल गाउँपालिका-५ स्थित दही चौकमा दिउँसो टेम्पो अनियन्त्रित भइ दुर्घटना हुँदा ३ जना घाइते भएका छन् । दिउँसो सवा १ बजे दक्षिणबाट उतर तर्फ जादै गरेको मे.१ ह ५५१६ नम्बरको अटो टेम्पु आफै अनियन्त्रित भई दुर्घटना हुँदा टेम्पोमा सवार झापा गौरादह नगरपालिका-७ बस्ने बर्ष ५८ की शान्ता थपलिया, गौरादह-८ बस्ने बर्ष १८ को सुमन ऋषीदेव  र मोरङ केराबारी गाउँपालिका-६ बस्ने बर्ष ३५ कि शर्मिला राई घाइते भएका छन् । घाइते तीनै जनालाई उपचारको लागि दमक स्थित लाईफ लाईन अस्पताल पठाइएको छ भने टेम्पो र चालकलाई इलाका प्रहरी कार्यालय दमकको नियन्त्रणमा राखिएको छ ।
करणीको आरोपमा १ पक्राउ
पाँचथर, कार्तिक ०५ गते ।

पाँचथरको हिलिहाङ गाउँपालिका-७ स्थित निगालेबाट आइतवार राती जबरजस्ती करणी गरेको आरोपमा १ जनालाई पक्राउ गरिएको छ । करणीको आरोपमा राती ९ बजे सोही स्थान बस्ने वर्ष २८ को रमेश तामाङलाई पक्राउ गरिएको हो । तामाङले सोही स्थान बस्ने १५ बर्षीया किशोरीलाई ललाई फकाई जंगलमा लगेर करणी गरेको भनी पिडितका आफन्तले प्रहरीमा खबर गरेका थिए । घटनाको जानकारी पाउनासाथ तत्काल प्रहरी चौकी जोरपोखरीबाट प्रहरीको टोली खटि गई तामाङलाई नियन्त्रणमा लिइ थप अनुसन्धानको लागि जिल्ला प्रहरी कार्यालय पाँचथरमा राखिएको छ ।
करेण्ट लागेर १ को मृत्यु
झापा, कार्तिक ०५ गते ।

झापाको विर्तामोड नगरपालिका-१० स्थित अदुवा खोलामा आइतबार करेण्ट लागेर १ जनाको मृत्यु भएको छ । करेण्ट लागेर सोही स्थान बस्ने बर्ष ४५ को खड्गबीर राईको मृत्यु भएको इलाका प्रहरी कार्यालय अनारमनीले जनाएको छ । दिउँसो १२ बजे घरबाट निस्केका राईलाई साँझ सम्म पनि घर फर्केर नआए पश्चात खोजी गर्ने क्रममा अदुवा खोलामा करेण्ट लगाई माछा मार्ने क्रममा करेण्ट लागेर मृत अवस्थामा फेला पारी प्रहरीमा खबर गरेका थिए । घटनाको जानकारी पाउना साथ अनारमनीबाट प्रहरीको टोली खटिई गई कानूनी प्रकृया पूरा गरी शव पोष्टमार्टमको लागि बिर्तामोड पठाइएको उक्त कार्यालयले जनाएको छ ।
बस र कार जुध्दा ४ घाइते
मोरङ, कार्तिक ०५ गते ।

मोरङको धनपालथान गाउँपालिका- ६ स्थित कालीनाथ मन्दिरमा आइतबार बस र कार एक आपसमा ठक्कर खाइ दुर्घटना हुँदा ४ जना घाइते भएका छन् ।  राती १०:२० बजेको समयमा पूर्वबाट पश्चिम तर्फ जाँदै गरेको ना. २ ख ४७४८ नम्बरको बस र बिपरित दिशाबाट आउँदै गरेको को. १ च २८३७ नम्बरको कार एक आपसमा ठक्कर खाई दुर्घटना भएको थियो ।  दुर्घटनामा कारका चालक मोरङ धनपालथान गाउँपालिका-३ बस्ने बर्ष-३२ को बिष्णु मण्डल (गम्भिर), कारमा सवार  सोही स्थान बस्ने बर्ष-२४ को रुपेश कुमार मण्डल (मध्यम), बर्ष-३१ को राम राजवंशी (मध्यम) र बर्ष-२७ को पंकज राजवंशी (गम्भिर) घाइते भएका छन् । घाइते चारै जनालाई उपचारको लागि बिराटनगर स्थित गोल्डेन अस्पताल पठाइएको छ भने बस र चालकलाई इलाका प्रहरी कार्यालय रंगेलीको नियन्त्रणमा राखिएको छ ।
बस दुर्घटनामा ३३ घाइते
मोरङ,कार्तिक ०४ गते ।

मोरङको पथरी-शनिश्चरे नगरपालिका-२ स्थित राजमार्गमा आइतबार यात्रुबाहक बस दुर्घटना हुँदा ३३ जना घाइते भएका छन । पूर्व-पश्चिम राजमार्ग अन्तर्गत दिउँसो साढे १२ बजे हरीयाली सामुदायिक बन अगाडी पूर्वबाट पश्चिम तर्फ जाँदै गरेको को १ ख ४५१७ नम्बरको बस बिपरित दिशाबाट आउँदै  गरेको तत्काल नम्बर नखुलेको कारलाई साइड दिने क्रममा अनियन्त्रित भई सडकबाट २ मिटर तल खसेको थियो । दुर्घटनामा परि बसमा सवार ३३ जना यात्रु घाइते भई उपचारको लागि स्थानीय पथरी अस्पताल पठाइएको ईलाका प्रहरी कार्यालय पथरीले जनाएको छ । बस र चालकलाई प्रहरीको नियन्त्रणमा राखिएको छ भने कार र चालक फरार रहेकोले खोजि कार्य भइरहेको उक्त कार्यालयले जनाएको छ ।
भिरबाट लडेर १ को मृत्यु
ताप्लेजुङ, कार्तिक, ०४ गते ।

ताप्लेजुङको सिरिजंगा गाउँपालिका-७ स्थित ढाक्रे खोलाको भिरबाट लडेर शनिबार १ जनाको मृत्यु भएको छ । भिरबाट लडेर सोही स्थान बस्ने बर्ष ४५ को श्री प्रसाद गुरुङको मृत्यु भएको जिल्ला प्रहरी कार्यालय ताप्लेजुङले जनाएको छ । गुरुङ दिउँसो १ बजेको समयमा बजार बाट घर फर्कने क्रममा भिरबाट लडेर ३० मिटर तल खसेर घाइते भएका थिए । घाइते गुरुङलाई स्थानीय क्लिनिकमा उपचार पश्चात घर लगेर सुताईएकोमा बिहान ७ बजे उनी मृत अवस्थामा फेला परेका थिए । घटनाको जनकारी पाउनासाथ इलाका प्रहरी कार्यालय तेल्लोक र प्रहरी चौकी खेवाङबाट प्रहरीको टोली खटि गई कानूनी प्रकृया पूरा शव पोष्टमार्टमको लागि जिल्ला अस्पताल ताप्लेजुङ पठाइएको उक्त कार्यालयले जनाएको छ ।
हतियार प्रहारबाट १ घाइते
खोटाङ, कार्तिक ०४ गते ।

खोटाङको ऐसेलुखर्क गाउँपालिका-१ स्थित राखाबाङदेलमा आइतबार हतियार प्रहारबाट १ जना घाइते भएका छन् । बिहान साढे ९ बजेको समयमा मादक पदार्थ सेवन गरी सोही स्थान बस्ने बर्ष २५ को मनोज राई र दामदारु बस्ने बर्ष ३० सन्तोष दाहाल विच वादबिवाद हुँदा दाहालले राईलाई धारिलो हतियारले प्रहार गरेका थिए । हतियार प्रहारबाट गम्भिर घाइते राइको हात तथा ढाडमा चोट लागेको छ । घाइते राईलाई प्राथमिक स्वास्थ्य केन्द्र ऐसेलुखर्कमा सामान्य उपचार पश्चात थप उपचारको लागि हेलीकप्टरद्वारा काठमाण्डौ पठाइएको छ । हतियार प्रहार गर्ने दाहाललाई प्रहरीको नियन्त्रणमा राखी थप अनुसन्धान भइरहेको इलाका प्रहरी कार्यालय ऐसेलुखर्कले जनाएको छ ।
करेण्ट लागेर १ को मृत्यु १ घाइते
मोरङ, कार्तिक ०४ गते ।

मोरङको बेलबारी नगरपालिका-९ मा शनिबार करेण्ट लागेर १ जनाको मृत्यु भएको  छ भने १ जना घाइते भएका छन् ।  बिहान सवा १० बजेको समयमा सोही नगरपालिका बस्ने बर्ष ३५ की कमली चौधरीलाई टीभीमा केबलको तार जोड्ने क्रममा अचानक करेण्ट लागेको थियो । चौधरीलाई करेण्ट लागे पछी छुटाउन जाने क्रममा भारत तुमका गाउँ आमदाङ घर भइ हाल सोही ठाउँमा डेरा गरी बस्ने बर्ष ३६ को बिफल मण्डललाई समेत करेण्ट लागेको थियो । करेण्ट लागेर घाइते भएका दुबै जनालाई उपचारको लागि धरान स्थित वि.पी. कोइराला स्वास्थ्य विज्ञान प्रतिष्ठान पठाइएकोमा मण्डलको उपचारको क्रममा बिहान साढे ११ बजे मृत्यु भएको इलाका प्रहरी कार्यालय बेलबारीले जनाएको छ ।
लागूऔषध गाँजा सहित १ पक्राउ
उदयपुर, कार्तिक ०४ गते ।

उदयपुरको त्रियुगा नगरपालिका-८ बाट शनिबार लागूऔषध गाँजा सहित १ जनालाई पक्राउ गरिएको छ । बिशेष सुराकीको आधारमा जिल्ला प्रहरी कार्यालय उदयपुरबाट खटिएको टोलीले साँझ ५ बजेको समयमा सोही ठाउँका ७५ बर्षीय पूर्ण बहादुर बिष्टको घर खानतलासी गर्ने क्रममा आधा किलो ग्राम गाँजा फेला पारी बरामद गरिएको हो । गाँजा सहित पक्राउ परेका बिष्टलाई जिप्रका उदयपुरमा राखी थप अनुसन्धान भइरहेको उक्त कार्यालयले जनाएको छ ।
मोटरसाईकल दुर्घटनामा १ घाइते
मोरङ, कार्तिक ०४ गते ।

मोरङको रतुवामाई नगरपलिका-६ स्थित शान्ति चौकमा मोटरसाईकल दुर्घटनामा परि १ जना घाइते भएका छन् । दिउँसो साढे १ बजे आमवारी-उर्लावारी भित्री सडक खण्डमा दक्षिणबाट उत्तर तर्फ जाँदै गरेको  को ७ प ३८५७ नम्बरको मोटरसाइकल आफै अनियन्त्रित भइ दुर्घटना भएको थियो । दुर्घटनामा परि मोटरसइकलका चालक रतुवामाइ नगरपालिका-५ कोसेनी बस्ने  बर्ष २५ सागर तामाङ गम्भिर घाइते भइ उपचारको लागि नोबेल अस्पताल बिराटनगर पठाएको इलाका प्रहरी कार्यालय उर्लावारीले जनाएको छ ।
लागूऔषध सहित २ पक्राउ
मोरङ, आश्विन ३१ गते ।

मोरङको सुनवर्षी नगरपालिका-८ स्थित हर्चनगढीबाट प्रहरीले मंगलबार लागूऔषध सहित २ जनालाई पक्राउ गरेको छ । लागूऔषध सहित सुनवर्षी नगरपालिका-४ बस्ने वर्ष २५को  संजय राजवंशी  र वर्ष २४ को संजय पासवानलाई पक्राउ गरेको हो । साँझ सवा ६ बजेको समयमा भारतको सिक्टीबाट साईकलमा प्याजको बोरा लोड गरेर नेपाल तर्फ ल्याउँदै गरेको अवस्थामा चेकजाँच गर्ने क्रममा बोरा भित्र लुकाई छिपाई राखेको लागूऔषध नाईट्रोसन ट्याब्लेट ३१८ चक्की फेला पारी बरामद गरेको हो । बरामद लागूऔषध सहित दुबैजनालाई प्रहरीको नियन्त्रणमा राखि थप अनुसन्धान भइरहेको जिल्ला प्रहरी कार्यालय मोरङले जनाएको छ ।
३३ बण्डल पटका बरामद
मोरङ, आश्विन ३१ गते ।

मोरङको धनपालथान गाउँपालिका-१ स्थित नोचाबाट प्रहरीले मंगलबार ३३ बण्डल पटका बरामद गरेको छ । प्रहरी चौकी गडेरियाबाट खटिएको टोलीले साँझ साढे ५ बजे भारतबाट अवैध रुपमा नेपाल ल्याउँदै गरेको अवस्थामा अन्दाजी ४५ हजार मूल्य बराबरको नागिन नामक पटका बरामद गरेको थियो । बरामद पटका इलाका प्रहरी कार्यालय रंगेलीमा राखि आवश्यक अनुसन्धान पश्चात भन्सार बुझाइने उक्त कार्यालयले जनाएको छ ।
मोटरसाईकल दुर्घटनामा २ घाइते
मोरङ, आश्विन ३१ गते ।

मोरङको जहदा गाउँपालिका-३ भातिगंज स्थित सिंघिया पुलमा मंगलबार राती मोटरसाईकल दुर्घटना हुँदा २ जना घाइते भएका छन् । राती साढे ९ बजे पश्चिमबाट पूर्व तर्फ जाँदै गरेको  को. ३५ प ८९५२ नम्बरको मोटरसाइकल आफै अनियन्त्रित भई दुर्घटना हुदाँ चालक सोही स्थान बस्ने बर्ष २३ को गंगाराम राजवंशी र पछाडी सवार बर्ष २३ को प्रितम राजवंशी  घाइते भएका हुन् । घाइते दुबैजनालाई उपचारको लागि गोल्डेन अस्पताल बिराटनगर पठाइएको जिल्ला प्रहरी कर्यालय मोरङले जनाएको  छ ।
लागूऔषध गाँजा सहित १ पक्राउ
सुनसरी, आश्विन ३० गते ।

सुनसरीको धरान उप-महानगरपालिका-११ स्थित कल्याण चौकबाट मंगलबार प्रहरीले लागूऔषध गाँजा सहित १  जनालाई पक्राउ गरेको छ । इलाका प्रहरी कार्यालय धरानबाट खटिएको टोलीले धनकुटा आहाले-९ घर भइ हाल धरान-११ बस्दै आइरहेका बर्ष ४० को शिव बहादुर राईलाई पक्राउ गरेको हो । बिहान साढे ४ बजेको समयमा शंकास्पद अवस्थामा हिडिरहेका राइलाई चेकजाँच गर्ने क्रममा निजले बोकेको झोलामा लुकाई छिपाई राखेको १ किलो गाँजा र नगद ५३ हजार रुपैँया फेला पारी बरामद गरेको हो । गाँजा सहित पक्राउ परेका राइलाई इलाका प्रहरी कार्यालय धरानमा राखी थप अनुसन्धान भइरहेको उक्त कार्यालयले जनाएको छ ।
करेण्ट लागेर १ को मृत्यु
झापा, आश्चिन ३० गते ।

झापाको गौरीगंज गाउँपालिका- ६ स्थित देवीगंजमा मंगलबार करेण्ट लागेर १ जनाको मृत्यु भएको छ । दिउँसो करिब १ बजेको समयमा सोही स्थान बस्ने बर्ष ८ को सागर यादवको घर देखी उत्तरपट्टी रहेको दुर्गा मन्दिरमा मोटर चलाउनको लागि जडान गरिएको बिजुलीको तारबाट अचानक करेण्ट लागेर मृत्यु भएको थियो । घटनाको जानकारी पाउनासाथ इलाका प्रहरी कार्यालय गौरीगंजबाट प्रहरीको टोली खटि गइ कानूनी प्रकृया पूरा गरी शव पोष्टमार्टमको लागि अस्पताल पठाइएको उक्त कार्यालयले जनाएको छ ।
आगलागीबाट क्षति
मोरङ, आश्विन ३० गते ।

मोरङको सुनवर्सी नगरपालिका-७ गुद्री चोक नजिककै विजुलीको पोलको तार सर्ट आगलागी हुँदा ४ घरमा क्षति भएको छ । मिती २०७५।०६।२९ गते १५;०० बजेको समयमा अचानक आगलागी हुँदा सुनवर्सी नगरपालिका-७ का हरि ऋषिदेव, राम प्रसाद ऋषिदेव, बोलवम ऋषिदेव र सिर्य ऋषिदेवको घरमा आगलागी भएको थियो । उक्त आगलागीबाट अन्दाजी २ लाख १० हजार बराबरको क्षति भएको छ भने सो आगलागी प्रहरी र स्थानियवासीको सहयोगमा १६:०० बजे पुर्ण रुपमा नियन्त्रणमा आएको साथै मानवीय तथा चौपाया क्षति नभएको जिल्ला प्रहरी कार्यालय मोरङले जनाएको छ ।
चोरीको आरोपमा एक पक्राउ
ईलाम, आश्विन ३० गते ।

संस्थाको पैसा चोरी गरेको आरोपमा ईलामको रोङ गाउपालिका-६ बस्ने बर्ष ३९ को शिव कुमार राईलाई  प्रहरीले पक्राउ गरेको छ । रोङ गाउपालिका-६ जौवारीमा रहेको जिवन बिकाश समाज संस्थाको पैसा संकलन गरी झापा तर्फ जाने जाने क्रममा मिति २०७५।०६।२८ गते दिनको १६:०० बजेको समयमा रोङ गाउपालिका-६ शौउरडाडाबाट राईले संस्थामा काम गर्ने सरोज भुजेलको साथमा रहेको ७० हजार नगद र १ थान मोवायल समेत लुटेर फरार भएका थिए । नगद तथा मोवायल लुटिएको खबर प्राप्त भए संगै प्रहरी चौकी जिर्मलेबाट खटिएको प्रहरी टोलीले खोजतलास गर्ने क्रममा मिति २०७५।०६।२९ गते दिंउसो गाउघरमा नै लुकीछीपी बसिरहेको अबस्थामा राईलाई पक्राउ गरेको हो । पक्राउ परेका राईलाई थप अनुसन्धान र आवश्यक कारवाहीको लागि ईलाका प्रहरी कार्यालय पशुपतिनगरको हिरासतमा राखिएको उक्त कार्यालयले जनाएको छ ।
अवैध सामान बरामद
मोरङ, आश्विन २९ गते ।

इलाका प्रहरी कार्यालय रानीबाट खटिएको प्रहरी टोलीले सोमबार बिहान बिभिन्न समयमा अन्दाजी ७१ हजार ३ सय मूल्य बराबरको अवैध सामान बरामद गरेको छ । भारतबाट भन्सार छली गरी नेपालतर्फ ल्याउँदै गरेको अवस्थामा उक्त मूल्य बराबरको खाद्यान्न तथा लत्ताकपडा बरामद गरेको थियो । बरामद सामान आवश्यक कारवाहीको लागि भन्सार कार्यालय रानी मोरङमा बुझाइने इलाका प्रहरी कार्यालय रानीले जनाएको छ ।
सवारी दुर्घटनामा २ घाइते
उदयपुर, आश्विन २९ गते ।

उदयपुरको कटारी नगरपालिका-२ स्थित शिद्धीचरण राजमार्गमा बलेरो र मोटरसाइकल एक-आपसमा ठक्कर खाई दुर्घटना हुँदा २ जना घाइते भएका छन् । आज बिहान पौने १० बजेको समयमा धरानबाट खोटाङ तर्फ जाँदै गरेको ना १ ज ६२०४ नम्बरको बोलेरो र विपरित दिशाबाट आउँदै गरेको मे ५ प ८३८० नम्बरको मोटरसाइकल एक आपसमा ठक्कर खाई दुर्घटना भएको थियो । दुर्घटनामा परि मोटरसाईकल चालक उदयपुर कटारी नगरपालिका-२ बस्ने बर्ष १८ को आकाश बिष्ट र मोटरसाईकलको पछाडी सवार सोही ठाउँ बस्ने बर्ष १९ को मोहन मगर घाइते भएका छन् । घाइते दुबैजनालाई मंगलम अस्पताल मिर्चैयामा सामान्य उपचार पश्चात थप उपचारको लागि काठमाण्डौ पठाइएको जिल्ला प्रहरी कार्यालय उदयपुरले जनाएको छ ।
लागूऔषध सहित ४ पक्राउ
सुनसरी, आश्चिन २९ गते ।

लागूऔषध सहित सुनसरीको धरानबाट प्रहरीले ४ जना युवकलाई पक्राउ गरेको छ । गएराती साढे २ बजेको समयमा लागूऔषध सहित धरान उप-महानगरपालिका-१४ स्थित बिजयपुर चौकबाट सोही स्थानमा रहेको गैरीडाँडा बस्ने बर्ष २१ को अभिषेक राइलाई पक्राउ गरिएको हो । रातको समयमा हिडिरहेका राइलाई शंका लागि चेकजाँच गर्ने क्रममा राईको साथबाट प्रहरीले २१ थान लागूऔषध नाईट्रोसन चक्की र १ थान भरेको सिरिन्ज फेला पारी बरामद गरेको हो । त्यसैगरी धरान उपमहानगरपालिका-८ स्थित सेउती पुल नजिकबाट लागूऔषध सहित ३ जनालाई पक्राउ गरेको छ । अस्थाई प्रहरी पोष्ट तीनकुनेबाट सवारी चेकजाँचमा खटिएको टोलीले दिउँसो लागूऔषध सहित ३ जनालाई पक्राउ गरेको छ । दिउँसो साढे ३ बजेको समयमा बा ६७ प ९९४५ नम्बरको मोटरसाईकलमा सवार मोरङ बिराटनगर महानगरपालिका-५ बस्ने बस्ने बर्ष ३६ को सन्जिब पुडासैनी र बर्ष ३४ को सन्दिप पुडासैनीलाई ५० ग्राम लागूऔषध चरेश सहित नियन्त्रणमा लिईएको हो । यसैगरी अपरान्ह साढे ४ बजे बिराटनगरबाट धरान तर्फ जाँदै गरेको बसमा सवार धरान १७ फोक्लेन टापु बस्ने बर्ष २५ को कृष्ण बहादुर बि.क. लाई चेकजाँच गर्ने क्रममा ५ एम्पुल नाईट्रोसन ट्याब्लेट फेला पारी बरामद गरिएको छ । लागूऔषध सहित पक्राउ परेका चारै जनालाई इलाका प्रहरी कार्यालय धरानमा राखी थप अनुसन्धान  भइरहेको उक्त कार्यालयले जनाएको छ ।
बिद्युत सर्ट भइ आगलागी, ३० लाखको क्षति
इलाम, आश्विन २९ गते ।

इलामको सन्दकपुर गाउँपालिका-१ स्थित आलुबारी बस्ने धन बहादुर राईको घरमा आइतबार आगलागी हुँदा अन्दाजी ३० लाख मूल्य बराबरको क्षति भएको छ । दिउँसो साढे १ बजेको समयमा बिद्युत सर्ट भइ अचानक आगलागी हुँदा राईको काठले बारेको टिनको छानो भएको २ तले घर र सोही घरसंगै रहेको टिनको छानो भएको १ तले घर, घरभित्र रहेको अन्नपात, लत्ताकपडा, नगद १ लाख ३० हजार, काठपात र ६ तोला सुन समेत जलेर नष्ट हुँदा उक्त मूल्य बराबरको क्षति भएको हो । उक्त आगलागी प्रहरी र स्थानीयवासीको सहयोगमा नियन्त्रणमा आएको जिल्ला प्रहरी कार्यालय इलामले जनाएको छ ।
मोटरसाईकलको ठक्करबाट १ जनाको मृत्यु
झापा, आश्विन २९ गते ।

झापाको बिर्तामोड नगरपालिका-५ स्थित भुवान चौकमा मोटरसाईकलको ठक्करबाट १ जना पैदल यात्रीको मृत्यु भएको छ । आइतवार बिहान पौने १२ बजेको समयमा पश्चिमबाट पूर्व तर्फ जाँदै गरेको मे १ प ७३४५ नम्बरको मोटरसाईकलले पैदल यात्री सोही स्थान बस्ने बर्ष  ६० को लाडु राजवंशीलाई ठक्कर दिएको थियो । ठक्करबाट गम्भिर घाइते राजवंशीलाई उपचारको लागि बि.एण्ड. सी. अस्पताल बिर्तामोड पठाइएकोमा उपचारको क्रममा सोही अस्पतालमा मृत्यु भएको इलाका प्रहरी कार्यालय अनारमनीले जनाएको छ । चालकलाई प्रहरीको नियन्त्रणमा राखिएको उक्त कार्यालयले जनाएको छ ।
लागूऔषध सहित युवक पक्राउ
मोरङ, आश्विन २८ गते ।

प्रतिबन्धित लागूऔषध सहित प्रहरीले मोरङको विराटनगर महानगरपालिका-१५ स्थित भन्सार कार्यालयको १ नम्बर ढाटबाट १ जना युवकलाई पक्राउ गरेको छ । बिहान ९ बजेको समयमा इलाका प्रहरी कार्यालय रानीबाट खटिएको टोलीले भारतबाट नेपाल तर्फ पैदल आउँदै गरेको अवस्थामा तेह्रथुम लालिगुराँस नगरपालिका-२ बस्ने बर्ष २० को सुजन  राईलाई लागूऔषध सहित पक्राउ गरेको हो । राईलाई शंका लागि चेकजाँच गर्ने क्रममा पाईन्टको गोजीमा लुकाई छिपाई राखेको अवस्थामा ६० चक्की नाईट्रोसन ट्याब्लेट फेला पारी बरामद गरेको हो । बरामद लागूऔषध सहित राईलाई इप्रका रानीमा राखी थप अनुसन्धान भईरहेको उक्त कार्यालयले जनाएको छ ।
अवैध लत्ताकपडा सहित १ पक्राउ  
मोरङ, आश्विन २८ गते ।

मोरङको विराटनगर महानगरपालिका-१५ स्थित बैंक रोडबाट प्रहरीले आइतबार दिउँसो अन्दाजी १२ हजार १ सय रुपैँया बराबरको कपडा सहित १ जनालाई पक्राउ गरेको छ । इलाका प्रहरी कार्यालय रानीबाट खटिएको प्रहरी टोलीले दिउँसो १२ बजे भारतबाट अवैध रुपमा भन्सार छली गरी नेपाल तर्फ ल्याउँदै गरेको कपडा सहित सुनसरी बर्जु गाउँपालिका-२ बस्ने बर्ष २९ को मनमोहन साहलाई पक्राउ गरेको हो । बरामद सामान सहित साहलाई आवश्यक कारवाहीको लागि भन्सार कार्यालय रानी मोरङमा बुझाईने इलाका प्रहरी कार्यालय रानीले जनाएको छ ।
मोटरसाईकल दुर्घटनामा ३ घाइते
मोरङ, आश्चिन २८ गते ।

मोरङको उर्लाबारी नगरपालिका-४ स्थित बक्राह पुलमा आइतवार मोटरसाईकल दुर्घटनामा परी ३ जना घाइते भएका छन् । दिउँसो साढे १ बजे पूर्व-पश्चिम राजमार्गमा पूर्व तर्फ जाँदै गरेको को ३१ प ९८४५ नम्बरको मोटरसाईकलले पैदलयात्री भारत दरभंगा घर भई हाल उर्लाबारी-४ आईतबारे बस्दै आइरहेका बर्ष १९ को मुसर आलमलाई ठक्कर दिँदा मोटरसाइकल चालक पथरी  शनिश्चरे नगरपालिका-२ बस्ने बर्ष ३३ को सनम कन्दम्बा र पछाडि सवार उर्लाबारी नगरपालिका-९ राजघाट बस्ने बर्ष २४ की समिक्षा राई समेत घाईते भएका छन् । घाइते तीनै जनाको अरनिको अस्पताल उर्लाबारीमा उपचार भईरहेको इलाका प्रहरी कार्यालय उर्लाबारीले जनाएको छ ।
बालिका करणीको आरोपमा शिक्षक पक्राउ
सोलुखुम्बु, आश्विन २८ गते ।

बालिकालाई करणी गरेको आरोपमा सोलुखुम्बुबाट १ जना शिक्षक पक्राउ परेका छन् । सोलुको खुम्बु-पासाङल्हामु गाउँपालिका-४ की ९ बर्षीया बालिकालाई करणी गरेको आरोपमा मोरङ रतुवामाई नगरपालिका-९ घर भइ हाल सोलुखुम्बुको हिमालय आधारभूत बिद्यालयका शिक्षक बर्ष ५५ को मोहन घिमिरेलाइ पक्राउ गरेको हो । घिमिरेले शुक्रवार आफू सुत्ने क्वाटरमा बोलाएर बालिकालाई ललाई फकाई, धाक धम्की देखाएर करणी गरेको भनि बालिकाको आमाले दिएको उजुरीको आधारमा इलाका प्रहरी कार्यालय नाम्चेबाट खटिएको टोलीले पक्राउ  गरेको थियो । प्रहरीले बालिकालाई उद्धार गरी परिक्षणको लागि जिल्ला अस्पताल सोलुखुम्बुमा पठाइएको छ भने घिमिरेलाई जिल्ला प्रहरी कार्यालय सोलुखुम्बुमा राखी थप अनुसन्धान भइरहेको उक्त कार्यालयले जनाएको छ ।
स्प्रे सेवनबाट महिला गम्भिर
झापा, आश्विन २८ गते ।

झापाको दमक नगरपालिका-८  मा शनिबार स्प्रे सेवनबाट १ युवती गम्भिर बिरामी परेकी छन् । राती ८ बजे मोरङ अमरदह गाउँपालिका-१ घर भइ दमकमा डेरा गरी बस्ने बर्ष २३ की रीता लिम्बु श्रीमान संग सामान्य बादविवाद हुँदा किरा मार्ने बेगन नामक स्प्रे सेवन गरेकी थिइन । स्प्रे सेवनबाट गम्भिर बनेकी लिम्बुलाई उपचारको लागि लाइफलाईन अस्पताल दमक पठाइएकोमा थप उपचारको लागि गोल्डेन अस्पताल विराटनगर पठाइएको इलाका प्रहरी कार्यालय दमकले जनाएको छ ।
५ लाख मूल्य बराबरको कपडा बरामद
झापा, आश्चिन २८ गते ।

प्रहरीले शनिबार झापाको मेचीनगर नगरपालिका-२ बाट अन्दाजी ५ लाख मूल्य बराबरको अवैध कपडा बरामद गरेको छ । राती ११ बजे मालचन गोएल चिया बगानको नेपाल-भारत सीमानाबाट जिल्ला प्रहरी कार्यालय झापा र प्रहरी चौकी घोडामाराबाट खटिएको संयुक्त टोलीले भारतबाट नेपाल तर्फ ल्याउँदै गरेको उक्त थान कपडा बरामद गरेको थियो । प्रहरीको टोलीलाई देख्नासाथ कपडा ओसार-पसारमा संलग्न व्यक्ति फरार रहेकोले खोजी कार्य भईरहेको तथा बरामद कपडा आवश्यक कारवाहीको लागि भन्सार बुझाउने तयारी भइरहेको जिल्ला प्रहरी कार्यालय झापाले जनाएको छ ।
नहरमा डुबेर १ को मृत्यु १ घाइते
सुनसरी, आश्विन २७ गते ।

सुनसरीको इटहरी उप-महानगरपालिका-१३ स्थित मियाँ टोलमा शनिबार विहान नहरमा डुबेर १ बालकको मृत्यु भएको छ भने १ बालिका बेपत्ता भएकी छन् । बिहान करिब सवा ९ बजे घर नजिकै रहेको नहरमा खेल्ने क्रममा डुबेर सोही स्थान बस्ने तलाम मियाँको छोरा वर्ष ४ को समिर मियाँको मृत्यु भएको हो भने निजकै भाईको छोरी वर्ष ३ की रीया खातुन बेपत्ता भएकी छन् । घटनाको जानकारी पाउनासाथ तत्काल प्रहरी चौकी खनारबाट खटिएको टोलीले पानीमा डुबेर गम्भिर बनेका समिरलाई उद्धार गरी उपचारको लागि विराटनगर स्थित लाइफगार्ड अस्पताल पठाइएकोमा उपचारको क्रममा सोही अस्पतालमा मृत्यु भएको थियो । बेपत्ता भएकी खातुनको प्रहरीद्वारा खोजी कार्य भइरहेको जिल्ला प्रहरी कार्यालय सुनसरीले जनाएको  छ ।
गोठमा आगलागी, डेढ लाखको क्षति
धनकुटा, आश्विन २७ गते ।

धनकुटाको छथर-जोरपाटी गाउँपालिका-३ बस्ने शंकर लिम्बुको गोठमा आगलागी हुँदा अन्दाजी १ लाख ५० हजार मूल्य बराबरको क्षति भएको छ । गत आश्विन २५ गते दिउँसो साढे ३ बजे १ तले कच्ची गोठमा खोले पकाउने क्रममा अचानक आगो सल्किएर आगलागी भएको थियो । घटनाको  आज १२ बजे जानकारी पाउनासाथ प्रहरी चौकी सिधुवाबाट खटिएको टोलीले कानूनी प्रकृया पूरा गरेको थियो । आगलागीबाट राईको गोठ, काठपात र जस्तापाता समेत जलेर नष्ट भएको जिल्ला प्रहरी कार्यालय धनकुटाले जनाएको छ ।
मोटरसाईकल दुर्घटना, चालकको मृत्यु
मोरङ, आश्विन २७ गते ।

मोरङको विराटनगर महानगरपालिका-१० स्थित प्रतिभा चौकमा शुक्रवार राती मोटरसाईकल दुर्घटना हुँदा चालको मृत्यु भएको छ । राती साढे ९ बजे पूर्वबाट पश्चिम तर्फ जाँदै गरेको बा. ४२ प ९२३२ नम्बरको मोटरसाईकल आफै अनियन्त्रित भइ दुर्घटना भएको थियो । दुर्घटनामा परि मोटरसाईकल चालक बिराटनगर महानगरपालिका-८ बस्ने वर्ष २२ को लोकेश कर्ण गम्भिर घाइते भइ उपचारको लागि  न्यूरो अस्पताल विराटनगर पठाइएकोमा उपचारको क्रममा सोही अस्पतालमा मृत्यु भएको जिल्ला प्रहरी कार्यालय मोरङले जनाएको छ ।
रुखबाट लडेर १ घाइते
उदयपुर, आश्विन २७ गते ।

उदयपुरको त्रियुगा नगरपालिका-७ मा रुखबाट लडेर शुक्रवार १ जना घाइते भएका छन् । साँझ पौने ८ बजे घाँस काट्न रुखमा चढेका सोही नगरपालिका बस्ने तेज बहादुर राईको छोरा बर्ष १४ को चापन राई अचानक रुखबाट लडेर घाइते भएका हुन् । घटनास्थलमा प्रहरीको टोली खटि गइ घाइतेलाई उद्धार गरी उपचारको लागि जिल्ला अस्पताल उदयपुर पठाइएकोमा थप उपचारको लागि विपी कोइराला स्वास्थ्य बिज्ञान प्रतिष्ठान धरान पठाइएको जिल्ला प्रहरी कार्यालय उदयपुरले जनाएको छ ।
छुट्टा-छुट्टै दुर्घटनामा ३ घाईते
बिराटनगर, आश्विन २६ गते ।

१ नम्बर प्रदेश अन्तर्गत भोजपुर र सुनसरी जिल्लामा शुक्रबार भएको छुट्टा-छुट्टै सवारी दुर्घटनामा परि ३ जना घाइते भएका छन् । भोजपुरको अरुण गाउँपालिका-४ स्थित लेगुवा-भोजपुर सडक-खण्डमा शुक्रबार बिहान ट्याक्टरको चक्काले किचेर १ जना घाइते भएका छन् । इटहरीबाट किराना सामान लिएर भोजपुर तर्फ जाँदै गरेको ना ५ त २४७७ नम्बरको ट्रयाक्टरबाट अचानक लडेर सोही ट्याक्टरको चक्काले किच्दा सह-चालक बेलबारी नगरपालिका-५ बस्ने बर्ष १५ को सन्तोष हिमाल घाइते भएका हुन् । घटनास्थलमा प्रहरीको टोली खटि गई घाइतेलाई उपचारको लागि विपी कोइराला स्वास्थ्य बिज्ञान प्रतिष्ठान धरान पठाइएको छ भने चालकलाइ प्रहरीको नियन्त्रणमा राखिएको जिल्ला प्रहरी कार्यालय भोजपुरले जनाएको छ । यसैगरी सुनसरीको ईनरुवा नगरपालिका-२ स्थित भित्रि सडक-खण्डमा मोटरसाइकल र स्कुटर ठक्कर खाइ दुर्घटना हुँदा २ जना घाइते भएका छन् । दक्षिणबाट उत्तर तर्फ जाँदै गरेको को १९ प ३९७ नम्बरको मोटरसाईकल र बिपरित दिशाबाट आईरहेको को ३० प ८३३८ नम्बरको स्कुटर एक आपसमा ठक्कर खाई दुर्घटना भएको थियो । दुर्घटनामा परि मोटरसाईकल चालक सोही स्थान बस्ने बर्ष-४० को जयप्रकास स्वर्णकार र स्कुटर चालक  सोही स्थान बस्ने बर्ष-२२ को रमण साह घाइते भएका हुन् । घटनास्थलमा प्रहरीको टोली खटि गई घाइते दुबै जनालाई उपचारको लागि बिराट नर्सिङहोम बिराटनगर पठाईएको  जिल्ला प्रहरी कार्यालय सुनसरीले जनाएको छ ।
छुट्टा-छुट्टै दुर्घटनामा ३ को मृत्यु
मोरङ, आश्विन २६ गते ।

मोरङ जिल्लाको छुट्टा-छुट्टै स्थानमा बिहीबार भएको सवारी दुर्घटनामा ३ जनाको मृत्यु भएको छ । मोरङको बेलबारी नगरपालिका- ४ स्थित राजमार्गमा ट्रकको ठक्करबाट मोटरसाईकलमा सवार २ जनाको मृत्यु भएको छ । साँझ पौने ७ बजे पूर्वबाट पश्चिम तर्फ आउँदै गरेको ना ५ ख १९२० नम्बरको ट्रकले विपरित दिशाबाट जाँदै गरेको को १२ प ९६८२ नम्बरको मोटरसाईकललाई ठक्कर दिएको थियो । ठक्करबाट मोटरसाईकलमा सवार चालक बेलबारी नगरपलिका-११ बस्ने बर्ष ४५ को मन कुमार राई र पछाडी सवार सोही स्थान बस्ने वर्ष ५० को वर्ण राई घाईते भएका थिए । दुर्घटनामा परि गम्भिर घाइते दुबै जनालाई उपचारको लागि धरान स्थित विपी कोइराला स्वास्थ्य बिज्ञान प्रतिष्ठान पठाइएकोमा उपचारको क्रममा सोही प्रतिष्ठानमा दुबै जनाको मृत्यु भएको इलाका प्रहरी कार्यालय बेलबारीले जनाएको छ । ठक्कर दिने ट्रक र चालकलाई प्रहरी को नियन्त्रणमा राखिएको छ । यसैगरी मोरङको कानेपोखरी गाउँपालिका- ७ कानेपोखरी बजारमा यात्रुबाहक बसको ठक्करबाट १ जना पैदलयात्रीको मृत्यु भएको छ । गत आश्विन २५ गते साँझ ७ बजेको समयमा  पूर्वबाट पश्चिम तर्फ जाँदै गरेको ना ५ ख २१४१ नम्बरको यात्रुबाहक बसले पैदलयात्री सोहि स्थान बस्ने बर्ष ५० को बिष्णु भेटवाललाई ठक्कर दिएको थियो । ठक्करबाट गम्भिर घाईते भेटवालको बिराटनगर स्थित न्यूरो अस्पतालमा उपचारको क्रममा बिहीबार राती सवा ८ बजे मृत्यु भएको इलाका प्रहरी कार्यालय पथरीले जनाएको छ । बस र चालकलाई प्रहरीको नियन्त्रणमा राखिएको छ ।
खोलाले बगाएर १ को मृत्यु
पाँचथर, आश्विन २६ गते ।

पाँचथरको याङवरक गाउँपालिका-२ स्थित धिमाले भन्ने स्थानमा खोलाले बगाएर बिहीबार १ जनाको मृत्यु भएको छ । दिउँसो १२ बजेको समयमा  ईवा खोलामा साथीहरुसंग पौडी खेल्न गएका हिलिहाङ गाउँपालिका-५ बर्ष २० को जुगल सुहाङलाई खोलाले बगाएको थियो । सुहाङलाई खोलाले बगाएको भन्ने खबर प्राप्त भएसंगै सिमा प्रहरी चौकी च्याङथापुबाट खटिएको प्रहरी टोलीले घटनास्थलबाट केही तल खोला किनारामा लास फेला पारेको थियो । शवको आवश्यक कानूनी प्रकृया पूरा गरी पोष्टमार्टमको लागि जिल्ला अस्पताल ताप्लेजुङ पठाइएको जिल्ला प्रहरी कार्यालय पाँचथरले जनाएको छ ।
६३ औं प्रहरी दिवस २०७५ सम्पन्न
बिराटनगर, आश्विन २५ गते ।

“६३ औं प्रहरी दिवश २०७५” को अवसरमा १ नम्बर प्रदेश प्रहरी कार्यालय बिराटनगरको आयोजनामा १ नम्बर प्रदेशका माननीय मुख्य मन्त्री श्री शेरधन राईको प्रमुख आतिथ्यतामा, प्रदेश प्रहरी तालीम केन्द्रको हातामा रहेको अमर प्रहरी स्मारकमा पुष्पहार तथा शोक सलामी अर्पण गरी सम्पन्न भएको छ । कार्यक्रममा प्रमुख अतिथी १ नम्बर प्रदेशका मुख्य मन्त्री शेरधन राईले  १ नम्बर प्रदेश अन्तरगत रहेका बिभिन्न प्रहरी कार्यालयहरुलाई आफ्नो अमूल्य जग्गा दान गर्नु हुने जग्गा दाताहरु, शान्ति सुरक्षा अमनचयन कायम राख्न, अपराध रोकथाम तथा अनुसन्धान गर्न र जनचेतनामूलक कार्यक्रम सञ्चालन गर्ने जस्ता विभिन्न प्रहरी कार्यमा अतुलनीय सहयोग पुर्‍याउनु हुने प्रहरी सहयोगी महानुभावहरुलाई प्रशंसा पत्र तथा कदर पत्र प्रदान गर्नु भएको थियो । वहाले २०७४ सालको SEE परिक्षामा सर्वोत्कृष्ट अंक ल्याउन सफल बहालवाला तथा पूर्व प्रहरी कर्मचारीका सन्ततीहरुलाई छात्रबृति प्रदान गर्नु भएको थियो । प्रहरी दिवसकै अवसर पारेर १ नम्बर प्रदेश अन्तर्गतका बिद्यालयहरुमा कक्षा ९ देखि १२ सम्म अध्ययनरत विद्यार्थीहरुको सहभागितामा आयोजना गरिएको 'यौनहिंसा: कारण, रोकथाम र नागरिकको भूमिका' विषयक निबन्ध प्रतियोगितामा जिल्ला स्तरमा प्रथम र द्वितिय हुने निबन्धहरुलाई  संग्रहको रुपमा प्रकाशित गरिएको थियो । उक्त संग्रहको माननीय मुख्य मन्त्री शेरधन राईले बिमोचन गर्नु हुँदै निबन्ध लेखन प्रतियोगितामा प्रथम, द्वितिय र तृतीय हुने क्रमशः कोशी माध्यामिक बिद्यालय रामपुर उदयपुरमा कक्षा १० मा अध्यनरत छात्रा मोनिका कार्की, श्रीजंगा माध्यामिक बिद्यालय हिलिहाङ पाँचथरमा कक्षा १० मा अध्यनरत छात्रा बिपना बराईली र श्री भाषा माध्यमिक बिद्यालय धनकुटामा कक्षा ९ मा अध्यनरत छात्रा समिक्षा अधिकारीलाई प्रमाण पत्र तथा पुरस्कार वितरण गर्नु भएको थियो । पुरस्कार बितरण पश्चात कार्यक्रमलाई सम्बोधन गर्नु हुँदै माननीय मुख्य मन्त्री शेरधन राईले ६३ औं प्रहरी दिवसको अवसरमा सम्पूर्ण प्रहरी कर्मचारीहरुलाई शुभकामना दिनु हुँदै अहोरात्र खटिने नेपाल प्रहरीका कर्मचारीहरुले उच्च मनोवलकासाथ काम गरी जनताको विश्वास जित्न सफल हुनेमा आफू विश्वस्त रहेको बताउनु भयो । साथै देश र जनताको सेवा र सुरक्षार्थ आफ्नो कर्तव्य पालनाको सिलसिलामा वीरगती प्राप्त गर्ने वीर अमर प्रहरीहरु प्रति भावपूर्ण श्रद्धाञ्जली अर्पण गर्नु भएको थियो । कार्यक्रमका विशिष्ट अतिथी १ नम्बर प्रदेशका माननीय आन्तरिक मामिला तथा कानून मन्त्री हिक्मत कार्कीले नेपाल प्रहरी स्कुल धरानले प्रहरी दिवसको अवसरमा संचालन गरेको अन्तर बिद्यालय चित्रकला प्रतियोगिताका विजयी बिद्यार्थीहरुलाई पुरस्कार वितरण गर्नु भएको थियो । पुरस्कार वितरण पश्चात आफ्नो मन्तव्य राख्नु हुँदै माननीय आन्तरिक मामिला तथा कानून मन्त्री हिक्मत कार्कीले वीर अमर प्रहरी प्रति भावपूर्ण श्रद्धाञ्जली अर्पण गर्नु भएको थियो । वँहाले ६३ औं प्रहरी दिवस सम्म आईपुग्दा नेपाल प्रहरी जनताको विश्वासिलो सहयोगी र साथी बनि सकेको बताउनु हुँदै यसलाई अझ प्रभावकारी रुपमा अगाडी बढाउदै लैजानु पर्नेमा जोड दिनुभयो ।  प्रहरी दिवसको अवसरमा सञ्चालन गरिएको विभिन्न खेलकुद प्रतियोगितामा बिजयी खेलाडीहरुलाई १ नम्बर प्रदेश प्रहरी प्रमुख प्रहरी नायव महानिरीक्षक केदार रिजालले पुरस्कार वितरण गर्नु भएको थियो । कार्यक्रममा प्रहरी नायब महानिरीक्षक रिजालले प्रमुख अतिथी लगायत उपस्थित सम्पूर्ण महानुभावहरुमा धन्यवाद ज्ञापन गर्नुहुँदै आफ्नो जिम्मेवारी निर्वाह गर्ने क्रममा प्राण उत्सर्ग गर्ने बहादुर र कर्तव्यपरायण नेपाल प्रहरीका अमर तथा वीर सपूतहरुको सम्झना गर्दै भावपूर्ण श्रद्धाञ्जली अर्पण गर्नु भएको थियो । वँहाले कर्तव्य पालन जिम्मेवारी निरवाहको सिसिलामा घाइते भएका प्रहरी कर्मचारीहरुको शिघ्र स्वास्थ्य लाभको कामना गर्दै अग्रज तथा अमर प्रहरीको त्याग र बलिदानले दिएको जिम्मेवारीलाई पूरा गर्नु पर्ने दायित्व आजको दिनमा हाम्रो काँधमा रहेको बताउनु भयो । कार्यक्रममा जिल्ला समन्वय समितिका पदाधिकारी, स्थानीय जनप्रतिनिधीहरु, अन्य सुरक्षा निकायका प्रमुख तथा प्रतिनिधीहरु, सरकारी कार्यालयका प्रमुख तथा प्रतिनिधीहरु, स्थानीय समाजसेवी, उद्योगी ब्यापारीहरु, अमर प्रहरी परिवारजनहरु, पूर्व प्रहरीहरु, सामुदायिक सेवा केन्द्रका पदाधिकारीहरु, पत्रकारहरु, मानवअधिकारकर्मी लगायत विभिन्न कार्यालयका प्रहरी कर्मचारीहरुको उपस्थिती रहेको थियो ।

“साधानादेवी प्रहरी पराक्रम पुरस्कार” बाट दुई प्रहरी कर्मचारी पुरस्कृत;

प्रहरी दिवशको अवसरमा हरेक वर्ष प्रदान गरिदै आएको “साधनादेवी प्रहरी पराक्रम पुरस्कार” बाट दुई प्रहरी पुरस्कृत भएका छन् । उक्त पुरस्कारबाट १ नम्बर प्रदेश प्रहरी कार्यालय क्षेत्रीय अनुसन्धान समूह (RIT) मा कार्यरत प्रहरी निरीक्षक लेखनाथ दाहाल र इलाका प्रहरी कार्यालय बेलबारीमा कार्यरत प्रहरी सहायक निरिक्षक दुर्गा पोमु लिम्बुलाई पुरस्कृत गरिएको हो । पुरस्कृत प्रहरी कर्मचारीहरुलाई साधनादेवी पराक्रम पुरस्कारका संस्थापक प्रा. डा. विक्रम प्रसाद श्रेष्ठले नगद ९० हजार  (४५।४५ हजार) को चेक हस्तान्तरण गर्नु भएको थियो । सोही अवसरमा साधनादेवी प्रहरी पराक्रम पुरस्कारका सँस्थापक प्रा.डा. विक्रम प्रसाद श्रेष्ठलाई प्रमुख अतिथी माननीय मुख्य  मन्त्री शेरधन राईले दोसल्ला ओढाई सम्मान गर्नुभएको थियो  ।

खोलामा डुबेर बृद्धको मृत्यु
मोरङ, आश्चिन २४ गते ।

मोरङको कानेपोखरी गाउँपालिका-४ स्थित भलुवा खोलामा डुबेर १ बृद्धको मृत्यु भएको छ । बिहान करिब ८ बजेको समयमा कानेपोखरी गाउँपालिका-६ स्थित रमाईलो बस्ने बर्ष ५५ को समिर लाल बि.क. को खोलामा नुहाउने क्रममा डुबेर मृत्यु भएको हो । घटनाको जानकारी पाउनासाथ घटनास्थलमा इलाका प्रहरी कार्यालय पथरीबाट प्रहरीको टोली खटि गई कानूनी प्रकृया पूरा गरी शव पोष्टमार्टमको लागि अस्पताल पठाएको उक्त कार्यालयले जनाएको छ ।
खसी बाख्राको छाला सहित १ पक्राउ
मोरङ, आश्विन २४ गते ।

मोरङको बिराटनगर महानगरपालिका-१७ स्थित सब्जी लाईनबाट प्रहरीले बुधबार खसी, बाख्राको छाला सहित १ जनालाई पक्राउ गरेको छ ।  इलाका प्रहरी कार्यालय रानीबाट खटिएको प्रहरी टोलीले दिउँसो सवा १ बजे छाला सहित बिराटनगर-१७ बस्ने २२ बर्षीय सद्धाम साहलाई पक्राउ गरेको हो । साईकलमा सवार रहेका साहलाई भारतबाट नेपाल आउँदै गरेको अवस्थामा चेकजाँच गर्ने क्रममा बोरामा लुकाई छिपाई ल्याउँदै गरेको १५ किलो बाख्रा र खसीको छाला फेला पारी बरामद गरेको हो । बरामद छाला र साईकल इप्रका रानीको नियन्त्रणमा राखी आवश्यक कानूनी प्रकृया पूरा गरी भन्सार कार्यालय रानीमा बुझाईने उक्त कार्यालयले जनाएको छ ।
अवैध चौपाया भन्सार बुझाईयो
झापा, आश्विन २४ गते ।

झापाको भद्रपुर नगरपालिका-५ स्थित दोभानबाट प्रहरीले अन्दाजी ३ लाख ५० हजार रुपैँया बराबरको चौपाया बरामद गरेको छ । वडा प्रहरी कार्यालय भद्रपुर र सशस्त्र प्रहरी २ नम्बर गण घोडामाराबाट खटिएको संयुक्त टोलीले बिहान पौने ७ बजेको समयमा भारतबाट नेपाल तर्फ ल्याउँदै गरेको अवस्थामा अन्दाजी ३ लाख ५० हजार रुपैँया बराबरको २८ वटा चौपाया (खसी, बाख्रा) बरामद गरेको हो । बरामद चौपाया आजै मेची भन्सार कार्यालय काँकडभिट्टामा बुझाइएको वडा प्रहरी कार्यालयय भद्रपुरले जनाएको छ ।
भालुको आक्रमणबाट १ घाइते
सोलुखुम्बु, आश्विन २४  गते ।

सोलुखुम्बुको दुधकुण्ड नगरपालिका-७ स्थित गार्मा भन्ने स्थानमा भालुको आक्रमणमा परि मंगलबार १ जना घाइते भएका छन् । बिहान पौने ७ बजेको समयमा आफ्नै बारीमा मकै रुगेर घर फर्कने क्रममा सोही स्थान बस्ने बर्ष ३० को दिल बहादुर भुजेललाई भालुले आक्रमण गरेको थियो । आक्रमणबाट घाइते भुजेललाई उपचारको लागि जिल्ला अस्पताल फाप्लु पठाइएकोमा थप उपचारको लागि काठमाण्डौ पठाइएको जिल्ला प्रहरी कार्यालय सोलुखुम्बुले जनाएको छ । भुजेलको हात, छाती र पछाडी हिपमा चोट लागेको छ ।
अवैध खाद्यान्न सामान बरामद
झापा, आश्विन २४ गते ।

इलाका प्रहरी कार्यालय काँकडभिट्टाबाट प्रहरीले मंगलबार अन्दाजी ९६ हजार मूल्य बराबरको अवैध सामान बरामद गरेको छ । अवैध रुपमा नेपालबाट भारत तर्फ लैजाँदै गरेको अन्दाजी ६ हजार रुपैंया बराबरको मटर ६० किलो र भारतबाट नेपाल तर्फ ल्याउँदै गरेको अन्दाजी ९० हजार रुपैंया बराबरको दुध पाउडर, आमुल बटर चिज, सर्ट, पाईन्ट , गाडीको सिट कभर फेला पारी बरामद गरेको हो । बरामद सामान इलाका प्रहरी कार्यालय काँकडभिट्टामा राखि आवश्यक कानूनी प्रकृया पूरा गरी भन्सार बुझाइने उक्त कार्यालयले जनाएको छ ।
सवारी दुर्घटनामा १ घाइते
झापा, आश्विन २४ गते ।

झापाको कन्काई नगरपालिका-१ स्थित दुर्गापुरमा म्याजिक भेनको ठक्करबाट मोटरसाइकलमा सवार १ जना घाइते भएका छन् । साँझ ७ बजेको समयमा पश्चिमबाट पूर्व तर्फ जाँदै गरेको मे १ ज २५४३ नम्बरको म्याजिक भेनले बिपरित दिशाबाट आउँदै गरेको मे १० प ३४९५ नम्बरको मोटरसाइकललाई ठक्कर दिएको थियो । ठक्करबाट मोटरसाइकल चालक कन्काई नगरपालिका-४ बस्ने बर्ष ५० को छवीलाल कार्की घाइते भइ उपचारको लागि बि.एण्ड. सी. अस्पताल बिर्तामोड पठाएको छ । ठक्कर दिने म्याजिक र चालकलाई इलाका प्रहरी कार्यालय अनारमनी झापाको नियन्त्रणमा राखिएको उक्त कार्यालयले जनाएको छ ।
प्रहरी दिवसमा रक्तदान, ७४ पिण्ट रगत संकलन
बिराटनगर, आश्विन २३ गते ।

६३ औं “प्रहरी दिवस” २०७५ भब्यताका साथ बिबिध कार्यक्रमको आयोजना गरी मनाउने सिलसिलामा आज मिति २०७५ साल आश्विन २२ गते रक्तदान कार्यक्रम सम्पन्न भएको छ । क्षेत्रीय प्रहरी तालीम केन्द्र रानी, बिराटनगरको प्राङगणमा बिहान ८ बजे देखि शुरु भएको  उक्त कार्यक्रममा १ नम्बर प्रदेश प्रहरी कार्यालय, बिराटनगर, क्षेत्रीय प्रहरी तालीम केन्द्र, शसस्त्र प्रहरी गण मुख्यालय रानीका ७४ जना प्रहरी अधिकृत, जवान तथा सर्वसाधरणहरु समेतले रक्तदान गरेका छन् । उक्त कार्यक्रम सम्पन्न गराउन नेपाल रेडक्रस सोसाईटी, मोरङ शाखा बिराटनगरले प्राबिधिक सहयोग प्रदान गरेको थियो ।
चोरीको गाडीमा लागूऔषध, चालक सहित २ पक्राउ
झापा, आश्विन २३ गते ।

झापाको मेचीनगर नगरपालिका- ६ स्थित मेची भन्सार कार्यालय अगाडीबाट चोरीको आरोपमा पक्राउ गरि अनुसन्धानको लागि राखिएको भारतीय गाडीमा लागूऔषध फेला परेको छ । आश्विन २२ गते साँझ सवा ६ बजेको समयमा भारतीय बजारबाट नेपाल तर्फ आउँदै गरेको डब्लु बी. ७४ जेट ७००१ नम्बरको गाडी इलाका प्रहरी कार्यालय काँकडभिट्टाले पक्राउ गरेको थियो । अनुसन्धानको लागि प्रहरीको नियन्त्रणमा राखिएको उक्त गाडीमा खानतलासी गर्ने क्रममा गाडीको अगाडी पट्टीको भागमा लुकाई छिपाई राखेको अवस्थामा १०० मिलि लिटरको ESKUF नामक लागूऔषध-२ बोतल र नाईट्रोसन ट्याब्लेट-१२ फेला परेको हो । लागूऔषध सहित गाडिका चालक मेचीनगर नगरपालिका-६ बस्ने वर्ष ३६ को बिशाल लिम्बु र सोही गाडिमा सवार रहेका वर्ष ३२ को अनुप उरावलाई समेत नियन्त्रणमा राखी थप अनुसन्धान भइरहेको उक्त कार्यालयले जनाएको छ ।
अवैध सामान भन्सार दाखिला, १ पक्राउ
मोरङ, आश्विन २३ गते ।

इलाका प्रहरी कार्यालय रानीले मंगलबार बिहान बिभिन्न समय र स्थानबाट अन्दाजी डेढ लाख मूल्य बढीको अवैध सामान बरामद गरी भन्सार दाखिला गरेको छ । भारतबाट अवैध रुपमा भन्सार छली गरी नेपाल तर्फ ल्याउँदै गरेको अवस्थामा प्रहरीले बिहान साढे १० बजे बिराटनगर-१६ स्थित दक्षिण गेटबाट अन्दाजी १ लाख १७ हजार रुपैंया बराबरको टप्स-१ सय १४ थान र ३० प्याकेट खैनी सहित भारत मझौनी थेरी बस्ने २२ बर्षीया आर्या कुमार मण्डललाई पक्राउ गरको थियो । त्यसैगरी अवैध रुपले जोगवनीबाट बिराटनगर ल्याउँदै गरेको अवस्थामा ३६ हजार ९  सय रुपैंया बराबरको अवैध खाद्यान्न तथा लत्ता कपडा  सहित अन्दाजी  १ लाख ५३ हजार ९ सय रुपैंया बराबरको अवैध सामान बरामद गरी आवश्यक कानूनी प्रकृया पश्चात रानी भन्सार कार्यालय मोरङमा दाखिला गरिएको इलाका प्रहरी कार्यालय रानीले जनाएको छ ।
माटोको ढिस्कोले पुरिएर सासू-बुहारी घाइते  
संखुवासभा, आश्विन २३ गते ।

संखुवासभाको चैनपुर नगरपालिका-३ मा मंगलवार बिहान माटोको ढिस्कोमा पुरिएर सासू-बुहारी घाइते भएका छन् । बिहान करिब पौने ९ बजे घरको लागि रातो माटो लिन गएकोमा माटो खन्ने क्रममा चैनपुर नगरपालिका-४ स्थित खोक्सा बस्ने वीरमान तामाङको श्रीमती वर्ष ३४ की चन्दा तामाङ र निजकै सासू माटोको ढिस्कोले पुरिएर घाइते भएका थिए । घाइते दुवै जनालाई स्थानीयले उद्धार गरी उपचारको लागि स्थानीय मेडिकलमा पठाएको जिल्ला प्रहरी कार्यालय संखुवासभाले जनाएको छ ।
जबरजस्ती करणीको आरोपमा १ जना पक्राउ
सुनसरी, आश्विन २३ गते ।

सुनसरी जिल्लाको इटहरी उप-महानगरपालिका-१३ स्थित खनार बस्ने १४ बर्षीया बालिकालाई जबरजस्ती करणी गरेको आरोपमा सोमबार १ जना पक्राउ परेका छन् । करणीको आरोपमा दुहबी नगरपालिका-८ छिटाहा बस्ने बर्ष ३० को प्रमोद चौधरीलाई पक्राउ गरिएको इलाका प्रहरी कार्यालय दुहबीले जनाएको छ । चौधरीले बालिकालाई ललाई फकाई गरी इटहरी ९ स्थित गोधुली होलटमा लगेर धाक-धम्की देखाई करणी गरेको भनी पिडितले दिएको उजुरीको आधारमा पक्राउ गरिएको हो । पक्राउ परेका चौधरीलाई इप्रका दुहबीमा राखी थप अनुसन्धान भईरहेको उक्त कार्यालयले जनाएको छ ।
मोटरसाइकल दुर्घटनामा महिला घाइते
सुनसरी, आश्चिन २३ गते ।

सुनसरीको इनरुवा नगरपालिका -२ स्थित जिल्ला शिक्षा कार्यालय अगाडी मोटरसाइकल दुर्घटनामा परि १ महिला घाइते भएकी छन् । इनरुवाबाट भुटाहा तर्फ जाँदै गरेको को ३२ प ६५७९ नम्बरको मोटरसाईकल हम्समा आँफै अनियन्त्रित भइ दुर्घटना हुँदा मोटरसाईकलको पछाडी सवार सुनसरी गढी गाउँपालिका-५ बस्ने बर्ष ३५ की सवेदा खातुन घाइते भएकी छन् । घाइते खातुनलाई उपचारको लागि जिल्ला अस्पताल ईनरुवा पठाइएको जिल्ला प्रहरी कार्यालय सुनसरीले जनाएको छ भने मोटरसाइकल र चालकलाई प्रहरीको नियन्त्रणमा राखिएको उक्त कार्यालयले जनाएको छ ।
६३ औं “प्रहरी दिवस” को अवसरमा रक्तदान कार्यक्रमको आयोजना
बिराटनगर, आश्विन २२ गते ।

६३ औं “प्रहरी दिवश” २०७५ को अवसर पारेर १ नम्बर प्रदेश प्रहरी कार्यालय विराटनगरले मंगलबार खुल्ला रक्तदान कार्यक्रमको आयोजना गर्ने भएको छ । भोली बिहान ०८:०० बजे पूर्व क्षेत्रीय प्रहरी तालिम केन्द्र रानी विराटनगरमा नेपाल रेडक्रस सोसाईटी विराटनगर शाखासंगको सहकार्यमा उक्त कार्यक्रमको आयोजना गर्न लागेको हो । १ नम्बर प्रदेश प्रहरी कार्यालय विराटनगरले रक्तदान गर्न ईच्छुक महानुभावहरुलाई सहभागिताको लागि अनुरोध समेत गरेको छ ।
प्रहरी दिवसको अवसरमा सरसफाई
सुनसरी, आश्विन २२ गते ।

६३ औं “प्रहरी दिवस” २०७५ को अवसरमा सोमवार सुनसरीको दुहबीमा सरसफाई कार्यक्रमको गरिएको छ । इलाका प्रहरी कार्यालय दुहबी तथा सामुदायिक सेवा केन्द्र दुहबीको संयुक्त आयोजनामा दुहबी नगरपालिका ५ र ६ को बजार एरिया तथा काली मन्दिरमा सरसफाई गरेको थियो । कार्यक्रममा दुहबी नगरपालिका मेयर बेद नारायण गच्छदार, दुहबी जेसिस, नेपाल आर्मी, शसस्त्र प्रहरी, समाजसेवी र नेपाल रेडक्रस सोसाईटी दुहबी लगाएत २ सय जनाको सहभागिता रहेको थियो ।
दुर्घटनामा २ घाइते
मोरङ, आश्विन २२ गते ।

मोरङको सुन्दर-हरैँचा नगरपालिका-३ स्थित भित्री सडक खण्डमा मोटरसाईकलको ठक्करबाट १ बालक घाइते भएका  छन् । दिउँसो पौने ३ बजेको समयमा दक्षिणबाट उत्तर तर्फ जाँदै गरेको को २० प १५७२ नम्बरको मोटरसाइकलले सोही स्थानमा डेरा गरी बस्ने बिनिता लिम्बुको ३ बर्षीय छोरा बिप्लप लिम्बुलाई ठक्कर दिएको थियो । दुर्घटनामा मोटरसाईकल चालक वर्ष ४५ को श्याम लिम्बु समेत घाइते भइ उपचारको लागि दुबै जनालाई स्थानीय क्लिनिक पठाइएको जिल्ला प्रहरी कार्यालय मोरङले जनाएको छ ।
लागूऔषध सहित १ पक्राउ
मोरङ, आश्विन २२ गते ।

मोरङको कानेपोखरी गाउँपालिका-७ स्थित कानेपोखरी चौकबाट प्रहरीले आइतबार लागूऔषध सहित १ जनालाई पक्राउ गरेको छ । दिउँसो करिब पौने ४ बजे अस्थाइ प्रहरी चौकी कानेपोखरीबाट खटिएको प्रहरी टोलीले कानेपोखरी-४ बस्ने बर्ष २३ को प्रकाश धिमाललाई लागूऔषध सहित पक्राउ गरेको हो । शंकास्पद अवस्थामा हिडिरहेका धिमाललाई चेकजाँच गर्ने क्रममा नाइट्राभेट-१४९ ट्याब्लेट, डाइजेपाम-१ एम्पुल, फेनारगन-१ एम्पुल, लुपिजेसिक-१ एम्पुल, प्रयोग गरेको सिरिन्ज २ थान र नयाँ सिरिन्ज २ थान फेला पारी बरामद गरिएको हो । बरामद लागूऔषध सहित धिमाललाई इलाका प्रहरी कार्यालय पथरीमा राखी थप अनुसन्धान भईरहेको उक्त कार्यालयले जनाएको छ ।
आगलागीबाट ४ लाख बराबरको क्षति
मोरङ, आश्विन २२ गते ।

मोरङको पथरी-शनिश्चरे नगरपालिका-२ देवीगञ्ज बस्ने निरज राईको घरमा आईतवार आगलागी हुँदा अन्दाजी ४ लाख मूल्य बराबरको क्षति भएको छ । राती ११ बजेको समयमा गोठमा खोले पकाउनको लागि चुल्होमा बालेको आगो अचानक सल्किएर आगलागी भएको थियो । आगलागीबाट गोठमा बाँधेको एउटा वाछीको जलेर मृत्यु भएको छ भने एउटा गाई, वाछी र खसि जलेर घाइते भएका छन् । त्यसैगरी गोठमा भएको ३० किबी सखुवा चिरान काठ, ३० मन मकै लगायत भाडावर्तन जलेर नष्ट हुँदा उक्त मूल्य बराबरको क्षति भएको हो । उक्त आगलागी सुन्दर-हरैचा नगरपालिका र दमक नगरपालिकाबाट आएको २ वटा दमकल, प्रहरी र स्थानीयवासीको सहयोगमा नियन्त्रणमा लिइएको इलाका प्रहरी कार्यालय पथरीले जनाएको छ ।
मोटरसाईकल दुर्घटनामा २ घाइते
उदयपुर, आश्विन २२ गते ।

उदयपुरको बेलका नगरपालिका-८ स्थित बगेन्द्र खोलामा शुक्रबार मोटरसाईकल अनियन्त्रित भइ दुर्घटना हुँदा २ जना घाइते भएका छन् । चतरा गाईघाट सडकखण्डमा पूर्वबाट पश्चिम तर्फ जाँदै गरेको को ३२ प ८४० नम्बरको मोटरसाइकल आँफै अनियन्त्रित भई दुर्घटना हुँदा चालक सुनसरी बराह नगरपालिका-८ बस्ने बर्ष २७ को निकेश बि.क. र मोटरसाईकलको अगाडी राखेर घुमाउन ल्याएका बर्ष ५ को सौगात मगर गम्भीर घाइते भएका छन् । घाइते दुवैलाई उपचारको लागि धरान स्थित विपी कोइराला स्वास्थ्य विज्ञान प्रतष्ठान पठाईएको जिल्ला प्रहरी कार्यालय उदयपुरले जनाएको छ ।
अवैध सामान बरामद
मोरङ, आश्विन २१ गते ।

मोरङको विराटनगर महानगरपालिका-१५ स्थित बिभिन्न स्थानबाट प्रहरीले शुक्रबार १ लाख भन्दा बढीको अवैध सामान बरामद गरेको छ । इलाका प्रहरी कार्यालय रानी, सिमा प्रहरी चौकी रानी र सि. आर.भी. बाट खटिएको प्रहरीको टोलीले बिभिन्न एरियाबाट अवैध रुपमा भन्सार छली गरी नेपाल तर्फ ल्याउँदै गरेको खाद्यान्न सामाग्री, लेडिज जामा, जुत्ता, स्टिलको थाल, चम्चा,गिलास, घण्टी र दियो लगायत अन्दाजी १ लाख २४ हजार ३५० मूल्य बराबरको सामान बरामद गरेको हो । बरामद गरिएको सामान आवश्यक कानूनी प्रकृया पश्चात कारवाहीको लागि भन्सार कार्यालय रानीमा बुझाइने इलाका प्रहरी कार्यालय रानीले जनाएको छ ।
दुर्घटनामा माइक्रो चालक घाइते
मोरङ, आश्विन २१ गते ।

मोरङको बुढीगंगा गाउँपालिका-३ स्थित कोशी राजमार्गमा शुक्रवार दिउँसो बसले माइक्रोलाई ठक्कर दिँदा १ जना घाईते भएका छन् । दिउँसो १२ बजे उत्तरबाट दक्षिण जाँदै गरेको मे १ ख २००२ नम्बरको बसले बिपरित दिशाबाट आउँदै गरेको को १ ज २९३० नम्बरको माइक्रो बसलाई ठक्कर दिएको थियो । ठक्करबाट माइक्रो बसका चालक सप्तरी राजबिराज नगरपालिका- ८ बस्ने बर्ष-२६ को शैलन्द्र ठाकुर घाइते भइ उपचारको लागि स्थानीय मेडिकल पठाइएको छ भने बस र चालकलाई इलाका प्रहरी कार्यालय निमुवाको नियन्त्रणमा राखिएको उक्त कार्यालयले जनाएको छ ।
आगलागीबाट २ लाख बढीको क्षति
खोटाङ, आश्विन २१ गते ।

खोटाङको रुपाकोट-मझुवागढी नगरपालिका-१३ नुनथला बस्ने जोगमाया राईको घरमा आगलागी हुँदा अन्दाजी २ लाख २३ हजार मूल्य बराबरको क्षति भएको छ । शनिवार राती साढे ९ बजे राईको घरमा रहेको किराना पसलमा खाना पकाउने क्रममा अचानक आगलागी भई पसलमा रहेको किराना सामान, कस्मेटिक लगायत फर्निचरको सामान जलेर नष्ट भएको  छ । आगलागी प्रहरी र स्थानीयवासीको सहयोगमा राती नै नियन्त्रणमा लिईएको जिल्ला प्रहरी कार्यालय खोटाङले जनाएको छ ।
लागु औषध सहित २ पक्राउ
झापा, आश्विन २१ गते ।

झापाको भद्रपुर नगरपालिका-५ मेची खोला नजिकबाट प्रहरीले शनिबार लागु औषध सहित २ जनालाई पक्राउ गरेको छ । अपरान्ह ४ बजे भारतबाट मे ६ प २३७२ नम्बरको मोटरसाइकलमा नेपाल तर्फ आउँदै गरेका भद्रपुर नगरपालिका- ७ बस्ने बर्ष ३२ को सुबर्ण श्रेष्ठ र झापा हल्दीबारी-१ बस्ने बर्ष ३४ को नारायण गुरुङलाई चेकजाँच गर्ने क्रममा गुरुङक साथबाट लागू  औषध डाईजेपाम-८८ एम्पुल, फेनारगन-८८ एम्पुल र लुपिजेसिक- ८८ एम्पुल बरामद गरिएको हो । बरामद लागू औषध सहित दुवै जनालाई वडा प्रहरी कार्यालय भद्रपुरमा राखी थप अनुसन्धान भइरहेको उक्त कार्यालयले जनाएको छ ।
कोठा खोज्ने बाहानामा चोरी गर्ने प्रहरीको नियन्त्रणमा
सुनसरी, आश्विन २१ गते ।

कोठा खोज्ने बहानामा घरमा चोरी गर्ने १ महिलालाई ईलाका प्रहरी कार्यालय ईटहरीले पक्राउ गरेको छ । केही समय देखि ईटहरीका बिभिन्न स्थानहरुमा एक महिला कोठा खोज्न आउने बहाना बनाउदै घरमा कोही नभएको मौका छोपी चोरी गर्ने गरेको भन्ने स्थानीयवासीको गुनासो आउन थाले पछी संभावित महिला माथी निगरानी  बढाएको प्रहरी टोलीले २० गते बेलुका ईटहरी उपमहानगरपालिका-५ रक्तमाला टोलबाट २० बर्षीया सरस्वती बि.क.लाई पक्राउ गरेको थियो । पक्राउ परेकी बि.क. को साथबाट प्रहरीले ६ तोला सुन र ७४ हजार नगद बरामद गरेको छ भन्ने अन्य थप अनुसन्धान भईरहेको ईलाका प्रहरी कार्यालय ईटहरीले जनाएको छ ।
वेवारिशे शिशु फेला
ताप्लेजुङ, आश्विन २० गते ।

ताप्लेजुङको फुङलिङ नगरपालिका-८ स्थित दोखु सिरान बस्ने नरबहादुर गुरुङको गाई गोठमा वेसारिशे अवस्थामा शिसु फेला परेको छ ।  बिहान करिब ७ बजेको समयमा वेसारिशे अवस्थामा बर्कोमा पोको पारेर घाँसको थुप्रोमा राखेको अवस्थामा शिसु फेला परेपछी स्थानीयले प्रहरीमा खबर गरेका थिए । खबर प्राप्त हुनासाथ उक्त स्थानमा बिमानस्थल सुरक्षागार्ड सुकेटारबाट प्रहरीको टोली खटि गई बच्चाको उद्धार गरी उपचारको लागि जिल्ला अस्पताल ताप्लेजुङ पठाईएको जिल्ला प्रहरी कार्यालय ताप्लेजुङले जनाएको छ ।
 
आगलागीबाट ९५ हजार बराबरको क्षति
उदयपुर, आश्विन २० गते ।

उदयपुरको चौदण्डीगढी नगरपालिका-१० स्थित कृष्ण प्रसाद खतिवडाको घरमा आगलागी हुँदा अन्दाजी ९५ हजार मूल्य बराबरको क्षति भएको छ । बिहान करिब ८ बजे खतिवडाको पुजा कोठामा बालेको बत्तीबाट अचानक कागज सल्किएर आगलागी भएको थियो । आगलागीबाट निजको कोठा भित्र रहेको लत्ताकपडा १ तोला सुन र नगद ५ हजार जलेर नष्ट भएको छ । उक्त आगलागी प्रहरी र स्थानीयवासीको सहयोगमा नियन्त्रणमा लिइएको जिल्ला प्रहरी कार्यालय उदयपुरले जनाएको छ ।
रुखले थिचेर १ जना घाईते
सोलुखुम्बु, आश्विन २० गते ।

सोलुखुम्को सोताङ गाउँपालिका-५ स्थित खरिदोमा रुखले किचेर शनिवार १ जना घाईते भएका छन् । बिहान ११ बजे रुख काट्ने क्रममा रुख लडेर आँफैलाई किच्दा सोही स्थान बस्ने बर्ष ४५ को राम बहादुर राई घाईते भएका हुन् । रुखले किचेर गम्भीर घाईते भएका राईलाई उपचारको लागि प्राथमिक स्वास्थ्य केन्द्र सोताङ पठाईएकोमा थप उपचारको लागि श्री एयरको हेलीकप्टरद्वारा न्यूरो अस्पताल विराटनगर ल्याईएको जिल्ला प्रहरी कार्यालय सोलुखुम्बुले जनाएको छ ।
जबरजस्ती करणीको आरोपमा युवक पक्राउ
झापा, आश्विन २० गते ।

झापाको झापा गाउँपालिका-५ मा शुक्रबार बालिकालाई करणी गरेको आरोपमा १ युवकलाई पक्राउ गरिएको छ ।  करणीको आरोपमा झापा कन्काई नगरपालिका-७ बस्ने बर्ष २२ को राजकुमार हेमरनलाई पक्राउ गरिएको जिल्ला प्रहरी कार्यालय झापाले जनाएको छ । हेमरनले राती पौने ९ बजे झापा गाउँपालिका-५ बस्ने बर्ष ४ की एक बालिकालाई ललाई फकाई गरी खेतको आलीमा लगेर करणी गर्दै गरेको अवस्थामा स्थानीय देखेपछी प्रहरीमा खबर गरेका थिए ।  घटनाको जानकारी पाउनासाथ प्रहरी चौकी शरणामतीबाट प्रहरीको टोली खटि गई बालिकाको उद्धार गरी हेमरनलाई नियन्त्रणमा लिएको थियो । पक्राउ परेका हेमरनलाई इलाका प्रहरी कार्यालय झापामा राखी थप अनुसन्धान भईरहेको छ भने  बालिकालाई उपचारको लागि मेची अंचल अस्पताल भद्रपुर पठाईएको उक्त कार्यालयले जनाएको छ ।
भरुवा बन्दुक सहित १ पक्राउ
धनकुटा, आश्विन २० गते

धनकुटाको चौबिसे गाउँपालिका- ७ स्थित मछिन्द्र सामुदायिक वनबाट प्रहरीले शुक्रबाट १ जनालाई भरुवा बन्दुक सहित पक्राउ गरेको छ । दिउँसो साढे १ बजे भरुवा बन्दुक सहित सोही स्थान बस्ने बर्ष ४६ खेम कुमार राईलाई पक्राउ गरिएको जिल्ला प्रहरी कार्यालय धनकुटाले जनाएको छ । राईलाई जंगलमा भरुवा बन्दुक पड्काएको भनि स्थानीयले दिएको सूचनाको आधारमा प्रहरी बिट मौनाबुधुकबाट खटिएको टोलीले १ थान बन्दुक, छर्रा २ बट्टा र  १ बट्टा बारुद सहित पक्राउ गरिएको हो । राईलाई इलाका प्रहरी कार्यालय राजारानीमा राखी थप अनुसन्धान भईरहेको उक्त कार्यालयले जनाएको छ ।
लागूऔषध सहित १ पक्राउ
झापा, आश्विन २० गते ।

झापाको दमक नगरपालिका-४ बाट प्रहरीले शुक्रबाट अपरान्ह लागूऔषध सहित १ जनालाई पक्राउ गरेको छ । इलाका प्रहरी कार्यालय दमकबाट खटिएको टोलीले मे.६ प.५३८९ नम्बरको मोटरसाईकलमा सवार  दमक-३ बस्ने बर्ष २७ को श्रवण खुलाल लाई शंका लागि चेकजाँच गर्ने क्रममा डाइजेपाम-१६ एम्पुल, लुपिजेसिक-१६ एम्पुल र फेनारगन-१६ एम्पुल लागूऔषध फेला पारी बरामद गरिएको हो । बरामद लागूऔषध सहित खुलाललाई प्रहरीको नियन्त्रणमा राखी थप अनुसन्धान भईहेको उक्त कार्यालयले जनाएको छ ।
सर्पदंशबाट १ घाइते
सुनसरी, आश्विन २० गते ।

सुनसरीको कोशी गाउँपालिका-८ स्थित भाण्टाबारीमा शुक्रबार साँझ सर्पदंशबाट १ जना भारतीय नागरिक घाईते भएका छन् । प्लाष्टिकको फूल बेच्ने काम गर्दै आएका भारत अररिया बथना-६ बस्ने बर्ष १२ को घनश्याम मल्लिकलाई साँझ साढे ७ बजे खेतमा हिडिरहेको अवस्थामा सर्पले खुट्टामा डसेको थियो  । सर्पको डसाईबाट घाइतेलाई उपचारको लागि जिल्ला अस्पताल सुनसरी पठाईएको जिल्ला प्रहरी कार्यालय सुनसरीले जनाएको छ ।
मोरङ र सुनसरीमा आगलागी १४ लाख बढीको क्षति
बिराटनगर, आश्विन २० गते ।

१ नम्बर प्रदेश अन्तर्गत मोरङ र सुनसरीमा शुक्रबार राती आगलागी हुदाँ अन्दाजी १४ लाख १० हजार मूल्य बराबरको क्षति भएको छ । राती पौने १२ बजे मोरङको बिराटनगर महानगरपालिका-६ स्थित सरोचिया बस्ने शंकर सहनीको कवाडी गोदाममा अचानक आगलागी हुँदा नजिकै रहेको अमृत कामतको चिया पसलमा समेत आगलागी भएको थियो । आगलागीबाट सहनीको टिनको बेरा र छानो भएको १ तले गोदाम को १ ह ५८५५ नम्बरको सिटी सफारी र कामतको टिनको बेरा, छानो भएको चिया पसल जलेर नष्ट हुँदा अन्दाजी ८ लाख मूल्य बराबरको क्षति भएको छ । उक्त आगलागी प्रहरी, दमकल र स्थानीयवासीको सहयोगमा नियन्त्रणमा लिएको जिल्ला प्रहरी कार्यालय मोरङले जनाएको छ । त्यसैगरी सुनसरीको धरान उप-महानगरपालिका-१५ स्थित तुलसी बस्तीमा लिक बहादुर राईको घरमा फ्रिजबाट बिजुलीको तार सर्ट भई आगलागी हुँदा अन्दाजी ६ लाख १० हजार मूल्य बराबरको क्षति भएको छ । आगलागीबाट राईको फ्रिज सहित कोठा, कोठा भित्र रेहेको लत्ताकपडा र भाडा वर्तन समेत जलेर नष्ट हुँदा उक्त मूल्य बराबरको क्षति भएको इलाका प्रहरी कार्यालय धरानले जनाएको छ । उक्त आगलागी प्रहरी, दमकल र स्थानीयवासीको सहयोगमा नियन्त्रणमा लिइएको उक्त कार्यालयले जनाएको छ ।
डेढ लाख मूल्य बराबरको सामान बरामद
झापा, आश्विन २० गते ।

इलाका प्रहरी कार्यालय काँकडभिट्टाबाट खटिएको टोलीले बिभिन्न समयमा डेढ लाख मूल्य बराबरको अवैध सामान बरामद गरेको छ । शुक्रबार प्रहरीले नेपालबाट भारत तर्फ निकासा गर्दै गरेको अवस्थामा अन्दाजी ६३ हजार ७ सय ५० मूल्य बराबरको २ सय ५५ किलो सुख्खा सुपारी फेला पारी बरामद गरेको हो । त्यसैगरी  भारतबाट नेपाल तर्फ ल्याउँदै गरेको अवस्थामा बच्चाले लगाउने भेष्ट-१०० थान, बेरिना-१०० थान, जेल-४० थान, ईन्ची टेप-६० थान र मोटरसाईकलको पार्टस् सहित अन्दाजी १ लाख ३३ हजार ७ सय ५० रुपैँया मूल्य बराबरको सामान बरामद गरेको थियो । बरामद सामान आवश्यक कारवाहीको लागि मेचीनगर भन्सार कार्यालय काँकडभिट्टामा बुझाइने उक्त कार्यालयले जनाएको छ ।
बस दुर्घटनामा २ प्रहरी सहित ८ घाईते
मोरङ, आश्विन २० गते ।

मोरङको सुन्दर-हरैँचा नगरपालिका-४ स्थित बलिया चौकमा शुक्रबार साँझ २ वटा बस एक आपसमा ठक्कर खाई दुर्घटना हुँदा २ जना प्रहरी सहित ८ जना घाइते भएका छन् । साँझ पौने ७ बजे पूर्व-पश्चिम राजमार्गमा पूर्वबाट पश्चिम तर्फ जाँदै गरेको ना. ५ ख २७०८ नम्बर र विपरित दिशाबाट आउँदै गरेको बा २ ख ४१८ नम्बरको बस एक आपसमा ठक्कर खाई दुर्घटना भएको थियो । दुर्घटना परि बा २ ख ४१८ नम्बरको बसका चालक सोही नगरपालिका बस्ने  बर्ष २५ को रमेश खड्का, बसमा सवार भद्रपुर नगरपालिका-३ बस्ने बर्ष ३१ की मुनु सुब्बा त्यसैगरी अर्को बसका चालक झापा कमल गाउँपालिका-७ बस्ने बर्ष ३० को ताइवन लिम्बु, बसमा सवार भारत बंगाल बस्ने बर्ष ५२ को सादुन खान, १ नम्बर प्रदेश बिपद ब्यवस्थापन कार्यदल चन्द्रगढीमा कार्यरत प्रहरी जवान सुनिल सिवा, प्रहरी जवान आदित्य मगर, दमक नगरपालिका-१० बस्ने बर्ष ३२ को कुल बहादुर तिम्सिना र भारत बंगाल बस्ने बर्ष ३६ को सामसुङ स्लाम घाइते भएका छन् । घाइतेहरुको विराटनगर स्थित नोबेल, न्यूरो र बिराट नर्सिङ होममा उपचार भईरहेको जिल्ला प्रहरी कार्यालय मोरङले जनाएको छ । घाइते सबैको अवस्था सामान्य छ ।
“क्यामेरा संचालन तथा समाचार सम्प्रेशण” सम्बन्धि अनुशिक्षण तालिम समापन
बिराटनगर, आश्विन १९ गते ।

१ नम्बर प्रदेश प्रहरी कार्यालय विराटनगरले आयोजना  गरेको “क्यामेरा संचालन तथा समाचार सम्प्रेषण” सम्बन्धि २ दिने अनुशिक्षण तालिम समापन भएको छ । १ नम्बर प्रदेशको १४ जिल्लामा प्रहरीले गरेको काम कारवाहीलाई संचार माध्यम मार्फत प्रकाशन तथा प्रसारण गरि सूचनाको पहुँच नागरिक समक्ष पुर्‍याउने उदेश्यका साथ प्रदेश प्रहरी कार्यालय विराटनगरले १४ जिल्लाका सबै जिल्ला प्रहरी कार्यालयमा कार्यरत ३० जना प्रहरी कर्मचारीहरुलाई समाचार लेखन तथा क्यामेरा संचालन सम्बन्धि प्रशिक्षण दिएको थियो ।  आमा अनलाईन टिभिको सहकार्यमा आश्विन १८ र १९ गते झापाको चन्द्रगढीमा आयोजना गरिएको उक्त कार्यक्रममा टिभीका सम्पादक शेषराज भट्टराई, दृष्य सम्पादन प्रमुख प्रदिप वस्नेत र टिकाराम नेति नेपालले प्रशिक्षण दिनुभएको थियो ।
२ वटा मोटरसाईकल आपसमा ठक्कर खाँदा ३ घाइते
सुनसरी, आश्विन १९ गते ।

सुनसरीको भोक्राह गाउँपालिका-४ स्थित जनता चौकमा २ वटा मोटरसाईकल एक आपसमा ठक्कर खाई दुर्घटना हुँदा ३ जना घाइते भएका छन् । दिउँसो पौने २ बजेको समयमा पूर्वबाट पश्चिम तर्फ जाँदै गरेको को ४ प १६९१ नम्बरको मोटरसाईकल र भित्री सडक खण्डबाट राजमार्ग आउँदै गरेको को ६ प ३४९ नम्बरको मोटरसाईकल एक आपसमा ठक्कर खाई दुर्घटना भएको थियो । दुर्घटनामा परि को ६ प १६९१ नम्बरको मोटरसाईकल चालक ईटहरी-६ बस्ने संजय चौधरी, पछाडी सवार बराह नगरपालिका-७ बस्ने अच्युत खड्का र को ६ प ३४९ नम्बरको मोटरसाईकल चालक कोशी गाउँपालिका-२ बस्ने श्याम सुन्दर यादव घाईते भएका छन् । घाईते तीनै जनालाई उपचारको लागि जिल्ला अस्पताल ईनरुवा पठाईएको जिल्ला प्रहरी कार्यालय सुनसरीले जनाएको छ । 
रुखको हाँगाले लागेर १ जनाको मृत्यु
सुनसरी, आश्विन १९ गते ।

सुनरीको धरान उप-महानगरपालिका-०६ पानमारा स्थित विशाल चौकमा रुखको हाँगाले लागेर १ जनाको घटना स्थलमा नै मृत्यु भएको छ । बिहान ९ बजेको समयमा घर नजिकै रहेको जंगलमा सुकेको रुख काट्ने क्रममा हाँगा झरेर लाग्दा सोही स्थान बस्ने  बर्ष ५० को लम्दाथाङ आङदम्बेको घटनास्थलमा नै मृत्यु भएको इलाका प्रहरी कार्यालय धरानले जनाएको छ । मृतकको शव आवश्यक कानूनी प्रकृया पश्चात पोष्टमार्टको लागि विपी कोइराला स्वास्थ्य बिज्ञान प्रतिष्ठान धरान पठाईएको उक्त कार्यालयले जनाएको छ ।
पानीमा डुबेर बालिका घाईते
सुनसरी, आश्विन १९ गते ।

सुनसरीको दुहबी नगरपालिका-११ स्थित तनमुनामा शुक्रबार बिहान पानीमा डुबेर शुक्रबार एक बालिका घाइते भएकी छन् । बिहान साढे ७ बजेको समयमा सोही स्थान बस्ने समिर चौधरीको छोरी बर्ष २ कि धनलक्ष्मी चौधरी घर नजिकै खेल्ने क्रममा नजिकै पानी जमेको खाल्डोमा डुबेर घाईते भएकी हुन् । बालिकालाई उपचारको लागि बिराटनगर स्थित  बिराट नर्सिङ होम पठाईएको  ईलाका प्रहरी कार्यालय छिटाहाले जनाएको छ ।
“६३ औं प्रहरी दिवश” को अवसरमा रक्तदान कार्यक्रमको आयोजना
बिराटनगर, आश्विन १९ गते ।

“६३ औं प्रहरी दिवश” २०७५ को अवसर पारेर १ नम्बर प्रदेश प्रहरी कर्यालय विराटनगरले खुल्ला रक्तदान कार्यक्रमको आयोजना गर्ने भएको छ । आगामी आश्विन २३ गते बिहान ०८:०० बजे पूर्व क्षेत्रीय प्रहरी तालिम केन्द्र रानी विराटनगरमा नेपाल रेडक्रस सोसाईटी विराटनगर शाखासंगको सहकार्यमा उक्त कार्यक्रम गरिने तय भएको हो । १ नम्बर प्रदेश प्रहरी कार्यालय विराटनगरले रक्तदान गर्न ईच्छुक महानुभावहरुलाई सहभागिताको लागि अनुरोध समेत गरेको छ ।
लेक लागेर ताईवानी नागरिकको मृत्यु
सोलुखुम्बु, आश्विन १९ गते ।

सोलुखुम्बुको खुम्बु-पासाङल्हामु गाउँपालिका-४ स्थित लोबुचे होटलमा बिहीबार साँझ लेक लागेर विदेशी नागरिकको मृत्यु भएको छ । मदर अर्थ होटलमा साँझ आराम गरिरहेको अवस्थामा अचानक लेक लागेर बर्ष ४६ को ताईवानी नागरिक CHENARI CHYANG नाम गरेको पुरुषको मृत्यु भएको इलाका प्रहरी कार्यालय नाम्चेले जनाएको छ । उनीहरु गत अश्विन १३ गते नेपाल हाईटिङ टिम कम्पनी काठमाण्डौ मार्फत बेश क्याम्प घुम्न १५ जनाको समूहमा सोलुखुम्बु गएका थिए । घटनाको जानकारी पाउना साथ खटिएको प्रहरीको टोलीले कानूनी प्रक्रिया पूरा गरी शव पोष्ट मार्टमको लागि जिल्ला अस्पताल पठाएको उक्त कार्यालयले जनाएको छ ।
मोटरसाईकलको ठक्करबाट १ जनाको ज्यान गयो
सुनसरी, आश्विन १९ गते ।

सुनसरीको ईनरुवा नगरपालिका-३ स्थित हनुमान चौकमा बिहीबार दिउँसो मोटरसाईकलको ठक्करबाट १ जनाको मृत्यु भएको छ । पश्चिमबाट पूर्व तर्फ आउँदै गरेको तत्काल अल्फावेट  नखुलेको ६९४७ नम्बरको मोटरसाईकलले साईकलमा सवार ईनरुवा नगरपालिका-४ बस्ने बर्ष ६५ को जनकलाल मेहतालाई ठक्कर दिएको थियो । ठक्करबाट गम्भीर घाइते मेहतालाई उपचारको लागि जिल्ला अस्पताल ईनरुवा हुँदै थप उपचारको लागि विराटनगर स्थित गोल्डेन अस्पताल पठाईएको उपचारको क्रममा दिउँसो पौने ३ बजे मृत्यु भएको जिल्ला प्रहरी कार्यालय सुनसरीले जनाएको छ । चालकलाई प्रहरीको नियन्त्रणमा राखिएको उक्त कार्यालयले जनाएको छ ।
आगलागीबाट डेढ लाखको क्षति, १ घाईते
मोरङ, आश्विन १९ गते ।

मोरङको विराटनगर महानगरपालिका-५ स्थित विशाल चौक बस्ने मुन्नी खातुनको घरमा आगलागी भएको छ । साँझ साढे ६ बजेको समयमा खातुनको घरमा अचानक ग्याँस लिक भई आगलागी हुँदा अन्दाजी १ लाख ५० हजार मूल्य बराबरको क्षति भएको छ । आगलागीबाट टिनको छानो भएको २ कोठे घर तथा सम्पूर्ण सर-सामान जलेर नष्ट भएको छ भने आगो निभाउने क्रममा खातुनको हात खुट्टा जलेर घाईते भई उपचारको लागि कोशी अंचल अस्पताल पठाईएको छ । उक्त आगलागी प्रहरी र स्थानीय मानिसहरुको सहयोगमा नियन्त्रणमा लिईएको जिल्ला प्रहरी कार्यालय मोरङले जनाएको छ ।
लागु-औषध सहित २ युवक पक्राउ
सुनसरी, आश्विन १८ गते ।

 सुनसरीको ईटहरी उप-महानगरपालिका-२ स्थित आँपगाछिबाट प्रहरीले बिहीबार दिउँसो लागु-औषध सहित २ जना युवकलाई पक्राउ गरेको छ । अस्थायी प्रहरी पोष्ट हलगडाबाट खटिएको टोलीले लागु-औषध सहित धरान १० बस्ने वर्ष १९ को नाछु शेर्पा र धरान-८ बस्ने वर्ष १७ को समिर लिम्बुलाई पक्राउ गरेको हो । दिउँसो पौने २ बजेको समयमा काँकडभिट्टाबाट धरान जाँदै गरेको ना २ ख ८४३६ नम्बरको बसमा चेकचाँच गर्ने क्रममा बसमा सवार उनीहरुलाई शंका लागि चेकचाँच गर्ने क्रममा ट्रामाडोल नामक लागु-औषध ५ सय २० पिस र स्पास्मोप्रोक्सिभन ट्याबलेट १ हजार १० पिस फेला पारी नियन्त्रणमा लिईएको  हो । बरामद लागु-औषध सहित दुबै जनालाई इलाका प्रहरी कार्यालय ईटहरीमा राखी थप अनुसन्धान भईरहेको उक्त कार्यालयले जनाएको छ ।
बरामद सामान भन्सार बुझाईयो
मोरङ, आश्विन १८ गते ।

ईलाका प्रहरी कार्यालय रानीले बिभिन्न समयमा बरामद गरेको अवैध लत्ता कपडा आज भन्सार बुझाएको छ । ईप्रका रानी, सिमा प्रहरी चौकी, अस्थायी प्रहरी पोष्ट मटेरुवाबाट खटिएको टोलीले भन्सार छली नेपाल तर्फ ल्याउँदै गरेको अन्दाजी ७५ हजार मूल्य बराबरको लत्ताकपडा, गाडीको पर्टपूर्जा, खाद्यान्न र पुजा सामाग्री बरामद गरेको थियो । बरामद सामान आवश्यक कारवाहीको लागि आजै विराटनगर भन्सार कार्यालय रानीमा बुझाईएको ईलाका प्रहरी कार्यायलय रानीले जनाएको छ ।
बलेरो गाडीको ठक्करबाट १ को मृत्यु ३ घाईते
झापा, आश्विन १८ गते ।

झापाको मेचीनगर नगरपालिका-१३ स्थित कालीझोडामा बलेरो गाडीले २ वटा साईकललाई ठक्कर दिँदा १ जनाको मृत्यु भएको छ भने ३ जना घाइते भएका छन् । बिहान करिब पौने आठ बजे पूर्व-पश्चिम राजमार्गमा पूर्वबाट पश्चिम तर्फ आउँदै गरेको मे १ ज २४६२ नम्बरको बलेरो गाडीले २ वटा साईकललाई ठक्कर दिँदा अनियन्त्रित भई सडकमा पल्टिएको थियो । दुर्घटनामा परि साईकलमा सवार अर्जुनधारा नगरपालिका-१० बस्ने बर्ष ६० को बिष्णु प्रसाद बि.क., अर्को साईकलमा सवार मेचीनगर नगरपालिका-१२ बस्ने बर्ष ३८ को शंकर रोक्का, बलेरोमा सवार ईलाम जोगमाई गाउँपालिका-४ बस्ने बर्ष १९ को बिशाल सापकोटा र ईलाम नगरपालिका-७ बस्ने बर्ष ५४ को दिगेन्द्र रिमाल घाइते भएका थिए । घाईते चारै जनालाई उपचारको लागि बिएण्डसी अस्पताल बिर्तामोड पठाएकोमा उपचारको क्रममा बिष्णु प्रसाद बि.क. को सोही अस्पतालमा मृत्यु भएको जिल्ला प्रहरी कार्यालय झापाले जनाएको छ । अन्य घाइतेहरुको सोही अस्पतालमा उपचार भईरहेको छ भने बलेरो र चालकलाई इलाका प्रहरी कार्यालय धुलावारीको नियन्त्रणमा राखिएको छ ।
बिद्युत सर्ट भई आगलागी, ३३ लाख बढीको क्षति
धनकुटा, आश्विन १८ गते ।

धनकुटाको महालक्ष्मी गाउँपालिका- ४ स्थित डाँडाखर्कमा बुधबार दिउँसो आगलागीबाट ४ घर जलेर नष्ट हुँदा ३३ लाख बढीको क्षति भएको छ । दिउँसो १२ बजेको समयमा सोही नगरपालिका बस्ने ज्ञान बहादुर मगरको घरमा बिद्युत सर्ट भई आगलागी हुँदा ३ तले घर लगायत सम्पूर्ण सर सामान जलेर नष्ट हुँदा अन्दाजी १२ लाख ७ हजार ६ सय ४९ रुपैँया बराबरको क्षति भएको छ । त्यसैगरी छिमेकी  कमला देबी खड्काको २ तले घर सहित अन्नपात, लत्ताकपडा, नगद ५ हजार ५ सय सहित अन्दाजी ५ लाख ५७ हजार ३ सय ५०, रिपु श्रेष्ठको २ तले घर सहित सम्पूर्ण सामान सहित अन्दाजी ११ लाख ९१ हजार  ९ सय ५० र कालुमान राईको ३ तले घरमा आंशिक रुपमा क्षति हुँदा घरमा रहेको अन्नपात, लत्ता कपडा सहित अन्दाजी ३ लाख ५० हजार सहित जम्मा ३३ लाख ६९ हजार ९ सय ४९ रुपैंया बराबरको क्षति भएको हो । उक्त आगलागी प्रहरी र स्थानीयवासीको सहयोगमा दिउँसो पौने ४ बजे नियन्त्रणमा लिईएको जिल्ला प्रहरी कार्यालय धनकुटाले जनाएको छ ।
भालुको आक्रमणबाट १ घाइते
सोलुखुम्बु, आश्विन १८ गते ।

सोलुखुम्बुको महाकुलुङ गाउँपालिका-१ बुङ स्थित पातले जंगलमा बुधबार दिउँसो भालुको आक्रमणमा परि १ जना घाईते भएका छन् । दिउँसो साढे ३ बजेको समयमा सोही स्थान बस्ने बर्ष ३६ को गोबर्धन कुलुङ राईलाई घर नजिकै रहेको जंगलमा गाईबस्तु चराउने क्रममा अचानक जंगली भालुले आक्रमण गरेको थियो । भालुको आक्रमणमा परि घाइते राईको बुङ स्थित प्राथमिक स्वास्थ्य केन्द्रमा उपचार भईरहेको जिल्ला प्रहरी कार्यालय  सोलुखुम्बुले जनाएको छ ।
अवैध सामान बरामद
झापा, आश्विन १८ गते ।

ईलाका प्रहरी कार्यालय काँकडभिट्टाबाट खटिएको प्रहरीको टोलीले बुधबार दिउँसो ९४ हजार मूल्य बराबरको अवैध सामान बरामद गरेको छ । दिउँसोको समयमा बिभिन्न स्थानबाट अवैध रुपमा लुकाई छिपाई भारत तर्फ लैजाँदै गरेको २२ किलो सुख्खा सुपारी, हरियो मोटर र कपालमा लगाउने मेहेन्दी त्यसैगरी भारतबाट नेपाल तर्फ ल्याउँदै गरेको स्टिलको कचौरा-३४९ पिस, जुता-चप्पल-७६ पिस, कुकर-२ थान, फ्राई ताई १ थान, बेड कभर-७ पिस, ब्लाउज कपडा २ थान, कुर्थी-३ पिस, पर्दा-१ पिस, जामा-२७ पिस, रंग-२० लिटर, जेन्स भेष्ट ८ पिस, लेहङगा-४ पिस र झिरझिरे १ काटुन फेला पारी बरामद गरिएको हो । बरामद सामान ईप्रका काँकडभिट्टामा राखी थप अनुसन्धान भईरहेको उक्त कार्यालयले जनाएको छ ।
दुर्घटनामा परि २ घाइते
मोरङ, आश्चिन १८ गते ।

मोरङको ग्रामथान गाउँपालिका-७ स्थित कालाबञ्जारमा बुधबर साँझ मोटटरसाईकल दुर्घटनमा परि चालक घाइते भएका छन् । विराटनगर बिराटचौक सडक खण्डमा उत्तरबाट दक्षिण तर्फ जाँदै गरेको को ३४ प ९२७८ नम्बरको मोटरसाईकल अनियन्त्रित भई दुर्घटना हुँदा चालक बिराटनगर ५ बस्ने वर्ष ४० को केशब कार्की घाइते भएका हुन् । घाइते कार्कीको नोबेल अस्पताल बिराटनगरमा उपचार भईरहेको इलाका प्रहरी कार्यालय हरैँचाले जनाएको छ । त्यसैगरी झापाको भद्रपुर नगरपालिका-४ स्थित बरगाछी चोकमा मोटरसाईकलले साईकललाई ठक्कर दिँदा १ बालिका घाइते भएकी छन् । भित्री सडक खण्डमा उत्तरबाट दक्षिण तर्फ जाँदै गरेको मे ३ प ७०१९ नम्बरको मोटरसाईकलको ठक्करबाट साईकलमा सवार हल्दीबारी गाउँपालिका-३ बर्ष १२ की करुणा राई घाइते भएकी हुन् । घाइते बालिकाको बिर्तासिटी अस्पताल बिर्तामोडमा उपचार भईरहेको छ भने चालकलाई वडा प्रहरी कार्यालय भद्रपुरको नियन्त्रणमा राखिएको छ ।
लागु-औषध सहित २ जना पक्राउ
उदयपुर, आश्विन १७ गते ।

उदयपुरको त्रियुगा नगरपालिका-७ स्थित लालपत्ताबाट प्रहरीले लागु-औषध सहित २ जनालाई पक्राउ गरेको छ । सवारी चेकजाँचको क्रममा बिहान ६ बजे ना ७ ख २३८ नम्बरको गाडिमा सवार रहेका मोरङ मधुमारा ११ बस्ने बिकाश मण्डल र राजु मण्डललाई १ पत्ता नाईट्रोजन ट्याब्लेट सहित पक्राउ गरिएको हो । पक्राउ परेका दुबैजनालाई प्रहरीको नियन्त्रणमा राखिएको प्रहरी चौकी लालपत्ताले जनाएको छ ।
ठक्करबाट बालक घाईते
मोरङ, आश्विन १७ गते ।

मोरङको विराटनगर महानगरपालिका-१५ मा बुधबार दिउँसो भारतीय नम्बरको स्कार्पियो गाडीको ठक्करबाट १ जना बालक घाइते भएका छन् । भित्री सडक खण्डमा दक्षिणबाट उत्तर तर्फ आउँदै गरेको डि. एल. ७ सि. एम. १४७५ नम्बरको भारतीय गाडीले बाटोमा खेली रहेको अवस्थामा सोही स्थान बस्ने मोहमद मिँयाको छोरा बर्ष २ को अलतमस राजालाई ठक्कर दिएको थियो । ठक्करबाट बालकको टाउकोमा चोट लागेर उपचारको लागि  कोशी अंचल अस्पताल विराटनगर पठाईएको ईलाका प्रहरी कार्यालय रानीले जनाएको छ । ठक्कर दिने गाडी र चालकलाई नियन्त्रणमा राखिएको उक्त कार्यालयले जनाएको छ ।
१० बण्डल पटका बरामद
मोरङ, आश्विन १७ गते ।

मोरङको सुनवर्षी नगरपालिका-४ स्थित हल्दीवारीबाट प्रहरीले दिउँसो १० बण्डल खुर्सानी बम नामक पटका बरामद गरेको छ । ईलाका प्रहरी कार्यालय रंगेलीबाट खटिएको टोलीले भारतबाट नेपाल तर्फ प्लाष्टिकको बोरामा लुकाई छिपाई ल्याउँदै गरेको उक्त परिमाणको पटका र १ थान साईकल बरामद  गरेको हो । बरामद सामान ईलाका प्रहरी कार्यालय रंगेलीमा राखिएको उक्त कार्यालयले जनाएको छ ।
कैद बन्दीको मृत्यु
मोरङ, आश्विन १७ गते ।

जिल्ला कारागार मोरङमा जबरजस्ती करणी मुद्धामा कैद सजाय भुक्तान गरिरहेका एक जना कैदी बन्दीको आज बिहान मृत्यु भएको छ । मृत्यु हुनेमा सुनसरी दुहबी नगरपालिका-१२ घर भएका ४० बर्षीय बिरेन पासवान रहेको जिल्ला प्रहरी कार्यालय मोरङले जनाएको छ । पेट सम्बन्धी बिरामी रहेका पासवान अचानक बेहोस भई उपचारको लागि कोशी अञ्चल अस्पताल बिराटनगर लगिएकोमा उपचारको क्रममा सोही अस्पतालमा बिहान ८;४५ बजे मृत्यु भएको हो । पासवानको शव सोही अस्पतालमा राखीएको छ ।
लागु-औषध सहित ३ पक्राउ
सुनसरी, आश्चिन १७ गते ।

सुनसरीको धरान उप-महानगरपालिका-८ स्थित भोटेपुलबाट प्रहरीले मंगलबार लागु-औषध सहित ३ जनालाई पक्राउ गरेको छ । लागु-औषध सहित धरान-८ बस्ने बर्ष २५ को सुजन मगर, बर्ष २८ को शुक्र लिम्बु र बर्ष ३५ शुसिल थापा मगरलाई डाइलेक्स डिसी ८ बोतल, स्पास्मोप्रोक्सिभन १ हजार ३ सय ६८ एम्पुल सहित पक्राउ गरिएको हो । दिउँसो साढे २ बजेको समयमा भोटेपुलमा रोकि राखेको को १७ प २२३३ नम्बरको स्कुटर माथी शंका लागि चेकजाँच गर्ने क्रममा उक्त परिमाणको लागु-औषध फेला परेको थियो । पक्राउ परेका तिनै जनालाई ईलाका प्रहरी कार्यालय धरानमा राखी थप अनुसन्धआन भईरहेको उक्त कार्यालयले जानएको छ ।
ओखरको रुखबाट लडेर १ को मृत्यु
ताप्लेजुङ, आश्विन १७ गते ।

ताप्लेजुङको फक्तालुङ गाउँपालिका-५ हेल्लोक साङ्लेवामा मंगलबार रुखबाट लडेर १ जनाको मृत्यु भएको छ । दिउँसो १२ बजेको समयमा ओखर टिप्न रुखमा चढेको बेला अचानक रुखबाट लडेर सिरिजंगा गाउँपालिका-६ मामाङ्खे घर भई ससुरालीमा बस्दै आएका बर्ष ५२ को चतुरमान तुम्बाहाम्फे लिम्बुको मृत्यु भएको हो । घटनास्थलमा जिल्ला प्रहरी कार्यालय ताप्लेजुङबाट टोली खटि गई कानूनी प्रक्रिया पूरा गरी शव पोष्टमार्टमको लागि जिल्ला अस्पताल पठाईएको उक्त कार्यालयले जानाएको छ ।
मेशिनले महिलाको ज्यान लियो
मोरङ, आश्विन १७ गते ।

मोरङको बुढीगंगा गाउँपालिका-३ स्थित ईस्ट एसिया प्लाष्टिक ईन्डस्ट्रिजको टुलिटर प्लान्ट ब्लो मेशिनमा टाउको ठोक्किदा  १ महिलाको ज्यान गएको छ । दिउँसो २ बजेको समयमा सोही ईन्डस्ट्रिजमा मजदुरी गर्दै आईरहेकी खोटाङ बाक्सिला घर भई हाल बुढीगंगा गाउँपालिका-३ बस्ने ३४ बर्षीय सरिता तामाङको बोतल टिप्न भुईमा निहुरिएको बेला स्वचालित मेशिनले टाउकोमा लागेको थियो । मेशिनले लागेर गम्भीर घाईते तामाङको न्यूरो अस्पताल बिराटनगर उपचारको क्रममा दिउँसो ३ बजे मृत्यु भएको ईलाका प्रहरी कार्यालय निमुवाले जनाएको छ ।
जि.प्र.का. सोलुखुम्बुको नवनिर्मित भवन उद्घाटन
बिराटनगर, आश्विन १६ गते ।

जिल्ला प्रहरी कार्यालय सोलुखुम्बुको नव निर्मित प्रहरी कार्यालय भवनको आज समुद्धाटन भएको छ । उक्त भवनको आज  संगठन प्रमुख प्रहरी महानिरीक्षक सर्वेन्द्र खनालले एक कार्यक्रमका विच समुद्घाटन गर्नु भएको हो ।  ३ करोड ४६ लाख ६९ हजार ४ सय १० रुपैंया ६ पैसाको लागतमा निर्माण सम्पन्न भएको उक्त कार्यालय भवन सहित हिरासत कक्ष, प्रहरी कर्मचारीहरुको लागि आवास र भान्सा घर र मेस रहेका छन् । समुद्घाटन कार्यक्रम पश्चात बोल्नु हुँदै प्रहरी महानिरीक्षक खनालले प्रहरी जनताको सेवक भएकोले हर-हमेसा देश र जनताको सुरक्षामा कटिबद्ध भई अगाडी बढ्नु पर्ने कुरामा जोड दिदै प्रहरी कर्मचारी आँफै कुनै पनि घटनाको कारक नबनि बिभागिय नीति निर्देशन अनुसार अघि बढ्न र राजनैतिक आडमा हुने गुण्डागर्दी बिरुद्ध कठोर रुपमा उत्रिन समेत निर्देशन दिनु भयो । उक्त कार्यक्रममा राष्ट्रीय अनुसन्धान आयोगका मुख्य निर्देशक दिलिपराज रेग्मी, १ नम्बर प्रदेश प्रहरी कार्यालयका प्रमुख प्रहरी नायब महानिरीक्षक केदार रिजाल, सोलु-दुधकुण्ड नगरपालिकाका मेयर जाङ्बु शेर्पा लगायत बिभिन्न सुरक्षा निकाय, सरकारी तथा गैह्र-सरकारी संघ संस्थाका पदाधिकारीहरु, स्थानीय भद्र-भलाद्मी लगायत प्रहरी कर्मचारीहरुको उपस्थिती रहेको थियो ।
ट्रकको ठक्करबाट बाबुको मृत्यु, छोरा घाईते  
मोरङ, आश्विन १६ गते ।

मोरङको कटहरी गाउँपालिका-३ स्थित कटहरी बजारमा मंगलबार बिहान ट्रकको ठक्करबाट मोटरसाईकल सवार १ जनाको मृत्यु भएको छ भने १ जना घाईते भएका छन् । बिहान साढे दश बजे पश्चिमबाट पूर्व तर्फ जाँदै गरेको को १ ख २९४४ नम्बरको ट्रकले बाटो क्रस गर्ने क्रममा को. २५ प २८९६ नम्बरको मोटरसाईकललाई ठक्कर दिएको थियो । ठक्करबाट मोटरसाईकलमा सवार कटहरी गाउँपालिका-४ बस्ने बर्ष ५० को जगदिश गुप्ता र चालक निजकै छोरा बर्ष २२ को प्रमोद गुप्ता घाइते भएका थिए । घाईते दुबै जनालाई उपचारको लागि गोल्डेन अस्पताल बिराटनगर ल्याइएकोमा उपचारको क्रममा बाबु जगदिश गुप्ताको बिहान पौने ११ बजे मृत्यु भएको हो भने छोरा प्रमोदको सोही अस्पतालमा उपचार भईरहेको छ । ठक्कर दिने ट्रक र चालकलाई जिल्ला प्रहरी कार्यालय मोरङको नियन्त्रणमा राखिएको उक्त कार्यालयले जनाएको छ ।
बरामद सामान भन्सार बुझाईयो
मोरङ, आश्विन १६ गते ।

ईलाका प्रहरी कार्यालय रानीले "सिमावर्ती क्षेत्रमा तस्करी नियन्त्रण” अभियान अन्तर्गत बिराटनगर महानगरपालिका-१५ बाट सोमवार अन्दाजी १ लाख ८२ हजार २ सय २१ रुपैँया मूल्य बराबरको खाद्यान्न, लत्ताकपडा ४ थान साईकल बरामद गरी आजै बिराटनगर भन्सार कार्यालय रानी मोरङमा बुझाएको छ । त्यसैगरी झापाको कन्काई नगरपालिका-८ स्थित राजमार्गबाट प्रहरीले अन्दाजी ४५ हजार ५ सय मूल्य अवैध सामान बरामद गरेको छ । कुमरखोदबाट भद्रपुर तर्फ आउँदै गरेको मे १ ख १७२१ नम्बरको बसमा चेकजाँच गर्ने क्रममा बसको सिटमुनी लुकाई छिपाई ल्याउँदै गरेको ४६ थान ग्रिज र ३ थान पानी तान्ने मोटर फेला पारी बरामद गरेको हो । बरामद सामान ईलाका प्रहरी कार्यालय अनारमनीमा राखिएको उक्त कार्यालयले जनाएको   छ ।
करणी गरेको आरोपमा युवक पक्राउ
पाँचथर, आश्विन १६ गते ।

जबरजस्ती करणी गरेको आरोपमा पाँचथरबाट प्रहरीले १ युवकलाई पक्राउ गरेको छ । गत असोज १३ गते पाँचथर फिदिम नगरपालिका-१२ बस्ने २६ बर्षीया युवतीलाई जबरजस्ती करणी गरेको आरोपमा सोही स्थान बस्ने बर्ष १९ को सुमन केरुङलाई गत आईतबार पक्राउ गरेको हो । केरुङले रातको समयमा युवतीको घरमा गई मोबायलमा भएको फोटो देखाउने बहाना बनाई जबरजस्ती करणी गरेर फरार भएका थिए । युवतीले दिएको उजुरीको आधारमा केरुङलाई खोजतलास गर्ने क्रममा गाउँघरमै लुकीछिपी बसिरहेको अवस्थामा फेला पारी पक्राउ गरिएको हो । पक्राउ परेका केरुङलाई जिल्ला प्रहरी कार्यालय पाँचथरमा राखी थप अनुसन्धान भईरहेको उक्त कार्यालयले जनाएको छ ।
लागु-औषध सहित २ पक्राउ
सुनसरी, आश्विन १६ गते ।

सुनसरीको धरान उप-महानगरपालिका-८ स्थित तिनकुनेबाट प्रहरीले सोमवार लागु-औषध सहित २ जनालाई नियन्त्रणमा लिएको छ । राती १० बजेको समयमा ईटहरीबाट धरानतर्फ जाँदै गरेको को १ ह ३१६९ नम्बरको टेम्पो  चेकजाँच गर्ने क्रममा टेम्पोमा सवार धरान-१० बस्ने बर्ष ३२ को पासाङ  शेर्पाको साथबाट लागु-औषध डाइलेक्स डिसी ३ बोतल र स्पास्मोप्रोक्सिभन २ सय १६ एम्पुल फेला पारी बरामद गरेको हो । बरामद लागूऔषध सहित शेर्पा र टेम्पो चालक धरान-८ बस्ने बर्ष ३६ को प्रकाश लामालाई ईलाका प्रहरी कार्यालय धरानमा राखी थप अनुसन्धान भईरहेको उक्त कार्यालयले जनाएको छ ।
ट्रक दुर्घटनामा चालक घाईते
ईलाम, आश्विन १६ गते ।

ईलामको सुर्योदय नगरपालिका-११ स्थित तिनघरेमा गएराती ट्रक अनियन्त्रित भई दुर्घटना हुँदा चालक घाइते भएका छन् । राती २ बजेको समयमा मेची राजमार्ग अन्तर्गत पाँचथरबाट झापा तर्फ काठको गोलिया बोकेर आउँदै गरेको  ना. ४ ख  ९६७३ नम्बरको ट्रक आँफै अनियन्त्रित भई सडकबाट ७० मिटर तल खसेको थियो । दुर्घटनामा परि सोही ट्रकका चालक पाँचथर याङवरक गाउँपालिका-६ बस्ने वर्ष ४० को पासाङ शेर्पा घाइते भई उपचारको लागि बिर्तामोड पठाईएको जिल्ला प्रहरी कार्यालय ईलामले जनाएको छ ।
धनकुटामा पिकअप दुर्घटना, २ को मृत्यु १४ घाईते
धनकुटा, आश्विन १५ गते ।

धनकुटाको साँगुरीगढी गाउँपालिका -९ स्थित हर्दियामा सोमवार बिहान पिकअप दुर्घटना हुँदा २ जनाको मृत्यु भएको छ भने १४ जना घाईते भएका छन् । बिहान १०:१० बजे भित्री सडक खण्ड अन्तर्गत ताम्राङबाट धरान तर्फ जाँदै गेरको को १ ज  १८२१ नम्बरको  पिकअप गाडी ब्रेकफेल भई सडकबाट १ सय ५० मिटर तल खसेको थियो । दुर्घटनामा परि धनकुटा साँगुरीगढी गाँउपालिका-१० आहाले बर्ष ३९ की सनमाया राई र पाँचथर घर भई हाल सोही ठाउँमा छोरी ज्वाईको घरमा बस्दै आएकी बर्ष ६१ की देवीमाया सुनुवारको घटनास्थलमा नै मृत्यु भएको ईलाका प्रहरी कार्यालय भेडेटारले जनाएको छ । सोही दुर्घटनामा परि पिकअपमा सवार अन्य १४ जना घाईते भएका भई उपचारको लागि धरानस्थित विपी कोईराला स्वास्थ्य विज्ञान प्रतिष्ठान पठाईएको उक्त कार्यालयले जनाएको छ । पिकअपका चालक धनकुटा साँगुरीगढी गाउँपालिका-९ स्थित आहाले बस्ने बर्ष २१ को प्रतापसिंह राई प्रहरीको नियन्त्रणमा राखिएको छ ।
करेण्ट लागेर १ जनाको मृत्यु
झापा,आश्विन १५ गते ।

झापाको हल्दीबारी गाउँपालिका-१ मा सोमवार बिहान करेण्ट लागेर १ जनाको मृत्यु भएको छ । बिहान सवा नौ बजे सोही स्थान बस्ने पवन सुन्दर राईको खेतमा मोटर जोड्ने क्रममा ४५ बर्षीय रुद्र त्रिताललाई अचानक करेण्ट लागेको थियो । करेण्ट लागेर गम्भीर घाईते त्रितालको उपचारको क्रममा बिर्तासिटी अस्पताल बिर्तामोडमा मृत्यु भएको ईलाका प्रहरी कार्यालय अनारमनीले जनाएको  छ । उक्त स्थानमा प्रहरीको टोली खटि गई कानूनी प्रकृया पूरा गरी शव पोष्टमार्टमको लागि सोही अस्पतालमा राखिएको   छ ।
सिक्किमे मदिरा बरामद
ईलाम, आश्विन १५ गते ।

ईलामको सुर्योदय नगरपालिका-११ स्थित तिनघरेबाट प्रहरीले आईतबार बिहान ३६ बोतल सिक्किमे मक्स नामक मदिरा बरामद गरेको छ । बिहान करिब ९ बजे मेची राजमार्गमा बिर्तामोडबाट ईलाम तर्फ जाँदै गरेको मे १  ज २७८२ नम्बरको बलेरो गाडि चेकजाँच गर्ने क्रममा अन्दाजी  १० हजार ८ सय रुपैँया बराबरको उक्त मदिरा बरामद गरी आवश्यक कार्वाहीको लागि प्रहरी चौकी तिनघरेको नियन्त्रणमा राखिएको छ ।
यात्रु सहायता कक्ष उद्घाटन
मोरङ, आश्विन १५ गते ।

नजिकिदै गरेको चार्ड पर्वलाई लक्षित गरी बिराटनगर महानगरपालिका-१५ स्थित भन्सार कार्यालयको २ नम्बर ढाटमा यात्रु सहायता कक्षको स्थापना गरिएको छ । ईलाका प्रहरी कार्यालय रानीले आयोजना गरेको उक्त कार्यक्रममा मोरङ जिल्लाका प्रमुख जिल्ला अधिकारी रमेश के.सी. ले उक्त यात्रु सहायता कक्षको उद्घाटन गर्नु भएको हो । कार्यक्रममा जिल्ला प्रहरी कार्यालय मोरङका प्रमुख प्रहरी उपरीक्षक मनोज कुमार के.सी. लगायत १ सय ५० जनाको उपस्थिती रहेको थियो ।
ठूलो परिमाणको मरिच सहित २ पक्राउ
झापा, आश्विन १५ गते ।

झापाको मेचीनगर नगरपालिका-४ प्रसाद गौडा स्थित मदन पाण्डेको घरबाट प्रहरीले आईतबार राती ठूलो परिमाणको मरिच सहित २ जनालाई पक्राउ गरेको छ । करिव साढे ८ बजेको समयमा ईलाका प्रहरी कार्यालय काँकडभिट्टबाट खटिएको टोलीले अन्दाजी २ लाख ५६ हजार ५ सय मूल्य बराबरको ४ सय ५० किलो मरिच सहित मेचिनगर नगरपालिका-७ बस्ने वर्ष ४५ को गोपाल बुढाथोकी र बर्ष ४० को अम्बर थापा मगरलाई पक्राउ गरेको हो । उक्त घरमा अवैध मरिच लुकाई छिपाई राखेको भन्ने बिशेष सूचनाको आधारमा खटिएको प्रहरीको टोलीले खान तलासी गर्ने क्रममा उक्त परिमाणको मरिच फेला पारी बरामद गरेको हो । बरामद मरिच सहित दुबै जनालाई ईलाका प्रहरी कार्यालय काँकडभिट्टामा राखी थप अनुसन्धान भईरहेको उक्त कार्यालयले जनाएको छ ।
कुलोले बगाएर १ जनाको मृत्यु
मोरङ, आश्विन १५ गते ।

मोरङको केरावारी गाउँपालिका-७ स्थित डाँगीमा आईतबार दिउँसो कुलोले बगाएर १ महिलाको मृत्यु भएको छ । दिउँसो करिव पौने ३ बजेको समयमा कुलो तर्ने क्रममा अचानक कुलोले बगाएर सोही स्थान बस्ने बर्ष ५० की लक्ष्मी बि.क.को मृत्यु भएको ईलाका प्रहरी कार्यालय बेलवारीले जनाएको छ । घटस्थलमा प्रहरीको टोली खटि गई कानूनी प्रकृया पूरा गरी शव पोष्टमार्टमको लागि विपी कोईराला स्वास्थ्य विज्ञान प्रतिष्ठान धरान पठाईएको उक्त कार्यालयले जनाएको छ।
मोटरसाईकलको ठक्करबाट बृद्धा घाईते
मोरङ, आश्विन १५ गते ।

मोरङको उर्लाबारी नगरपालिका-४ स्थित आईतबारेमा मोटरसाईकलको ठक्करबाट १ बृद्धा घाईते भएकी छन् । पूर्व पश्चिम राजमार्गमा पश्चिम तर्फ जाँदै गरेको को १८ प १८३५ नम्बरको मोटरसाईकलले पैदलयात्री जिल्ला मोरङ उर्लाबारी नगरपालिका-४ बस्ने बर्ष ७१ कि दिव्य माया आचार्यलाई ठक्कर दिएको थियो । ठक्करबाट घाईते आचार्यको अरनीको अस्पताल उर्लाबारीमा उपचार भईरहेको ईलाका प्रहरी कार्यालय बेलबारीले जनाएको छ भने चालकलाई प्रहरीको नियन्त्रणमा राखिएको छ ।
सर्पदंशबाट महिलाको मृत्यु
सुनसरी, आश्चिन १४ गते ।

सुनसरीको बराह नगरपालिका-१ स्थित कोलेनीमा शनिवार राती सर्पदंशबाट १ महिलाको मृत्यु भएको छ । राती करिव ११ बजेको समयमा घर बाहिर आँगनमा निस्किएको बेला सर्पले टोकेर सोही स्थान बस्ने ४१ बर्षीया उषा दाहालको मृत्यु भएको ईलाका प्रहरी कार्यालय महेन्द्रनगरले जनाएको छ । सर्पले टोकेर घाईते भएकी दाहाललाई ईटहरी स्थित आर्मी व्यारेकमा उपचार पश्चात थप उपचारको लागि धरान स्थित विपी कोईराला स्वास्थ्य विज्ञान प्रतिष्ठान धरान लैजाने क्रममा आईतबार राती साढे १ बजे बाटोमा नै मृत्यु भएको उक्त कार्यालयले जनाएको छ ।
रुखबाट लडेर महिलाको मृत्यु
उदयपुर, आश्चिन १४ गते ।

उदयपुरको त्रियुगा नगरपालिका-७ मा आईतबार बिहान रुखबाट लडेर १ महिलाको मृत्यु भएको छ । बिहान करिव ११ बजेको समयमा दाउरा काट्न जंगल गएकी बर्ष ३० की तारा बस्नेत रुखमा चढेर दाउरा काट्ने क्रममा अचानक लडेर मृत्यु भएको प्रहरी चौकी सुकौराले जनाएको छ ।
अवैध सामान सहित महिला पक्राउ
मोरङ, आश्चिन १४ गते ।

मोरङको विराटनगर महानगरपालिका-१५ स्थित पानी ट्याङकी नजिकबाट प्रहरीले अवैध सामान सहित १ महिलालाई नियन्त्रणमा लिएको छ । ईलाका प्रहरी कार्यालय रानीबाट खटिएको टोलीले जोगवनीबाट भन्सार छली गरी ल्याउँदै गरेको अवस्थामा अन्दाजी ९ हजार ९ सय ९० रुपैँया मूल्य बराबरको खाद्यान्न सामाग्री सहित सुनसरी दुहबी नगरपालिका-४ बस्ने ३५ बर्षीया उर्मीला चौधरीलाई पक्राउ गरेको हो । बरामद सामान सहित चौधरीलाई आवश्यक कारवाहीको लागि भन्सार कार्यालय रानी मोरङमा बुझाईने ईलाका प्रहरी कार्यालय रानीले जनाएको छ ।
बस दुर्घटना हुँदा ४ घाइते
मोरङ, आश्विन १४ गते ।
 
मोरङको कानेपोखरी गाउँपालिका- २ स्थित कालीस्थानमा आईतबार दिउँसो बस दुर्घटनामा परि ४ जना घाइते भएका छन् । भित्री सडक खण्डमा रंगेलीबाट कानेपोखरी तर्फ आउँदै गरेको को १ ख ३११६ नम्बरको यात्रुबाहक बस आँफै अनियन्त्रित भई सडकबा १० फिट तल खेतमा खसेको थियो । दुर्घटनामा परि बसमा सवार उर्लाबारी नगरपालिका-८ बस्ने बर्ष ४० की कमला भण्डारी, कानेपोखरी गाउँपालिका-४ बस्ने बर्ष ३८ को कार्तिकलाल राजबंशी, कानेपोखरी गाउँपालिका-२ बस्ने बर्ष २४ की अनिता राजबंशी र बर्ष १८ की देबिका चौधरी घाईते भएका हुन् । उनीहरुको अवस्था सामान्य छ । घाइते चारैजनाको स्थानीय मेडिकल रमाईलोमा उपचार भईरहेको छ भने बसका चालक फरार रहेकाले खोजी कार्य भईरहेको ईलाका प्रहरी कार्यालय पथरीले जनाएको छ ।
खदम खोलाबाट ३ वटा ट्याक्टर नियन्त्रण
मोरङ, आश्विन १४ गते ।

मोरङको केराबारी गाउँपालिका-८ स्थित खदम खोलाबाट प्रहरीले शनिवार साँझ ३ वटा ट्याक्टर नियन्त्रणमा लिएको छ । साँझ साढे ७ बजेको समयमा खदम खोलाबाट अवैध रुपमा ढुंगा, गिट्टी उत्खनन् गरेर लोड गरिरहेको अवस्थामा को. २ त ७४३९, को. २ त ७८४७ र को २ त ६४९१ नम्बरको ट्याक्टर नियन्त्रणमा लिईएको हो । प्रहरीको टोलीलाई देख्नासाथ ट्याक्टरका चालक फरार भएकोले खोजी कार्य भईरहेको  ईलाका प्रहरी कार्यालय केराबारीले जनाएको छ ।
दुर्घटनामा परि २ को मृत्यु
मोरङ, आश्विन १४ गते ।

मोरङको विराटनगर महानगरपालिका-४ मा शनिबार राती पार्किङ गरि राखेको ट्रकमा मोटरसाईकल ठोक्किदा २ जनाको मृत्यु भएको छ । राती सवा ११ बजे एयरपोर्ट तर्फ जाने भित्री सडक खण्डमा बाटोको साईडमा रोकेर राखेको ना.५ ख ५८८६ नम्बरको ट्रकमा पश्चिम तर्फ जाँदै गरेको को. ८ प ७२१५ नम्बरको  मोटरसाईकल पछाडीबाट ठोक्किएको थियो ।  दुर्घटनामा परि मोटरसाईकलमा सवार पथरी-शनिश्चरे नगरपालिका-९ बस्ने बर्ष २४ को रोशन शेर्पा र बिराटनगर महानगरपालिका-४ बस्ने बर्ष-१९ को अनिष राजबंशी घाईते भएका थिए । घाईते दुवैजनालाई उपचारको लागि नोवेल अस्पताल बिराटनगर लैजाने क्रममा शेर्पाको बाटोमा नै मृत्यु भएको हो थियो भने राजवंशीको उपचारको क्रममा सोही अस्पतालमा आईतवार राती मृत्यु भएको जिल्ला प्रहरी कार्यालय मोरङले जनाएको छ । ट्रक र मोटरसाईकल प्रहरीको नियन्त्रणमा राखिएको छ भने चालक फरार रहेकोले खोजी कार्य भईरहेको उक्त कार्यालयले जनाएको छ ।त्यसैगरी सुनसरीको बराहक्षेत्र नगरपालिका-१ नहडा स्थित खारखोलामा शनिवार मोटरसाईकल अनियन्त्रित भई दुर्घटना हुँदा १ जना घाईते भएका छन् । धरानबाट चतरा जाँदै गरेको बा २६ प ७६७५ नम्बरको मोटरसाईकल आँफै अनियन्त्रित भई दुर्घटना हुँदा चालकसुनसरी धरान उप-महानगरपालिका-१७ बस्ने २२ बर्षीय अर्जुन राई घाईते भएका हुन् । दुर्घटनामा परि घाईते राईको खुट्टा भाँचिएर विपी कोईराला स्वास्थ्य विज्ञान प्रतिष्ठान धरानमा उपचार भईरहेको ईलाका प्रहरी कार्यालय चतराले जनाएको छ ।
मोटरसाईकल दुर्घटना हुँदा ३ जना घाइते
सुनसरी, आश्विन १३ गते ।

सुनसरीको दुहबी नगरपालिका-१० स्थित दुहबि ईनरुवा सडक खण्डमा दुई मोटरसाईकल एक आपसमा ठक्कर खाँदा ३ जना घाइते भएका छन् । आज बिहान १०:०० बजेको समयमा पूर्वबाट पश्चिम तर्फ जादै गरेको को.४ प. ५१०६ नम्बरको मोटरसाईकल र को.३० प. ९४७ नम्बरको मोटरसाईकल एक आपसमा ठक्कर खाएको भन्ने जानकारी पाउनासाथ प्रहरी चौकी औरावनीबाट खटिएको प्रहरीको टोलिले को .४ प. ५१०६ नम्बरको मोटरसाईकल चालक ऐ. दुहबि १ प्रासटोकी बस्ने बर्ष ४५ को अहमद मिँया र पछाडी सवार निजकै श्रीमती बर्ष ४० की खुस्बुल खातुन घाइते भएकोले घाइतेहरुलाई उद्धारगरी उपचारकोलागि जिवन ज्योति अस्पताल दुहबी पठाएकोमा थप उपचारका लागि बिराटनगर तर्फ रेफर गरीएको थियो । साथै अर्का मोटरसाईकल चालक ऐ. ईनरुवा ७ चाँदवेला बस्ने बर्ष अन्दाजी २६/२७ को  रामकृष्ण सिंहको स्थानीय क्लिनिकमा उपचार भईरहेको जिल्ला प्रहरी कार्यालय सुनसरीले जनाएको छ ।
सटरले ठोक्किएर १ जनाको मृत्यु
झापा, आश्विन १३ गते ।

झापाको भद्रपुर नगरपालिका-६ गिरी चोकमा पसलको सटर उठाउने क्रममा सटर अनब्यालेन्स भई ठोक्किदा एक जनाको मृत्यु भएको छ । आश्विन १२ गते साँझ ७ बजेको समयमा सोही स्थान बस्ने बर्ष ४० को निर्मल चौधरी लाई आफ्नै दाजुको ग्रील तथा फर्निचर पसलको सटर उठाउने क्रममा टाउकोमा चोट लागेर गम्भिर घाइते भएका थिए । घाइते चौधरीलाई आफन्तहरुले उपचारको लागि बि एण्ड सी अस्पताल बिर्तामोड लगेकोमा उपचारका क्रममा सोही राती ८ बजे मृत्यु भएको जिल्ला प्रहरी कार्यालय झापाले जनाएको छ ।
मोटरसाईकल दुर्घटनामा १ जनाको मृत्यु
उदयपुर, आश्विन १३ गते ।

उदयपुरको चौदण्डिगढी नगरपालिका-३ स्थित रामपुर फत्तेपुर सडक खण्डमा रामपुरबाट फत्तेपुर तर्फ आउदै गरेको को १९ प ६१६८ नम्बरको मोटरसाईकल  आश्विन १२ गते दिउँसो ३ बजेको समयमा आफै अनियन्त्रित भई दुर्घटना हुँदा एक जनाको मृत्यु भएको छ । मोटरसाईकल चालक जिल्ला सुनसरी रामधुनी नगरपालिका-३ बस्ने अन्दाजि बर्ष ४० को आशिस चौधरी घाइते भई उपचारको लागि फत्तेपुर मोडल अस्पताल लगिएकोमा थप उपचारको लागि बिराटनगर ल्याउदै गर्दा बाटैमा मृत्यु भएको जिल्ला प्रहरी कार्यालय उदयपुरले जनाएको छ ।
सवारी दुर्घटनामा ४ घाइते
झापा, आश्विन १३ गते ।

झापाको शिबसताक्षी नगरपालिका-११ स्थित भित्री सडक खण्डमा सवारी दुर्घटना हुँदा ४ जना घाइते भएका छन् । आश्विन १२ गते साझँ ५:३० बजेको समयमा दुधेबाट शिबगन्ज तर्फ जाँदै गरेको मे ८ प ३५८८ नम्बरको  मोटरसाईकल र बिपरित दिशाबाट आउँदै गरेको मे १ ह ३६९७ नम्बरको अटो एक आपसमा ठक्कर खाई दुर्घटना हुँदा मोटरसाईकल चालक झापा कन्काई नगरपालिका-५ बस्ने बर्ष १७ को किरण दियाली सोहि मोटरसाईकलमा पछाडी सवार शिबसताक्षी नगरपालिका-७ बस्ने बर्ष २८ को सरिता बराईली, बर्ष ३९ कि मिना बि.क. अटो चालक बर्ष ३९ को खड्ग खत्री घाइते भएका छन । घाइतेहरुलाई ईलाका प्रहरी कार्यालय झिलझिलेबाट खटिएको प्रहरी टोलिले उपचारको लागि स्थानीय मेडिकल दुधेमा पठाएको छ भने दुबै सवारी साधन ईलाका प्रहरी कार्यालय झिलझीलेको नियन्त्रणमा रहेको उक्त कार्यालयले जनाएको छ ।
माटोले पुरिएर मृत्यु
उदयपुर, आश्विन १२ गते

उदयपुरको रौतामाई गाउँपालिका-६ चिसापानी  स्थितमा माटो लिन गएकी एक महिलाको माटोले पुरिएर मृत्यु भएको छ । आज दिउँसो अन्दाजी १३:१० बजेको समयमा घर पोत्ने माटो लिन गएकी बर्ष-५९ की मधुमाया रायमाझीको माटोले पुरिएर मृत्यु भएको अवस्थामा स्थानीयहरुले देखे पश्चात प्रहरीमा खबर गरेका थिए । घटनाबारे खबर पाउनासाथ प्रहरी चौकी रौतामाईबाट प्रहरी टोलि खटिगई आवश्यक अनुसन्धान कार्य पुरा गरेको जिल्ला प्रहरी कार्यालय उदयपुरले जनाएको छ ।
मानव कंकाल फेला
उदयपुर, आश्विन १२ गते

उदयपुरको त्रियुगा नगरपालिका-१६ बेल दोभानको जंगलमा मानव कंकाल फेला परेको छ । आज दिउँसो अन्दाजी १०:४५ बजेको समयमा स्थानीय ब्यक्तिहरु उक्त जंगलमा दाउरा खोज्ने क्रममा मानव कंकाल देखेपछि प्रहरीलाई खबर गरेका थिए ।  सोही आधारमा जिल्ला प्रहरी कार्यालय उदयपुरबाट खटिएको प्रहरी टोलिले घटनास्थलमा आवश्यक कानूनी प्रकृया पुरा गरी कंकाललाई जिल्ला अस्पताल उदयपुर लगेको छ भने थप अनुसन्धान कार्य भई रहेको उक्त कार्यालयले जनाएको छ ।
घाँटिमा ट्याब्लेट अड्किएर मृत्यु
सुनसरी, आश्विन १२ गते

सुनसरीमा आयुर्वेदिक औषधी (ट्यावलेट) सेवन गर्दा अड्किएर एकजनाको मृत्यु भएको छ । आज दिउँसो १२:४० बजेको समयमा ईटहरी उप-महानगरपालिका-३ बस्ने सन्तोष सारुमगरको श्रीमती अन्दाजी बर्ष २३/२४ कि शान्ति मगरले ग्यास्टिकको आयुर्वेदिक औषदि सेवन गर्ने क्रममा घाँटिमा अड्कन गई घाइते भए पश्चात तत्काल उपचारको लागि बि.पि.कोईराला स्वास्थ्य विज्ञान प्रतिष्ठान धरान लगिएकोमा निजको उपचारकै क्रममा मृत्यु भएको जिल्ला प्रहरी कार्यालय सुनसरीले जानकारी दिएको छ ।
प्रहरी बिट हस्तान्तरण
झापा, आश्विन १२ गते ।

झापाको भद्रपुर नगरपालिका-७ गार्मेन्ट चोकमा प्रहरी बिट स्थापना भएको छ । भद्रपुर नगरपालिकाको वडा नम्बर-७ को वडा कार्यालयले प्रहरी बिट निर्माण गरी प्रहरीलाई आज हस्तान्तरण गरेको हो । भद्रपुर नगरपालिका का मेयर जिबन श्रेष्ठको प्रमुख अतिथ्यमा सम्पन्न भएको उक्त कार्यक्रममा जिल्ला प्रहरी कार्यालय झापाका प्रहरी उपरीक्षक भीम प्रसाद ढकाल सहित अन्दाजी ४०/५० जनाको उपस्थिती रहेको थियो ।
स्कुटर अनियन्त्रित भई दुर्घटना
सुनसरी, आश्विन १२ गते ।

सुनसरीको दुहबी नगरपालिका-४ स्थित मैनबत्ती फ्याक्ट्रि अगाडी ईटहरीबाट बिराटनगर तर्फ जादै गरेको को. २० प २२७१ नं. को स्कुटर अनियन्त्रित भई दुर्घटना हुदा स्कुटर चालक ईटहरी नगरपालिका-११ बस्ने बर्ष ३० को चन्दन कुमार बिश्वास घाईते भएका छन् । दुर्घटनाबारे जानकारी पाउनासाथ तत्काल CRV सोनापुरबाट खटिएको प्रहरी टोलिले घाइतेलाई उद्धार गर्दै उपचारकोलागी दुहबी सामुदायिक अस्पतालमा पठाएको छ भने स्कुटर प्रहरीको नियन्त्रणमा रहेको जिल्ला प्रहरी कार्यालय सुनसरीले जनाएको छ ।
मृत अवस्थामा मानिसहरु फेला
मोरङ, आश्विन १२ गते ।

१ नम्बर प्रदेश अन्तर्गतका बिभिन्न जिल्लाहरुमा आज बिहान ३ जनाको शव फेला परेको छ । मोरङको सुन्दर हरैचा नगरपालिका ५-खोक्सी स्थित सार्वजनिक टहरामा तत्काल नामथर वतन नखुलेको अन्दाजी वर्ष ६०/६५ को  पहाडे मुलको जस्तो देखिने पुरुष मानिसको शव बेवारिसे अवस्थामा फेला परेको थियो । घटनाबारे खबर पाउनासाथ प्रहरी चौकी गछियाबाट प्रहरीको टोलि खटिगई अनसन्धान गर्दा उक्त मृतक मानिस गाउँघरमा मागि खाँदै हिड्ने गरेको भन्ने खुल्न आएको छ  ।
 यसैगरी झापाको भद्रपुर नगरपालिका-१० स्थित सब्जी लाईनमा एक ब्यक्ति मृत अवस्थामा फेला परेका छन् । सोही एरियामा ज्याला मजदुरी गरी खाई हिड्ने अन्दाजी बर्ष ४०/४५ को तत्काल वतन नखुलेको जेबेन राजबंशी नाम गरेका पुरुष ब्यक्ति मृत अवस्थामा फेला परेका हुन् । आज बिहान सम्म सोही एरियामा हिडी रहेका राजबंशीलाई अचानक मृत अवस्थामा स्थानीयले फेला पारेपछी प्रहरीलाई खबर गरेका थिए । जिल्ला प्रहरी कार्यालय झापाबाट घटनास्थलमा खटिएको प्रहरी टोलिले आवश्यक अनुसन्धान कार्य पूरा गरी शवलाई पोष्टमार्टमका लागि मेची अंचल अस्पताल पठाएको उक्त कार्यालयले जनाएको छ ।
यसैगरी आश्विन १२ गते बिहान जिल्ला उदयपुर त्रियुगा नगरपालिका-३ स्थित गैरुन खोलाको छेउमा एक ब्यक्तिको शव फेला परेको छ । त्रियुगा नगरपालिका-९ बस्ने मोहम्मद कुरमानको छोरा अन्दाजी बर्ष ४०/४५ को मोहम्मद वकिल मृत अबस्था फेला परेका थिए । घटनाबारे जानकारी पाउना साथ तत्काल घटनास्थल तर्फ खटि गएको जिल्ला प्रहरी कार्यालय उदयपुरको प्रहरीको टोलिले आवश्यक कानूनी प्रकृया पूरा गरी शवलाई पोष्टमार्टमका लागि जिल्ला अस्पताल उदयपुरमा राखिएको जिल्ला प्रहरी कार्यालय उदयपुरले जानकारी दिएको छ ।
नवजात शिशु मृत अवस्थामा फेला
सुनसरी, आश्विन १२ गते ।

सुनसरीको कोशी गाउँपालिका.-४ स्थित मा भर्खरै जन्मेको नवजात शिशु मृत अवस्थामा फेला परेको छ ।  बालुवामा आधा गाडिएको अवस्थामा नवजात शिशु फेला परे पछि स्थानीय बासिन्दाले प्रहरीमा खबर गरेका थिए । घटनाबारे जानकारी पाउनासाथ ईलाका प्रहरी कार्यालय लौकहीबाट खटीएको प्रहरीको टोलीले घटना सम्बन्धी थप अनुसन्धान गरी रहेको उक्त कार्यालयले जनाएको छ ।
थुनुवा बोकेको प्रहरीको वानटनमा ट्याक्टरको ठक्कर
झापा, आश्विन ११ गते ।

झापाको मेचीनगर नगरपालिका-१४ दुवागढी स्थितमा थुनुवा लिई जिल्ला अदालत झापा जाँदै गरेको वानटन गाडीलाई ट्याक्टरले ठक्कर दिँदा दुर्घटना भएको छ । आज दिउँसो १:३० बजेको समयमा ईलाका प्रहरी कार्यालय काकरभिट्टाबाट जिल्ला अदालत झापाको लागि प्रहरी नायब निरीक्षक रेवत अधिकारीको कमाण्डमा खटिएको प्रहरी टोलिले थुनुवा लिई जाँदै गर्दा दक्षिणबाट उतर तर्फ आउँदै गरेको मे १ त २४५१ नम्बरको  ट्याक्टरले ठक्कर दिदाँ दुर्घटना भएको थियो । ट्याक्टरले ठक्कर दिदाँ उक्त गाडीमा सवार ईलाका प्रहरी कार्यालय  दमक दरबन्दीका  प्रहरी नायब निरिक्षक रेवत अधिकारी, ईलाका प्रहरी कार्यालय घैलाडुब्बा दरबन्दीका प्रहरी हवल्दार श्याम नारायण यादव, कारागार सुरक्षा गार्ड ताप्लेजुङ्ग दरबन्दीका प्रहरी जवान बल बहादुर भुजेल, मानव बेचबिखन मुद्दाका थुनुवा  जिल्ला संखुवासभा स्याबुङ गाउँपालिका-४ नागी बस्ने बर्ष ३३ को तर्बु शेर्पा लगायत लागू औषध मुद्दाका थुनुवा जिल्ला झापा मेचीनगर नगरपालिका-९ धुलाबरी बस्ने बर्ष २२ को मनिष आचार्य समेत घाइते भएकोले घाइते सबैको ओमसाई पाथिभरा मेडिकल भद्रपुरमा उपचार भई रहेको छ । ठक्कर दिने ट्याक्टर र वानटनलाई ईलाका प्रहरी कार्यालय धुलाबारीमा ल्याउने तयारी भई रहेको जिल्ला प्रहरी कार्यालय झापाले जनाएको छ ।
धारिलो हतियार प्रहार
सुनसरी, आश्विन ११ गते ।

सुनसरीको रामधुनी नगरपालिका-५ युनिक लाईन झुम्कामा घरायसी बादबिबादका क्रममा श्रीमानले श्रीमतीलाई धारिलो हतियार प्रहार गरी घाइते बनाएका छन । आज बिहान ०९:३० बजेको समयमा बर्ष ५६ का हिरा प्रसाद भन्डारीले मादक पदार्थ सेवन गरी घरमा आई आफ्नै श्रीमती बर्ष  ५१ की  साबित्रा भन्डारीसँग बादबिबादका क्रममा  धारिलो हतियार खुकुरीले प्रहार गरेका थिए । खुकुरी प्रहारबाट गम्भीर घाइते भएकी सावित्राको स्थानिय रामधुनि मेडिकल मा उपचार भईरहेको छ भने हिरा प्रसाद भण्डारीलाई आवश्यक अनुसन्धानको लागि जिल्ला प्रहरी कार्यालय सुनसरीले नियन्त्रणमा लिएको छ ।
चिसाङ खोलाबाट ट्याक्टर नियन्त्रण
मोरङ, आश्विन ११ गते ।

मोरङको लेटाङ नगरपालिका-३ कृतिमान स्थित चिसाङ खोलाबाट आश्विन १० गते साँझ ६:५० बजेको समयमा अबैध रुपमा खोलामा ढुंगा, गिट्टी र वालुवा उत्खनन् गरिरहेको अवस्थामा को २ त ८५३९ र ना २ त ५०८४ नम्बरको २ वटा ट्याक्टर नियन्त्रणमा लिईएको हो । प्रहरीको टोलीलाई देख्ना साथ दुबै ट्याक्टरका चालक फरार भएका छन् भने ट्याक्टरलाई ईलाका प्रहरी कार्यालय लेटाङको प्रहरी टोलिले नियन्त्रणमा राखेको उक्त कार्यालयले जनाएको छ ।
स्कुलको बसमा आगलागी
सुनसरी, आश्विन ११ गते ।

सुनसरीको ईनरुवा नगरपालिका-१ स्थित कोशी पब्लिक स्कुल कम्पाउण्ड भित्र पार्किङ गरी राखेको बसमा आगोलागी भएको छ। आज राती १२:१५ बजेको समयमा स्कुल कम्पाउण्ड भित्र पार्किङ गरी राखेको को १ क ११६५ नम्बरको मिनि बसमा अचानक आगोलागी भएको थियो। घटनाबारे खबर प्रप्त हुनासाथ जिल्ला प्रहरी कार्यालय सुनसरीबाट प्रहरी टोली खटिएको थियो। दमकल र प्रहरीको सहयोगमा  सोही राती १२:३५  बजे आगो पूर्ण रुपमा नियन्त्रणमा लिईएको थियो । आगलागीबाट गाडी को आगाडिको भाग र ईन्जिन जली आधा भाग पूर्ण रुपमा क्षती भएको छ। हाल सम्म आगलागीको कारण खुल्न नसकेकोले अनुसन्धान कार्य भै रहेको उक्त कार्यालयले जनाएको छ।
पोखरीमा डुबेर मृत्यु
मोरङ, आश्विन ११ गते ।

मोरङको ग्रामथान गाउँपालिका-२ झोराहाट स्थित प्रणाम इट्टा भट्टाको हाता भित्र रहेको पोखरीमा डुब्दा १ जनाको मृत्यु भएको छ । पोखरी रेखा देख गर्दै आएका जिल्ला भोजपुर घर भएका अन्दाजि वर्ष ३५ को सुक्र धन राई आश्विन १० गते दिउँसो ४ बजेको समयमा एउटा पोखरी बाट अर्को पोखरीमा माछाको भुर्रा सार्ने क्रममा हराई बेपत्ता भएका थिए। घटनाबारे जानकारी पाउनासाथ तत्काल प्रहरी चौकी झोराहाटबाट खटिएको प्रहरी टोलीले स्थानीयको सहयोगमा खोजतलास गर्ने क्रममा आज बिहान ०६:४० बजे पोखरीमा राईको शव फेला पारेको थियो । घटनास्थल सम्बन्धी आवश्यक कानूनी प्रकृया पूरा गरी शवलाई पोष्टमार्टमका लागि कोशी अंचल अस्पताल लगिएको जिल्ला प्रहरी कार्यालय मोरङले जनाएको छ ।
माछा मार्नेक्रममा बिबाद हुँदा १ घाइते
सुनसरी, आश्विन ११ गते ।

सुनसरी जिल्लाको भोक्राहा गाउँपालिका-१ स्थित नहरमा माछा मार्ने क्रममा बिबाद हुँदा १ जना घाइते भएका छन । आश्विन १० गते बेलुकी ९ बजेको समयमा सोही स्थान बस्ने अन्दाजी बर्ष ४० को कृष्ण रिसिदेव, बर्ष ३० को रन्जित उराउ, बर्ष २० को फुलदेव उराउ, अन्दाजी बर्ष २५ को अभनलाल उराउ बिच माछा मार्ने क्रममा बिवाद उत्पन्न भई टर्च लाईटले टाउकोमा प्रहार गर्दा कृष्ण रिसिदेव गम्भिर घाइते भएका छन् । घटनाबारे जानकारी पाउनासाथ प्रहरी चौकी भोक्राहाबाट खटिएको प्रहरी टोलिले घाइतेलाई उद्धार गरी उपचारकोलागि जिल्ला अस्पताल ईनरुवा पठाएको थियो । घटनामा संलग्न रन्जित उराउ र फुलदेव उराउलाई प्रहरीले पक्राउ गरेको छ भने फरार रहेका अभनलाल उराउको खोजीकार्य भईरहेको जिल्ला प्रहरी कार्यालय सुनसरीले जनाएको छ ।
अबैध चाँदी बरामद
सुनसरी, आश्विन ११ गते ।

सुनसरीको ईनरुवा नगरपालिका-३ सखुवागाछी चोकबाट अबैध ८ किलो चाँदी सहित एकजना पक्राउ परेका छन । जिल्ला प्रहरी कार्यालय सुनसरीबाट खटिएको प्रहरी टोलीले आश्विन १० गते दिउँसो १ बजेको समयमा ईनरुवा-३ सखुवागाछि चोक स्थितमा सवारी चेकजाँचका क्रममा विरगन्जबाट काकरभिट्टा चल्ने मातृभाग्य बसमा सवार भारतीय नागरिक बर्ष-४४ को बिश्वनाथ जानाले साथमा लुकाई ल्याएको-८ केजी  चाँदिको तयारी गरगहना सहित भारतिय रुपैया ४२२० र नेपालि रुपैया ५४४० समेत बरामद गरी निजलाई नियन्त्रणमा लिएको र आवश्यक अनुसन्धानको लागि जिल्ला प्रहरी कार्यालय सुनसरीमा राखिएको उक्त कार्यालयले जनाएको छ ।

सुरक्षा बैठक सम्पन्न
बिराटनगर, आश्विन १० गते ।

नजिकिदै गरेको चाडपर्वहरुलाई लक्षित गरी आज १ नं. प्रदेश प्रहरी कार्यालय बिराटनगरका प्रमुख प्रहरी नायव महानिरीक्षक केदार रिजालले बुधबार मातहतका प्रहरी कर्मचारीहरुसंग भेटघाट गर्नु भएको छ ।

पूर्व क्षेत्रिय प्रहरी तालिम केन्द्रको सभा हलमा प्रदेश प्रहरी कार्यालयले आयोजना गरेको उक्त  सुरक्षा बैठक सम्पन्न भएको थियो। कार्यक्रममा बोल्नुहुदै प्रहरी नायब महानिरीक्षकले नजिकिदै गरेको पर्वहरुमा चोरी, लुटपाट तथा जघन्य अपराधका घटनाहरु बढने सम्भावना भएको हुँदा सम्बन्धित स्थानीय प्रशासन, संघ संस्थाहरुसंग समन्वय गरेर जनताहरुलाई  भरपर्दो सुरक्षा प्रदान गर्न समेत निर्देशन दिनुभयो।
 
बैठकमा पूर्व क्षेत्रिय प्रहरी तालिम केन्द्रका समादेशक प्रहरी वरिष्ठ उपरीक्षक सहकुल बहादुर थापा, जिल्ला प्रहरी कार्यालय झापाका प्रहरी प्रमुख प्रहरी उपरीक्षक भिम प्रसाद ढकाल, जिल्ला प्रहरी कार्यालय सुनसरीका प्रहरी प्रमुख प्रहरी उपरीक्षक राजन अधिकारी, जिल्ला प्रहरी कार्यालय मोरङका प्रहरी प्रमुख प्रहरी उपरीक्षक मनोज के.सी.,सशस्त्र गण मुख्यालय रानीका गणपती प्रहरी उपरीक्षक सुदर्शन प्रसाद कोइराला, प्रदेश ट्राफिक प्रहरी कार्यालयका प्रहरी प्रमुख प्रहरी उपरीक्षक रवि कुमार पौडेल, दंगा नियन्त्रण प्रहरी गण दुहबीका गणपति अनुराग कुमार द्विवेदी ईलाका प्रहरी कार्यालयका कार्यालय प्रमुखहरु मोरङ, सुनसरी र झापा जिल्लाको सिमानामा अवस्थित प्रहरी इकाईका प्रहरी प्रमुखहरुको उपस्थिती रहेको थियो।